حلفاوي مرتو ماتت. الجماعة بسرعة شديدة جداً غسلوها, وكفنوها وقاموا جاريين جري شديد جداً على المقابر. في أثناء ما هم مسرعين ضربوا عمود الكهرباء, العمود وقع, وأسلاك الكهرباء وقعن فوق الجنازة المراة فنترب قامت على حيلها. تاأأأني عاشت مع أخونا الحلفاوي وبعد ثلاث سنين ماتت. الجماعة جو برضو بسرعة شديدة جداً غسلوها وكفنوها وقاموا طايرين طيران على المقابر, وأخونا الحلفاوي جاري من الناحية الفيها العواميد وشابكُن ليك: إإملو هسابكم من الأمود يا جماعة, إإملوا هسابكم من الأمود يا جماعة...
Post: #5 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-10-2011, 00:16 AM Parent: #3
والله يا صديق الموج لو حذفت، يكون الضحك شرطك يا قول حبوبتي البشير. أعمل حسابك والله نحن ما بنبقى بلآك في حوش بكري ده. يسعلني الله يا ود الموج الكراكتير ده حاجزوا ليك قبل تكتب مداخلتك، وكلما اشوفو بتذكرك، ما عارف ايه؟؟؟
Post: #6 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-10-2011, 00:19 AM Parent: #5
الذين يودون المشاركة من خارج الحوش اليجدعوا مشاركاتهم بجاي: [email protected] سركم في بير ما تخافوا. والله صحي...
Post: #7 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-10-2011, 00:36 AM Parent: #6
إعــلآن:
الكمية محدودة. علي الراغبين الإتصال للحجز علي الرقم: 4035977151 آخر تجربة أثبتت إنو نسبة تفادي الحوادث في حالة إستعمال هذا الحزام 75%، وتمت هذه التجربة قبل إسبوع من العيد.
إتصلوا بنا، وإلا باكر حاتندموا...
Post: #8 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-10-2011, 00:59 AM Parent: #7
Quote: معاوية ..عيدك مبارك
الزول حلفاوى والا قصدك سودانى؟؟
ههههههه، يا صديق الموج العيد يتبارك عليك. رغم إنها خارج النص، لكن حأديك ليها عيدية هنا: صاحبنا جمال الحلفاوي الله يطراهو بالخير، قال مرّة كان رآكب القطر، والقطر مزحوم زحمة شديدة جداً. أها، جمال ده قال بيمشي البوفيه يطلب كباية شاي ويقعد يجغم فيها بالرااااحة، بالرااااااحة، يفوّت بيها محطتين تلآتة، ويمشي. تاني يرجع البوفيه يطلب كباية شاي ويقعد يتجغّم بالرااااحة، بالرااااحة، وعمّك الحلفاوي بتاع البوفيه ممغوص من جمال. فجأة فتح فيهو: إنت يا شيّه، ايه هكايتك!!! كل مرّة تطلب كباية بتاع شاي، وتقعد لنا هنا ساااتين؟؟؟!. جمال طوالي رآح رآطن معاهو. عمنا بتاع البوفيه قال ليهو: تييب من السباح ما ترتُن، قاااد لينا زي السودانيين كده...
Post: #9 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: صديق الموج Date: 11-10-2011, 01:26 AM Parent: #8
معاوية ممكن احكى نكتة...والله صحى
قالوا واحد ساكن فى جزيرة قامت مرتو قالت ليه ياراجل ادينى عشرة قروش فى بكاء فى حلة مقابلة للجزيرة اركب بيهن المركب الحريم كلهن ماشات.الراجل حلف بى رأس ابوهـ ما يديها.قدر ما حنستو رفض. قالت ليه والله لو اتدين العشرة قروش مااقعد.قال ليها اتدينى بطريقتك. بعد شوية طق الكورك فى الحله قالوا المركب غرقت والحريم الفيها كلهن غرقن.الراجل جاء البيت ومركب وش حزين وقال لى بتها: الله يجيرنا فى مصيبتنا ولا حول ولاقوة الا بالله.البت قالت ليه فى شنو يا ابوى؟ قال ليها المركب غرقت والحريم كلهن ماتن وامك معاهن.. البت قالت ليه لكن امى ما مشت وراقدهـ جوهـ. قال ليها الله يصرفها ما لقت زول يدينا عشرة قروش واللا شنو؟
ان شاء الله كلامنا يكون عليهن خفيف، الله يصرفك كان داير تجيب لينا معاهن عداوة ياود المدير..
