ونـسـة دُقـاقـة، مـمـنـوع دخـوّل الـنِـسـوآن... part 2...

حلفاوي مرتو ماتت. الجماعة بسرعة شديدة جداً غسلوها, وكفنوها
وقاموا جاريين جري شديد جداً على المقابر. في أثناء ما هم مسرعين
ضربوا عمود الكهرباء, العمود وقع, وأسلاك الكهرباء وقعن فوق الجنازة
المراة فنترب قامت على حيلها. تاأأأني عاشت مع أخونا الحلفاوي وبعد
ثلاث سنين ماتت. الجماعة جو برضو بسرعة شديدة جداً غسلوها وكفنوها
وقاموا طايرين طيران على المقابر, وأخونا الحلفاوي جاري من الناحية
الفيها العواميد وشابكُن ليك: إإملو هسابكم من الأمود يا جماعة, إإملوا
هسابكم من الأمود يا جماعة...


الإعادة طلباً لرغبة الجمهور.

الحديث في هذا البوست سيكون عن:
الـعدو...

إذا ما شاطر ما تخاطر،
وإذا عايز تخاتر أعمل ساتر...

يا ربي الساكتة دي يكون في بالآ شنو؟؟؟
يا ما تحت السواهي دواهي!!!

سوف نعرض في هذا البوست مجموعة من الكراكتيرات
خاصة بالأعداء، ونكتفي بالتعليق عليها فقطاً...

معاوية ..عيدك مبارك

الزول حلفاوى والا قصدك سودانى؟؟

والله يا صديق الموج لو حذفت، يكون الضحك شرطك يا قول
حبوبتي البشير. أعمل حسابك والله نحن ما بنبقى بلآك في حوش
بكري ده.
يسعلني الله يا ود الموج الكراكتير ده حاجزوا ليك قبل تكتب
مداخلتك، وكلما اشوفو بتذكرك، ما عارف ايه؟؟؟

الذين يودون المشاركة من خارج الحوش اليجدعوا مشاركاتهم
بجاي: [email protected]
سركم في بير ما تخافوا.
والله صحي...

إعــلآن:

الكمية محدودة. علي الراغبين الإتصال للحجز علي الرقم:
4035977151
آخر تجربة أثبتت إنو نسبة تفادي الحوادث في حالة إستعمال هذا
الحزام 75%، وتمت هذه التجربة قبل إسبوع من العيد.

إتصلوا بنا، وإلا باكر حاتندموا...

Quote: معاوية ..عيدك مبارك الزول حلفاوى والا قصدك سودانى؟؟

ههههههه، يا صديق الموج العيد يتبارك عليك.
رغم إنها خارج النص، لكن حأديك ليها عيدية هنا:
صاحبنا جمال الحلفاوي الله يطراهو بالخير، قال مرّة كان رآكب القطر، والقطر
مزحوم زحمة شديدة جداً. أها، جمال ده قال بيمشي البوفيه يطلب كباية شاي
ويقعد يجغم فيها بالرااااحة، بالرااااااحة، يفوّت بيها محطتين تلآتة، ويمشي.
تاني يرجع البوفيه يطلب كباية شاي ويقعد يتجغّم بالرااااحة، بالرااااحة، وعمّك
الحلفاوي بتاع البوفيه ممغوص من جمال. فجأة فتح فيهو: إنت يا شيّه، ايه
هكايتك!!! كل مرّة تطلب كباية بتاع شاي، وتقعد لنا هنا ساااتين؟؟؟!.
جمال طوالي رآح رآطن معاهو. عمنا بتاع البوفيه قال ليهو: تييب من
السباح ما ترتُن، قاااد لينا زي السودانيين كده...

معاوية ممكن احكى نكتة...والله صحى

قالوا واحد ساكن فى جزيرة قامت مرتو قالت ليه ياراجل ادينى
عشرة قروش فى بكاء فى حلة مقابلة للجزيرة اركب بيهن المركب
الحريم كلهن ماشات.الراجل حلف بى رأس ابوهـ ما يديها.قدر ما حنستو
رفض. قالت ليه والله لو اتدين العشرة قروش مااقعد.قال ليها اتدينى
بطريقتك. بعد شوية طق الكورك فى الحله قالوا المركب غرقت والحريم
الفيها كلهن غرقن.الراجل جاء البيت ومركب وش حزين وقال لى بتها:
الله يجيرنا فى مصيبتنا ولا حول ولاقوة الا بالله.البت قالت ليه فى شنو
يا ابوى؟ قال ليها المركب غرقت والحريم كلهن ماتن وامك معاهن..
البت قالت ليه لكن امى ما مشت وراقدهـ جوهـ.
قال ليها الله يصرفها ما لقت زول يدينا عشرة قروش واللا شنو؟

ان شاء الله كلامنا يكون عليهن خفيف، الله يصرفك كان داير تجيب
لينا معاهن عداوة ياود المدير..

