Post: #1
Title: خروف العيد ابو كرتونة
Author: abedalhamied mamoun
Date: 11-07-2011, 04:57 AM
Parent: #0
و لله فى خلقه شئون----- هذه احدى ضرائب الاغتراب و التسكع فى مدن العالم ياتيك خروف العيد الذى يفترض ان تسمى اسم الله عليه و توجه نحو القبلة و تنحره بيديك فداء لك و لاسرتك ياتيك فى كرتونة زنة 15 كيلو. يتم الحجز لهذا الخروف قبل عدة ايام قبل العيد فى دكان ابو يمن و تستلمه عادة ثانى ايام العيد طرد لحمة و انت لا تدرى عنه شئيا انما الاعمال بالنيات هذا احدى الخيارت المتاحة لنا فى امريكا ,لا ام فت فت و لا اتى ولا كبدة نية. هنالك من تسمح له ظروفه بالذهاب للمزارع فى اطراف المدينة ليمارس الشعيرة كما يجب. اسال الله القبول و كل عام و الجميع بخير
|
Post: #2
Title: Re: خروف العيد ابو كرتونة
Author: الشفيع وراق عبد الرحمن
Date: 11-07-2011, 05:09 AM
Parent: #1
اخوي عبد الحميد
كل عام وانت والاسرة بالف خير
يا زول برضو شيء احسن من لا شيء، وفعلاً هي ضريبة عالية
نحنا في الرياض برضو عندنا الخروف ابو كرتونة
عادة بنمشي صباح العيد نشتري الخروف ونوديهو المسلخ، يسلموك رقم وتستلمه في الجهة الاخرى بعد ساعات (خروف ابو كرتونة)
مرات يتآمروا عليك العيال ويصروا من قبل ايام " يا ابوي السنة دي دايرين خروف عديل، ما تجيبو لينا في كرتونة" طبعاً يلتزموا ليك بتنظيف السطوح
ننصاع ونضطر نجيبه قبل يوم وتسمع الباع بااع والشفع يساهروا معاهو للصباح و يأكلوا فيهو ويشربوا فيهو ويلعبوا
ربنا يصلح الحال ويرجعنا لي بلدنا
تحياتي
|
Post: #3
Title: Re: خروف العيد ابو كرتونة
Author: عماد حسين
Date: 11-07-2011, 05:21 AM
Parent: #2
Quote: اخوي عبد الحميد
كل عام وانت والاسرة بالف خير
يا زول برضو شيء احسن من لا شيء، وفعلاً هي ضريبة عالية
نحنا في الرياض برضو عندنا الخروف ابو كرتونة
عادة بنمشي صباح العيد نشتري الخروف ونوديهو المسلخ، يسلموك رقم وتستلمه في الجهة الاخرى بعد ساعات (خروف ابو كرتونة)
مرات يتآمروا عليك العيال ويصروا من قبل ايام " يا ابوي السنة دي دايرين خروف عديل، ما تجيبو لينا في كرتونة" طبعاً يلتزموا ليك بتنظيف السطوح
ننصاع ونضطر نجيبه قبل يوم وتسمع الباع بااع والشفع يساهروا معاهو للصباح و يأكلوا فيهو ويشربوا فيهو ويلعبوا
ربنا يصلح الحال ويرجعنا لي بلدنا
|
يا الشفيع
تراهو أخونا عبدالحميد مجبور.. انت شغل الافندية ده شنو؟
يا زول نحنا بنمشي النسيم صباح العيد، نشتريهو ونضبحوا في السطح
مرات الواحد يضبحوا بالتعاون مع الجيران..
ومرات نجيب لينا زول يضبح ويكسر بــ 150 ريال، ونحبسوا يفطر معنا
الرشايدة في سوق الغنم ما قاعدين يقصروا معانا
تقبل الله منا ومنكم اخوتي عبدالحميد والشفيع
بالمناسبة يا الشفيع.. هل أنت من الوراريق (دويم ود حاج/ أب دوم)
تسلموا
|
Post: #4
Title: Re: خروف العيد ابو كرتونة
Author: الشفيع وراق عبد الرحمن
Date: 11-07-2011, 04:34 PM
Parent: #3
مرحبتين اخونا عماد
يا زول انت جنبنا بي هنا، انا كنت مفتكرك في السودان
جوالي في البروفايل
| Quote: بالمناسبة يا الشفيع.. هل أنت من الوراريق (دويم ود حاج/ أب دوم) |
نعم صحيح يا عماد
اصولنا من ود حاج وجدودنا استقروا في شبا، الفقرا
انا كنت دايرك تواصل موضوع الجينات واشجار العوائل، اصلو عندنا شجرة ماااكنة دايرين نأصلها
|
Post: #5
Title: Re: خروف العيد ابو كرتونة
Author: عماد حسين
Date: 11-07-2011, 10:12 PM
Parent: #4
Quote: مرحبتين اخونا عماد
يا زول انت جنبنا بي هنا، انا كنت مفتكرك في السودان
جوالي في البروفايل |
حبابك يا الشفيع
أخوك في شرق الرياض.. قريب من استاد الملك فهد
نتواصل بإذن الله تعالى،،،،،،،،،
Quote: نعم صحيح يا عماد
اصولنا من ود حاج وجدودنا استقروا في شبا، الفقرا |
يعني يا الشفيع.. كدة طلعت خال أولادي/ همام واخوانه
والد أم العيال من وراريق مروي/ اب دوم..
| Quote: انا كنت دايرك تواصل موضوع الجينات واشجار العوائل، اصلو عندنا شجرة ماااكنة دايرين نأصلها |
سأواصل يا عزيزي قريباً بإذن الله..
لدي موضوع منشور عن الركابية، الذين منهم الورايق، وقد أقوم بجلبه هنا قريباً بإذن الله تعالى
تحياتي
|
Post: #6
Title: Re: خروف العيد ابو كرتونة
Author: abedalhamied mamoun
Date: 11-08-2011, 05:32 AM
Parent: #2
الاخ الشفيع و الاخ عماد شكرا على المداخلتين و اثراء البوست بتجارب ناس الرياض مع السيد الخروف. بعدين شايف البوست طلعكم اهل انت و الاخ عماد ربنا يديم المعرفة لكما التحية اخوانى الكرام و كل عام و انتم بخير
|
Post: #7
Title: Re: خروف العيد ابو كرتونة
Author: عماد حسين
Date: 11-08-2011, 04:12 PM
Quote: الاخ الشفيع و الاخ عماد شكرا على المداخلتين و اثراء البوست بتجارب ناس الرياض مع السيد الخروف.
بعدين شايف البوست طلعكم اهل انت و الاخ عماد ربنا يديم المعرفة لكما التحية اخوانى الكرام و كل عام و انتم بخير |
الله يحييك يا عبدالحميد
المرة الجاية ربنا يكرمكم بخروف بكل مافية (شاسيه) و(ماكينة)
وتستمتعوا بعيد سوداني بكل معانيه الطيبة
كل عام وانت واهل بيتك واحبابك بالف خير
|
|