مسادير جمعة الرووووب ...

يا جمهور الوصيف ادارتك السّاواك عُرة
لاعبين الكورة ؟ أو راجين الكتابة وطُرة
مريخكم شرد أياها الحقيقة المُرة
معروف السبق بتفوزبوا الخيول الحُرة

شن فايدة الصرف وجوقة محترفين
وقتين تجر وتقول لي ما دايرين
ووين ناس بمن حضر دوام حاضرين
ياجمهور تحنن يوت من الصابرين

و اعلامك يشيل يعوس ليك ني و فطير
وانت تغرف وتاكل وتدشا دون تفكير
فريقك عالمي و ملياري ضُمة خطير
والواقع يقول من قولة هه .. يطير





()

اعلام الوصيف مرة خليك عادل
امرق النصيحة وكفاك ديمة مهازل
المجلس اتخرّت وغلبو يقول الحاصل
الحضري ابى وياسين صغيّر وجاهل

ناس الوصيف سكوا الدرب بالجمعة
خوافين عديل
لاخميس لاجمعة
يس صغير وعمو من غير سمعة
شن رايك ياوصيف
الليلة نديك جمعة

الحمُد ليك يا الله الليله الصفيراب طلع ليهم صوت
من زمن الترجي قفلوا موبايلاتم لامن ذكرونا الموت
أحييا من رشة العرضه و (هرمنـــا ) الخجَّلت بنَّوت
قوة عينكم يا زريباب أدهشت (آيه) وحيِّرت (حتحوت)

يا ود البشرى ياولدي أخير تمرق النصحية إنت:

الليلة أب صفير إتذكر الضباح
داير يجيب التار.. أحسن يجي بالصاح
بي حضري بي يس ما بتندملو جراح
أصلو الجرح غوار وساكواه يسوي التاح
الناسي ناس راجي بي هنو كيف يرتاح؟


.

.

بيني وبينك أنا داير أدور البوست ده شوية عشان المرافعين اللابتة ديك تطلع.

قال برشلونة قال.

المريخ عرورا ما تعمل ليه حساب
دائما مخذول ومعتمد علي الاياب
خائف من اسد افريقيا المهاب
قال الروب خلاص لاداير اياب ولا ذهاب .


سلام يا اصلي وكل سنة وانت طيب ..

Quote: e: فجاة ينط ليك محمد البشري ودا كمان خليهو ساكت عندو عدة شخصيات من عصر الاسلام بيلبسه ليكم و يجي يقابلكم كصهاينة و عامل فيها قاري تاريخ اللاهوت بتاع المريخ كمان مرة يعمل ليك فيها سيف الله المسلول خالد بن الوليد و مرة يعمل ليك فيها ياسر و عمار (ده ساعت الهلال يكون معصور بتلقاهو دخل في الشخصيتين ديل و ضنبو بقي رقيق) و مرة بتلقاهو عامل فيها أسامة بن زيد و قائد الحملة ضد المريخ

Re: رسالة Forward وكمان CC من مريخي متعصب عن هلالاب في المنبر


قال مسدار قال....!!

الهلال يفوز بكاس السودان والدوري الممتاز......!!

وكل سنة وانت طيب يا حبيب....!!

الليلة الهليل بعد ما غاب وخاب
جاي يتفوجج عامل اسد في الغاب
يا مهزوم أنيمبا و يامضروب الترجياب
شن جاب الطرور للنجمو ساااامي مهاب




وييييييين يا سيف الله المسلووووول
كااااااااااااااااااااك .

جماهير المريخ الليلة جات مفزوعة

كابين الجرس واليد هناك مفدوعة

الصوت عالي والكلمة ما مسموعة

الريس زعل وقال دي ما ااااا مبلوعة

هلال شنو كمان !!! العندو معانا فصاحه !!!
ديمه عليهو صفر و مليان عجاج كتاحه
علا لسانو طويل اعوج نضم ولداحه
لا كاساً ملك و فضايحو طق فواحه .