Quote: قالوا واحد ساكن فى جزيرة قامت مرتو قالت ليه ياراجل ادينى عشرة قروش فى بكاء فى حلة مقابلة للجزيرة اركب بيهن المركب الحريم كلهن ماشات.الراجل حلف بى رأس ابوهـ ما يديها.قدر ما حنستو رفض. قالت ليه والله لو اتدين العشرة قروش مااقعد.قال ليها اتدينى بطريقتك. بعد شوية طق الكورك فى الحله قالوا المركب غرقت والحريم الفيها كلهن غرقن.الراجل جاء البيت ومركب وش حزين وقال لى بتها: الله يجيرنا فى مصيبتنا ولا حول ولاقوة الا بالله.البت قالت ليه فى شنو يا ابوى؟ قال ليها المركب غرقت والحريم كلهن ماتن وامك معاهن.. البت قالت ليه لكن امى ما مشت وراقدهـ جوهـ. قال ليها الله يصرفها ما لقت زول يدينا عشرة قروش واللا شنو؟

عجوز عذبة لقت ليها غمدة فوق طرف عنقريب فى برش بكاء،
النسوان اتلحنها ليك يابختك، يا بختك قالت ليهن يانسوان بختاً وين اشوفوا!؟
انا ضكر الضبان ما قاعد يرك فوقى!!!.

Quote: ان شاء الله كلامنا يكون عليهن خفيف، الله يصرفك كان داير تجيب لينا معاهن عداوة ياود المدير..

ههههههههههه،
تخاف يا ود الموج!؟!؟!؟
يا زول أُخُد رآحتك، منعناهن الدخول...

رد في السِلِك.
عفيت مِنّك...

تحياتي معاوية .. وكل عام وانتم بخير ..

Quote: رد في السِلِك.

ياخ الزول بتاع الوطن ده شفت مقرم ..
شوف الدبلوماسية الماكرة دي ..

حكت إحدى الزميلات خفيفات الظل ، قالت
( فى بنتين بايرات وفات عليهن الفوت وجدن شاب شماسى
حالتو حالة نايم ومجدوع فى الخور ، قامو رفعوه ونفضوه
وقالو بالله ده ما حرام ..؟ ، شوفو جنس النعمة دى يرموها كده ..!!

لكن أُمها نجيضة جنس نجاضة!!! نقشت الرومانسية.
قمّة الرومانسية...

Quote: ياخ الزول بتاع الوطن ده شفت مقرم .. شوف الدبلوماسية الماكرة دي ..

عوض اوكاشا، سلآمات والعيد يتبارك عليك.
يا أخي شِدّة ما شِفت، لمان الكديسة زاتا إتكيفت.

هاك شوف دي يا عوض.
غايتو جنس قطامة!!!

ود المدير كل سنة و إنت طيب و كل المعاك


ــــــــــــــــــــــــــــــــــــــ


هناك مثل أفريقي يقول:
خلق الله السماء والأرض
ثم خلق الرجل والحصان وال######
ثم خلق سائر الحيوانات .. والى هنا والكل مرتاح
وأخيراً .. خلق المرأة .. فلم يعد أحد يشعر براحة

ود المدير واصحابه

عيدكم مبارك

لكن دي ما المحرييه فيكم

وتاني لو ما عايزننا نخش ذي بوستاتكم المهببه دي
اكتبو للنساء فقط مش ممنوع دخول النساء

أحسان عيدك مبارك و ربنا إحقق الأماني

Quote: لكن دي ما المحرييه فيكم

نحن ذنبنا شنو ..؟؟؟؟

ود المدير هو الفتح البوست...!!!!!

