يا بكرى البورد ندخلوا بي عكاز ولا كاشف ألغام!خليتنا نكابس مكابسة!

أخير لمن يموت عضو فى المنبر تقفل البورد بالضبة والمفتاح حداد من جنس تسويدك دا!
الواحد ببطارية ما يقدر يكتب فى المنبر الا يدخل بيهو غرفة اكس راى!
حاجة عجيبة!
جني

يا اخي مضلمها ضليمت السنين!

منبر ولا غرفة تحميض افلام!
جننتني جن!
جني

sorry يا جني للموت حرمه..........

Quote: sorry يا جني للموت حرمه..........

وهل للحرمة لون؟
في الإسلام الإحرام أبيض
وفي المسيحية تمثال المسيح عليه السلام يلفه ثوب أبيض.
وفي اليهودية كوفية الحاخام بيضاء....
توب الحد أبيض (دمورية)...

والموت يا نادر ليس كارثة ولا نهاية العالم...
فمقابل كل ميت يولد أطفال وهذه سنة الحياة...
قطار نركبه ولا ندري لما ركبناه ومتى سيكون أو كان موعد ركوبنا،
نتعرف على مسافرين منهم من بدأ الرحلة قبلنا بقليل ويلتحق بنا الكثير
ومنهم من طال بهم السفر وتعبوا من المسير
يقف في محطات وينزل أعزاء وأعداء
ولا أحد منا يعرف محطة وصوله ولا ساعة نزوله...




الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: والموت يا نادر ليس كارثة ولا نهاية العالم...

القلل منوالموت كارثة او نهاية العالم يا خوي الشايقي......

بس طريقة جني و زمنهاما عجبني......

Quote: قطار نركبه ولا ندري لما ركبناه ومتى سيكون أو كان موعد ركوبنا، نتعرف على مسافرين منهم من بدأ الرحلة قبلنا بقليل ويلتحق بنا الكثير ومنهم من طال بهم السفر وتعبوا من المسير يقف في محطات وينزل أعزاء وأعداء ولا أحد منا يعرف محطة وصوله ولا ساعة نزوله...

الكلام ده يا الشايقي من راسك واللاّ سارقو من المرحوم ؟؟

اكتر ايقون بستعمله هو " الرئيسية" شمال اسم العضو ..يختفى تماما مع التسويد...

اقترح على بكرى ب highlight كل الايقونات التى يحتاجها العضو لتصفح المنبر ..

يعنى انت اعتراضك على شنو ياجنى ؟

على الموت ولا على تسويد المنبر

اتمنى انو يكون عندك ذرة من الانسانيه

في انو الماتت دي اخت عزيزه قبل لحظات كانت بتكتب معانا هنا

مفروض تحترم مشاعر الناس

اقول ليك حاجه , قول لى بكرى ابوبكر لما تموت انت وبعد عمر طويل يعنى

لانو نوعك دا مابموت بالساهل

مايسود المنبر للناس المضلمه ذيك

قرف

صدمتني بالزيادة ياجني

ما عارف قصدك شنو؟؟؟؟






أففففففففففففففففف

Quote: sorry يا جني للموت حرمه..........

أنا ما بوروني
حرمة الموت يا كرام
أنا حزنت وقدمت واجب العزاء وسوف أموت يوما ما
أنا ليس ضد حرمة الموت ولا فى حق الراحلين فى تسويد المنبر وانما طالبت بإبقاء عدة أيقونات دون تسويد
ا ما قادر على الرد ولكن أكف تأدبا
هذه طريقتكيفى المناشدة وهو بوست منفصل
جني

Quote: جني والشايقي

جزاك الله خير يا إبني
شخصياً الجربتو قد يعادل عمرك
وأشكرك على الدعوة لمزيد من التجارب

وأسأل الله ألا يفجع إنسان في عزيز وهو سؤال لا أجاب فيه لأنها سنة الله في خلقه حياة وموت وحياة وهكذا....