الهليل تعبااان علوق في الشدا
ضربو انيمبا ومن ديك فد رقدا
جرى حفيان بينو بين الكاس جبدا
نهاهو بريرو ببنيه جامده وهبدا

وارغو بداية المحنة وطلع ماسورة
الحضري بلا أدب طيّاني في مطمورة
سوّالُم ضغِط و أمراضو بي ناسورا
يا الوالي ألحق تاخًد معاهو الصُّورة

الليلة يا المريخ فعلتكم بالحيل منكورة
اتذكرتو القديم يوم زيكو شال الكورة
في القرى والحضر جرستكم بقت مشهورة
دا سيد البلد البضرب الفاخورة


هيع
كع

الليله الوصيف أحوالو ضمه عجيبه..
خايف الغلب وحالتو ياخي صعيبه..
قررينسحب لأنو تيمو خالي لعيبه..
الحضري وشرد ياوصيفنا البطابط سيبه..

وارغو بداية المحنة وطلع ماسورة
الحضري بلا أدب طيّاني في مطمورة
سوّالُم ضغِط و أمراضو بي ناسورا
يا الوالي ألحق تاخًد معاهو الصُّورة



سجمكم يا مريخاب


اها ناس المؤتمر الوطني قلبو عليكم


سجمكم سجم هو لاكن

والله يا علاء الدين

يا الوالي ألحق تاخًد معاهو الصُّورة


دي قلبت فيها هوبه في حق مرجان ده

هوي يا وصيفاب سيبو الكلام الني
انيمبا و ترجي وشنو وباقي الحديث العي
جريتوا عديل كدا ومعاها وووب وأحي
عفيت منك آساسا الولعت جمر الحي

Quote: الخبر الأكيد النجمة شردت تاني ( قصيدة الهروب الكبير الذي قام به الوصيف أمام سيد البلد من مباراة كأس السودان للعام 2011) الخبر الأكيد النجــــــــمة شردت تاني يا عيبة الهروب المــــــافي ليهو معاني شوف أهل الوصيف الوصفو دائما جاني عارفنو الهـلال في الحارة سيفو يماني يا أهل الوصيف الشغلة شغلة كورة لا مال لا قروش لا نقة لا مقصورة لاعبكم يمين مكشوف وجد ماسورة وفي حمل الفضائح فرقة جد مشهورة كيف بالله تشردو وانتو مرتبة أولى ما قلتو الهلال ونتيجتو جد محلولة ضحكتو الجميع من حلفا حتى الفولة تيم المهزلات المــــافي ليهو بطولة الممتاز كمــــــــان باكر بتشردو منو تيم والله عجيب وادارتو فعــــــلا جنو طوالي الهروب مشهور ومعروف عنو الوالي اليقــــــــــــرِّر والطنابرة يغنو يا والي القروش الكورة فن وادارة ما لفة عمم ووجاهة ساي وحضارة الخلا القلـــــــوب والله جد محتارة شفتنة البرير الخلتك تتجـــــــارى عمر قرافي المصدر: منتديات سيد البلد

Quote: ناس الوصيف سكوا الدرب بالجمعة خوافين عديل لاخميس لاجمعة يس صغير وعمو من غير سمعة رايك ياوصيف الليلة يحرس جمعة

ناس الوصيف ساطوا الملاح و الدمعة
جرايين جري خايفين تفوت السبعة
الوالي ينجر ويقطع الليلة لاحق ابو لمعة
يس ما بطمن يتخاف عليه من جدعة

هارون دياب غاب من المنبر وقال احسن يمشى دبى
لكن طارق الكوتش قاااعد وشايل الشروبوت نظام كى
وعمران شوف عين بحلق فى شنب ود القاضى و ناس الحى

الوالي الغشيم قول لي مريخك كّر
الأزرق طمّح ما بوقفو العـسكر
أخيرلكم الجري وأحسن تمسكو البّر
شوفو الحضري وين وتِمو البقية صوّر

جمال (الوالي) وم.عقار (الوالي) أو : (المُنسحبان) ...(توجد صورة )...!!!

.


