حصلوا بيانات بروفايلاتكم في سودانيز- هاكم الرسالة الجاتني دي

الرسالة دي جاتني من ويحيدة على البريد الالكتروني الخاص تقول الاتي :-

Quote: مرحبا ، اسمي أوليفيا جئت عبر التعريف الخاص بك وعنوان في www.sudaneseonline.com وانا اصبحت مهتمة في الكتابة لكم ، وأنا مثلك في الكتابة لي العودة الى بلادي في مربع حتى أستطيع أن أرسل لكم صورة بلدي بالنسبة لك أن تعرف الذين am.i أعتقد أننا قادرون على اقامة علاقة صداقة طويلة الأمد معكم. بالإضافة إلى ذلك ، ط سوف مثلك في الرد لي من خلال بلدي البريد الإلكتروني الخاص مربع [email protected] هنا أسهل للاتصالات، شكرا ، في انتظار أن نسمع منك قريبا. قبلة أوليفيا. Hello, My Name is olivia i came across your profile and address at www.sudaneseonline.com and i became interested in writing to you,and i will like you to email me back to my in box so that i can send you my picture for you to know who i am.i believe we can establish a long lasting friendship with you. In addition,i will like you to reply me through my private e mail box here [email protected] for easiest communication, Thanks,waiting to hear from you soonest. Kiss Olivia.

ولا عسى ان تكرهوا شيئا وهو خير لكم ؟

الراسل : Kiss Olivia.

عيييييييييييييك يا بكري امانة ما بياناتنا لحقت امات طه

ما تعمل نايم بالصور براك كدة






ــــــــــــــ
كل عام وأنتم بخير ،،،

أفو يا ابن عمي أوليفا شخصيا ياللحظ ... يمكن قصدها شريف وجادة في علاقة طويلة ومستمرة معاك ... تقوم تجقلب جنس الجقلبة دي ... هات الصور وباقي القصة ....
عيدكم سعيد ...
الشفيع إبراهيم

Quote: ما تعمل نايم بالصور براك كدة

دي يمكن يا صبري صيدة فكت دربا وإتلهمت البخات ( البخات يعني those who are so lucky )

إتلهمت يعني Targeting

الشرح لزوم في جكس محتاج للتبصير لما ستؤول إليه بياناتهنّ الفي بروفائلهنّ

الشفيع

العيد مبارك عليك

Quote: أفو يا ابن عمي أوليفا شخصيا ياللحظ ... يمكن قصدها شريف وجادة في علاقة طويلة ومستمرة معاك ... تقوم تجقلب جنس الجقلبة دي ... هات الصور وباقي القصة ....

بتكون متلهما اولاد البندر وعترت فيني بالغلط

ادودرها عليك ؟

مولانا الطيب
كل عام وأنتم وجميع الاهل بالف خير وعافيه
دبل بحبو السياحه
والمحميات
والله لو جبت لينا صور من حظيرة الدندر
تكون حاجه تمام التمام
وربنا يحفظ ليكم بروفيلكم من كل سوء

عبد الرحيم ود العبيد


كل عام وانت بالف خير

Quote: كل عام وأنتم وجميع الاهل بالف خير وعافيه دبل بحبو السياحه والمحميات والله لو جبت لينا صور من حظيرة الدندر تكون حاجه تمام التمام وربنا يحفظ ليكم بروفيلكم من كل سوء

نان انا المدير الاقليمي لشرطة الحياة البرية ؟ دي ما زولة سياحة دى واحدة مطلوقة وما عندها هادي يهديها .

قول ليها عينك في ود الموج وتبارك شيخ الدين الا تباري بي انا؟

تحية الي سعادة المستشار...

(اتجحدون رزقا ساقه الاسفير لك؟...)

اياك والوقوع في شراك مثل هذه الرسائل المفخخة...رغم ان الاسم جميل لكنه قد يحمل في ثناياه عضلات مفتولة وشنب يشبه شنب الممثل اياه...وبالتالي تكون العلاقات الانسانية المرجوة شنبات ممدودة بالمكر..

عندها لن تشفع لنا احابيل المقاضاة ولا اساليب الترافع يا رفيع..