تحضرني لك بعض من رباعيات الخيام (عمر الخيام)*
لا توحشَ النفس بخوف الظّنون
واغنم مِن الحاضرِ أمَنْ اليقين
فقد تساوى في الثرى راحلٌ
غداً وماضٍ مِن ألوف السنين


* عمر الخيام فيلسوف وفقيه وقاضي وشاعر فارسي والقصيد (رابعيات الخيام) كتبها على شكل رباعيات "كل مجموعة أربعة شطرات) عبر في كل منها عن فكرة فلسفية في هذا الكون، ترجمت من الفارسية للفرنسية وترجمها للعربية الشاعر المصري أحمد رامي بعد أن درس الفارسية والفرنسية ليترجمها شعراً وغنت كوكب الشرق أم كلثوم بعضاً منها)....


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

لا اريد ان أزايد فى الحزن ولا اريد الاتهام
اكثر ما يحزن نئ فى الدنيا الموت ولو اطلعتم على كلمات تعزي تي فى كل الوفيات شخصيات عامة كانت ام خاصة لما قلتم ما قلتم أنا دائماً ابحث عن الجانب الانساني وحدث الوفاة يهزنا حتى لو كان الميت طاغية
من لم يفهم مغزى كلماتي وغزاها كان يتوجب عليه ان يسألني قبل ان يتألف!
جني

ليه ما مات لينا زول
والله نحن حياتنا كلها حزن يا ابو الرجال
يا اخي أنا من الذين يعزون هنا وان بطبيعةي انسان عاطفي شديد الحزن كثيراً ما اكتب معزيا متناول جوابا إنسانية مضيئة في حياة المتوفي اكثر من مداخلات اللهم اغسله بالثلج والبرد حتى لو كان استوفى فى سيبريا
دونك عزا يئن بالمس واليوم لمحمد هاشم عوض والأمين عبد الغفار
لو راجعت أرشيف البوست لما قسوت علي
يا اخي أنا تأدبا لم أنبه الى ان نقل خبر وفاة شخص بعد موته بدقائق وكانه سبق صحفي امر خطر وخطير وخطا ! قد يحدث ما لا يحمد عقباه
جني

يا اخوتى...
سعة الافق مطلوبة....لم يحتج احد..لا جنى ولا الشايقى.
تمهلوا قليلا...

الاخ محمد ادم
أحسن الله عزاءك
اشكرك على حسن ظنك بانك صدمت مما لم تكن تتوقعه مني وسربت جداً لسؤالك عن مقصدي بفتح بوست تحت هذا العنوان ولكن للأسف سرعان ما حزنت لعدم انتظارك للإجابة وسرعة تاففك !

اولا انت افتتحت بوست تعزية مهرولا بعد دقائق من رحيل الفقيدة بناءا على معلومة من احد أصدقائك ودون حاجة للتأكد او التروى وهرعت الى المنبر وكانه سبق صحفي دون وضع ادني اعتبار للتقاليد والاعراففى مثل هذه الحالات مما قد يؤدى الى ما لا يحمد عقباه كتعرض بعض أقربائها للصدمات نفسية واكثر وبالرغم من ذلك كنت اول المعزين ولم أنبهك تقديرا لحزنك
يا سيدى نحن السودانيين نحتاج الى كتيب إرشادات فى الاتراح ولا احتاج لتوضيح ما يتم فى سرادق العزاء من مفارقات!
http://خبر فاجع : وفاة الصحفية عضوة البورد أن... - قبل قليل بالقاهرة

اما الاخ خضر طيب
فانت رجل موتور جئت لتصفية خصومة وانا لا وقت لي والارشيف موجود
جني

اما الاخ خضر طيب
فانت رجل موتور جئت لتصفية خصومة وانا لا وقت لي والارشيف موجود
جني
------------------------

انا ماموتور ياجنى ولاجيت اصفى خصومه

انا بعرف قبل كده حدث بيناتنا خصام لكن والله العظيم مامتذكر تفاصيلو

ولا شايل اي حاجه سيئه جواى تجاهك على الاطلاق

لكن والله صدمتا من الطريقه بتاعتك في التوقيت دا

وهسى انت لانك عارف خطأك قمت تهاتر بدل انك تعتذر

يازول اعمل الدايرو اصلو نوعك دا انا ذاتى مابعرف اتعامل معاهو

Quote: نوعك دا

أخ خضر سلام
التعبير دا ما سمح

..............