اقول ليك امها قالت شنو واوديهو ليك الخور

ماتقول يا ناذر الخليفة

ناذر بتاع مشاكل خلوهو بعيد من البوست

معاوية المدير

كيفك غايتو بنكب ليك العندنا على مسؤوليتك
اها شوف ناس المسيار ديل

Quote: اقول ليك امها قالت شنو واوديهو ليك الخور ما تقول يا ناذر الخليفة

جمال الباقر عيدك مبارك

مش امها قالت ليها ماعارفه رومانسية معناها شنو
لكن للاحتياط كده غسلى (العدة) وارجيه؟؟

Quote: حكت إحدى الزميلات خفيفات الظل ، قالت ( فى بنتين بايرات وفات عليهن الفوت وجدن شاب شماسى حالتو حالة نايم ومجدوع فى الخور ، قامو رفعوه ونفضوه وقالو بالله ده ما حرام ..؟ ، شوفو جنس النعمة دى يرموها كده ..!!

محمد مختار جعفر، سلآمات.
تعرف، عندنا السر عُكاز ده احد ظرفاء عطبرة.
مرّة بعد المغربيّة كده سكرآن وواقع جنب عرآضة الميدان بتاع الحِلّة.
جات وآحدة من نسوان الحِلّة لقتو واقع إتهجمت، قالت: سجمي السر
عُكاز!!!
هو واقع في الوآطة قال ليها: لا... حامد بريّمة...

Quote: ود المدير كل سنة و إنت طيب و كل المعاك ـــــــــــــــــــــــــــــــ هناك مثل أفريقي يقول: خلق الله السماء والأرض ثم خلق الرجل والحصان وال###### ثم خلق سائر الحيوانات .. والى هنا والكل مرتاح وأخيراً .. خلق المرأة .. فلم يعد أحد يشعر براحة

صدق المثل.
والله صحي.
أها، شوّف نفر دي:

هسّع ده كان قال بِغِم الطوّة بتجيهو فوق نافوخو.


وإنت طيّب يا ابو حسين، ووليداتك طيبين...

يا جماعة أعملوا معروف وآحد يشيل
المفتاح الفوق الطربيزة.
أخوكم مذنوق.
والله صحي.






عليكم الله هسّع دي محتاجة
لمفاتيح ومفكات؟؟؟

Quote: ود المدير واصحابه عيدكم مبارك لكن دي ما المحرييه فيكم وتاني لو ما عايزننا نخش ذي بوستاتكم المهببه دي اكتبو للنساء فقط مش ممنوع دخول النساء

أُختنا إحسان فقيري،
كل سنة وإنت طيبة.
ما قلنا ممنوع الدخول!!!؟

طيّب للنساء فقط، وهاكِ العيدية:

ياخ الشفت ده مكيفني كيف ..

والله ده احلى بوست اشوفوا بعد الحج وعيدك سعيد ياصاحب البوست وتحياتى لكل البيجاى

Quote: نحن ذنبنا شنو ..؟؟؟؟ ود المدير هو الفتح البوست...!!!!!

إن شاء الله يلِمّن فيّك يا ابو حسين
يوقفن رقبتك عصا...

حـقـيّـقـة:

هُنّ رحمةٌ لنا.
حدي يغالِت ...




الشفت شفت يا اوكاشا.
والله صحي...

" كَـمَـا تَـكُـونُـوا يُـولَّـى عَـلَـيْـكُـم "
"
"الْخَبِيثَاتُ لِلْخَبِيثِينَ"

إعترضو بأه على كلام ربنا ورسوله :)

عبد الرحمن الزهراني
رسّام كاريكاتير في صحيفة الوطن السعودية
لديه قدرة رهيبة في تصوير المرأة وهي في حالة تعكير دائم لمزاج الرجل.
كأنه يريد ان يقول انّ المرأة هي مصدر السعادة للرجل، بس خايف يقولوا
عليهو كذآآآآب.
التحيّة له وهو يدخل البهجة إلي نفوسنا، ويردم العدو نيابة عننا.
كل سنة وإنت طيّب يا زهراني.