سعادة المستشار

تحياتي

القصة مافي البروفايل ... إيميلك نشرتو في البوست بتاع يونس ( الأسد )

الله يستر بس ما تكون أوليفيا دي صاحبة يونس القالت للجماعة ما بتقدروا عليهو إلا غفلتوهو

وتكون عايزة تعرف ليك سكة . . الله يستر بس

ود الكامل

Quote: (اتجحدون رزقا ساقه الاسفير لك؟...)

ههههههههههههههها بالجد دا بيكون عنكوليب ولا شرك؟

Quote: اياك والوقوع في شراك مثل هذه الرسائل المفخخة...رغم ان الاسم جميل لكنه قد يحمل في ثناياه عضلات مفتولة وشنب يشبه شنب الممثل اياه...وبالتالي تكون العلاقات الانسانية المرجوة شنبات ممدودة بالمكر..

يا زول الشغلانية دي بصورتا

كان كتروا النقة هسه بنزلها

السيد

Quote: القصة مافي البروفايل ... إيميلك نشرتو في البوست بتاع يونس ( الأسد ) الله يستر بس ما تكون أوليفيا دي صاحبة يونس القالت للجماعة ما بتقدروا عليهو إلا غفلتوهو وتكون عايزة تعرف ليك سكة . . الله يستر بس

الله يجازي محنك الشغلانية انت جيهتها طااااااااااب

Quote: Hello, My Name is olivia i came across your profile and address at www.sudaneseonline.com and i became interested in writing to you,and i will like you to email me back to my in box so that i can send you my picture for you to know who i am.i believe we can establish a long lasting friendship with you. In addition,i will like you to reply me through my private e mail box here [email protected] for easiest communication, Thanks,waiting to hear from you soonest. Kiss Olivia.

حلاة لغتا كمان

باقي لي فيها لجينة كمان .

Quote: we can establish a long lasting friendship with you. In addition,i will like you to reply me through my private e mail box here [email protected] for easiest communication,

بختك

يا سجمان ....

ديل من ما عرفنا درب النيت، بيرسلوا لينا في السجم حقهم دا.

الفرق إنهم بقوا من فترة يرسلوا بالعربية (لاحظ النسخة العربية)، لو عملت كوبي لرسالتها/ رسالتو الإنجليزية وختيتها في مترجم غوغل، حيجيك نفس الخارم بارم الوصلك ده.

بعدين ما تفرح شديد بي كلام (شفت بروفايلك وعجبني)، الشئ ديل بيرسلوا عشوائياً .. ولو لقوا ليهم زول طاشي ساكت، يمكن يلقوا فيهو كدّة.

أعمل زي أخوك وامسح الرسالة، وما تنسى قبل ما تمسحها تأشّر عليها (Spam).

الانسان الجميل ودشيقوق

كل سنه وانت طيب

والسنه الجايه في بيت عدلك مع اوليفيا شوارزنيجير

تعرف ياود شيقوق اغلب الرسائل دي بتجى من مواقع بتاعت ديتنق ومواقع اباحيه

غايتو اليومين دي انت كاتبى المفضل , والله صحي

كت اوت:

مشكلتنا انحنا كبيره خلاس , اي واحد تجيهو رساله ذي دي يفتكر نفسو توم كروز , لووووول

خضر

كيفك ياخ ؟

Quote: والسنه الجايه في بيت عدلك مع اوليفيا شوارزنيجير

من خشمك ولله يا رب

Quote: تعرف ياود شيقوق اغلب الرسائل دي بتجى من مواقع بتاعت ديتنق ومواقع اباحيه غايتو اليومين دي انت كاتبى المفضل , والله صحي

تسلم وربنا يمتعك بالصحة والعافية

Quote: مشكلتنا انحنا كبيره خلاس , اي واحد تجيهو رساله ذي دي يفتكر نفسو توم كروز , لووووول

انا بالجد حسيت كدا بس اوع تقول لي امسح الايميل زى ما قال ابو الريش

تحية...الي سعادة المستشار..


اراك قد بدات في فرد عضلاتك العاطفية وفي التمدد بخيالك في ثنايا وتفاصيل د الصورة والوقوع في طيف ابعادها الموحية بالويل وسهر الليل...متاغما تارة ومتباعدا تارة اخري حسب مجريات الحبيب في دله و قربه او صده...قبل الوصول الي حالة(زيدني في نيراني)...

