Post: #1
Title: مذكرة لبرلمان الجنوب لتقديم باقان اموم للمحاكمة
Author: محمد المسلمي
Date: 11-09-2011, 11:48 AM
دفع اكثرمن(60) عضوابمجلس تشريعي دولة جنوب السودان
بمذكرة الي رئيس المجلس تطالب بتقديم (13) قياديا بالحركة
الشعبية للمحاكمة في قضايا خاصة بالفساد المالي والاداري
بحكومة الجنوب
وبين عضو البرلمان دينق قوج ان راس المطلوبين للمحاكمة
باقان اموم
|
Post: #2
Title: Re: مذكرة لبرلمان الجنوب لتقديم باقان اموم للمحاكمة
Author: محمد المسلمي
Date: 11-09-2011, 11:51 AM
Parent: #1
المصدر التيار العدد801 اليوم 9 نوفمبر
|
Post: #3
Title: Re: مذكرة لبرلمان الجنوب لتقديم باقان اموم للمحاكمة
Author: Haju Muktar
Date: 11-09-2011, 08:15 PM
Parent: #2
لو الخبر حقيقي ده دليل عافيه. بيكون ده برلمان فعال وديمقراطي
عقبال برلمان حكومة دولة الشمال
تحياتي
|
Post: #4
Title: Re: مذكرة لبرلمان الجنوب لتقديم باقان اموم للمحاكمة
Author: Deng
Date: 11-09-2011, 08:37 PM
Parent: #3
أي شخص فاسد يجب أن يحاكم، حتى لو كان سلفا كير ذاتو.
يا محمد المسلمي.
نحن كده أنتو كيف؟
|
Post: #5
Title: Re: مذكرة لبرلمان الجنوب لتقديم باقان اموم للمحاكمة
Author: Elbagir Osman
Date: 11-09-2011, 08:44 PM
Parent: #4
يا ريت ما يسمى بالمجلس الوطني في الخرطوم يفعل مثل ما فعل مجلس الجنوب
ويمارس واجبه في محاسبة المسئولين
وبالذات الفاسدين
الباقر موسى
|
Post: #6
Title: Re: مذكرة لبرلمان الجنوب لتقديم باقان اموم للمحاكمة
Author: محمد المسلمي
Date: 11-09-2011, 08:55 PM
Parent: #5
Quote: لو الخبر حقيقي ده دليل عافيه. بيكون ده برلمان فعال وديمقراطي
عقبال برلمان حكومة دولة الشمال
تحياتي |
الاخ هجو كل عام وانت بخير الخبر حقيقي والجماعة ديل عندهم فساد بالكوم
|
Post: #7
Title: Re: مذكرة لبرلمان الجنوب لتقديم باقان اموم للمحاكمة
Author: Nasr
Date: 11-09-2011, 08:55 PM
Parent: #3
دليل عافية ولا شك
وأجدني متفائلا إذن للإخوة في الجنوب الحبيب
22 عاما أو تزيد من فساد المسؤولين كبارا وصغارا في السودان
ولم نسمع يوما عن شئ مثل هذا
بل
رئيس البرلمان ملأ الدنيا ضجيجا حين أورد أحد الأسلاميين خبرا عن مرتبه
وهدد وتوعد بالمقاضاة (وحاجات تانية أخطر)
وبعدين لحس كلامه
والنتيجة إذن؟؟؟
رئيس البرلمان في الشمال فاسد والبرلمان يحمي الفاسدين في السلطة التنفيذية
والبرلمان في الجنوب يقوم بدوره في الرقابة علي السلطة التنفيذيه
.
.
.