Post: #10 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-10-2011, 02:56 AM Parent: #9
Quote: قالوا واحد ساكن فى جزيرة قامت مرتو قالت ليه ياراجل ادينى عشرة قروش فى بكاء فى حلة مقابلة للجزيرة اركب بيهن المركب الحريم كلهن ماشات.الراجل حلف بى رأس ابوهـ ما يديها.قدر ما حنستو رفض. قالت ليه والله لو اتدين العشرة قروش مااقعد.قال ليها اتدينى بطريقتك. بعد شوية طق الكورك فى الحله قالوا المركب غرقت والحريم الفيها كلهن غرقن.الراجل جاء البيت ومركب وش حزين وقال لى بتها: الله يجيرنا فى مصيبتنا ولا حول ولاقوة الا بالله.البت قالت ليه فى شنو يا ابوى؟ قال ليها المركب غرقت والحريم كلهن ماتن وامك معاهن.. البت قالت ليه لكن امى ما مشت وراقدهـ جوهـ. قال ليها الله يصرفها ما لقت زول يدينا عشرة قروش واللا شنو؟
عجوز عذبة لقت ليها غمدة فوق طرف عنقريب فى برش بكاء، النسوان اتلحنها ليك يابختك، يا بختك قالت ليهن يانسوان بختاً وين اشوفوا!؟ انا ضكر الضبان ما قاعد يرك فوقى!!!.
Post: #11 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-10-2011, 03:20 AM Parent: #10
Quote: ان شاء الله كلامنا يكون عليهن خفيف، الله يصرفك كان داير تجيب لينا معاهن عداوة ياود المدير..
ههههههههههه، تخاف يا ود الموج!؟!؟!؟ يا زول أُخُد رآحتك، منعناهن الدخول...
Post: #12 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-10-2011, 03:55 AM Parent: #11
Post: #13 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-10-2011, 03:59 AM Parent: #12
رد في السِلِك. عفيت مِنّك...
Post: #14 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: awad okasha Date: 11-10-2011, 04:26 AM Parent: #13
تحياتي معاوية .. وكل عام وانتم بخير ..
Quote: رد في السِلِك.
ياخ الزول بتاع الوطن ده شفت مقرم .. شوف الدبلوماسية الماكرة دي ..
Post: #15 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: محمد مختار جعفر Date: 11-10-2011, 04:45 AM Parent: #14
حكت إحدى الزميلات خفيفات الظل ، قالت ( فى بنتين بايرات وفات عليهن الفوت وجدن شاب شماسى حالتو حالة نايم ومجدوع فى الخور ، قامو رفعوه ونفضوه وقالو بالله ده ما حرام ..؟ ، شوفو جنس النعمة دى يرموها كده ..!!
Post: #16 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-10-2011, 08:06 AM Parent: #15
لكن أُمها نجيضة جنس نجاضة!!! نقشت الرومانسية. قمّة الرومانسية...
Post: #17 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-10-2011, 09:00 AM Parent: #16
Quote: ياخ الزول بتاع الوطن ده شفت مقرم .. شوف الدبلوماسية الماكرة دي ..
عوض اوكاشا، سلآمات والعيد يتبارك عليك. يا أخي شِدّة ما شِفت، لمان الكديسة زاتا إتكيفت.
هاك شوف دي يا عوض. غايتو جنس قطامة!!!
