Post: #1
Title: سودانير والحجاج ورحلة العودة العذاب 6 ساعات في المطار...
Author: الرفاعي عبدالعاطي حجر
Date: 11-12-2011, 10:26 AM
بالامس جلس الحجاج حوالي 6 ساعات في انتظار الطائرة السودانية
.......................................................حجر.
|
Post: #2
Title: Re: سودانير والحجاج ورحلة العودة العذاب 6 ساعات في المطار...
Author: Safa Fagiri
Date: 11-12-2011, 10:49 AM
Parent: #1
تحياتي ومحبتي
يا الرفاعي.
حجا مبرورا وذنبا مغفورا ،
اجر وعافية انشاالله.
|
Post: #3
Title: Re: سودانير والحجاج ورحلة العودة العذاب 6 ساعات في المطار...
Author: walid taha
Date: 11-12-2011, 10:53 AM
Parent: #1
سودانير بتكون ختفت رجلها لغرب إفريقيا حيث "شرتيت" حجاجهم الذى لا يقاوم
يعنى شنو 6 ساعات كويس الماقالوا ليهم تعالو بكره
--
الرفاعي إزاى الحال ياخ وكل عام وانتم بخير
|
Post: #4
Title: Re: سودانير والحجاج ورحلة العودة العذاب 6 ساعات في المطار...
Author: Mohamed Foto7li
Date: 11-12-2011, 01:35 PM
Parent: #3
سلام الرفاعي
والدتي كانت معاهم والله انا كنت خايف لساتك الطيارة ما تتطلع
حمدلله علي سلامت الوصول
وربنا يتقبل
|
Post: #5
Title: Re: سودانير والحجاج ورحلة العودة العذاب 6 ساعات في المطار...
Author: الرفاعي عبدالعاطي حجر
Date: 11-12-2011, 06:59 PM
Parent: #4
فوتو علي حمدا لله على سلامة الوالدة الواحد يسافر بالسودانية وقلبو في يدو في ظل الفساد
بت فقيري وانت كما تتمني موداتي وكل سنة وانت بخير والف الف عافية
وليد طه ازيك يا جميل وكل سنة وانت بخير هي كما تقول مودتي .
............................................................حجر.
|
Post: #6
Title: Re: سودانير والحجاج ورحلة العودة العذاب 6 ساعات في المطار...
Author: Al-Shaygi
Date: 11-12-2011, 07:32 PM
Parent: #5
Quote:
سودانير والحجاج ورحلة العودة العذاب 6 ساعات في المطار...
|
حليلك يا الرفاعي
أخت المره في المطار من الواحدة صباحاً اليوم 12/11/2011 وآخر مرة أتكلمت معاها بالموبايل كان الساعة 5 ونصف مساء وقالت مواعدنهن الساعة ستة؟؟؟
حسي موبايله مقفول يمكن يكون الله فرجا عليهن....
يعني من حضورهم للمطار لآخر مكالمة 17 ساعة ونصف....؟؟؟
ده غير الزرة في البص من مزدلفة لمنى 18 ساعة لافين دايرة وهم جوة البص لعدم توفير دليل من أهل مكة كما تفعل بعثات الدول الأخرى وحملات الحج الداخلية، طبعاً جماعتنا وفروا حق الأدلة لكل باص، رغم أنه مضاف لتكلفة الحاج، وما معروف الوفر ده راح في جيب منو؟
عرفت أنه في حاجة طشت وما وقفت بعرفات وأمير المجموعة ما جايب خبر، وحجها راح شمار في مرقة لأن الحج عرفة، بس إنشاء الله ربنا ما يضيع حقها لا في الدنيا ولا الآخرة ونسأله تعالى أن يكتب ليها حجة مضاعفة، حسب نيتها الجات بيها... آمين...
ومن حجاج الداخل زميل حكي لي بأنهم عثروا على حاجة رايحة وساقوها معاهم لعرفات ورجعوها لمنى وبعد معاناة وصلوها لمجموعتها وبرضو الأمير أب 28 ألف ريال عند العودة زائد الحج 5 نجوم ملح ما جايب خبر....
بالإحصائيات والمشاهدات وعلى ذلك يشهد مغتربوا مكة المكرمة أن أكبر نسبة من الحجاج الرايحين هم سودانيين، والله يجازيهم خير فالكثير منهم يسخر نفسه لخدمة الحجيج السوداني تطوعاً ويساعدون الكثيرين ويجتهدون في أن يتمموا لهم حجهم الذي ينقصه أولياء الأمر، طمعاً وجشعاً وإزدراءاً لأبناء جلدتهم وجل من يحتاجون خدمتهم هم في مقام أبائهم وأمهاتهم،،، يا للعار...
حتى الأعاجم يا رفاعي ما بيروحوا لأن بعثاتهم عندها نظم صارمة وأمراء الأفواج فيها أولاد ناس وبيتقوا ربهم فيما أئتمنوا فيه...
ياخ الناس ديل ما عارفهم ح يقابلوا ربنا سبحانه وتعالى بأي وجه؟؟؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
|