Post: #1
Title: أيوة خايف والله خايف!!!؟ (هي عارفة )
Author: زهير عثمان حمد
Date: 11-11-2011, 09:17 PM
#
أخ أنا منك
والله خايف و وبجد موجوع وصابر
بس والله خايف أيوة خايف
من زمن يفرق وما يلم
ومن بهدلةالعواطف
من شاكوش يحطم قليبي السه يافع
وأنابحظي عارف
أيوة خايف
وكمان قلبي عليكي خايف
بكرة يتعود عليكي
وتقسي أقدرو ويوافي
وأنت يافرحي الرهيب وتاج راسي البلالي
والله أنا دايما مخالف
والبيننا بصدق واقف
أيوة خايف
وبرضو أسف أني ما قادرأجازف
وأفتح القلب البريدك
وماضمه غيرك و ليك عاشق
وأنت عارفه
أيوة خايف
من طبع غريب بالالفة عامر
يسوقك لدروب الندامة
وماهو غافل
أيوة خايف والله خايف
وبمشاعري ماقادرأغامر
والله خايف منك أنت بجد.....خايف
ومن ضعفي..... خايف
كيف أسوي بس متوجع وصابر
وقليلة علي خايف.
زهير
|
Post: #2
Title: Re: أيوة خايف والله خايف!!!؟ (هي عارفة )
Author: خضر الطيب
Date: 11-11-2011, 11:12 PM
Parent: #1
زهير ياخ كل سنه وانت بالف خير
وربنا يسعدك بانسانه تفهمك وتتفهم ظروفك
I will be honest with u
u r so desperate man
الله يكون في عونك
|
Post: #3
Title: Re: أيوة خايف والله خايف!!!؟ (هي عارفة )
Author: سارة علي
Date: 11-12-2011, 03:35 AM
Parent: #2
اثبت..
|
Post: #5
Title: Re: أيوة خايف والله خايف!!!؟ (هي عارفة )
Author: زهير عثمان حمد
Date: 11-12-2011, 04:43 AM
Parent: #3
#
الاستاذه ساره علي
كل سنة وأنت طيبه وتحياتي بعدين أها كان ثبت ولا ما ثبتا الحصل حصل يادبدوب
|
Post: #4
Title: Re: أيوة خايف والله خايف!!!؟ (هي عارفة )
Author: زهير عثمان حمد
Date: 11-12-2011, 04:37 AM
Parent: #2
الاخ خضر
كل عام وأنت بخير شكرا علي المرور المهم برضو ياصديقي صامد
لك كل الود
|
Post: #6
Title: Re: أيوة خايف والله خايف!!!؟ (هي عارفة )
Author: osman righeem
Date: 11-12-2011, 04:54 AM
Parent: #4
Quote: والله أنا دايما مخالف
والبيننا بصدق واقف |
مفردات لم يسبق عليها أحد من الشعراء
وتاني قام جاب سيرة البحر
أقدم زهير و انا لك دافعون
ياخ مشتاقون
|
Post: #7
Title: Re: أيوة خايف والله خايف!!!؟ (هي عارفة )
Author: زهير عثمان حمد
Date: 11-12-2011, 01:30 PM
Parent: #6
الصديق والحبيب عثمان رغيم
كل عام وأنت بصحة وعافية
والله عارفك شيخ قبيلة وأخو أخوان لكين أخوك ماعايز يفقد الحرية المطلقة دي شوية بس خلوني أستمتع بالحرية كمان سنة حكومة أنشالله
لك كل الود
|
|