والحال كذلك لا نستغرب الان توسلاتك عند اعراض الحبيب لتدخل عندئذ مرحلة( مافي حتي رسالة واحدة)..

يا مسنوح : Kiss Olivia. دي مجرية
لو عاوزبنجيب ليك مقاساتها
يبدو ان مكنتها دفع رباعي .فلازم تكون في الريادة

ابو الريش

Quote: أعمل زي أخوك وامسح الرسالة، وما تنسى قبل ما تمسحها تأشّر عليها (Spam).

يا سلام !! والله كتر خيرك - قال امسحها قال !!

ايمين اكان شايلة عقرب ما امسحها

جنس غيرة

فيسل

Quote: يا مسنوح : Kiss Olivia. دي مجرية لو عاوزبنجيب ليك مقاساتها يبدو ان مكنتها دفع رباعي .فلازم تكون في الريادة

ههههههههها انت كنت وين

ولا ما بتجيبك الا المحن دي؟

وهذه أيضاً رسالة من ذات المصدر .................... وجدتها قبل يومين بصندوق بريدي على موقع ياهو
؟؟؟؟؟؟؟؟؟؟؟؟؟؟

Wednesday, November 9, 2011 5:32 PM
From: "Olivia Dukeh" Add sender to ContactsTo: [email protected]مرحبا ،
اسمي أوليفيا جئت عبر التعريف الخاص بك وعنوان في www.sudaneseonline.com وانا اصبحت مهتمة في الكتابة لكم ، وأنا
مثلك في الكتابة لي العودة الى بلادي في مربع حتى أستطيع أن أرسل لكم صورة بلدي بالنسبة لك أن تعرف الذين am.i أعتقد أننا قادرون على اقامة علاقة صداقة طويلة الأمد معكم.
بالإضافة إلى ذلك ، ط سوف مثلك في الرد لي من خلال بلدي
البريد الإلكتروني الخاص مربع [email protected] هنا أسهل للاتصالات،
شكرا ، في انتظار أن نسمع منك قريبا.
قبلة أوليفيا.

Hello,
My Name is olivia i came across your profile and address at www.sudaneseonline.com and i became interested in writing to you,and i will
like you to email me back to my in box so that i can send you my picture for you to know who i am.i believe we can establish a long lasting friendship with you.
In addition,i will like you to reply me through my
private e mail box here [email protected] for easiest communication,
Thanks,waiting to hear from you soonest.
Kiss Olivia.
ReplyReply AllMove...

سيف الدين عبد الجبار

Quote: وهذه أيضاً رسالة من ذات المصدر .................... وجدتها قبل يومين بصندوق بريدي على موقع ياهو ؟؟؟؟؟؟؟؟؟؟؟؟؟؟

اسكت ونوم بيها ساى - ما تكلم حد دي نعمة بطقوك فيها بعين

Quote: من Olivia Dukeh [email protected] رد على ‫[email protected]‬ إلى نسخة مخفية الوجهة ‫[email protected]‬ التاريخ 08 نوفمبر, 2011 01:43 م الموضوع مرحبا تم الإرسال بواسطة gmail.com تم التوقيع بواسطة gmail.com خفاء التفاصيل 08 نوفمبر (منذ 4 يوم/ أيام) مرحبا ، اسمي أوليفيا جئت عبر التعريف الخاص بك وعنوان في www.sudaneseonline.com وانا اصبحت مهتمة في الكتابة لكم ، وأنا مثلك في الكتابة لي العودة الى بلادي في مربع حتى أستطيع أن أرسل لكم صورة بلدي بالنسبة لك أن تعرف الذين am.i أعتقد أننا قادرون على اقامة علاقة صداقة طويلة الأمد معكم. بالإضافة إلى ذلك ، ط سوف مثلك في الرد لي من خلال بلدي البريد الإلكتروني الخاص مربع [email protected] هنا أسهل للاتصالات، شكرا ، في انتظار أن نسمع منك قريبا. قبلة أوليفيا. Hello, My Name is olivia i came across your profile and address at www.sudaneseonline.com and i became interested in writing to you,and i will like you to email me back to my in box so that i can send you my picture for you to know who i am.i believe we can establish a long lasting friendship with you. In addition,i will like you to reply me through my private e mail box here [email protected] for easiest communication, Thanks,waiting to hear from you soonest. Kiss Olivia.