Post: #18 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: ABUHUSSEIN Date: 11-10-2011, 09:50 AM Parent: #17
ود المدير كل سنة و إنت طيب و كل المعاك
ــــــــــــــــــــــــــــــــــــــ
هناك مثل أفريقي يقول: خلق الله السماء والأرض ثم خلق الرجل والحصان وال###### ثم خلق سائر الحيوانات .. والى هنا والكل مرتاح وأخيراً .. خلق المرأة .. فلم يعد أحد يشعر براحة
Post: #19 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: ihsan fagiri Date: 11-10-2011, 10:03 AM Parent: #18
ود المدير واصحابه
عيدكم مبارك
لكن دي ما المحرييه فيكم
وتاني لو ما عايزننا نخش ذي بوستاتكم المهببه دي اكتبو للنساء فقط مش ممنوع دخول النساء
Post: #20 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: ABUHUSSEIN Date: 11-10-2011, 10:22 AM Parent: #19
أحسان عيدك مبارك و ربنا إحقق الأماني
Quote: لكن دي ما المحرييه فيكم
نحن ذنبنا شنو ..؟؟؟؟
ود المدير هو الفتح البوست...!!!!!
Post: #21 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: جمال الباقر Date: 11-10-2011, 10:54 AM Parent: #20
اقول ليك امها قالت شنو واوديهو ليك الخور
ماتقول يا ناذر الخليفة
Post: #22 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: Sharif Nasirladeen Date: 11-10-2011, 10:58 AM Parent: #21
ناذر بتاع مشاكل خلوهو بعيد من البوست
Post: #23 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: الامين موسى البشاري Date: 11-10-2011, 11:25 AM Parent: #22
Quote: حكت إحدى الزميلات خفيفات الظل ، قالت ( فى بنتين بايرات وفات عليهن الفوت وجدن شاب شماسى حالتو حالة نايم ومجدوع فى الخور ، قامو رفعوه ونفضوه وقالو بالله ده ما حرام ..؟ ، شوفو جنس النعمة دى يرموها كده ..!!
محمد مختار جعفر، سلآمات. تعرف، عندنا السر عُكاز ده احد ظرفاء عطبرة. مرّة بعد المغربيّة كده سكرآن وواقع جنب عرآضة الميدان بتاع الحِلّة. جات وآحدة من نسوان الحِلّة لقتو واقع إتهجمت، قالت: سجمي السر عُكاز!!! هو واقع في الوآطة قال ليها: لا... حامد بريّمة...
Quote: ود المدير كل سنة و إنت طيب و كل المعاك ـــــــــــــــــــــــــــــــ هناك مثل أفريقي يقول: خلق الله السماء والأرض ثم خلق الرجل والحصان وال###### ثم خلق سائر الحيوانات .. والى هنا والكل مرتاح وأخيراً .. خلق المرأة .. فلم يعد أحد يشعر براحة
عبد الرحمن الزهراني رسّام كاريكاتير في صحيفة الوطن السعودية لديه قدرة رهيبة في تصوير المرأة وهي في حالة تعكير دائم لمزاج الرجل. كأنه يريد ان يقول انّ المرأة هي مصدر السعادة للرجل، بس خايف يقولوا عليهو كذآآآآب. التحيّة له وهو يدخل البهجة إلي نفوسنا، ويردم العدو نيابة عننا. كل سنة وإنت طيّب يا زهراني.
وصلني إيميّل من وآحد لآبد في ابو ظبي، وقال لي يا زول الموت حق والحياة باطلة. أكتب إسمي، وكِدي العدو كان فالح اليقول البغلة في الإبريق. نسبةً لأني علي علم تام بمدى خطورة الأعداء آثرت عدم التصريح بالإسم، لكن لا بُدّ من التعريض، فالإسم مُشتق من الشوق والريد. حذّر فذّر يكون منو؟؟؟ إلي أضابير وقعارير الإيميل:
Quote:
ياود المدير يافنان هاك ديل "علي ضمانتك سمح"
أتوكل السر في بير ؟؟
على فكرة الطرفتين حقيقيتين
(1)
الراجل مرتو ذهبت لعزاء في الخرطوم
وفي الرجعة وجنب الكاملين الحافلة إنقلبت
الخبر إتنشر وعمك إنبسط بس مش قدر كدا
فالحاجة توشك جات داخلة "معفرة"
وإتضح كل الركاب مرقوا بسلام
عمنا زعل بالحيل
وفي بيت بكاء بعد إسبوعين من الحادث قام لاقى "سواق الحافلة"
" عليك النبي بعد الدافنة كان ما فتحت الدكان وأديني كرتونة من البسكويت دا"
وفي كل الأحوال تسلم يامدير
لك الف شكر يا المـ.....ريود يسلّم علي أهلنا. نسبةً لأنّك تكبدت المشاق وجيتنا من بلداً طيرا عجم، خُد معاك الهدية دي، وتاقي الباب وإنت مارق من الأعداء:
الزول ده مكيفني ليك جِنِس كيّف!!! لدرجة إني عاملوا في برواز ومعلقو في أوضتي. تصدّق!!!
