كورال كلية الموسيقى والدراما ....وإجترار الجرة .... يوجدفقع مرارة ..!

عليكم الله شفتوا ليكم فقع مرارة بالمستوى ده قبل كده ؟؟؟
بالله أي زول حضر حلقة الجماعة ديل يجينا بي هنا ..
وأي زول عندو علاقة بالمزيكا عايزين رأيو في المرض ده ....
وكلكم بتفهموا في المزيكا ..

أنا شفت الحلقة، وبصراحة لم يعجبني الكورال ولا الأصوات ولا الموسيقى نفسها. و بإعتباري ما متخصص في الموسيقى بلعت الموضوع على اعتبار إنو دا ممكن يكون نمط موسيقي متخصص جداً و ناس قريعتي راحت مثلي لا نفهم هذه الانماط.
لكن طالما جاء النقد من متخصص، فهذا يعني أن ذوقي الفني سليم.

تحياتي أخي عثمان

كنت أتوقع كغيري وكشيئ بديهي أن أسمع من كورال ( كلية) الموسيقى والراما شيئ يتناسب مع الكلية ..والتخصص
وكنت أتوقع أن أسمع شيئاً مختلفاً ..
مضمونا وشكلاً ...
لكنه لم يكن إلا إجترارا وتكرار للأغاني والأعمال الغنائية البسيطة والمعروفة والمشكلة إنها بنفس أسلوبها ..
لم ألحظ أي إضافات تذكر على شكل الأداء ..
وكأن هؤلاء لم يسمعوا بأي من علوم الموسيقى من هارموني وكاونتر بوينت و و و
لماذا لم نر من هذه الأشياء إلا لمسات خجولة هنا وهناك ...
لمسات شنو ... أنا لاحظت في أداء أحد الاعمال أنه غناء لكل المجموعة وفي خط واااااحد ..
بس بقية المجموعة شغالة ( ركوزات ) إن صح التعبير ..
يعني بتاع جيتار حريف وبيعرف مركبات كويس كان يغنينا ويغني مراراتنا من الفقع ده ومن جمهور المجموعة المتخصصة ركوزات ديل ..
وقد قال ( مبتدع ) الفكرة في المقابلة أنه حلم ولا صحى فجأة كده وجاتو الفكرة دي وطوالي مشى فتح الغرفة وثبتها ....!
حتى الآن ما عارف الفكرة الثبتها الزول ده هي شنو ..

بالله العارف يقول لينا أثابكم الله

بالمناسبة العمل ( الحلموا ) بيهو الشيخ ده أو أقصد الأستاذ ده هو ( أغنية نوم عيني البقى لي سهر ) ..
وأظنها الفكرة والإبتكار العظيم واللي لا يخرج عن كونه ركوزات وكانوا بقولوها كده في نهاية كل جملهة موسيقية أو أثناءهايعني مع الإيقاع ...
للا للا .... للا للا... للا للا ..
والله إن كان في ود حلال لم لينا في المرض ده ونزلوا لينا هنا ...
يفشنا في أم قدومنا أو كما قال ...

يا فنان ....

كتبت رد .... محل طفش ما عرفت ... يكون البوست ده مشوطن؟

عموماً طلبت في مداخلتي (الطاشة) منك، تجيب لينا لينك ... تسجيل ... يوتيوب ... أي حاجة، عشان نشوف الحاصل.