تحياتى

Quote: يازول اعمل الدايرو اصلو نوعك دا انا ذاتى مابعرف اتعامل معاهو

نوعي دا ما بتعرف تتعامل معاهو طبعا
لأنك لو كنت ناشط حقوقي بحق وحقيقة وليس موتور لعرفت ان خطي فى المنبر يصب فى ذات خطك
أنا غلطت فى شنو عشان اعتذر قلت لي بكرى ان لا يسود كل الأيقونات فأين الخطا
الله يعلم من هو المعزى والمترحم بحق وحقيقة ومن هو الذى يتقبل دعاؤه فليس كل داعي مستجاب الدعاء
الا تزايد
قل لي من هو نوعك
رجعت الي بروفايلك فوجدتك أبعد ما تكون عنه لا تعو كونك منافق متكسب ليس الا لا تملك ذرة من الادب والاخلاق وحتى اذا كنت تظن انني مخطئ فهل تظن ان هذه هي الطريقة المناسبة للتعامل معى!
أنا نوعك هذا لا يشرفنى التعامل معه ولولا هذا المنبر لما اجتمعنا فى مكان واحد والحمد لله هو موقع افتراضي
جني

Quote: أخير لمن يموت عضو فى المنبر تقفل البورد بالضبة والمفتاح حداد من جنس تسويدك دا! الواحد ببطارية ما يقدر يكتب فى المنبر الا يدخل بيهو غرفة اكس راى! حاجة عجيبة! جني

ماا هو الخطا هنا أيها الإعلامي والناشط الحقوقيى
اين استهنت بموت الراحلةاو أنكرت حقها وحق الاخرين فى تسويد المنبر أنا تحدثت عن درجة التسويد ( جنس تسويدك)
عندما تتعلم كيف تفهم ستستطيع التعامل مع نوعي
قبل كدة دون مبرر حاولت الإساءة الي والقمح أحجارا عديدة حتى وليت هاربا تتذكر ام لاا هذا شئ يخصك اذا كنت فعلا صادقا
أنا لم أزد عن كوني انتقدت بكري فى طريقة التسويد قل لي غير ذلك وهو امر يقوم به فى كل حالة مشابهة
اذا اردت ان تتوجه باللوم فتوجه الى الذين يعتبرون خبر الوفاة سبق صحفي وينشر ونه بعيد الوفاة بدقائق ضاربين بالعرف والتقاليد عرض الحائط
انصحك بان تبعد عني فكل ذخيرتك ومفرداتك فى مجال حقوق الانسان والاعلام لن تسعفك لانها لم تذبح او تهذبك ففاقد الشئ لا يعطيه
جني

الاخ محمد النيل

انا بعتذر ليك عن التعبير الماعجبك منى

لكن جنى لما وصفنى بانى موتور مرت الحاجه دي عليك مر السحاب

يعنى صنفنى مع الطيب مصطفى بتاع الانتباه . انتبه للحته دي عشان تنصفنى

-------------------------



نوعي دا ما بتعرف تتعامل معاهو طبعا
لأنك لو كنت ناشط حقوقي بحق وحقيقة وليس موتور لعرفت ان خطي فى المنبر يصب فى ذات خطك
أنا غلطت فى شنو عشان اعتذر قلت لي بكرى ان لا يسود كل الأيقونات فأين الخطا
الله يعلم من هو المعزى والمترحم بحق وحقيقة ومن هو الذى يتقبل دعاؤه فليس كل داعي مستجاب الدعاء
الا تزايد
قل لي من هو نوعك
رجعت الي بروفايلك فوجدتك أبعد ما تكون عنه لا تعو كونك منافق متكسب ليس الا لا تملك ذرة من الادب والاخلاق وحتى اذا كنت تظن انني مخطئ فهل تظن ان هذه هي الطريقة المناسبة للتعامل معى!
أنا نوعك هذا لا يشرفنى التعامل معه ولولا هذا المنبر لما اجتمعنا فى مكان واحد والحمد لله هو موقع افتراضي
جني
----------------------------------

