Post: #1
Title: الحكومة ترفع اسعار البنزين
Author: بلدى يا حبوب
Date: 11-14-2011, 07:55 PM
Parent: #0
تفأجا اصحاب العربات فى محطات الوقود بارتفاع اسعار النزين الى 10 جنيه بعد ان كان 8.50 اى ان الزيادة جنيه ونصف
والان يعانى المواطنين من عدم وجود للحافلات وعربات التاكسى والامجاد والركشات من الوصول الى منازلهم
نواصل
|
Post: #2
Title: Re: الحكومة ترفع اسعار البنزين
Author: احمد محمد بشير
Date: 11-14-2011, 07:59 PM
Parent: #1
10 الالاف سعر الجالون؟؟
يعني 4 دولار !!
لاحول ولاقوة الا بالله
|
Post: #3
Title: Re: الحكومة ترفع اسعار البنزين
Author: معتصم محمد صالح
Date: 11-14-2011, 08:13 PM
Parent: #2
دولارين ونص يا احمد
تحياتي
|
Post: #4
Title: Re: الحكومة ترفع اسعار البنزين
Author: abdelrahim abayazid
Date: 11-14-2011, 08:24 PM
Parent: #3
حكومة ما عندها مصدر واحد للدخل سوي المواطن ماذا تتوقعون؟
|
Post: #5
Title: Re: الحكومة ترفع اسعار البنزين
Author: بلدى يا حبوب
Date: 11-14-2011, 08:44 PM
Parent: #4
الاخ/ احمد
الاخ/ معتصم
اكيد ستكون هنلك زيادة فى السلع الغذائية والمواصلات التى تعمل بالنزين ولا ننسى نقل المرضى للمستشفيات والزيارات الاسرية التى تتطلب التحرك بالعربات التجارية واتوقع ان ترفع اسعار الاسعافات لنقل المرضى فى الحالات التى تتطلب ؟؟؟
تحياتى
|
Post: #6
Title: Re: الحكومة ترفع اسعار البنزين
Author: سعد مدني
Date: 11-14-2011, 08:47 PM
Parent: #4
الناس بعد كدا تسوى شنو!!
اي حاجة بقت اسعارا فى السما..
الناس بقت معتمدة علي المغتربين ( اكثر من 10 مليون مغترب حسب الاحصائيات الاخيرة)
يعنى نص سكان السودان برة، برسلو لاهلهم عشان ياكلو و يشربو، و الاسعار ماشة
كل يوم فى زيادة.
اسعار الدواء تضاعفت بفعل ارتفاع زيادة الدولار
كما زادت اسعار الكثير من السلع الغذائية لنفس السبب
و سوف تزيد اسعار تذاكر المواصلات
و اسعار نقل البضائع و المحاصيل الزراعية
و هكذا نخش فى Vicious circle
و اخيراً تمت الحيكومة الناقصة و زادت اسعار
السكر و الرغيف و المحروقات...
و الشعب محتار يعمل شنو..كأن علي رؤسهم الطير..ساكتين و ممحنين...
|
Post: #7
Title: Re: الحكومة ترفع اسعار البنزين
Author: احمد محمد بشير
Date: 11-14-2011, 08:59 PM
Parent: #4
| Quote: دولارين ونص يا احمد |
ده بي حسان السوق الاسود يا اخ معتصم
انا حسبتها على حسب سعر الصرف بتاع بنك السودان يا اخ معتصم
مش هما بيقولو سعر الصرف 2 حنيه وشوية؟
المهم دي ما قضية .. البوست
المهم انه السعر ارتفع لي 10 جنية واكيد عامة الناس ما بتقدر للسعر دة
وكما هو معلوم انه اي حاجة حا تزيد في البلد نسبة لانه
اي حاجة مرتبطة بالنقل و النقل بيعتمد على اسعار الوقود.