الليلة أب صفير كتر كتير درابو
قال هرب الزعيم والحضري شن الجابو
أسمع يا اللخو وكلم برير واصحابو
الناسي السوكوهو وقبروهو مسحو ترابو
راجينا كيف ينساه البيهو طار أربابو



.

فوق أزرقنا الجميل ... دوام بجر النم ..
أبيض لطيف مابيشبه اللونو متل الدم ..
الحضري اللئيم شتت .. وراح بعيد إنجم ..
وخلا الوصيف حيران ..للجمعه شايل الهم ..
وصيفنا إنسحب والوالي بصوره بس بحلم ..

شرّادة الوصيف ..الليلة كيف اصبحتوا؟
لسّة مع الجري .. ولاّ خلاص ارتحتوا
هيا بياض العين حت للشراد سمّحتوا
سمّيتوهوا موقف و بالكضب صرّحتوا

شرّادة الوصيف.. سيبوا الهلال في حالو
سوّيتوا العيب عديل لا بعدو لا قبّالوا
لا ورقة لا توقيع كل الحجج ناس "قالوا"
قلت الكاس ضعيف..مو هو الدوام تسعالوا؟

شرّادة الوصيف.. الليلة حالكن حال
الحضري السغيل ابا يدي صورة جمال
كان للحول سنة.. نعرض نشيل الحال
ما اخير كان لعبتوا لو تمرقوا بشوال


( )

كل عام والجميع بخير و عافية و سعادة

العيد مبارك عليكم..

والعفو والعافية.............

الليلة أب صفير بالحيل كِتر درابو
قال هرب الزعيم حاشاهو مي اسبابو
أسمع يا اللخو وأسأل برير واصحابو
الناسي الرجوجوه وبي هنو مسحو ترابو
ساكواها كيف ينساه البيهو طار أربابو؟

جعاع أب صفير إن شاء الله كاسك شلتو
اريتك يالسميح كان بالضراع انجزتو
أو باقل القليل ام بدة جات حللتو
ألا على عجل ادوك تلات اضعاف تلتو
لكن يا الحريف "تلت التلاتة" عرفتو




.

يا اخوي الكلام اقصرو بي غيبتنا انتو فرحتوا
لسه مطمبرين و لا خلاااص ارتحتوا ؟
العينو من القزاز زيك بقوله مدحتو
يشكر في خبوبو وفي طينو يسوي سمحتو
نحنا اسياد مهابة افريقيا ضايقه لدغتو
شن معناها كان سبنا الهليل في حالو !!؟
ما تعبان و لا بد من سترت افعالوا
نهديهو كاس شلناهو بالسنين قبالو
ينقر سنو و ينبسط في منالو
بالكاس الهليل نفش الريش سوى مسور
فرحان منبسط دنياهو بهجة حبور
ناسي الكان دوام بديهو بالساطور
يا حليلك زمن ضباحنا ايداهور
الهليل إن لقيتو اضربو اصلو ما ترخيلو
لا تاخدك بيهو رآفة لا تحسِن تاويلو
ياهو ضبعة افريقيا و سط الغاب وزايرو
قمحان صادي ديمة منفزر بارم ديلو
الهليل يسوي العوا سااكت يجووط
يشتري في الكور و بالرشاوي يسوط
فاكره حرفنه يضحك جزل مبسوط
يوم انيمبا و الترجي سمعنا الطووط
شن جاب الهليل لمريخ النجم في سعودو !!؟
و شن خلى الرخم يقدل يفوته حدودو!!؟
نحنا درق الوطن جالبين كؤوس لبلودو
يوت سوداني يفخر يبتهج ببهوجو
مريخاب أنحنا في السماء داك مكانا يظهر عالي
من زمناً قديم نحنا اسياد شرف فرسان رهان طوالي
ما ادهنسنا يوم لا بلينتي لا رشوة لا شيك مالي
و بنعرف نفرق بين 2 وبين 12 فى اسوء الاحوالي
اسالوا افريقيا مننا كيف ساعة نقوم اخوان
تيمنا صاقعة ما بتتقابل قلوبهم حجر صوان
فرتاقين صفوف جالدين الضهور سيطان
في شان اسمنا ما بنرضي بالحقران
و كل الفينا بيفتخر باصلو في السودان
مريخاب انحنا و يوم الشكر نتضارى
ما بنتفشر لا بنتفوجج لا بنتمارى
تيمنا بسيط سوهو مسلمين و نصارى
مريخنا وطنا و لى خدمتو بنتبارى





