عليكم الله فى داعى نجاتى دا يزور السودان؟؟ نحنا ناقصين؟؟؟

دايما الجماعة ديل فى الجمبة الخطأ من التاريخ

كل قرارتهم غلط

الناس كلها وقفت مع الكويت ضد العراق
جماعتنا الهبل ديل وقفوا مع صدام

زمااااااان لما خلاص الحزب الشيوعى قعد ينهار فى الإتحاد السوفييتى
دراويشنا ديل وقفوا مع الحزب الشيوعى السوفيتى ضد يلاستين
دا كان تعليق أمريكى فى جامعة بوسطن ( من مصدر بروفسور سودانى معه)
الأستاذ الأمريكى بيضحك بإستغراب على تصرفات ناس بتدعى الإسلام وبتقيف مع حزب شيوعى!!!!!!!!!!!

...........

اهن وهسة كمان
لحم أكتاف العورا ديل من خير ناس عندهم عداء من ناس نجاتى ديل يقوموا يمشوا يجيبوهو؟؟؟؟؟
الناس ديل القعد يخطط ليهم منو؟؟؟؟

ول أصلا ما عندهم راس؟؟؟؟

صحى العساكر بلداء ؟؟؟؟
الكلام دا كنا بناقش فيه أمبارح

أنا غايتو كنت من أنصار أنو العساكر مكانهم بر الحدود وليس داخل الحدود
عملهم هناك بيكون أشرف

لكن فى إدارة البلد انا غايتو فى الحتة دى من إنصار العساكر فى الداخل بلداء

والبيقيف معاهم كما ذاتو

هسة عليكم الله أمير قطر دا فى داعى يدعم رئيس بيطلع فى عين وطنه؟؟؟؟
أنا ما عارف متين مسؤولى الدول اللى بتدعم البشير ديل متين ح يحسوا بمعاناة الشعب السودانى
.....

لكن بينى وبينكم :
أنا شايف فى مغتربين كتاااااااااار قعد يطبلوا للبشير والحكومة السودانية فى دول الخليج
الظاهر قعد يوسوسوا لامير قطر دا وبيظهروا ليهو إنو السودانيين بيحبوا رئيسهم

غايتو من زيارتى الأخيرة للسعودية لاحظت إنو فى مغتربين كتار مسطحين
كتار منهم خايفين على أولادهم فى السودان من أثار الفوضى التى قد تصاحب الثورة إذا قامت
عشان كدا بس دايرين السودان دا يكون بس كدا
لذلك يتخيلون أن لا بديل للبشير
بس كدى يخلوا الإغتراب ويقعدوا فى السودان عشان يعرفوا المؤتمر الوطنى على حقيقتو

عواليقين

Quote: عواليقين

هم المؤتمر الوطنى ومن يطبل لهم من غوغائييى الأرض

Quote: و هذا يؤكد أن الإنقاذ قد فشلت تماما في إيجاد دعم مادي حيث لم تستطيع أن تتلقي دعما ماليا من إيران رغم حضور الرئيس الإيراني السودان و كذلك من قطر و المملكة العربية السعودية و من الأمير الوليد أبن طلال و اعتذرت الدول الاسكندنافية لرئيس البرلمان و الصين أيضا اعتذرت باعتبار إن النظام السوداني سوف يدخلها في مشاكل كبيرة مع المجتمع الدولي و كذلك روسيا التي تعتقد إن حكومة الإنقاذ يجب عليها أن تعالج مشاكلها بعيدا عن الحروب كل تلك تؤكد إن الأبواب قد أوصدت في وجه الإنقاذ و عليها أن تواجه مشاكلها الاقتصادية التي لا حل لها و سوف تدفع بعشرات الآلاف من المواطنين تحت مستوي الفقر في ظل حروب في دارفور و جنوب كردفان و النيل الأزرق و سوف تمتد إلي مناطق أخري و عقوبات مفروضة و خزينة خاوية و يعتقد الخبراء الاقتصاديين أن الجنيه السوداني سوف تتدهور قيمته الأمر الذي يزيد التضخم فليس أمام الشعب السوداني حل للمشكلة الاقتصادية سوي الثورة أو الصبر علي الفقر و المذلة من قبل الإنقاذ التي تريد أن تسير في ذات الطريق الذي سار عليه النظام الليبي و تسير عليه كل من سوريا و اليمن الذي لا يتورعون في قتل الناس و لكن لكل نظام ديكتاتوري نهاية. كمال سيف /صحافي سوداني - سويسرا