يااااااخ
الحكومة دي فاشلة وماقادرة تتحكم في اي شيء
و اقرب مثال شوف الدولار بي كم في السوق الاسود
وبي كم في التسعيرة بتاعة بنك السودان !!
يا اخ دي بلد تطم البطن
Quote: سعار عملات 14-11-2011
الصفحة الرئيسية » Exchange Rates
العملة شراء بيع متوسط
الدولار 2.6702 2.6836 2.6769 |
http://www.cbos.gov.sd/currency_archive
|
Post: #8
Title: Re: الحكومة ترفع اسعار البنزين
Author: شرف الدين آدم إسماعيل
Date: 11-14-2011, 09:10 PM
Parent: #7
وتتوالي الخستكات...
فعلا .. حيكومة لاتفقه شيئا في علم الدبارة وتصريف الامور...
ومكسوفين يقولوا ... البترول بتاع الجنوب فرق معانا...
قلت لي موجة من زيادة الاسعار ؟
بل توقعوا الاسوء ...
بل طوفان من زيادات الاسعار.....
|
Post: #9
Title: Re: الحكومة ترفع اسعار البنزين
Author: jini
Date: 11-14-2011, 09:11 PM
Parent: #7
موش البنزين حقهم!
هم حرين يرفعوا سعرو او يخفضوهو علي كيفهم!
اما ناس حشريين بشكل!
جنى
|
Post: #23
Title: Re: الحكومة ترفع اسعار البنزين
Author: محمد الكامل عبد الحليم
Date: 11-15-2011, 10:40 AM
Parent: #9
تحية...
بعدما تم قضم ثلث مساحة الوطن بدأ مسلسل قضم واكل الشعب ..
|
Post: #10
Title: Re: الحكومة ترفع اسعار البنزين
Author: احمد محمد بشير
Date: 11-14-2011, 09:13 PM
Parent: #7
Quote:
الناس بعد كدا تسوى شنو!!
اي حاجة بقت اسعارا فى السما..
الناس بقت معتمدة علي المغتربين ( اكثر من 10 مليون مغترب حسب الاحصائيات الاخيرة)
يعنى نص سكان السودان برة، برسلو لاهلهم عشان ياكلو و يشربو، و الاسعار ماشة
كل يوم فى زيادة.
اسعار الدواء تضاعفت بفعل ارتفاع زيادة الدولار
كما زادت اسعار الكثير من السلع الغذائية لنفس السبب
و سوف تزيد اسعار تذاكر المواصلات
و اسعار نقل البضائع و المحاصيل الزراعية
و هكذا نخش فى Vicious circle
و اخيراً تمت الحيكومة الناقصة و زادت اسعار
السكر و الرغيف و المحروقات...
و الشعب محتار يعمل شنو..كأن علي رؤسهم الطير..ساكتين و ممحنين... |
بالضبط كدة يا عزيزي
الاعتماد كله اصبح على المغتربين
وبعد ده كله يجوا يقولو ليك النا سالبرة السودان ديل ما من حقهم يتكلمو في السياسة!
يا اخ قبل شوية كان معاي واحد زميل في الفيسبوك و الله ورمني عديل كده
كان بيقول انه المغترب ما من حقو يتكلم في السياسة
قولتا ليه طيب اطلعو الشارع و اعتمدو على نفسكم !!
تاني انا غايتو ما بحرش اي زول يطلع مظاهرات ليدين حكومة الباطل
اهو ده الشارع قدامكم ... و الله حالة تقرف ياخ .. المسئولين ديل ما بيخافو الله.
