Post: #1 Title: بلال موسى فناني المُفضل لهذا العيد.. Author: بشير أحمد Date: 11-04-2011, 03:19 PM Parent: #0
Post: #2 Title: Re: بلال موسى فناني المُفضل لهذا العيد.. Author: بشير أحمد Date: 11-04-2011, 03:21 PM Parent: #1
Post: #3 Title: Re: بلال موسى فناني المُفضل لهذا العيد.. Author: نعمات حمود Date: 11-04-2011, 05:53 PM Parent: #2
يا سلام ..يا سلام ومليون سلام لهذا الانسان الرقيق ..... شكرا بشير والله كنت ساكتب عنه .... بالامس فقط كنت برفقة مجموعه وسمعنا هذه الاغنية ..رغم انهن لم يتعرفن الى اسمه للاسف الا انهن اجمعن ان هذا اللحن والكلمات الحزينة الرصينة جعلتهن في نشوة افتقدنها منذ زمن وضحكت احدى زميلاتي وقالت لي (دا يكون من الزمن الجميل كما يقولون ) قلت لها هذا هو الجمال نفسه بلال موسى فنان تحس بانسانيته وبساطته في كل شي كل شي قبل ان تسمعه اعرفه منذ زمن ولكن تغيبت عني اخباره لا ادري نسبة لاغترابي ام ان هناك شئيا اخر انتظر طلته على احدى السهرات واتمنى ان يتحفنا بهذا الجمال بشير لك مني محبتي
Post: #4 Title: Re: بلال موسى فناني المُفضل لهذا العيد.. Author: بشير أحمد Date: 11-04-2011, 08:56 PM Parent: #3
الاخت/نعمات حمود
تحياتي وكل عام وانت بخير؛؛؛
الفنان بلال موسي صوته جميل ويتدفق بالحِنية
قناة النيل الازرق ح تبث له حلقة كاملة خلال ايام العيد السعيد. لدي بعض التسجيلات سوف اقوم برفعها باذن الله.
Post: #5 Title: Re: بلال موسى فناني المُفضل لهذا العيد.. Author: Elmuiz Haggaz Date: 11-04-2011, 09:02 PM Parent: #3
يا سلاااااام يا بشير احمد ياخ...
كنت فاكر نفسى براى مشاتر وبسمع فنانين ما بسمعوهم ناس كتار.
عثرت على بلال موسى مرة اخرى بعد اخر مرة سمعته قبل سنوات فى السودان
فى اليوتيوب قبل اسبوعين ومن يومها بسمعه بصورة شبه يومية.
Post: #6 Title: Re: بلال موسى فناني المُفضل لهذا العيد.. Author: بشير أحمد Date: 11-05-2011, 09:27 AM Parent: #5
تحياتي يالمعز وكل عام وانت بخير؛؛ بلال موسي فنان جميل ورقيق لم يلقي حظه في اجهزة الاعلام السودانية .
قول الفي بالك:
Post: #7 Title: Re: بلال موسى فناني المُفضل لهذا العيد.. Author: بشير أحمد Date: 11-05-2011, 12:30 PM Parent: #6
Post: #8 Title: Re: بلال موسى فناني المُفضل لهذا العيد.. Author: د. ياسر عبد القادر Date: 11-05-2011, 03:35 PM Parent: #7
تلاتة سنة ....عام ورا عام بي صبر جميل منتظرك أنا
شكرا بشير لاعادة الذكريات
Post: #9 Title: Re: بلال موسى فناني المُفضل لهذا العيد.. Author: بشير أحمد Date: 11-10-2011, 07:41 AM Parent: #8
شكرا دكتور/ياسر وكل عام وانت بخير.
Post: #10 Title: Re: بلال موسى فناني المُفضل لهذا العيد.. Author: بشير أحمد Date: 11-10-2011, 07:53 AM Parent: #9
Post: #11 Title: Re: بلال موسى فناني المُفضل لهذا العيد.. Author: بشير أحمد Date: 11-10-2011, 07:56 AM Parent: #10
سهرة قناة النيل الازرق اول ايام العيد مع الفنان بلال موسي.