هي لله لا للسلطة أو للجاه
(بس في الشمال ولا في الجنوب؟؟؟؟؟؟؟؟؟؟؟)
|
Post: #8
Title: Re: مذكرة لبرلمان الجنوب لتقديم باقان اموم للمحاكمة
Author: محمد المسلمي
Date: 11-09-2011, 08:59 PM
Parent: #7
يادينق كل سنة وانت طيب الفساد في الشمال والجنوب بالكوم بس الجماعة ديل في زول بسمع كلامهم ولا طلب سيرفض لا في محاكمة لاخلافه
|
Post: #9
Title: Re: مذكرة لبرلمان الجنوب لتقديم باقان اموم للمحاكمة
Author: محمد المسلمي
Date: 11-09-2011, 09:02 PM
Parent: #8
Quote: يا ريت ما يسمى بالمجلس الوطني في الخرطوم يفعل مثل ما فعل مجلس الجنوب
ويمارس واجبه في محاسبة المسئولين
وبالذات الفاسدين
|
الباقر موسي كل سنة وانت والاسرة بخير كل من يثبت عليه الفساد سيقدم للمحاكمة
|
Post: #10
Title: Re: مذكرة لبرلمان الجنوب لتقديم باقان اموم للمحاكمة
Author: محمد المسلمي
Date: 11-09-2011, 09:34 PM
Parent: #9
ناصر عيد سعيد
ناس الجنوب امس سجحنوا الصحفي وبكرة النواب ديل كلهم برفدوهم
|
Post: #11
Title: Re: مذكرة لبرلمان الجنوب لتقديم باقان اموم للمحاكمة
Author: علاء الدين يوسف علي محمد
Date: 11-09-2011, 09:39 PM
Parent: #10
هلا يا حاج مُحمّد
لو شافوا لينا معاهم قِصّة
من قتل الهالِك قرنق
|
Post: #12
Title: Re: مذكرة لبرلمان الجنوب لتقديم باقان اموم للمحاكمة
Author: ود الباوقة
Date: 11-09-2011, 09:44 PM
Parent: #11
انت عارف يا المسلمي الجماعة ديل
لو دايرين يفتحوا باب محاكمات حايكونو كلهم
متربسين في الحراسات
نسال الله السلامة .
عيدكم سعيد جميعا وبالله بكرة سلم لي على الشباب
كلهم في وليمة شيخ العرب المسلمي
وشكرا ..
|
Post: #14
Title: Re: مذكرة لبرلمان الجنوب لتقديم باقان اموم للمحاكمة
Author: Deng
Date: 11-09-2011, 09:48 PM
Parent: #12
ود الباوقة.
مصادرنا بتقول أنت كنت في مهمة أمنية تدريبية سريعة في الخرطوم.
|
Post: #13
Title: Re: مذكرة لبرلمان الجنوب لتقديم باقان اموم للمحاكمة
Author: محمد المسلمي
Date: 11-09-2011, 09:47 PM
Parent: #11
Quote: هلا يا حاج مُحمّد
لو شافوا لينا معاهم قِصّة
من قتل الهالِك قرنق
|
ياهندسة كل سنة وانت طيب
الناس ديل ماعندهم حرية ناس ونسة ساهي امس الصحفي اتكلم في العرس حق بت سلفا
وقفوا الجريدة واعتقلوا الصحفي معقولة افتحوا ملف كبير قدر ده
|
Post: #15
Title: Re: مذكرة لبرلمان الجنوب لتقديم باقان اموم للمحاكمة
Author: Adam Omer
Date: 11-09-2011, 10:11 PM
Parent: #13
دفع اكثرمن(60) عضوابمجلس تشريعي دولة جنوب السودان
بمذكرة الي رئيس المجلس تطالب بتقديم (13) قياديا بالحركة
الشعبية للمحاكمة في قضايا خاصة بالفساد المالي والاداري
بحكومة الجنوب
وبين عضو البرلمان دينق قوج ان راس المطلوبين للمحاكمة
باقان اموم
الاخ المسلمى ســــلام.
ياخى أنتم فســـــــــــادكم يذكم ألانف!
و مشرور برا زى غلفة العنز حسب تعبير ألاخ جنى)
أتكلم عن الفاسد المتعافن و عن الفاسد كضبى المهدى
|
Post: #16
Title: Re: مذكرة لبرلمان الجنوب لتقديم باقان اموم للمحاكمة
Author: Nasr
Date: 11-09-2011, 10:39 PM
Parent: #15
قال محمد المسلمي
| Quote: الفساد في الشمال والجنوب بالكوم |
الله يرضي عليك ويبارك ليك عيدك
أها ناس برلمان الجنوب شافوا الفساد إتحركوا
إشتغلوا شغلهم
ورونا همتكم يا ناس الشمال
نديكم إقتراح؟؟؟
أبدوا من بصات والي الخرطوم
ميتين بص تعطلت في عامها الاول
(يعني شبهة الفساد ممكن يلحظها أكثر المفسدين إنعدام ضمير وأخلاق)
كدي علي الأقل أعملوا تحقيق في الموضوع
ولو في تهمة قدموهم لمحاكمة
وكان الحكاية عادية كما قولوا لينا
(وفي البال حاجات كثيرة بس كدي نبدأ بدي)
|
Post: #17
Title: Re: مذكرة لبرلمان الجنوب لتقديم باقان اموم للمحاكمة
Author: HASSAN HAYDAR
Date: 11-10-2011, 01:44 AM
Parent: #16
أنتم فســـــــــــادكم يذكم ألانف
|
Post: #18
Title: Re: مذكرة لبرلمان الجنوب لتقديم باقان اموم للمحاكمة
Author: عمار عوض
Date: 11-10-2011, 02:03 AM
Parent: #1
Quote: توضيح وتكذيب من دينق قوج ايويل نائب دائرة الرنك ببرلمان جمهورية جنوب السودان
نشرت بعض الصحف السودانية أمس نقلا عن وكالة (أس أم سي) خبرا مفاده بأنهم أتصلوا أمس الأول بشخصي ونقلوا عني ما تم نشره وهو ( مزكرة من 60 برلمانيا ببرلمان جمهورية جنوب السودان تطالب بمحاكمة بعض قيادات الحركة بما فيها الامين العام للحركة الشعبية بجنوب السودان الرفيق فاقان اموم بتهمة فساد...الخ)
عليه أرجو أن أوضح الآتية للرأي العام بجمهورية جنوب السودان،وكذا بجمهورية السودان ومع إحتفاظي الكامل بمقاضاة أي جهة شاركت في نشر الخبر المفبرك، أود أن أوضح الأتي:
أولاً: الخبر المنشور عاراَ من الصحة بل تمت فبركته.