|
Post: #11
Title: Re: الحكومة ترفع اسعار البنزين
Author: المكاشفي الخضر الطاهر
Date: 11-14-2011, 09:52 PM
Parent: #10
أنا ارفض هذه الزيادة في اسعار الوقود
لانها ستتسبب في انهيار الاقتصاد السوداني وتسبب في زيادة تذكرة المواصلات على المواطب المسكين
وتزيد بذلك كل السلع الاستهلاكية
لماذا تقدم الحكومة على خطوة كهذه والمواطن المسكين المسحوق يكابس في حق القوت ويتفاجأ بالزيادة
ماذا نفعل نحن ماذا نفعل ؟
أين النقابات ؟ اين نقباء الشعب ؟
ماذا نفعل نحن ؟
إنا لله وإنا اليه راجعون مصيبة هذه مصيبة كبيرة اكبر مصيبة وسيكون مردودها سلبي على المواطنين المساكين
موظفو الخدمة المدنية لا حيلة لهم ولا يستطيعوا ان يقاوموا هذه الزيادة ابدا لانها ستعود عليهم بالطامة الكبرى
هذه مصيبة
|
Post: #12
Title: Re: الحكومة ترفع اسعار البنزين
Author: jini
Date: 11-14-2011, 09:59 PM
Parent: #11
| Quote: المكاشفي الخضر الطاهر |
لان شكرتم لازيدنكم
جني
|
Post: #13
Title: Re: الحكومة ترفع اسعار البنزين
Author: jini
Date: 11-14-2011, 09:59 PM
Parent: #11
| Quote: المكاشفي الخضر الطاهر |
لان شكرتم لازيدنكم
جني
|
Post: #14
Title: Re: الحكومة ترفع اسعار البنزين
Author: المكاشفي الخضر الطاهر
Date: 11-14-2011, 10:02 PM
Parent: #13
يا جني عليك الله شوف لينا فيزا ان شاء الله .........................!!
|
Post: #15
Title: Re: الحكومة ترفع اسعار البنزين
Author: abdelrahim abayazid
Date: 11-14-2011, 10:13 PM
Parent: #14
تعرفي يا جني
شكلها جايبة ليها انقلاب
ما دام فشلت الحكومة في تكوين حكومتها الجديدة من زمن
العيد جاء
والناس رجعت من الحج
ما عارفين منتظرين شنو؟
يا ربي يكونوا منتظرين نتائج تصفيات الربيع العربي؟
|
Post: #16
Title: Re: الحكومة ترفع اسعار البنزين
Author: محمد أبوالعزائم أبوالريش
Date: 11-14-2011, 10:26 PM
Parent: #15
| Quote: أنا ارفض هذه الزيادة في اسعار الوقود |
ما قصّرت والله
| Quote: لماذا تقدم الحكومة على خطوة كهذه والمواطن المسكين المسحوق يكابس في حق القوت ويتفاجأ بالزيادة |
نفس الخلاّها تتبرع للمصريين بي 20 ألف راس ضان، والمواطن المسكين يكابس ....... إلخ.
|
Post: #17
Title: Re: الحكومة ترفع اسعار البنزين
Author: Al-Shaygi
Date: 11-14-2011, 10:57 PM
Parent: #3
Quote:
دولارين ونص يا احمد
|
يعني فرقت شنو؟
يا معتصم عامل لي إبتسامتك دي ....
زي بوليس الحركة الدق لي سواق اللوري على جيبو وقال ليه عامل لي محفظتك الكبيرة دي بعد ما لقى عندو مخافة....
يعني إت وقادر الله يزيدك أضعاف مضاعفة وألهم لا حسادة....
لكن يابا الشعب الفضل كان أصلو في شعب فضل لأن الفضل (غير ذوي القربى بأي شكل) أصبحوا هياكل تمشي على أقدام...
مجاعة سنة ستة لا أستغرب تكرارها يابا ،،، أن تجد بيوتاً بها أجداث أطفال مكبلة بالعناكريب لكي لا يستجدوا تجار الدين والرأسمالفساد...
معنصم يا أخوي عشرة آلاف ولا عشرة جنيهات خايسه من العملات التي إبتدعوها عبر السنين العجاف الآن تساوي عشر ريالات سعودية محل إقامتي وبهذه العشرة أعبيء التنك بـ 5.5 جالووووووون...
وقبل يومين زاد الرغيف ....