Post: #12 Title: Re: بلال موسى فناني المُفضل لهذا العيد.. Author: بشير أحمد Date: 11-10-2011, 08:04 AM Parent: #11
Post: #13 Title: Re: بلال موسى فناني المُفضل لهذا العيد.. Author: عبد الدائم سيد أحمد Date: 11-10-2011, 09:06 AM Parent: #12
عندما اسمعه اتذكر اكشاك الشرايط والعصيرات بالسوق الشعبى الخرطوم فى التمنينيات وحافلات الصحافة زلط .. صوت جميل و دافى كنت اتكيف جدا لاغنية 3 سنة واطلب واحد ( كورة ) جوافة فى السوق الشعبى الا ان تنتهى الاغنية حضرت له حفلة وحيدة فى التمنينيات لحنة احد ابناء الجيران فى الصحافة فى ليلة شتاء شديدة البرودة ومنذ تلك الفترة غاب عن الساحة الغنائية هو والفنان عبدالجليل ابو حراز ..
كل سنة والجميع بخير
Post: #14 Title: Re: بلال موسى فناني المُفضل لهذا العيد.. Author: بشير أحمد Date: 11-10-2011, 02:42 PM Parent: #13
كل عام وانت بخير اخي عبدالدائم
Post: #15 Title: Re: بلال موسى فناني المُفضل لهذا العيد.. Author: عصام دهب Date: 11-10-2011, 08:21 PM Parent: #14
سلام يا دكتور و كل المتداخلين و كل سنة و إنتو طيبين ياخي .. أمس الأربعاء في المساء و أنا راجع من مكة كنت أدندن ـ بدون أي مناسبة ـ بأغنية ( تلاتة سنة ) للفنان بلال موسى .. وصلت البيت قعدت أتفرج في التلفزيون و أدور بين القنوات .. فجأة توقفت أمام قناة لا أذكرها كانت تبث ذات الأغنية للفنان بلال موسى .. المدهش إنو الأغنية دي ما مرت في خاطري ساي ما يقارب عشرة ـ أو طاشر سنة كدة !! الذكرني ليها شنو عشان أدندن بيها ؟؟ و الصدفة الخلتني أسمعها أمبارح من سيدها .. دي يقولوا عليها شنو ؟؟ بلال موسى زول مبدع و جميل .. يلا جيب لينا تلاتة سنة .. و بوست ورا بوست بصبر جميل بنتظرك أنا ..
Post: #16 Title: Re: بلال موسى فناني المُفضل لهذا العيد.. Author: مامون أحمد إبراهيم Date: 11-10-2011, 10:18 PM Parent: #15
ياسلام يابشير ! طيب والله سيقتني عليهو !
يازول أقول ليك حاجة : أول حاجة أنا بكيت جنس بكا لما سمعت الزول ده أول مرة ! ياخي الزول ده مدفون وين في السودان ده ؟!!! ... يازول بلال ده ما من هنا ! الزول ده جاي من زمن تاني ! ..... ياربي روح الكاشف واللا روح منو الرجعت تاني دي ؟!!
والغريب في الأمر :
عندو ملامح في سحنتو ولونو وملامح وشو ، من ( مفكر سوداني كبير ) أيام صباهو !
أنا غايتو أرشح بلال ده لنجومية الخمسة سنين أو العشرة سنين الجاية !
بس الله يديهو العافية !
Post: #19 Title: Re: بلال موسى فناني المُفضل لهذا العيد.. Author: بشير أحمد Date: 11-11-2011, 02:12 PM Parent: #16
الاخ/مامون احمد
تحياتي وكل عام وانت بخير؛؛؛
Quote: يازول أقول ليك حاجة : أول حاجة أنا بكيت جنس بكا لما سمعت الزول ده أول مرة !
انت بكيت وانا شعر جلدي بقوم شوك شوك !!! صوته حنين حنية اهلنا في الجزيرة بلال موسي من الجزيرة من قرية عبدالماجد ريفي ابوقوته.
