رابطه الجاليه السودانيه بالنرويج احتفال العيد السبت 12 نوفمبر

Quote: سم الله الرحمن الرحيم الاعزاء الكرام السلام عليكم ورحمة الله تعالى وبركاته كل عام وانتم بخير مره اخرى نعود كما تعودنا فى كل الاعياد ان يزداد الرباط بيننا ونكون معاً ونلتقى من جديد كان لقاء جميل فى اول ايام العيد وعقب صلاة العيد فقد تناولنا معاً وجبه الافطار وكذلك احلوى التواصل فمكثنا حتى تناولنا وجبه الغذاء وكان لقاءاً حميماً اصيلاً بعبق وعطر الوطن العزيز ح نحن هنا الان نعيد اللحظات الجميله ونحتفل بعيداً عن الاهل والاحباب والديار ونترابط فى امسيه جديده وكما الت على نفسها ان تخدم من اجل اوقات افضل لمجتمع السودانيين الصغير فى هذه البلاد فهاهى اللجنه التنفيذيه تنظم الاحتفال بمناسبه عيد الاضحى المبارك مرة اخرى ان شاءالله سيكون التاريخ يوم السبت الموافق 12 نوفمبر 2011 المكان هو نفس مكان العيد السابق وهو ليلابورق شركه والتوضيح لوصول المكان كالاتىء Lilleborg kirke Oskar Braatensgt 35, 0474 Oslo Oslo, Norway يمكن الوصول الى مكان الحفل بالبص رقم 30 القادم من وسط البلد ومتجهاً الى Nydalen او عن طريق البص رقم 20 المتجه الى skøen واسم المحطه هى نفسها Lilleborg kirke كما اتفقنا فى جلستنا معاً فى اخر لقاء وفى يوم العيد سيكون الحفل عباره عن حفل مرطبات ستحضر كل اسره ما تيسر لها من حلويات وفطائر الخ ويتخلل البرنامج فقرات متعدده منها هدايا للاطفال ووصلات غنائيه وتوزيع شهادات تكريم لمن ساهموا فى انجاح برامج الرابطه خلال مسيرتها حتى الان ونذكر على ما اتفقنا عليه بخصوص المساهمه الماليه وهى مبلغ 100 كرونه للفرد البالغ والاطفال مجاناً وهذه المساهمه فقط لتغطيه ايجار الصاله وشركه النظافه والمشتروات الاضافيه كل ما يهمنا فى اللجنه التنفيذيه هو خلق برامج تجمع اسرتنا السودانيه هذه لتقضى لحظات طيبه مع بعض وللترفيه عن نفسها وخلق تواصل اجتماعى جيد عليه نتمنى ان تكون المساهمه والمبادره من الجميع لكى تشارك فيما فيه الخير لنا جميعاً ونتمنى ان نقضى وقتاً جميل وكل عام وانتم بخير مع تحيات المكتب التنفيذى

المصدر
http://sudanese.no

مصدر آخر
http://www.facebook.com/groups/sudaese.norway/


والدعوه مفتوحه لكل السودانيين بالنرويج للانضمام وللمشاركه

وكل عام والجميع بخير

سلام محمد وكل سنة وإنت طيب

حضور بإذن الله

حتي نعوض لمة يوم العيد . لم نتمكن من الحضور لإرتباط سابق بدعوة خارج أوسلو وكنت طماع متوقع أرجع بدري وأحصل باقي حفل الرابطة لكن لم نتوفق

زكريا عيد سعيد وكل عام وانتة والاسرة بالف خير
اهة ناس الاقاليم لمن يرجعو بتتدهم زوادة نظام الطريق طويل وكدة ولا نجى صارين معانا ومخزنين
وشركه النظافه
واللة بقيت عليكم جنس حنكشة
اللة غالب بس

Quote: سلام محمد وكل سنة وإنت طيب حضور بإذن الله حتي نعوض لمة يوم العيد . لم نتمكن من الحضور لإرتباط سابق بدعوة خارج أوسلو وكنت طماع متوقع أرجع بدري وأحصل باقي حفل الرابطة لكن لم نتوفق

وكل عام وانت بخير يا اسامه لمه يوم العيد ما بتتعوض دى كانت تاريخيه
لكن نتوقع حضور بنفس الحجم يوم السبت ومنوره بوجودكم

Quote: زكريا عيد سعيد وكل عام وانتة والاسرة بالف خير اهة ناس الاقاليم لمن يرجعو بتتدهم زوادة نظام الطريق طويل وكدة ولا نجى صارين معانا ومخزنين وشركه النظافه واللة بقيت عليكم جنس حنكشة اللة غالب بس

عيدك مبارك يا ناصر
ياخ تلفونك لمن تغيروا كلمنا
ياخ الراجل نشيل ونضرب ونرسل ليهو رسائل وشابكوا ليك يا ناصر يا ناصر
والله فى اقتراح انه نعشى ناس لارفيك لزوم السفر الشاق بالجد والله
لكن ممكن نعفيكم مثلاً من المساهمه الماليه لو ضميركم ما بيانبكم
تعرف قصه شركه النضافه دى ما حنكشه لكن لان البهوات بتاعيننا بيتخارجوا سريع بعد الحفل
وناس الصاله شافوا النظافه مش ولا بد عشان كده اشترطوا علينا ايجار صاله لازم النظافه تكون بواسطه شركه نظافه يجيبوها هم بطريفتهم
والدنيا يولا بورد ومافى اى صاله فاضيه فى اوسلو باقل من 6 الف كرونه
بختكم والله يا ناس الاقاليم ما تشوفوا لى بيت ايجار عشان نرحل جنبكم

Quote: بختكم والله يا ناس الاقاليم

دا شكر والله نبز! غايتو في السودان كانت نبز عديلhttp://www.sudaneseonline.com/db/attention/010_Smile.gif

زكرياء سلام ماعندك مشكلة اهلكم ناس لارفيك هنا بقولو ليكم حبابكم عشرة بلا كشرة
وانتة ياود البلال يديك العافية ماعاش البنزكم لكن نحنا ناس اقليم وامورنا واضحة جدا وناس النقط فوق الحروف باقى اخوانى هنا فى الاقاليم واضحين ما زى ناس المدن ناسكم وحارين شديد

Quote: زكرياء سلام ماعندك مشكلة اهلكم ناس لارفيك هنا بقولو ليكم حبابكم عشرة بلا كشرة

توفعوا قريباً موسم الهجره الى لارفيك