..
الطيب الزولة دى نجضتنى نجاض والله ... شوف لى ليها معاك صرفة وينوبك ثواب ..!

يا سمى

كل سنة و انت طيب و الاولاد


رسالة اوليفيا تحديدا وصلتنى اكثر من مرة و كل الذى فعلت هى ان حذفتها .

و كان الله محب المحسنين , و الكثير جدا من نوع هذه الرسائل يصلنى يوميا .

قريمان

Quote: رسالة اوليفيا تحديدا وصلتنى اكثر من مرة و كل الذى فعلت هى ان حذفتها . و كان الله محب المحسنين , و الكثير جدا من نوع هذه الرسائل يصلنى يوميا .

انا بعلقا في الحيطة زى ما قال لي واحد اخونا هنا ومحل رهيفة تنقد

باقي لي عنكوليبك ما نجض

ناس تضـيـع في الفـرص ؟؟؟؟؟؟


سلام يا خونا الطيب والعيد مبارك,

الطيب اخوي طل عام وانت وبخير
والحق روحك غايتو....


يا حبيب ديل حراميه مكربين وكمان اغلبهم نجيرين!
وكل العايزينه معلوماتك عشان يعلموا كردت كارد باسمك!


اقعد اتخفف لما تصلك الفواتير بعنوانك تقوم ت س ك ب ووقتها

لن ينفع عنكوليب ولا دفع رباعي(ههههههههههه)!


يا الطيب يا الحبيب عرفوا مواطن ضعكم فبقوا ينجروا لكم

اسماء جكس!الغريبه انا برضو اسمي جايب لي الكفورة بيفتكروني طارق!

اها يشيلوا ابهات شنبات ديل ويرسلوا لينا في الاوليفات!

الخازوق الصورة لو عملت ليها داون لود دي بداية سرقة معلوماتك

حيث سيكون الصق....فايروس بجازك يكشف لهم كل باس ورداتك!

وطبعا ديل بفتركوا كل من له ايميل يتعامل بالكمبيوتر مع مصرفه
او بنكه المهم نحمد الله انه لسه اغلب السودانين لا يفعلون هذا.



نصيحتي امشي اعمل فورمات كامل لجهازك
طلع صورك وكل محفوظاتك وامسح كل شيء واعيد تنزيل السوفت
وير بتاعك مجددا!غير كده....انت اكلت نيم مش عنكوليب!(هههههه)!



وخلي بالك وبطل البكا على كبر كله الا البكا الاسفيري
والمن الجكس الاسفيري ......تكاليفه غاليه خلاص!
(ههههههههه)!

الطيب و ضيوفه كل عام و انتم بخير و كيف مسقط العامرة

Quote: الخازوق الصورة لو عملت ليها داون لود دي بداية سرقة معلوماتك حيث سيكون الصق....فايروس بجازك يكشف لهم كل باس ورداتك! وطبعا ديل بفتركوا كل من له ايميل يتعامل بالكمبيوتر مع مصرفه او بنكه المهم نحمد الله انه لسه اغلب السودانين لا يفعلون هذا. نصيحتي امشي اعمل فورمات كامل لجهازك طلع صورك وكل محفوظاتك وامسح كل شيء واعيد تنزيل السوفت وير بتاعك مجددا!غير كده....انت اكلت نيم مش عنكوليب!(هههههه)!

الخبيرة العزيزة تراجي و الله وفيت و كفيت و انا جاي اكتب نفس الكلام ووجدتك كفيتنا.
هذا الاسلوب طريق مضلل يستخدمه المجرمون لايقاع ضحاياهم. المهم في الموضوع بيكون هنالك برنامج يسمي باكدور ينزل في الجهاز و هو برنامج تنفيذي يقوم بفتح قناة اتصال في الكمبيوتر و اشعار المجرم بمجرد فتح الجهاز و ارسال الآبي ادرس للجلسة. فمن خلال ذلك يستطيع السيطرة علي الجهاز و ايضا يمكنه انزال برنامج لتسجيل اي شئ.

يا زول اسمع كلام تراجي لو تستخدم نطام ويندوز

و سلامي لاهل مسقط

ام حازم

العيد مبارك عليك

مداخلتك عايزة ليها تشمرة عديل فيشان نرد عليها

Quote: يا حبيب ديل حراميه مكربين وكمان اغلبهم نجيرين! وكل العايزينه معلوماتك عشان يعلموا كردت كارد باسمك!