ياجنى انا متأكد جدا انو خطك بيصب في نفسي خطى ودي ماعليها اختلاف على الاقل من جانبى انا

جنى انت ماعدو بالنسبه لى على الاطلاق واسال الله ان مايجعل بيناتنا عداوه

اما كونى ناشط حقوقى ياجنى دا ما بمنع انى اقول ليك انك ماكنت صاح في الحته دي

وتوقيتك ماكان صاح

باقى الكلام الانت قلتو عنى والاساءه دي كلها انا ما حارد عليها ياجنى

لانى عارف نفسي كويس , المهم ربنا يسامح الجميع

واتمنى انو بكري ياخد بي كلامك دا ويضوى ليك الايقونات

لانو برضو في ناس غيرك بكونو محتاجين للحاجه دي

رغم انو الايقونات مامسوده لونا ازرق ياجنى

كمان طلع عندك عمى الوان؟

فتك بعافيه

Quote: اكتر ايقون بستعمله هو " الرئيسية" شمال اسم العضو ..يختفى تماما مع التسويد... اقترح على بكرى ب highlight كل الايقونات التى يحتاجها العضو لتصفح المنبر ..

النصرى برضو طلع عنده عمى ألوان
فتك أيضاً بعافية
جني

Quote: يعنى انت اعتراضك على شنو ياجنى ؟ على الموت ولا على تسويد المنبر اتمنى انو يكون عندك ذرة من الانسانيه في انو الماتت دي اخت عزيزه قبل لحظات كانت بتكتب معانا هنا مفروض تحترم مشاعر الناس اقول ليك حاجه , قول لى بكرى ابوبكر لما تموت انت وبعد عمر طويل يعنى لانو نوعك دا مابموت بالساهل مايسود المنبر للناس المضلمه ذيك قرف

دى اول مداخلة ليك فى البوست كان ممكن بدل اسأل شتم والسب الفوق دا تطلب من بكرى يشوى الأيقونات بدل تصفية الخصومة !
بالله تقنع منو ان كلامك الفوق دا انك ليست لك تصفية خصومة معي
وتجري تقول لي باقي كلامك أنا ما خارج عليهو !
يا سيدي فى مأثور القول من استغضب ولم يغضب فهو حمار!
وانا لست حمارا لكي اسكت
تعتذر عن كلامك اعتذر ليك تزيد أكيل ليك والبادئ اظلم
جني

ماا هو الخطا هنا أيها الإعلامي والناشط الحقوقيى
------------------------



ماا هو الخطا هنا أيها الإعلامي والناشط الحقوقيى
اين استهنت بموت الراحلةاو أنكرت حقها وحق الاخرين فى تسويد المنبر أنا تحدثت عن درجة التسويد ( جنس تسويدك)
عندما تتعلم كيف تفهم ستستطيع التعامل مع نوعي
قبل كدة دون مبرر حاولت الإساءة الي والقمح أحجارا عديدة حتى وليت هاربا تتذكر ام لاا هذا شئ يخصك اذا كنت فعلا صادقا
أنا لم أزد عن كوني انتقدت بكري فى طريقة التسويد قل لي غير ذلك وهو امر يقوم به فى كل حالة مشابهة
اذا اردت ان تتوجه باللوم فتوجه الى الذين يعتبرون خبر الوفاة سبق صحفي وينشر ونه بعيد الوفاة بدقائق ضاربين بالعرف والتقاليد عرض الحائط
انصحك بان تبعد عني فكل ذخيرتك ومفرداتك فى مجال حقوق الانسان والاعلام لن تسعفك لانها لم تذبح او تهذبك ففاقد الشئ لا يعطيه
جني
---------------------------------------