احلى حاجة كديسة الزهراني ديك ....والله صحي







كل سنة وانتوا طيبين ...( الجوة البوست والبتاوقن)

وصلني إيميّل من وآحد لآبد في ابو ظبي، وقال لي يا زول الموت حق والحياة باطلة.
أكتب إسمي، وكِدي العدو كان فالح اليقول البغلة في الإبريق.
نسبةً لأني علي علم تام بمدى خطورة الأعداء آثرت عدم
التصريح بالإسم، لكن لا بُدّ من التعريض، فالإسم مُشتق
من الشوق والريد. حذّر فذّر يكون منو؟؟؟
إلي أضابير وقعارير الإيميل:

Quote: ياود المدير يافنان هاك ديل "علي ضمانتك سمح" أتوكل السر في بير ؟؟ على فكرة الطرفتين حقيقيتين (1) الراجل مرتو ذهبت لعزاء في الخرطوم وفي الرجعة وجنب الكاملين الحافلة إنقلبت الخبر إتنشر وعمك إنبسط بس مش قدر كدا فالحاجة توشك جات داخلة "معفرة" وإتضح كل الركاب مرقوا بسلام عمنا زعل بالحيل وفي بيت بكاء بعد إسبوعين من الحادث قام لاقى "سواق الحافلة" حمر فيهو قووووي وقال ليهو "الله يخيبك ويخيب ولادتك الما بتعرف تقلب" (2) حبوبتن لينا ماتت فجأة وبدون أي مقدمات تاح وقعت ماتت الكواريك ملت البلد والساعة كانت تقترب من حداشر صباحاً إتلملمت الخلوق وفي أثناء التجهيز والتحضير ل"الدفن" جلس الناس كل يحكى عن آخر لحظاتـها وعلي طريقته واحد قال "والله قبال ربع ساعة جات بي عندي وسلمت علي وفاتت " نط واحد تاني "والله جات بي عندي وسألتني من السلم قالت لي دايرين يرفعوا تراب في راس البيت" شب واحد تناي يعمل في دكان "والله أسي قبال نص ساعة جاتني وإشترت من صندوق بسكويت" وأضاف " فتحت الصندوق وأكلت ليها حبتين قدامي ..... مخير الله " قريبنا من جماعة ضحايا النسوان قال ليهو : " عليك النبي بعد الدافنة كان ما فتحت الدكان وأديني كرتونة من البسكويت دا" وفي كل الأحوال تسلم يامدير

لك الف شكر يا المـ.....ريود يسلّم علي أهلنا.
نسبةً لأنّك تكبدت المشاق وجيتنا من بلداً طيرا عجم،
خُد معاك الهدية دي، وتاقي الباب وإنت مارق من
الأعداء:

الزول ده مكيفني ليك جِنِس كيّف!!! لدرجة إني
عاملوا في برواز ومعلقو في أوضتي. تصدّق!!!



كتّر خيّرك يا المـ... أحم، أحم...

Quote: اقول ليك امها قالت شنو واوديهو ليك الخور ماتقول يا ناذر الخليفة

سلآمات يا جمال الباقر.
يا أخي الحاجة دي تبدو عليها سمات الوقار، وتنعم ببراءة
منقطعة النظير، فبالله عليك الله ما تقولآ كلآم ساكت.
يا زول بقول يا ناذر الخليفة، الزول ده صاحبي.

عليك الله خلينا في الجد، ولو عارف تلفون
الراجل ده قوليهو ما يجي البيت، المراة
دي ناوية توديهو الآخرة.

عبر الإميل أرسل لنا أخونا علي عبد الله هذا الفيديو،
وعلي عبد الله ده انا ذكرت إسموا حسادة مِني عشان
أورطو مع العدو بتاعو، هذا من ناحيّة، ومن ناحيةٍ
أُخري عجبني المصري البيحرش في التكرونية.
والله صحي.
تقبل هديتنا يا علي:

مشكور علي الفيديو يا ابو عِلوة،
ونسأل الله ان يجعله في ميزان
شكلآتك مع العدو...

إذاً ما هي المشكلة؟؟؟

Quote: ناذر بتاع مشاكل خلوهو بعيد من البوست

سلآمات يا شريف نصر الدين.
يا أخوي ناذر الخليفة هنا ما بياكل عيش.
عندنا جِنِس ردِم!!!:

النصيحة لله أكان دخلت مادي بوزك برضو ما بيخلوك.
ريّح نفسك وانسى حكاية الدخول دي مرّة وآحدة.


تحياتي ليك يا شريف، وناذر...

طيب انتو في رأيكم الحل للمشاكل اعلاه شنو ؟؟؟؟

ولا بس النسوان يقعدو... لا اسمع لا اري لا اتكلم....

و منكم نستفيد

غايتو الدنيا دي فيها جِنِس مِحن!!!؟؟؟
إإملو هسابكم من الدردشة.
لكن رولا مبااااالغة.
والله صحي...