عيدكم سعيد يا الفرحانين بالكاس

شرّادة الوصيف السوّوا ووووب وأحي
الحضري شتت وياسين حلاتو صِبَي
باسكال معوّق ودفاعي قاعد صَي
من ناس ساسا ديل كان يمرقن كرعي

شرّادة الوصيف مالكم الليلة فلسفتوها
الجري ياهو الجري مش أكان زنتوها
عِرّيد الرجال شين و الشينة سوّيتوها
تقعد بالسنين و العجب اكان عدتوها

شرّادة الوصيف زين الحديث في قصرو
الحضري سفهكم و شتت لبد في مصرو
وخايفين بلاهو تتبهدلوا و تتعصروا
قتوا اخير نجر نفوّت على الند نصروا


()

يا أخوي الكلام ساااهل و ديمة نضمكم ني
المريخ بتعرفوهو بيخلف و يطبق الكي
كم فرتق شملكم ساكواها بي فد تي
و راجي داك سواها و نهاركم ضي
فلسفناها نحنا اصلنا اهل آدب و ثقافة
ما زريباب و سوق قش ولقافه
اصلنا ثابت في الجذور بشرافه
اسأل كان بتعرف ياخ نحنا قيافه
قلناها قبييييييل كُتر الكلام اقصرو
ما تطرطش تنبهل تلوي الحديث وتلفو
يرمولك نضم تكسر رقبتو تشفو
تلخبت كومو و تسرقو تشفو
اركز ما تنفزر عادتك دي تب انساها
كرب خطوك و الهوشه اتلافاها
جاينك انستر ما تنطقش تتساها
ضربنا قرييييب طربيدنا بس ساكواها

ياخي تكون الدنيا عيد ضحيَة ، وتجي بعد كوز الشربوت الماخمج تلقى مسادير الهروب
وتديها تكية وبي مزاااااااااااااج تضحكـ ..
ياخي مساديركـ في السلك بس ناقص حاجة مهمة جدن جدن
انتو ما شايفين السيد الوالي صوتو بقى عالي
ونظام بقى يهرش كمان
الموضوع ده ما يمر سااااااااي كده بلاهي :)

شرّادة الوصيف نعيد الحديث من تاني
جريتو جري السواد وشردة التاباني
عارفنكم تقليد لا اصلي لا ياباني
ترديد بدون تفكير وكلامكو خالي معاني

شرّادة الوصيف الجكّة بساعدوها بي ياسين
مو بالكضب و النفخة و باقي الحجج ميتين
سبب الجري ما موقف و الناس جميع عارفين
امرقوا النصيحة اخير و قولوا السبب ياسين

شرّادة الوصيف هاكم خلاصة القول
جريتوا جري النعام وكتين يهشّها زول
وعارها متحمّدكم من يومها داك للحول
ومتل سيك القبول ح نشختها في الـ wall


()

Quote: الحمُد ليك يا الله الليله الصفيراب طلع ليهم صوت من زمن الترجي قفلوا موبايلاتم لامن ذكرونا الموت أحييا من رشة العرضه و (هرمنـــا ) الخجَّلت بنَّوت قوة عينكم يا زريباب أدهشت (آيه) وحيِّرت (حتحوت)

يا مولانا نحمد سيدنا صوتنا دايما عالي
هلالانا فوق في السما و في الارض مركزو مالي
خليني من رشّتنا و سوق النضم في التالي:
التعريدة من كورتنا و تصوير عصام و الوالي