ولسه ما عارفين البيزيدوه تاني شنو.....
طيب بعد ده كله .....
القذافي كان أرحم بشعبه الماثار على الجوع....
غايتو
العندو رقشه (مش ركشه) يتخارج ويشوف ليهو وطن بديل ونحن راجعين راجعين كان ما أجلنا إنتهى قبل عقودنا....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #18
Title: Re: الحكومة ترفع اسعار البنزين
Author: Haju Muktar
Date: 11-15-2011, 01:18 AM
Parent: #17
زادو سعر البنزين عشان العربات البستفيدوا منها الناس العندهم قروش
ونحن الغبش ديل ماعندنا عربات بنركب الحمير لادايرين بنزين ولا حق البرسيم
وده جزء من سياسات البشير
انتو زعلانين ليه
بشه تحفه
تحياتي
|
Post: #19
Title: Re: الحكومة ترفع اسعار البنزين
Author: المكاشفي الخضر الطاهر
Date: 11-15-2011, 07:29 AM
Parent: #18
بلدي يا حبوب قطعتا قلبنا يا اخي
انا الصباح دا عبيت بنزين لا في زيادة ولا يحزنون ,
الكلام دا جبتو من وين كدا جيب لينا مصدرك لانو بتاع الطلمبة قال لي ما في زيادة نفس السعر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #20
Title: Re: الحكومة ترفع اسعار البنزين
Author: ود الباوقة
Date: 11-15-2011, 09:00 AM
Parent: #3
| Quote: دولارين ونص يا احمد |
انت عارف يا معتصم احمد دا بكون قاصد الدولار الكندي
والله اعلم
|
Post: #21
Title: Re: الحكومة ترفع اسعار البنزين
Author: ابن عفان
Date: 11-15-2011, 09:23 AM
Parent: #20
يا جماعة أدونا خبر أكيد فى زيادة و ولا ما زيادة. ود الباوقة إنت مش من ناس الميرى (الحيكومة) ما سمعت حاجة.
بعدين أنا قريت إنوا أسعار المكالمات زادوها. هسى يعنى نمنع النسوان من الربربة فى الموبالات ولا شنو.
|
Post: #22
Title: Re: الحكومة ترفع اسعار البنزين
Author: محمد أبوالعزائم أبوالريش
Date: 11-15-2011, 10:24 AM
Parent: #21
Quote: اعلن بنك السودان امس تثبيت سعر الدولار في حدود 2,66 جنيه، بينما اكدت لجنة برلمانية بأن العشرة اشهر المقبلة ستمثل “اوقاتا صعبة” للحكومة والمواطن، وايدت لجنة الطاقة والتعدين بالبرلمان الاتجاه نحو رفع الدعم عن البنزين مع ابقائه على الجازولين .
وقال رئيس لجنة الطاقة محمد يوسف في تصريحات صحافية امس ان هناك جملة تحديات تواجه الدولة والمواطن خلال العام المقبل تتمثل في انخفاض نصيب السودان من النفط، وبالتالي تأثير ذلك على الميزانية القومية وميزان المدفوعات وعلى خطط التنمية للمرحلة المقبلة، وزاد “الصعوبة الحقيقية في العشرة شهور المقبلة وبعد ذلك يمكن للاوضاع ان تمضي للاحسن”. واوضح ان الفجوة في النفط الان كبيرة لاسيما وان نصيب السودان والجنوب معا من نفط الجنوب قبل الانفصال كان 261 الف برميل يوميا والباقي للشركات المنتجة كتكلفة انتاج، واشار الى وجود ما ا?ماها بالبشريات بنهاية العام 2012م بارتفاع كمية النفط المنتجة الى 180 الف برميل يوميا، واكد ان ذلك بإمكانه اعادة التوازن بشكل معقول للاقتصاد السوداني.