ثانياً: لم أصرح لأي مؤسسة صحفية سودانية عن الموضوع المزكور أو عن أي شأن آخر.كما أنه لم يكن هنالك أي محفل عام أو خاص ناقشت فيه القضية المنشورة او مشابهة لها..
ثالثاَ: لم يتصل بي أي شخص من الوكالة التي نشرت الخبر أو أي جهة آخري لادلي بتصريح كما ورد في الخبر المفبرك.
رابعاَ: ليس هنالك أي مذكرة من أي من النواب حسبما ورد في الخبر بهذا الخصوص ، ويعلم الجميع الطرق المختلفة لمعالجة ومناقشة القضايا بالمجلس حسب ما تنظمه اللوائح.
وبناءاَ علي ما تقدم أوضح الأتي:
1- الخبر المنشور عار تماماً من الصحة.
2- بما أنه لم يتصل بي بتاتاَ أي شخص،وبما أنني لم أقل ما نسب لي فأن الخبر مفبركاَ ويحمل بين طياته هدف ومقصد خبيث يريد منه هذه الجهات الاتي:
1-الفتنة والوقيعة بين أعضاء الحركة الشعبية وقياداتها.
2- إشانة سمعة الأمين العام للحركة الشعبية والإيحاء بأنه متورط في قضية فساد، وهي محاولات مستمرة من دوائر معروفة بعدائه لشخص فاقان أموم ككادر صلب منحاز لقضايا شعبه وملتزم بمبادئ حزبه.
3- ما تم هو أستمرار للحملة المزعورة والمسعورة التي يقوم بها المؤتمر الوطني ضد الحركة الشعبية في الشمال والجنوب وضد حكومة جمهورية جنوب السودان . هذه الحملة قائمة علي صناعة الكذب والتلفيق وإشاعة الفتن والكراهية ونشر ساقط القول وفاحش الكلمة ضد قيادات الحركة الشعبية.
ومنذ تولي شخصي الضعيف منصب الناطق الرسمي للحركة الشعبية لتحرير السودان ( قطاع الشمال) وقتها كان لدي موقف واضح ومعلن هو عدم التعامل أو الادلاء بأي تصريح لـ ( وكالة أس أم سي)،ليست لأنها وكالة مشبوهة فقط، بل لأنها وكالة أمنية إسست لصناعة الأخبار المفبركة وبث الإشاعات وصناعة الفتن، ولم تنقل أي صحيفة كنت جزء من أدارتها ( المد الجديد ، أجراس الحرية) أي خبراَ عن هذه الوكالة المشبوهة، بل أي مندوب من هذه الوكالة لم يكن مرحب بي في مكاتب الحركة الشعبية .فليس هناك ما يستدعي التعامل معهم في هذا الوقت مهما كان.
احتفظ بحقي بالمقاضاة ورفع الضرر من النشر الضار ما لم تدرك تلك الصحف والوكالة الخطأة ونشرت تكذيبا واعتزار لكل من تضرر من الخبر هذا ( شخصى والرفيق فاقان اموم )في نفس الموضع ونفس البند
دينق قوج ايويل
نائب دائرة الرنك
ببرلمان جمهورية جنوب السودان
جوبا 9 نوفمبر 2011 |
http://www.sudaneseonline.com/arabic/index
|
Post: #19
Title: Re: مذكرة لبرلمان الجنوب لتقديم باقان اموم للمحاكمة
Author: Deng
Date: 11-10-2011, 02:27 AM
Parent: #18
محمد المسلمي.
بعلته ولا لسه؟
شكرا الأخ عمار عوض.
|
|