Post: #1
Title: زياده فى سعر جالون البنزين الى 10 جنية بدلا من 8.5 جنية الشعب يريد ابق
Author: محمد عادل
Date: 11-14-2011, 09:28 PM
زياده فى سعر جالون البنزين الى 10 جنية بدلا من 8.5 جنية الشعب يريد ابقاء النظام
اليوم حصلت الزياده ومتوقع بان يزيد سعر الجالون اكثر لسد العجز فى الموازنه
|
Post: #2
Title: Re: زياده فى سعر جالون البنزين الى 10 جنية بدلا من 8.5 جنية الشعب يريد
Author: عثمان محمد كرار
Date: 11-14-2011, 10:17 PM
Parent: #1
مشكورين ناس الانقاذ انهم استخرجوه من باطن الارض وانو موجود ومافي صفوف ....
الكرور بتاعنكم ديل لما كانو ماسكين كان غالي ومعدوم ...البنزين خليه الرغيف كان صفوف ومعدون ..
وسير سير يابشير والشعب يريد ابقاء النظام وحايبقي رضيت ام ابيت والميزانبه كيف مايكون فيها عجز وانتو عوض الجاز قال اشتراكم بي قروش البترول
|
Post: #3
Title: Re: زياده فى سعر جالون البنزين الى 10 جنية بدلا من 8.5 جنية الشعب يريد
Author: خضر الطيب
Date: 11-14-2011, 11:59 PM
Parent: #2
الحبيب محمد عادل
لك التحيه والتقدير
يعتقد هذا النظام الفاسد بانه سيقود الشعب كالقطيع من الاغنام
ولكن ليعلم بان للصبر حدود
اصبح هذا النظام الفاسد محاصرا ومغيبا اقليميا ودوليا
ومن يتحكمون في امر هذه الزيادات هم مراكز القوى
كما كان يحدث ايام النميرى
التاريخ دائما يعيد نفسه وبالذات في ظل الانظمه الشموليه
اما حديث الاخ عثمان كرار فهو حديث مردودا عليه
اذا كان هذا منطق من يحمل اعلى المؤهلات فعلى السودان السلام
الشعب يريد اسقاط النظام
يرونها بعيده ونراها قريبه
وسيرى الذين ظلموا اي منقلب سينقلبون
الا لعنة الله عليهم وعلى من والاهم من المرتزقه والمنتفعين
|
Post: #5
Title: Re: زياده فى سعر جالون البنزين الى 10 جنية بدلا من 8.5 جنية الشعب يريد
Author: عثمان محمد كرار
Date: 11-15-2011, 03:43 AM
Parent: #3
الاخ خضر التحيه لك ياخي والعفو..
وماتحرق دمك مع مواضيع محمد عادل دا انا بدور وبهيج فيه ساي...
ديل بجوعرو ساي وقابضين حقهم وبايعين القضيه وهم معضلة تقدم السودان في الحكومه كانو ام المعارضه فهم خصما علي الاثنين
تسمع جعجعه ولاتري طحينا
|
Post: #4
Title: Re: زياده فى سعر جالون البنزين الى 10 جنية بدلا من 8.5 جنية الشعب يريد
Author: Haju Muktar
Date: 11-14-2011, 11:59 PM
Parent: #2
ما مشكله تزيدو البنزين
زي ما قال نميري في اخر ايامو في واحد من خطابتو لمن كان في مشكلة وقود قال اركبوا الحمير
هسع يامشير
شعبك يركب الحمير
ده التأصيل يا ريس
تحياتي
|
Post: #6
Title: Re: زياده فى سعر جالون البنزين الى 10 جنية بدلا من 8.5 جنية الشعب يريد
Author: مصطفى توفيق
Date: 11-15-2011, 04:12 AM
Parent: #4
وبعد هذه الزيادات يبقى الجاى اسواء وهذا يدل على نهاية هذه البلد نهاية سيئة نتيجة لآفكار هذه الحكومة الذكية التى لا تفكر الا فى مصلحتها
ناكل مما نزرع ونلبس مما نصنع والجاتك فى مالك سامحتك
وعشنا وياما حنشوف
|
Post: #7
Title: Re: زياده فى سعر جالون البنزين الى 10 جنية بدلا من 8.5 جنية الشعب يريد
Author: عادل نجيلة
Date: 11-15-2011, 04:28 AM
Parent: #2
Quote: مشكورين ناس الانقاذ انهم استخرجوه من باطن الارض وانو موجود ومافي صفوف ....
الكرور بتاعنكم ديل لما كانو ماسكين كان غالي ومعدوم ...البنزين خليه الرغيف كان صفوف ومعدون .. |
كذاب !
|
Post: #8
Title: Re: زياده فى سعر جالون البنزين الى 10 جنية بدلا من 8.5 جنية الشعب يريد
Author: المكاشفي الخضر الطاهر
Date: 11-15-2011, 06:13 AM
Parent: #7
الاخ محمد عادل
انت ويا بلدي يا حبوب قطعتو قلبنا القاليكم منو حصلت زيادة
انا اليوم مشيت اتحقق مالقيت اي زيادة (وكبيت ) بعشرين جنيه وما في اي زيادة سالت بتاع الطلمبة يا زول انت بصح البنزين دا زادوه قال لي ما في زيادة جاتنا
|
Post: #9
Title: Re: زياده فى سعر جالون البنزين الى 10 جنية بدلا من 8.5 جنية الشعب يريد
Author: احمد محمد احمد عتيق
Date: 11-15-2011, 06:35 AM
Parent: #8
Quote: الاخ محمد عادل
انت ويا بلدي يا حبوب قطعتو قلبنا القاليكم منو حصلت زيادة
انا اليوم مشيت اتحقق مالقيت اي زيادة (وكبيت ) بعشرين جنيه وما في اي زيادة سالت بتاع الطلمبة يا زول انت بصح البنزين دا زادوه قال لي ما في زيادة جاتنا |
يا اخوي كدي ورينا الطرمبة دي وين ولا الطلمبة ..عشان نلحق نكب قبل ما تجيهو الزيادة !!!! وبعدين انتو مشكلتكم الزيادة ولا محمد عادل ؟؟؟؟ كدي خلينا من البنزين والذي تاكد زيادته ..مافي شك ..زيادة السكر كيف ؟؟؟ ما لقيت بتاع سكر لسع ببيع بالسعر القديم ؟؟؟
يا جمااااااااااعة ...خلوها مستورة ...