جنى انا شايفك بقيت تتعتع شوف انت مكرر الالف في مااهو ومكرر الياء في الحقوقيى

يعنى حاله سعبه خلاس

يازول روق مايقوم يطق ليك عرق واعيش باقى عمرى اسى وضياع

انا ماقلت في خطأ اعلامى انا قلت في خطأ في توقيت الطلب بتاعك

اما استهانتك واستهتارك وعدم احترامك لمن يهمهم امر الراحله فهو ضمنى

وواضح لكل انسان دخل على البوست دا

ماتكابر ساي وتغسل وشك بمرق وعاوز تمرق منها ذى الشعره من العجين

ماحتمرق منها

غلطان وغرقان في الغلط اعتذر وخليك انسان

ومافى داعى كلام انك القمتنى حجر قبل كده ولاب لاب لاب

انت مابتلقمنى انا حجر وماعاش اليلقمنى حجر

انا بتعامل معاك كزول فايق ورايق

لا اخفيك سر بستمتع بجهلك حد الشفقه

فارجو انك ترحم نفسك وتعتذر

الاعزاء والاصدقاء جدا جدا
خضر وجني
اولا ندعوكم للانضمام للبوست ده:
ما أحلى التصافي

ثانياً
لا اتوقع ان يتاجر اياً منكم بحزننا جميعاً على الفقيدة

ثالثاً
اتوقع حصل سوء فهم من اخونا خضروليس تصفية لخصومة سابقة

رابعاً اتفق مع جني بعدم تسويد الايقونات، ربما انا والكثيرين عندنا عمى الوان ولكن الحقيقة الكتابة والردود صعبة جداً ولازم الزول يظلل محل الايقونات حتى يعرفها


تحياتي وودي وعامكم مبارك وسعيد
وخالص التعازي في الفقيدة
------------------
موش عيب عليكم يجي (كوز) يصالحكم، هسي تراجي تقول شنو؟

Quote: ماا هو الخطا هنا أيها الإعلامي والناشط الحقوقيى ------------------------ جنى انا شايفك بقيت تتعتع شوف انت مكرر الالف في مااهو ومكرر الياء في الحقوقيى يعنى حاله سعبه خلاس يازول روق مايقوم يطق ليك عرق واعيش باقى عمرى اسى وضياع انا ماقلت في خطأ اعلامى انا قلت في خطأ في توقيت الطلب بتاعك اما استهانتك واستهتارك وعدم احترامك لمن يهمهم امر الراحله فهو ضمنى وواضح لكل انسان دخل على البوست دا ماتكابر ساي وتغسل وشك بمرق وعاوز تمرق منها ذى الشعره من العجين ماحتمرق منها غلطان وغرقان في الغلط اعتذر وخليك انسان ومافى داعى كلام انك القمتنى حجر قبل كده ولاب لاب لاب انت مابتلقمنى انا حجر وماعاش اليلقمنى حجر انا بتعامل معاك كزول فايق ورايق لا اخفيك سر بستمتع بجهلك حد الشفقه فارجو انك ترحم نفسك وتعتذر

لا بتعتع لا يحزنون أنا اكتب من ايباد يصحح تلقائي وفيهو مشكلة سوفت وير عربي يصحح علي كيفو واعتذرت للجميع فى عدة اماكن
دا بوست منفصل يا المستمتع بجهلى
اما من يستعينون بمشاعر اهل المتوفية هم الذين نشروا خبر الوفاة بعيد الوفاة بدقائق أيها الإعلامي الجاهل
قلت لى أنا عند عمي ألوان يا أعمى البصر والبصيرة يا موتور يا متكسب!
جني

الأخ جني والأخ الشايقي..

ياخي العفو والعافية

قد كتبت التعليق في لحظة حزن وأعتذر عنه
وأرجو منكما تقبل إعتزاري


ألا رحم الله الفقيدة رحمة وآسعة.

