إلى تمبس في اعتكافه الغريب بنواح غير معلومة

أما قبل :
فهل زهدت دنيا الأسافير أم أنك تمارس تقشفا مؤقتا حتى إذا جاء العيد أمطرتنا وأمطرتهم
بالجديد السعيد من لدن حكاوي أولاد الموردة وخور أبو عنجة ذات ليلة وعمود الإنارة
في طرف الشارع يرسل ضوءا خافتا يجعل الظلال كالأشباح والليل غامض وبعضا من أنين يمتزج
فيه الوجع اللذيذ بالنشوة المبتغاة يتسلل من بين فرجات الشبابيك مغافلا أصحابه وفاضحا
عن حميمية الروح والجسد.. الخ ..الخ .. الخ .
أما بعد :
أطلب أغنية العيد الجاب الناس ما جابك وأهديها إلى الحاجة أم محمود في أطراف
صعيد مصر البراني وأرجو أن لا يكون لها أدني علاقة بالكهل المصري الكذاب المدعو عصام
الحضري .

شكرا يا طلحة للسؤال عن هذا الهالك..
__
كل سنة وأنتما بخير..

مكانه شاغر ولابديل لتمبس إلا تمبس .......

كل عام وانت بخير ياطلحة ........

كما أبارك العيد السعيد لزميلة البورد وأتمني لها وله ولأهلهم وذويهم وأقاربهم
واحبابهم أجمعين الصحة والعافية ..
وأرجو أن يوفقها في مسعاها وهي تحرص على الإضطلاع بدورها كاملا في قياس الضغط والسكري
ووجع المفاصل والكرعين والركبة اليمني واليسري لزميلها في البورد كلما وأد الهلال حلما
جميلا منتظرا وخرج من البطولات الأفريقية خال الوفاض صفر اليدين والمنكبين وجعل أحبابنا
من أمثال زميل البورد قاعدين في السهلة يناجون أطلال الحلم المدفون في حنايا المستحيل ..
واوصيها بهدهدة المشاعر والتربيت على الخواطر وتجنب قراءة حكاوي الغول والعنقاء والخل
الوفي على مقربة من مسامع الزميل العزيز فهي من أسباب الحساسية .. وقديما قيل الوقاية
خير من العلاج وكتلوك ولا جوك جوك .
يتبع ..

سمعت تحت تحت إنو كان منتظر الهلال يشيل كاس أفريقيا و إجي بي نمرة 5
و دي طرشقت
فااااااا شكلو منتظر كاس السودان و إجي دافر
فإذا دي طرشقت برضو حا إنتظر الدوري
و إذا دي طرشقت ما حا تشوفوهو إلا السنة الجاية
أو إقوم الملاكم ود البرير إعمل ليه بطولة بي أي إسم و إجيب فيها فرق إغلبها الهلال
و إشيل الكاس علشان إظهر تمبس

وللحبيبين الجميلين طيفور وجنابو ولأهلهما وأحبابهما أجمل الأمنيات وأصدق الدعوات .

وكذا للحبيب أبو حسين وأهله وأسرته وأحبابه أرق وأجمل الأمنيات .

ولكل الأحباء الذين يمرون من هنا:
كل عام وأنتم بخير
والعفو والعافية .

قبل شوية كان بتكلم معاى ..

قال ليك شكراً على البوست رغم انه ماعارف مقصده ولا نواياه لكن بيحسن الظن فيك ..
هو هسه في الخلا مع شغله الجديد الليهو كم شهر فيهو بعد نقلوه من الادارة لقسم المراعي ..
اتصلت عليهو في جهاز الثريا وقال هسه ماخد نومه صغيرة عشان عنده سرحه بعد العصر ..



تحياتي طلحة ..

اتركوه في نومه ... فنوم الظالم عباده

تمبس ده بقي زول أبو وليدات و محمول و مافي فاضي لي شغل البذران بتاع ناس البورد ده ..

انت يا ود الخال الزول دا بيشرب فى شنو

بركيب ولا غباشــه


عاملين لينا اختلال فى ميزان المدفوعات الزول يكون استاذ فى كلية البيطرة
تلقاهو مطلع ليهو فيزة ( رفيق ومفسح مواشى )




احلى زول واحسن زولة ليهم الدعوات ببركة العشرة الاواخر تضيفو للعالم فى ملياريته 3-4 انفار قادر يا كريم

يتبع ...