كتّر خيّرك يا المـ... أحم، أحم...
Post: #37 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-11-2011, 01:42 AM Parent: #36
Quote: اقول ليك امها قالت شنو واوديهو ليك الخور
ماتقول يا ناذر الخليفة
سلآمات يا جمال الباقر. يا أخي الحاجة دي تبدو عليها سمات الوقار، وتنعم ببراءة منقطعة النظير، فبالله عليك الله ما تقولآ كلآم ساكت. يا زول بقول يا ناذر الخليفة، الزول ده صاحبي.
عليك الله خلينا في الجد، ولو عارف تلفون الراجل ده قوليهو ما يجي البيت، المراة دي ناوية توديهو الآخرة.
Post: #38 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-11-2011, 05:38 AM Parent: #37
عبر الإميل أرسل لنا أخونا علي عبد الله هذا الفيديو، وعلي عبد الله ده انا ذكرت إسموا حسادة مِني عشان أورطو مع العدو بتاعو، هذا من ناحيّة، ومن ناحيةٍ أُخري عجبني المصري البيحرش في التكرونية. والله صحي. تقبل هديتنا يا علي:
مشكور علي الفيديو يا ابو عِلوة، ونسأل الله ان يجعله في ميزان شكلآتك مع العدو...
Post: #39 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-11-2011, 07:30 AM Parent: #38
إذاً ما هي المشكلة؟؟؟
Post: #40 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-12-2011, 00:04 AM Parent: #39
Quote: ناذر بتاع مشاكل خلوهو بعيد من البوست
سلآمات يا شريف نصر الدين. يا أخوي ناذر الخليفة هنا ما بياكل عيش. عندنا جِنِس ردِم!!!:
النصيحة لله أكان دخلت مادي بوزك برضو ما بيخلوك. ريّح نفسك وانسى حكاية الدخول دي مرّة وآحدة.
تحياتي ليك يا شريف، وناذر...
Post: #41 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: ShiningStar Date: 11-12-2011, 00:40 AM Parent: #40
طيب انتو في رأيكم الحل للمشاكل اعلاه شنو ؟؟؟؟
ولا بس النسوان يقعدو... لا اسمع لا اري لا اتكلم....
و منكم نستفيد
Post: #42 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-12-2011, 00:41 AM Parent: #40
غايتو الدنيا دي فيها جِنِس مِحن!!!؟؟؟ إإملو هسابكم من الدردشة. لكن رولا مبااااالغة. والله صحي...
والله حقو ما كان تجاوبو زاتو. ده سؤال يسألو ده ؟؟؟
Post: #49 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: هند محمد Date: 11-12-2011, 08:02 PM Parent: #48
معاوية المدير يامشاغب
مدامتك مابتتصفح سودانيز ؟
بصرف النظر عن دوافعه بوست خفيف الظل
ويكشف عن مواهب فكرية فيك
و
كيدية
Post: #50 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-13-2011, 01:08 AM Parent: #49
Quote: والله ده احلى بوست اشوفوا بعد الحج وعيدك سعيد ياصاحب البوست وتحياتى لكل البيجاى
سلآمات أخي نور الدين عثمان، وعيدك مبارك. أسأل الله ان يتقبل سعيك، ويجعل حجك مبرورا.
هاك العيديّة عشان المرّة الجاية تدعي لينا معاك :
ده جفاف وتصحُر كمان. والله صحي.
مشكور يا نور الدين...