Quote: الأخ جني والأخ الشايقي.. ياخي العفو والعافية قد كتبت التعليق في لحظة حزن وأعتذر عنه وأرجو منكما تقبل إعتزاري ألا رحم الله الفقيدة رحمة وآسعة.

ولك اعتذارا الشديد واقدر حزنك جداً فقد أحزنني أنا الذى لا اعرفها عن قرب وابتل الى الله ان يعوضها عن شبابها الجنة انه نعم المولى والنصير
ولك تقديرا الشديد
جنى

Quote: يعنى صنفنى مع الطيب مصطفى بتاع الانتباه . انتبه للحته دي عشان تنصفنى

ههههههها
والله جنى لو قصد كدا يكون غلطان
لكن ياخدر كلمة (موتور) دى تعبير راقى بغض النظر لو جنى وصفك بيها ول لا
مهما يكون أحسن من تعبير (نوعك دا)

أدونا فرصة نستفيد من ألفاظكم

وفى النهاية الدنيا عيد باركوها

وللمرحومة الف رحمة

عارف ياجنى
انا لما افتخ البورد دا والقاهو ظلام
بتخلع بتمسكنى ضربة قلب لسببين
الاول
بكون خايفة اعرف المات منو .؟؟؟.مات كيف ومتين .؟؟؟..زول بعرفوا ولا لأ..؟؟؟...............الخ من استفهامات وتساؤلات
التانى
بفكر فى اليوم البتكتب فيهو اسمى فى نص السواد دا ودعوات المتداخلين وامين الكتيرة.................خربانة ام بناية قش

عشان كدا لما قريت عنوان البوست حقك اندهشت وقلت انو ما بشبهك ولا بشبه مشاركاتك وشخصتك التى أعرفها من خلال هذا المنبر
بالرغم من انو فى ناس فهموا قصدك صاح
الا انو فى ناس فهمتك غلط وردت عليك على اساس كلامك دا ...

Quote: الواحد ببطارية ما يقدر يكتب فى المنبر الا يدخل بيهو غرفة اكس راى! حاجة عجيبة!

Quote: يا اخي مضلمها ضليمت السنين! منبر ولا غرفة تحميض افلام!

والله مابشبهك ....وجل من لايغلط
وقال الشاعر :
ولم أر في الاعداء حين اختبرتهم
عدوا لعقل المرء أعدى من الغضب

Quote: وفى النهاية الدنيا عيد باركوها وللمرحومة الف رحمة

سلامات
رحم الله كل اخوانا واخوتنا الذين رحلو وصبر ذويهم

قبل كم يوم كتب ضحية بوست بدون كتابة الاسم كامل ناعيا وفاة اخ دكتورة نجاة

اتصل بي شخص معزيا ولم اكن قد رايت البورد بعد وظننت ان اخى عادل( الله يديه طولةالعمر) قد مات وتم نعيه في البورد
ويمكن ان تتخيل الصدمة والحزن والحرج الذي اصاب الاخ المعزي واصابني

الى الان احس باثار الصدمة التي اصابتني

ولذلك يجب ان ترسل كل بوستات الوفاة الى بكري لينشرها بعد التأكد كل الاهل قد عرفوا بخبر الوفاة
كما كتابة الاسماء كاملة
ولدي وجهة نظر في تسويد المنبر بالله لما اموت وصيتي الا يسود المنبر

وشكرا يا جني على فتح هذا البوست
اها شايف انه لا يمكن تكتب وجهة نظرك بدون بنو كجة مايتلمو فيك
وكل سنة وانت والحلوين بخير