تشكر يامامون.
Post: #17 Title: Re: بلال موسى فناني المُفضل لهذا العيد.. Author: بشير أحمد Date: 11-11-2011, 12:00 PM Parent: #15
الاخ/عصام دهب
تحياتي وكل عام وانت والاسرة بخير
سهرة كانت رائعة علي قناة النيل الازرق اول ايام العيد وتفضل تلاته سنة:
Post: #18 Title: Re: بلال موسى فناني المُفضل لهذا العيد.. Author: قرشـــو Date: 11-11-2011, 12:09 PM Parent: #17
الاخ بشير
لك التحية وكل عام وانت بالف خير
حقيقى رائع هذا الفنان الانسان فقد سمعت اغنية ثلاثة سنة فى الثمانينات وانا فى بص متجه الى بورتسودان وحينها اعجبنى كثيرا وايقنت ان هذا فنان متفرد ولن تصدق اننى لم اسمعه ثانية الا فى هذا العيد ومن محاسن الصدف اننى سمعته فى يوم واحد من على قناة النيل الازرق ثم من على القناة القومية الرجل يستحق ان يحتفى به بعد عودته ولست ادرى اين كان ....
شكرا لرفع هذه الاغنيات الرائعات يا سيدى
Post: #20 Title: Re: بلال موسى فناني المُفضل لهذا العيد.. Author: بشير أحمد Date: 11-11-2011, 04:38 PM Parent: #18
الاخ/قرشو
تحياتي؛؛؛
Quote: يستحق ان يحتفى به بعد عودته ولست ادرى اين كان ....
الفنان بلال موسي حسّاس واخلاقو عاليه وما بيمشي للناس ويقول ليهم تعالوا اسمعوني.
اهو الناس جو لحدي عندو.
Post: #21 Title: Re: بلال موسى فناني المُفضل لهذا العيد.. Author: بشير أحمد Date: 11-11-2011, 06:43 PM Parent: #20
Post: #22 Title: Re: بلال موسى فناني المُفضل لهذا العيد.. Author: الرفاعي عبدالعاطي حجر Date: 11-11-2011, 07:43 PM Parent: #21
Post: #25 Title: Re: بلال موسى فناني المُفضل لهذا العيد.. Author: Balla Musa Date: 11-11-2011, 09:04 PM Parent: #22
عيدك مبارك يا بشير وصحبه
Post: #26 Title: Re: بلال موسى فناني المُفضل لهذا العيد.. Author: بشير أحمد Date: 11-12-2011, 06:52 AM Parent: #25
شكرا دكتور/بله وكل عام وانت بخير.
Post: #27 Title: Re: بلال موسى فناني المُفضل لهذا العيد.. Author: abuguta Date: 11-12-2011, 07:54 AM Parent: #26
شكرا بشير احمد
لفردك لهذا البوست عن فنان جميل من الزمن الجميل,,,
بلال موسى عبد الماجد ,,من قرية عبد الماجد ريفى ابى قوته تعلم الغنا على يد الفنان محمد المبارك اخو الشيخ عبد الجبار المبارك ثم الفنان عبد الوهاب الصادق,,وكان بغنى مع مبارك سرحان وصديق سرحان
تنقل كثيرا فى نواحى مدن السودان,,ووكان يعمل مهن حرة شانه شان السودانى البسيط عنده اغنية فى القضارف يدوم سعدها,,واغنية ثلاثة سنة,,بعض اغناى الفنانين الكبار
سمعتو فى الثمانينات كثير وحضرت له عدة حفلات ,,زول بالعربى اخو اخوان وبتلقاه فى اقرب ملف
ممكن يغنى ليك بدون عداد بس الناس تكون مبسوطة,,والحفلة فى ابقوتة
شكرا كتير
Post: #28 Title: Re: بلال موسى فناني المُفضل لهذا العيد.. Author: بشير أحمد Date: 11-12-2011, 11:41 AM Parent: #27