Quote: معاوية المدير كيفك غايتو بنكب ليك العندنا على مسؤوليتك اها شوف ناس المسيار ديل

البشاري يا فردة.
أخبارك؟؟؟

أها كمان تعال شوف بتاعين الإنترنيت :


غايتو جِنِس بِدع!!!

والله يا حآجة كُراعك دي إلا يناولوك ليها
وِلآد بنتِك. تلهطي زي القرنتيّة، وكمان دايرة
تعملي حركة زي دي، تبالغي واللآ شنو ؟؟؟

Quote: " كَـمَـا تَـكُـونُـوا يُـولَّـى عَـلَـيْـكُـم " " "الْخَبِيثَاتُ لِلْخَبِيثِينَ" إعترضو بأه على كلام ربنا ورسوله :)

دا برضو كلام ربنا ورسوله عليه افضل الصلاة و السلام
(عظم الأجر عند عظم المصيبة و إذا أحب الله قوما ابتلاهم) :)

سلامات ود المدير و عيدك مبارك

أسرع وأنجع طريقة للتخلُص من العدو.


تـحـذيّـر :

الرجاء عدم اللجوء لهذه الطريقة إلا عندما
تتفاقم النِقّة، وتبلغ الروح الحلقوم...

عندما تصدق المرأة...

والله حقو ما كان تجاوبو زاتو.
ده سؤال يسألو ده ؟؟؟

معاوية المدير يامشاغب


مدامتك مابتتصفح سودانيز ؟








بصرف النظر عن دوافعه بوست خفيف الظل

ويكشف عن مواهب فكرية فيك

و


كيدية

Quote: والله ده احلى بوست اشوفوا بعد الحج وعيدك سعيد ياصاحب البوست وتحياتى لكل البيجاى

سلآمات أخي نور الدين عثمان، وعيدك مبارك.
أسأل الله ان يتقبل سعيك، ويجعل حجك مبرورا.

هاك العيديّة عشان المرّة الجاية تدعي لينا معاك :

ده جفاف وتصحُر كمان.
والله صحي.




مشكور يا نور الدين...

كل عام وانتم بخير

بوست بتاع مشاكل
لكن الما دايرا منو
بقصد المشاكل طبعا
نحكى ليكم دى
وهى بالجد جد كده , لالا نكتة ولا يحزنون
فيها شوية بهارات , يمكن !!
صديق لى , لسانه متبرى منو
كيف لا , وهو ود خالة صديق الموج لزم
لكنه ما بيعرف درب الكمبيوتر زاتو بى وين
سيبك من الأنترنت , وسودانيزاونلاين
عشان كده لو الحكاية دى وصلتو , صديق الموج يشيل شيلتو معاهو
مش ود خالتو , تيب وانا دخلى شنو
كنا فى القصيم , حيث يقيم هذا الصديق , اللى لسانو متبرى منو
فى احد الرمضانات , عندنا صديق مقيم فى منطقة ساجر , اخذ معاهو زوجته الجديدة لنج , ومشى العمرة
حوادث العمرة ما كتيرة عاد
فى طريق الرجعة لحس ليك المدام بى حادث مدنكل , ورجع هو عاااادى , جرحة ساكت مافيهو
الراجل قعد عزابى سنتين تلاتة اهلو شبكوهو ليك قاعد مالك , الحى ابقى من الميت , وهلم جره
مؤمن يا صديق زولنا قام عرس تاااانى
ورمضان تانى جا
والعمرة فتحوها
قوم يا زولنا سوق معاك المرة الجديدة , ويا عمرة جاكى زول
رجع من العمرة بى نفس الدرب , لحس ليك المرة التانية زى الما حصل حاجة
المرة ماتت , والعربية اتكسرت , وقمنا تااااانى بى صمة خشمنا مشينا من بريدة لى ساجر نعزى
فى نص العزا , ود خالة صديق الموج , اللى لسانو متبرى منو , بعد النخجى بتاع البكا الصادق والمؤثر
انت يا فلان , ما تورينا النساوين البيموت ليك فى العمرة ديل بتجيبهم من وين ؟؟؟؟!!!!!

هذا النوع موجود بكثرة.


هذا النوع إنقرض زماااااان...