عييييييييك انت فاكرة انا بسوى ليهم كردت كارت - اصبري عشان اوريهم ليك اللحس الما لحسهم

Quote: اقعد اتخفف لما تصلك الفواتير بعنوانك تقوم ت س ك ب ووقتها لن ينفع عنكوليب ولا دفع رباعي(ههههههههههه)!

عييييييك العنكوليب يا ام حازم انا خاتيهو للحارات جنس دي

Quote: انا برضو اسمي جايب لي الكفورة بيفتكروني طارق! اها يشيلوا ابهات شنبات ديل ويرسلوا لينا في الاوليفات!

من كان عنده فضل زاد فالعد به الى من لا زاد له

Quote: الخازوق الصورة لو عملت ليها داون لود دي بداية سرقة معلوماتك حيث سيكون الصق....فايروس بجازك يكشف لهم كل باس ورداتك!

ما عندي ليها معلومات علا اكان تلقى ليها عنكوليبة تنقيها وتقرمشا بس

Quote: نصيحتي امشي اعمل فورمات كامل لجهازك طلع صورك وكل محفوظاتك وامسح كل شيء واعيد تنزيل السوفت وير بتاعك مجددا!غير كده....انت اكلت نيم مش عنكوليب!(هههههه)!

عييييييك عشان ما تجي تاني؟ كتر خيرك على النصيحة

عمدة الضهاري ,,

من دربك ده اكتب الرسالة في لوحة كبيرة وعلق في حوش الديوان
لزوم الدعاية الانتخابية وكده ,,,

أعمل حسابك يا قريبي.
والله صحي.
ونـسـة دُقـاقـة، مـمـنـوع دخـوّل الـنِـسـوآن... part 2...

دي يا شيخنا...جابتا سيرة اللانروفر...(ونحن نسميه أندروبل)
لاندروفر...ودندر...ودرت...ومطر رشاش...وميس
وداير ما تجيك بت ابليس؟؟؟

يازول هى ما شافت الصورة واللا شنو؟
بعدين الحمد لله الرساله بالانجليزى
كان ما كده يا المسنوح كان فهمت غلط
قال: kiss Oliva

Quote: يازول هى ما شافت الصورة واللا شنو؟ بعدين الحمد لله الرساله بالانجليزى كان ما كده يا المسنوح كان فهمت غلط قال: kiss Oliva

يا زول هوي الزولة دي اصلا متلهماك انت لكن اتهردمت فيني بالغلط ساى

ود الحسين

Quote: دي يا شيخنا...جابتا سيرة اللانروفر...(ونحن نسميه أندروبل) لاندروفر...ودندر...ودرت...ومطر رشاش...وميس

والله تلقاني واقف لمبة - ات ما براك؟

Quote: أعمل حسابك يا قريبي. والله صحي.

افو افو ات فاكرنا نحن خفاف زي اولاد البندر؟

يا زول نحن اكان ما نجضنا ما بنتلهم الهايفات

عمار ع الرحمن

Quote: من دربك ده اكتب الرسالة في لوحة كبيرة وعلق في حوش الديوان لزوم الدعاية الانتخابية وكده ,,,

ناس تراجي يلفوا ويدوروا خليهم يجوا يقروا كلامك العسل دا

قالت اعمل فورماتنغ

جنس حسادة

ود الشايقي

العيد مبارك عليك

Quote: ناس تضـيـع في الفـرص ؟؟؟؟؟؟

ضياع شنو اخوك ضابح عدييل

ود خيري

Quote: الطيب الزولة دى نجضتنى نجاض والله ... شوف لى ليها معاك صرفة وينوبك ثواب ..!

طيب نائم بيها الزمن دا كلو مالك ؟ ولا ماسح (وش يموت من الضحك نامن وقعت على قفاي)

أخي الطيب الطيب
التحايا النواضر
يعني أم الوليدات ما تمت ليها 3 يوم في البلد تقوم تقول لينا أوليفيا
الله يسترنا من البشتنة
مع خالص تحياتي

دكتور صلاح


العيد مبارك عليك

Quote: يعني أم الوليدات ما تمت ليها 3 يوم في البلد تقوم تقول لينا أوليفيا الله يسترنا من البشتنة

عندها فكي كارب بقرعني من الجكس بس الشيئ البجي عبر الاسافير دا بكون فايت على الفكي ذاتو .