راي جني اذا تم فهمه في سياغه لاغبار عليه

الشكر لكل من تفهم مغزى البوست فى سياقه ودون ربطه بالراحلة التى أحزنني جداً رحيلها الباكر وادعو كل من لم يتفهم مقصدي فى سياقه ان يتفهم ان هذا البوست لا يمكن فتحه الا والبوست مسود والذى يمكن ان يوضح حجم العنت الذى يجده حتي من يريدون دخول البوست للترحم!
أكيد فى عقليات سوف تصر علي اامكانية سيميوليتر خبر نعي فشنك لكي اكتب هذا البوست!
مرات بتجيني رغبة قوية ان أغادر المنبر الي منبر اخر بسبب الكم الهائل من الشتائم والسباب الذى يتم كيله لي دون مستوجب ولكن الرسائل التى تجيئني عبر الايميلات والفيسبوك والهاتف تثمن بعض مساهماتي تجبرني على البقاء اضافة الى تعضيد بعض الأخوة فى المنبر!
أكيد هنالك بعض العقليات تنكر على ود الصائم صورة بروفايله الضاحكة وهو يعزي!
جني

Quote: عارف ياجنى انا لما افتخ البورد دا والقاهو ظلام بتخلع بتمسكنى ضربة قلب لسببين الاول بكون خايفة اعرف المات منو .؟؟؟.مات كيف ومتين .؟؟؟..زول بعرفوا ولا لأ..؟؟؟...............الخ من استفهامات وتساؤلات التانى بفكر فى اليوم البتكتب فيهو اسمى فى نص السواد دا ودعوات المتداخلين وامين الكتيرة.................خربانة ام بناية قش عشان كدا لما قريت عنوان البوست حقك اندهشت وقلت انو ما بشبهك ولا بشبه مشاركاتك وشخصتك التى أعرفها من خلال هذا المنبر بالرغم من انو فى ناس فهموا قصدك صاح الا انو فى ناس فهمتك غلط وردت عليك على اساس كلامك دا ... Quote: الواحد ببطارية ما يقدر يكتب فى المنبر الا يدخل بيهو غرفة اكس راى! حاجة عجيبة! Quote: يا اخي مضلمها ضليمت السنين! منبر ولا غرفة تحميض افلام! والله مابشبهك ....وجل من لايغلط وقال الشاعر : ولم أر في الاعداء حين اختبرتهم عدوا لعقل المرء أعدى من الغضب Quote: وفى النهاية الدنيا عيد باركوها وللمرحومة الف رحمة

الأخت ابتهال
كل سنة وانتي طيبة
شكرا على حسن الثقة
كونك تتخلي فى كل مرة يتم فيها تسويد البوست أليست مشكلة!
أنا لم اكتب وانا غاضب بل حزين وهذه طريقتي فى التعبير وخطي فى المنبر فى بلاد مسرح اللا معقول والمضحكات البواكي والتراجوكويدي!
بالله أنا لمن أموت عليكم الله ما تسوطوا المنبر عشان الناس تدخل وتترجم علي دون عنت وخاصة أني احب ان ادعو بدعاء تعودت ان اسمعه من ابي وهو يترحم على الموتي والدموع تقطر من عينيه حتى لو لم يكن يعرف الميت
( اللهم اكرم وفادته وارزقه الجنة بغير حساب وأحسن عزاء أهله)
لان الحكاية اذا فيها حساب أنا حقي راح وياني العندي فرن مايكرويف فى اجهنم والعياذة بالله
أنا من اسرة سريعة الدموع جيناتها تؤكد النتماءافرادها بسرعة تقاطر الدموع من يقرون هذا البوست ممن يعرفون أسرتي ا من الأقارب والمعارف يعرفون ابي وعمي جعفر عليه رحمة الله يعرفون انهم عندا يريدون ان يبدوا او يتباكوا يقفون بالقرب من عمي جعفر الذي يحنى راسه على كتفه وتسيل الدموع من عينيه مدرارا وانهارت فيبكون لبكائه
أمرا قد لا تصدقونه والله يعلمه أنا اكتب والدموع تقطر حزنا علي عمي عندما تذكرت كيف يبكي الناس وكيف اذا أتيح له ان يبكي نفسه الراضية المرضية!
نسال الله ان يحسن خاتم تنا ونجد من يترحم علينا ويصلي علينا من مستجابي الدعوة فلا حيلة لنا الا دعاء مستجابي الدعوة ورحمة الله الذى كتب على نفسه الرحمة اما اذا وكلنا الي أعمالنا فالله الذي يعرف خائنة الأعين وما تخفي الصدور كيف انه غفور رحيم!
جني