ود المدير و الاحباب سلامات

قالوا واحد لاقي واحد من اصحابو القدام بعد فترة طويلة
المهم سلم عليه و سأل عن اخبار المدام قال ليه و الله المدام الاولى توفت و اتزوجت تاني
بعدة فترة ثاني لاقى نفس الراجل وبعد التحية سأل عن المدام الثانية و اخبارها
قال ليه والله المدام الثانية برضو توفت الله يرحمها
قام عمك قال للراجل بالله عليك انتو النسوان البمتوا دول بتلقوهم وين؟

*****

Quote: " كَـمَـا تَـكُـونُـوا يُـولَّـى عَـلَـيْـكُـم " " "الْخَبِيثَاتُ لِلْخَبِيثِينَ" إعترضو بأه على كلام ربنا ورسوله :)

سلآمات أُختنا سارة عيسى.
تب ما عندنا إعتراض علي كلآم الله والرسول.
لكن هكذا خلقهم :

ولله في خلقة شئوّن.



سلآم، وعيد سعيد...

ود المدير الله لا غزا فيك بركة
انت ما سمعت بى يا الوابل يا بيت ابوى
ياخى مالك تقلب فى الدراب تفتش فى العقارب براك،،،

سلامات ود المدير وضيوفه الكرام .. وكل عام وأنتم بخير

كان أحسن تقول ممنوع دخول النساء أقل من أربعين سنه

على اليمين كان تخلى ناس إحسان فقيرى ديل يفطوك زى الماحصل حاجه

..............................................

تحياتى للدكتوره إحسان والعزيز دكتور قرشاب وراشد وحمودى وكل سنه وأنتم بألف بخير

يا ود المدير مساك طيب وشايفك مكود فى برانلي قايتو نفرقع ليك البوست شوية بي العدو الصيني

بالله شوف معاويه المدير وشلته الحاقده دي

هسه انا بفتش لي على عروسه انشاء الله عروسه مولد

تقوموا توقفوا قلوبنا بكلامكم ده

عالم بطاااااااااله

غايتو يا العدو، تحيّر المابيحتار!!!
والله صحي...

ايش يا راجل!!!؟؟؟
أحي يا الحر. هسّع ما عامل
فيها بتاع طلآق؟؟؟!!!

Quote: احلى حاجة كديسة الزهراني ديك ....والله صحي كل سنة وانتوا طيبين ...( الجوة البوست والبتاوقن)

وإنت طيّب يا كونت، وكل البتاوقن من برّة،
والبتاوقن من جوّة وما قادرآت يقولن بِغِم.

الكديسة كمان ما قاعدة في الوآطة، وبتتفاعل مع المواقف.
والله صحي.

شفت الكديسة هنا يا كونت مندهشة كيف؟؟؟!!!

أطرد الأحلآم يا ثقيل واصحى
العرس والنوم تشُمهِن قدحة.




مع الإعتذار للأغنية...

Quote: طيب انتو في رأيكم الحل للمشاكل اعلاه شنو ؟؟؟؟ ولا بس النسوان يقعدو... لا اسمع لا اري لا اتكلم.... و منكم نستفيد

سلآمات ShiningStar
طيّب ايه رايك يا نجمتنا المضيئة نجعل الأمر بيد
النسوان، وتعالي نشوف الحايحصل شنو في الكراكتير
المُرفق:

يعني لآزم تفضحونا يا معشر الرجال؟؟؟

Quote: : سلام ياخي والله حرام ما كلنا كدا عموما كل عام و أنتم بخير أهدي هذه الأغنيه لجيل السبعينات

سلآم أختي سلمى، وكل عام وأنت بخير.

يا سلآم علي الفهم المركّز.
يا زول داير تكتُل الكديسة بالضحك...

يا سلآلآلآلآم ،ما أجمل الديموقراطيّة عندما
تتجلى في أبهى صورها!!!

الزوج : الله يا أم خلف تدرين كم صار لنا متزوجين ؟

الزوجة : ليش السؤال , مليت مني , تبي تتزوج علي , و الا حاس انك



بتموت ؟
الزوج : ما كنت اقصد شي , و على طاري الموت , إذا أنا مت تتزوجين ؟الزوجة : أكيد ..لا .. مستحيل ..


الزوج : ليش مستحيل .. تراني مسامحش .الزوجة : و انت بتتزوج إذا أنا مت ؟


الزوج : امممممممم , بصراحة ما ادري ..

الزوجة : إذا أنا مت تزوج تراني مسامحتك .. بس تنتظر لين ينشف قبري

هاذي و صيتي لك .