Quote: الليلة أب صفير إتذكر الضباح داير يجيب التار.. أحسن يجي بالصاح بي حضري بي يس ما بتندملو جراح أصلو الجرح غوار وساكواه يسوي التاح الناسي ناس راجي بي هنو كيف يرتاح؟

حجازي الأخو .. هدي النصيحة يا صاح
جريتوا جري الوحوش و بالطريقة الصاح
دوّرتوا زين لفلفتوا وقلتوا حقنا راح
و القصة واضحة وباينة متل الصباح إن لاح

الليله الوصيف السواها تب منكوره..
حضريهم شرد ووارغو زول ماسوره..
وقالو الإنسحاب أخير من كشفة المستوره..
لا لميتوا في الإخلاق وفارقتوا درب الكوره..
فالحين في الحديث وبس في بنا المقصوره..
الكاس وإنتهى في الممتاز ورونا كيف الشوره..

لو عِدته الحديث مرة و مراير مُرة براك بتعاني
هليلكم تعيبان يرفس و ديمه عليهو كمان وراني
عارفنكم في الصنف تتشابو بين الاصلي و الياباني
و اصلكم منقطع النظير لا اندنوسي لا تيواني
التاريخ مسجل من القديم و ذاكر الجكات
و الخيل الاصيلة سيدة فرزه في الحوبات
نذكرو هسي تالله بتكتر الجرسه و الفزرات
كم كم هليلكم في يوم الدواس كبر اللفات ؟
خلاصة القول قلناهو بالصوت و بالمكتوب
حرسنا نضمنا اصلنا ما ضريناهو فوق لهبوب
الدورة ملعوبه و مليانه طين و خبوب
و مانا ناس قريعتاً رايحة نحنا تيم مهيوب
ما عندكم غير تمسكو ها النضم من هنا للحول
ياهو فالكم سوي حديث هوان لا فعل لا قول
عاركم للبلد دائماً داوي و شرحوا يطول
سيك شنو ياناس و فضايحكم عرض و طول!!؟
يا (مولاهم) يحمدو سيدهم بالضرب طوالي
هليلم من زماااااااان زامنو بها الافعالي
مرشوش و محروق بور مسورو شمالي
لا دهباً حصد لا كاس يعدل الحالي
ايوة تمام نحمد الله الليلة طلع للهليل صوت
خليهو الترجي انساهو و ارجع وراء كم فوت
حيحيهم كتييير ومسيخ يتقلو وصلو الموت
قلنا ننعشم بالكاس ما يخرتو بلالي يكبو زيوت
الهليل ما عندو شئ غير يقول نضمو
خجلان من زمان ممزوع لحم فى عضمو
يحوم افريقيا سست يرجع كمان في سجمو
لا دهباً بلغ لا كاساً ستر لي لحمو
يا ها فصاحتو و حججو دي الملويه
يجعجع في كل شئ و شغلتو ما دغريه
رشاوي ساى من خلقو في البريه
اخر الامِر دايرنو بالبنيه و الإديه
الما عندو كاس ياهو بمسك في الحديث الطاش
يصبح و يقيل و يمسى و شوفو كلو طشاش
خليكم ناس نجيضه و ما تكتروا الهتراش
السؤدد اسم مسجل بأسمنا لوح هاشي و باش
ماكم ناس نصيحة تقطعوا ساي و تواسو
تاريخكم من زمان نضمي من غير رأسو
انتو اهل الانسحاب ناجرنو وعارفين ساسو
و يومنا النلتقي الفارس بيفرزو بلباسو
إن كترت همومك يا الهليل نووم
اصلك منطقش ناقع عليك البوم
لا عزاً ملكته لا اتغشرته ليك بيوم
دائماً مبرراتي و عندك عذر بالشؤم
نضميكم كتر و نحنا اسياد نزال في الحوبة
اقصروهو الحديث قلناها في اول نوبة
لسانا طويل بس افعالنا بتحكوبة
نلتقي في النزال و بنعرف المقلوبة

كان للجري وفاق اسطيف انحنا شهودا
جريكم من الغريب ماليهو حدودا
شهرتكم سبقت كورتكم المقدودا
خلو الجعجعة وانتبهو لي قدراتكم المحدودا