تحياتي اخي حيدر
وكل عام وانت بخير .
___________

ياجماعة كلام اخونا حيدر ده صحيح
بعض الايقونات غير ظاهرة ؛وهسي انا بكتب ليكم بالبركة بس
يعني اسمي فوق ماشايفو عامل logged in
حيدر مامحتج في تسويد المنبر ؛محتج في انو بعض الايقونات ماظاهرة


__
الاعلامي خضر الطيب كل سنة وانت طيب
فهم الموضوع =90% من موضوعية الرد علي البوست.


اللهم ارحم اناهيد كمال واغفر لها .

هسي انا رديت ليكم ؛
وكنت عايز اشوف ردي ده بعد ما عملت
has been posted
ماشايف اي حاجة بس مررت الماوس لحدي ما بقي في شكل
يد ؛وعملت كليك.


_____

ياخضر فهمتني!!!

مع علمي التام بأن هذا البوست سيحذف (اوربما هذه المرة لا...ارجو ذلك)
كنت قد فتحت بوست في الماضي عند وفاة احد الزملاء اتحدث فيه عن صعوبة تصفح المنبر لكن الاخ بكري قام بحذفه فوراً وله الحق وفق قوانين المنبر ونظن ان لنا الحق ايضا باستخدام المنبر بسهولة و يسر كقراء و كاتبين.
و دعوني اطعن في الفيل نفسه ..انا ارى (من رأي) ان هناك اسراف في اظهار مشاعر الحزن و اللوعة
واظهار الحزن لا يعني ابدا كثرة الحزن او قلته بل ان هذا المظاهر تتفاوت من انسان لاخر...

هذا الطلب بتسهيل تصفح المنبر ليس له علاقة بالراحلة الفقيدة ولكن له علاقة بكل حالة حزن نمر بها.
اعتبروني قاسية القلب لكن الموت فاجعة مرافقة لحياتنا والله سبحانه وصفه في كتابه العزيز(مصيبة الموت) وليس منا من لم يفقد قريب و عزيز و صديق لكن الحياة تستمر.
لم يترك احد منكم طعامه ولا شرابه ولازيه ولا حياته ولا عمله حزناً فلماذا تريدوننا ان نعاني مرتين مرة حين نفقد زميل و مرة حين نعاني في تصفح البورد....الاعضاء يتزايدون والموت لا يتوقف يا بكري فلذا تجدني اسال نفسي كم ستصبح نسبة الايام السوداء في حياتنا
دعونا نكن عمليين شريط اسود يحمل نعي الفقيداو الفقيدة قد يفي بالغرض
وارجوك يا بكري لا تحذف هذا البوست
وشكرا جني
شكرا الشايقي
كلمة الحق يجب ان تقال مهما كانت مؤلمة

------------
ان مت ارجو ان لا يسود احد المنبر.فن استفيد شيئا ولن يستفيد من يحزن على شيئا او يخفف ذلك عنه شيئا....هذه وصية

الأخوة بشير ونازك
كل سنة وانتم والوطن واحبابكم بالف خير

فشلت ان افهم بعض الأخوة ان هذا البوست موجه الى الاخ بكرى أبوبكر وليس سواه وطلبت منه إبقاء بعض الايقونات الضرورية دون تسويد أدى ان احتجاجي علي درجة التسويد وهو مقرون بكافة الوفيات وليس شخص محدد بعينه!
هل فهما شيئا غير ذلك!
اسلوب الاحتجاج الساخر العنيف هو وسيلة وليس غاية!
جني

بخصوص نقل أخبار الوفيات وتسويد المنبر!!
شكرًا دكتور بلة فقد عبرت عني بأفضل مما يمكنني ان افعل
جني

يرفع للاهمية

على الوجه الشخصى ما شوفت البوست مهين
ربنا يرحمنا جميعا ويهدى النفوس