الزوج : عقب عمر طويل ..و يقول في نفسه : كلها أسبوع و يصير القبر


يابس .


الزوجة : تعاهدني على تنفيذ وصيتي .


الزوج : إن شاء الله .

وبعد شهرين انتقلت الزوجة إلى رحمة الله تعالى , و بدأ

الزوج يزور قبر زوجته يوميا قبل الذهاب إلى المسجد لصلاة المغرب ,

و كان دائما يجد القبر رطبا , استمر الحال شهورا , و ذات مساء بعد ان
انتهى من زيارة قبر زوجته يحدث نفسه فيقول : ان زوجتي ام خلف امرأة

مؤمنة , كل القبور يابسة إلا قبرها , لذا فلن أتزوج عليها و سوف أحج

نيابة عنها هذه السنة .

و جاء موعد الذهاب إلى الحج فقرر أن يزور قبر زوجته قبل الذهاب إلى

المطار .. ذهب إلى المقبرة .. و كانت المفاجأة ..

لقد و جد اخو زوجته خليفة يسكب ماء على القبر .. فأمسك به .. و سأله :

الزوج : ماذا تفعل هنا ؟

خليفة : إن أختي أم خلف أوصتني أن اسكب ماء على قبرها كل يوم , و ان

لا أتوقف حتى تموت أنت .
الزوج : و لماذا ؟

خليفة : لقد قالت لي أختي انك لا تحب أن ترى قبرها يابسا .

الزوج : فعلا .. إن كيدهن عظيم .. حتى و هن ميتين ..

خليفة : فعلا إنهن مزعجات .. حتى و هن ميتات .....

الأخ معاويه المدير والحاقدين معه كل عام وأنتم بخير معليش دخلنا رغم انو ممنوع دخول النسوان لكن غصبا عنكم نخش

سلام يا أهلنا .....







ربنا يجعلنا خفاف عليهنّ

Quote: دا برضو كلام ربنا ورسوله عليه افضل الصلاة و السلام (عظم الأجر عند عظم المصيبة و إذا أحب الله قوما ابتلاهم) :) سلامات ود المدير و عيدك مبارك

سلآمات يا ود البشرى.
ينعاد علينا وعليكم بالخير.

حقاً إذا أحبّ الله قوماً إبتلآهم...

هههههههههههه...إلخ

الف شكر أخي فيصل خليل علي
الإستراحة الرياضية مع ولدنا
المبدع.

مرضة الكورة يوم بتكتل ليها زول.
والله صحي...

يا وسيم الطلعة اوّع حاذر أوّع.


مع الإعتذار للأُغنية...

قريباً:
أروع أفلآم الرُعب.

الخائن والزوجة المِسيار...

Quote: معاوية المدير يامشاغب مدامتك مابتتصفح سودانيز ؟ بصرف النظر عن دوافعه بوست خفيف الظل ويكشف عن مواهب فكرية فيك و كيدية

شاعرتنا الرقيقة هند.
عشرات حبابك سلآمات.
هووووووي يا هند، أوووووعك تبحتي لينا الجحور.
المدآم بتاعتي ولا قاعد تتصفح، لآ حاجة أمسكي
كيبوردك ده عليك أنا ما بقدر علي المناقرة.

صورة طِبق الأصل لمدامتنا.
سوف يصلك تلفونها في المسنجر
أعملي معروف سلميها النُسخة بتاعتي.


تحياتي...

Quote: كل عام وانتم بخير

وإنت بخير يا صاحب.

جاريات وراء التخفيضات،
ويتفاصحن في التلفونات.
والله صحي...

Quote: , ود خالة صديق الموج , اللى لسانو متبرى منو , بعد النخجى بتاع البكا الصادق والمؤثر انت يا فلان , ما تورينا النساوين البيموت ليك فى العمرة ديل بتجيبهم من وين ؟؟؟؟!!!!!

أخونا منصور عبد الرازق،
الآف التحايا لك وسلآمات.
يا زول صاحبك دا لو قلت أنقُروهو ود خالة منو؟؟؟
كان قلنا ود خالة صديق الموج.
والله صحي...