آ ناس الهليل بعد الروحه و الخذلان
ودر خلاس طشه وضهب هلكااان
يفتش في الدروب يمسحبها الخوران
طمبر منبسط بكاسنا في السودان
ما قلتو الهليل بطل افريقيا مالو حدود !!
يصول و يجول كابر شِبل لي جدود
قلتوا اللعيبة ثابتين جنان قلب و إسوود
مالكم انبرشتو و ######كم بدورلو برود!!؟
يا ناس الفصاحة اصلكم انتو ليها اسياد
و التيم الهلكان الاضينة ما على شان لبلاد
فالحين في الداحة وجلب الصِفرِ في الميعاد
فالحييييين في الخيابة و حرقة الاكباد
يا ناس الهليل مستواكم تب ما بشرف
افريقيا ما شبهكم شمسكم ديمه تصيف
تحرق في حشاكم وليكم اهي بتليف
انمهلو يا حبان عياركم اصلو خفيف

الليلة المسادير هليلا فرتق خايب
راقد منطرح زي الزويل العايب
تندله لحمة ما اصلو شغلو زرايب
سوق قشو فاتح و سيد لبناً رائب

اكتب يا الاخو افرح و جرو غناك
طال ما لقيتلك فسيحه سو سواك
معروف الظروف باكر تلف بحواك
ترجع تنضرب يوووت في قفاك

فرصة و جاتك افرح طمبر ما اظن تتكرر
كمل نضمك ست و الف اوعه لا تتودر
شوية نجيك بواسوقنا داك تجرر
نعصرك عصرة لزينا لمن بالخلف تتخرر

شمتان في الوصيف ومن الضحك بدور إنشقه
طيش أفريقيا الضعيف الفي سيكافا ماخد علقه
سفيان ياوصيفنا أركز وسيب كتر الكلام والنقه
معروف الوصيف شرد يوم الجمعه خوف يندقه

أياهو الهلال دوام سيد البلد وأصلو مافي سواهو
رافع الرايه في أفريقيا والنزال ضمه مابيخشاهو
فرتاق الصفوف مابينسحب عاشقنو ودوام نهواهو
شوفو الوصيف يوت محرجنا والتمهيدي مابيختاهو

شوف بالله نضمو الكلو ما بيسدلو فرقه
زمنو المركلس ساكت ساو المريخ درقه
جاي الليلة تتفاخر التقول سيد درقه!!
ما كل يوم في افريقيا ماخد العلقه

يا هو المريخ جاب الكؤس من مافي
شق افريقيا كم قطعلوا فيها فيافي
تهواهو القلوب تكتبلو ديمة قوافي
مو زي الهليل شغلو كلو اسافي

يا رشاشات انقرعو ما تكتروهو فرحكم
صرو نضمكم لي يوم اللقاء و ملمحكم
يمين الله يوم داك نلويكم تب نطرحكم
و إن درتو اليقين قاطعنو نحنا رحطكم

تروا بعيد ما تجونا تب في وشينا
استروا عرضكم احجوهو من درشينا
لو دقه النحاس بتعرفوهو كيف دقشينا
رحمناكم خلاص اقعدوا بس تانينا

فرمالة وتكرر فوقها تحلف تقول تمتام
يا بوي شيل الصبر شغلنا ليهو نظام
عايدنا على الاهل و واصلنا للارحام
شردتكم ماها طايرة وبنجيها لا قدام

عيدكم تب مبارك و الاهل طيبن تمام في تمام
علا بس لقيتولكم كؤيس جنازة و كترتو فيهو كلام
فاكرين خلاااااص كعبكم عالي قادرين على الإقدام!؟
منفوخين تهوش تهرشو بنفسكم عجلكم و نام

اقروها الحروف وما تبقوا ديمة حمام
ما عايزنكم تنخدعوا تعيشوا في الاوهام
سيبوها الخيالات شطحت هنود وافلام
بنكتم نفسكم لا طنه لا هبة لا نسام

اها