الجماعه ديل عارفنك وحدانى..اعمل حسابك وماتنسى حكاية الذئب والغنم القاصيه....وش ميت من الضحك الله يستر مايشرطنا زى ماقال البشير!!

Quote: الجماعه ديل عارفنك وحدانى..اعمل حسابك وماتنسى حكاية الذئب والغنم القاصيه....وش ميت من الضحك الله يستر مايشرطنا زى ماقال البشير!!

لا يا مستر ما تخاف على اخيك - اخوك محجب لا يمكن اختراقه

يوجد منفذ واحد للحاجات ال very refined

غربلة وكدا فاهمني ولا داقس؟

Quote: واحد للحاجات ال very refined

دى بالذات اكان ختيته مابتجيك عوجه (ريفايند) شنو يامولانا المولد ده فرتق وبقى طلاقات..طلاقات دى اخر مره سمعتها بتين...دير بالك فى المواضيع دى بالذات اسالنى انا ..انت قايلو موضوع ربابيط كمان??

Quote: دى بالذات اكان ختيته مابتجيك عوجه (ريفايند) شنو يامولانا المولد ده فرتق وبقى طلاقات..طلاقات دى اخر مره سمعتها بتين...دير بالك فى المواضيع دى بالذات اسالنى انا ..انت قايلو موضوع ربابيط كمان??

لا ما تخاف على - لما ارمي سنارتي في البحر بتكون مليانة صارقيل وحبلها متين وبقدر اتحسس واميز بين ثعابين البحر وارانب اللعوت

عمنا شيقوق ....
كمان ازيدك بيت .. البنية دي عاملالا بروفايل فوق الفيص بوك ...... لزوم درديقة و كدا ......
بس ارخيها و ما تركز معاها شديد

ساري

Quote: كمان ازيدك بيت .. البنية دي عاملالا بروفايل فوق الفيص بوك ...... لزوم درديقة و كدا ...... بس ارخيها و ما تركز معاها شديد

لا لا ما تخاف - عمك تفتيحة اكان ما ظهرت قدامو بالفديو كنفرس ولا بهبب ليها

لقيتني كيف؟

Quote: Thanks,waiting to hear from you soonest.

عيييييييييييك soonest سونتس وبس؟

ايها الخواف

وعامل فيها حريف حمام

دي رسالة عامة حايمة

Quote: وعامل فيها حريف حمام دي رسالة عامة حايمة

جاي شايل كميراتك تصور؟

عيييييك دي حاجات خااااااااااااااااااااااصة بالايميلات ياخ
خم وصر

أخي ود شيقوق

حصلت لي عدة مرات لكن المشكله تكمن فيما تحتويه من كوامن تهكيرية

ربما لا نعلمها.

وفي بعض الاحيان ترسل صور لفتاة تدعي انها هي

فمن اصلو كيف تعلم انها هي وثم ثانيا كيف تعلم انها انثي في الاصل ؟؟؟

لذلك الواحد يريح نفسو ويمسح قبل ما يقرأ

ولا شنو يا مولانا ؟؟

Quote: لذلك الواحد يريح نفسو ويمسح قبل ما يقرأ ولا شنو يا مولانا ؟؟

عيييييييك يا النقادة دئما فزعكم متأخر

شوف كلام تراجي فوق عشان تآآآآآآآآآآآآآمن

نقادة اى كلام

Quote: From: "Olivia Dukeh" Add sender to Contacts To: [email protected]

كل عام و الجميع بخير

انا بكره من دقشا بدرى على الترزى واقليه القماش الابيض القلتليك فصلو لبسة فارس

سلمنى ياهو ق.ماش سااااكت النسو كفن عشان ود شيقوق ضربنى فى مقتل

ود اللبيب

Quote: انا بكره من دقشا بدرى على الترزى واقليه القماش الابيض القلتليك فصلو لبسة فارس سلمنى ياهو ق.ماش سااااكت النسو كفن عشان ود شيقوق ضربنى فى مقتل

عشان تآآآآآآآآآآمنوا يا اولاد البندر وتعرفوا انو خيول اولاد الضهاري بتأخدكم في اللفات