عملاً لي الله مافي؟؟؟

Quote: ود المدير و الاحباب سلامات قالوا واحد لاقي واحد من اصحابو القدام بعد فترة طويلة المهم سلم عليه و سأل عن اخبار المدام قال ليه و الله المدام الاولى توفت و اتزوجت تاني بعدة فترة ثاني لاقى نفس الراجل وبعد التحية سأل عن المدام الثانية و اخبارها قال ليه والله المدام الثانية برضو توفت الله يرحمها قام عمك قال للراجل بالله عليك انتو النسوان البمتوا دول بتلقوهم وين؟

الصادق خليفة يا حبيب.
سلآمات.

شوف النمس دا يا الصادق!!!

Quote: *****

سلآمات يا عبد الله إحيمر.
جاي تتلبد بالراااااحة كده مالك؟؟؟
قول حاجة.

الظاهر عليك عامل عملة سودة...

Quote: سلامات ود المدير وضيوفه الكرام .. وكل عام وأنتم بخير كان أحسن تقول ممنوع دخول النساء أقل من أربعين سنه على اليمين كان تخلى ناس إحسان فقيرى ديل يفطوك زى الماحصل حاجه .............................................. تحياتى للدكتوره إحسان والعزيز دكتور قرشاب وراشد وحمودى وكل سنه وأنتم بألف بخير

أُسامة يا صديق سلآم، وتحايا عبرك للدكتورة إحسان وأسرتها العزيزة.
أهو جات علي كدة يا أُسامة، وشرفتنا الدكتورة.

كل ذكرى زواج والجميع بخير...

Quote: والعدو دائما مظلوم معاكم

العدو مظلوم كيف يا كودي؟؟؟
عليك الله شوف الإهتمام ده كيف!!!:

الجماعة رآقدين خل، يا قول
طارق جبرين...

Quote: الزوج : ماذا تفعل هنا ؟ خليفة : إن أختي أم خلف أوصتني أن اسكب ماء على قبرها كل يوم , و ان لا أتوقف حتى تموت أنت . الزوج : و لماذا ؟ خليفة : لقد قالت لي أختي انك لا تحب أن ترى قبرها يابسا . الزوج : فعلا .. إن كيدهن عظيم .. حتى و هن ميتين .. خليفة : فعلا إنهن مزعجات .. حتى و هن ميتات .....

سلآمات أُختنا هويدا شرف الدين،
ومرحب بيك في ديار العدو.

سبحان الله!!!
حتي الكديس عارف كيدهُنّ عظيم.

Quote: الأخ معاويه المدير والحاقدين معه كل عام وأنتم بخير معليش دخلنا رغم انو ممنوع دخول النسوان لكن غصبا عنكم نخش

وإنت بخير يا هويدا.
تعجبني صراحتك، والكلآم علي البتاوقو:

قيّل في المثل:
الخبار كتلّو مرا...

ويظل كيدهُنّ عظيم.

أعمل حسابك يا فدياس لحدي ما نجيّك.
شايف أخونا ده دردقو كيف؟؟؟!!!

Quote: صورة طِبق الأصل لمدامتنا. سوف يصلك تلفونها في المسنجر أعملي معروف سلميها النُسخة بتاعتي. تحياتي...

الصورة دي حالة عامة

أهلا بيها وضروري ترسل الرقم انا بانتظاره ، حأسعد جدا أهديك نسختين ليك ولبها

عشرات حبابكم فيني

ودي ، وتستاهلو كل جميل

Quote: سلام يا أهلنا ..... ربنا يجعلنا خفاف عليهنّ

سلآمات يا أبو الريش.
يا زول ما بتقصر تب، جبت عدلك وجيت؟؟؟
عفيت مِنّك.

الخبيث ده شكلو عامل حاجة يا أبو الريش.
والله صحي...

Quote: بالله شوف معاويه المدير وشلته الحاقده دي هسه انا بفتش لي على عروسه انشاء الله عروسه مولد تقوموا توقفوا قلوبنا بكلامكم ده عالم بطاااااااااله

مبروك مقدماً يا فدياس.
دقت ساعة الفرح لا تراجع إلي الأمام.

بختك يا فدياس.
والله صحي...

Quote: ود المدير الله لا غزا فيك بركة انت ما سمعت بى يا الوابل يا بيت ابوى ياخى مالك تقلب فى الدراب تفتش فى العقارب براك،،،

والله يا صديق الموج أنا الحاجة البتعجبني
بهديها ليك طوالي، دحين أقبل مني دي...

آآآآآآآآآ...

Quote: الصورة دي حالة عامة

والصورة دي برضها حالة عامة يا هند.






يستاهلك كلّ الخير...

نوم العافية...