Post: #51 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: ود الخليفه Date: 11-13-2011, 08:06 AM Parent: #50
كل عام وانتم بخير
Post: #52 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: منصور عبد الرازق Date: 11-13-2011, 09:28 AM Parent: #51
بوست بتاع مشاكل لكن الما دايرا منو بقصد المشاكل طبعا نحكى ليكم دى وهى بالجد جد كده , لالا نكتة ولا يحزنون فيها شوية بهارات , يمكن !! صديق لى , لسانه متبرى منو كيف لا , وهو ود خالة صديق الموج لزم لكنه ما بيعرف درب الكمبيوتر زاتو بى وين سيبك من الأنترنت , وسودانيزاونلاين عشان كده لو الحكاية دى وصلتو , صديق الموج يشيل شيلتو معاهو مش ود خالتو , تيب وانا دخلى شنو كنا فى القصيم , حيث يقيم هذا الصديق , اللى لسانو متبرى منو فى احد الرمضانات , عندنا صديق مقيم فى منطقة ساجر , اخذ معاهو زوجته الجديدة لنج , ومشى العمرة حوادث العمرة ما كتيرة عاد فى طريق الرجعة لحس ليك المدام بى حادث مدنكل , ورجع هو عاااادى , جرحة ساكت مافيهو الراجل قعد عزابى سنتين تلاتة اهلو شبكوهو ليك قاعد مالك , الحى ابقى من الميت , وهلم جره مؤمن يا صديق زولنا قام عرس تاااانى ورمضان تانى جا والعمرة فتحوها قوم يا زولنا سوق معاك المرة الجديدة , ويا عمرة جاكى زول رجع من العمرة بى نفس الدرب , لحس ليك المرة التانية زى الما حصل حاجة المرة ماتت , والعربية اتكسرت , وقمنا تااااانى بى صمة خشمنا مشينا من بريدة لى ساجر نعزى فى نص العزا , ود خالة صديق الموج , اللى لسانو متبرى منو , بعد النخجى بتاع البكا الصادق والمؤثر انت يا فلان , ما تورينا النساوين البيموت ليك فى العمرة ديل بتجيبهم من وين ؟؟؟؟!!!!!
Post: #53 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: فيصل محمد خليل Date: 11-13-2011, 09:50 AM Parent: #52
Post: #56 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: الصادق خليفة Date: 11-13-2011, 02:18 PM Parent: #54
ود المدير و الاحباب سلامات
قالوا واحد لاقي واحد من اصحابو القدام بعد فترة طويلة المهم سلم عليه و سأل عن اخبار المدام قال ليه و الله المدام الاولى توفت و اتزوجت تاني بعدة فترة ثاني لاقى نفس الراجل وبعد التحية سأل عن المدام الثانية و اخبارها قال ليه والله المدام الثانية برضو توفت الله يرحمها قام عمك قال للراجل بالله عليك انتو النسوان البمتوا دول بتلقوهم وين؟
شاعرتنا الرقيقة هند. عشرات حبابك سلآمات. هووووووي يا هند، أوووووعك تبحتي لينا الجحور. المدآم بتاعتي ولا قاعد تتصفح، لآ حاجة أمسكي كيبوردك ده عليك أنا ما بقدر علي المناقرة.
صورة طِبق الأصل لمدامتنا. سوف يصلك تلفونها في المسنجر أعملي معروف سلميها النُسخة بتاعتي.
تحياتي...
Post: #81 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-17-2011, 08:44 AM Parent: #80
Quote: كل عام وانتم بخير
وإنت بخير يا صاحب.
جاريات وراء التخفيضات، ويتفاصحن في التلفونات. والله صحي...
Post: #84 Title: Re: ونـسـة دُقـاقـة، مـمـنـوع دخـوّل الـنِـسـوآن... part 2... Author: معاوية المدير Date: 11-18-2011, 08:21 AM Parent: #83
Quote: ود المدير و الاحباب سلامات
قالوا واحد لاقي واحد من اصحابو القدام بعد فترة طويلة المهم سلم عليه و سأل عن اخبار المدام قال ليه و الله المدام الاولى توفت و اتزوجت تاني بعدة فترة ثاني لاقى نفس الراجل وبعد التحية سأل عن المدام الثانية و اخبارها قال ليه والله المدام الثانية برضو توفت الله يرحمها قام عمك قال للراجل بالله عليك انتو النسوان البمتوا دول بتلقوهم وين؟