|
Post: #10
Title: Re: زياده فى سعر جالون البنزين الى 10 جنية بدلا من 8.5 جنية الشعب يريد
Author: ابن عفان
Date: 11-15-2011, 08:10 AM
Parent: #9
الزيادة دى كتيمى و لا غير مرئية. ما سمعنا بها فى الاخبار.
|
Post: #11
Title: Re: زياده فى سعر جالون البنزين الى 10 جنية بدلا من 8.5 جنية الشعب يريد
Author: محمد أبوالعزائم أبوالريش
Date: 11-15-2011, 09:22 AM
Parent: #10
Quote: اعلن بنك السودان امس تثبيت سعر الدولار في حدود 2,66 جنيه، بينما اكدت لجنة برلمانية بأن العشرة اشهر المقبلة ستمثل “اوقاتا صعبة” للحكومة والمواطن، وايدت لجنة الطاقة والتعدين بالبرلمان الاتجاه نحو رفع الدعم عن البنزين مع ابقائه على الجازولين .
وقال رئيس لجنة الطاقة محمد يوسف في تصريحات صحافية امس ان هناك جملة تحديات تواجه الدولة والمواطن خلال العام المقبل تتمثل في انخفاض نصيب السودان من النفط، وبالتالي تأثير ذلك على الميزانية القومية وميزان المدفوعات وعلى خطط التنمية للمرحلة المقبلة، وزاد “الصعوبة الحقيقية في العشرة شهور المقبلة وبعد ذلك يمكن للاوضاع ان تمضي للاحسن”. واوضح ان الفجوة في النفط الان كبيرة لاسيما وان نصيب السودان والجنوب معا من نفط الجنوب قبل الانفصال كان 261 الف برميل يوميا والباقي للشركات المنتجة كتكلفة انتاج، واشار الى وجود ما ا?ماها بالبشريات بنهاية العام 2012م بارتفاع كمية النفط المنتجة الى 180 الف برميل يوميا، واكد ان ذلك بإمكانه اعادة التوازن بشكل معقول للاقتصاد السوداني.
وقطع يوسف بتبني لجنته منذ العام الماضي زيادة اسعار البنزين برفع الدعم الحكومي عنه مع ابقاء الدعم على الجازولين، وقال ان الحكومة الان تشتري المشتقات النفطية بالسعر العالمي وتبيعه للمصافي بسعر مدعوم بسعر 49 دولارا للبرميل، و“الفرق كبير بين السعرين” وزاد “بحسب السعر العالمي ووفقا للاعلان الاخير لبنك السودان بتحديد سعر الدولار بـ 2,66 جنيه، فإن سعر الجالون يقع بـ13,3 جنيه ويباع حاليا بـ8,5 جنيه بدعم للجالون الواحد 4,8 ما يعني ان الحكومة تدعم البنزين بنسبة 36% والجازولين بأكثر من 50%.
وافاد بأن الخيار لدى الدولة اما ان تستمر في الدعم او ترفعه، لكنه اكد ان رأي لجنته زيادة اسعار البنزين مع المحافظة على شكل الدعم الخاص بالجازولين باعتبار ان الاخير يتعلق بالشرائح الضعيفة والفقيرة، ويدخل في وسائل الانتاج بأشكالها المختلفة الزراعية وغيرها وايضا في توليد الطاقة الكهربائية بينما البنزين تستهلكه الشرائح المقتدرة.
وقال رئيس لجنة الطاقة انه في حال ارتفاع سعر جالون البنزين ما بين 15 الي 20 جنيها فسيكون افضل “لأنو العاملين زحمة ديل عندهم قروش وممكن يدفعوا”، واكد ان استهلاك الجازولين يساوى ثلاثة اضعاف او اكثر استهلاك البنزين الذي يستهلك سنويا بأكثر من 300 الف طن والجازولين بما يقارب الثلاثة ملايين طن. |
المصدر
|
Post: #12
Title: Re: زياده فى سعر جالون البنزين الى 10 جنية بدلا من 8.5 جنية الشعب يريد
Author: محمد عادل
Date: 11-15-2011, 09:34 AM
Parent: #11
عثمان بكينى احمر ماتخليك مؤدب
|
Post: #13
Title: Re: زياده فى سعر جالون البنزين الى 10 جنية بدلا من 8.5 جنية الشعب يريد
Author: عثمان محمد كرار
Date: 11-15-2011, 08:38 PM
Parent: #12
| Quote: عثمان بكينى احمر ماتخليك مؤدب |
البكيني لبسكم ليه عوض الجاز والاخوان ماقصرو دقولو عشره بلدي ورئصني ياقدع ... ياابواحمر عشان كده تيب من دبييل ماتدول لي تدي بتحب اللون الاحمر?دا سر الجلابيه الحمره.. الجلابيه كاااااك..
تعال ادبني وماتنسي فاقد الشي لايعيه
|
|