وقطع يوسف بتبني لجنته منذ العام الماضي زيادة اسعار البنزين برفع الدعم الحكومي عنه مع ابقاء الدعم على الجازولين، وقال ان الحكومة الان تشتري المشتقات النفطية بالسعر العالمي وتبيعه للمصافي بسعر مدعوم بسعر 49 دولارا للبرميل، و“الفرق كبير بين السعرين” وزاد “بحسب السعر العالمي ووفقا للاعلان الاخير لبنك السودان بتحديد سعر الدولار بـ 2,66 جنيه، فإن سعر الجالون يقع بـ13,3 جنيه ويباع حاليا بـ8,5 جنيه بدعم للجالون الواحد 4,8 ما يعني ان الحكومة تدعم البنزين بنسبة 36% والجازولين بأكثر من 50%.
وافاد بأن الخيار لدى الدولة اما ان تستمر في الدعم او ترفعه، لكنه اكد ان رأي لجنته زيادة اسعار البنزين مع المحافظة على شكل الدعم الخاص بالجازولين باعتبار ان الاخير يتعلق بالشرائح الضعيفة والفقيرة، ويدخل في وسائل الانتاج بأشكالها المختلفة الزراعية وغيرها وايضا في توليد الطاقة الكهربائية بينما البنزين تستهلكه الشرائح المقتدرة.
وقال رئيس لجنة الطاقة انه في حال ارتفاع سعر جالون البنزين ما بين 15 الي 20 جنيها فسيكون افضل “لأنو العاملين زحمة ديل عندهم قروش وممكن يدفعوا”، واكد ان استهلاك الجازولين يساوى ثلاثة اضعاف او اكثر استهلاك البنزين الذي يستهلك سنويا بأكثر من 300 الف طن والجازولين بما يقارب الثلاثة ملايين طن. |
المصدر
|
Post: #24
Title: Re: الحكومة ترفع اسعار البنزين
Author: أيمن التوم حسن
Date: 11-15-2011, 11:20 AM
Parent: #22
لا حول ولا قوة الا بالله ,,,, نقضيها كدارى والا شنو
طلعتو بنزينا زاتو الله يطلع ..........
|
Post: #25
Title: Re: الحكومة ترفع اسعار البنزين
Author: Hisham Ibrahim
Date: 11-15-2011, 12:18 PM
Parent: #24
هي الحكومة دي نزلت شنو قبل كدا في تاريخها العريض دا ؟
|
Post: #26
Title: Re: الحكومة ترفع اسعار البنزين
Author: المكاشفي الخضر الطاهر
Date: 11-15-2011, 01:42 PM
سبحان الله
انا بعرف زول ما هيتو خمسمائة جنيه ولو زادو البنزين حايصرف بنزين ب 300جنيه دا غير غيار الزيت والمصافي اها يا جماعة ال 200 جنيه دي بتكفيهو ؟
|
Post: #27
Title: Re: الحكومة ترفع اسعار البنزين
Author: هاشم نوريت
Date: 11-15-2011, 03:12 PM
Parent: #26
اعتقد انها ابتلاءات يا المكاشفى احتسب
الله هونينى
|
Post: #28
Title: Re: الحكومة ترفع اسعار البنزين
Author: بلدى يا حبوب
Date: 11-16-2011, 01:09 PM
Parent: #27
للجميع الشكر على المعلومات
كان من المتوقع ان تعمم زيادة سعر البنزين عبر محطات الوقود وقد لاحظ البعض عدم وجود مواصلات فى ذلك اليوم وبعض محطات الوقود كانت خزاناتها خالية من البنزين .
وكعادة حكومة الانقاذ يتخذ القرار ثم يأتى قرار اخر والدليل التصريحات عبر الصحف فى صباح اليوم الثانى وحتى اليوم لا نفى ولا تأكيد كما اكدت ردود بعض الزملاء فىالبوست
والقرارت السياسية التى تدخل فى حياة المواطن قبل اتخاذها تعم القرى والحضر
تحياتى
|
|