Post: #1
Title: شفع السودانيين في المطارات والأماكن العامة ... بشتنة ورقاد واطة!!
Author: محمد جلال عبدالله
Date: 11-03-2011, 08:35 AM
السلام عليكم
ليسوا الوحيدون ولكنهم من أكثر الجنسيات التي يلعب أبناؤها ويزعجون في المطارات والأماكن العامة
في المستشفيات - الأسواق - الشوارع
مع العلم أن الكثير من الجنسيات الأخرى تجد أولادهم في أعمار ابنائنا في هذه الأماكن ولكن معظمهم يكون هادئا
ويكون جالسا مع والديه مثل الشخص الكبير في رزانة وهدوء
فما السبب يا ترى؟؟!!
هل نحن لا نحسن تربية أبنائنا ولا نعلمهم النظام وآداب الأماكن العامة؟
وسؤال آخر متفرع من الأول:
هل نحن أنفسنا الكبار ملتزمون بآداب وأنظمة هذه الأماكن؟
الهدوء - الكلام بصوت خفيض - عدم التجمهر في الممرات وأمام الأبواب
احترام الصف والدور - عدم التلفت والتطلع في وجوه ومتعلقات الآخرين
سؤال ثالث: هل يا ترى فينا جينات بداوة وفوضوية؟
نبدأ النقاش بعد الفاصل ^_^
|
Post: #2
Title: Re: شفع السودانيين في المطارات والأماكن العامة ... بشتنة ورقاد واطة!!
Author: محمد جلال عبدالله
Date: 11-03-2011, 08:42 AM
Parent: #1
إذا قادك القدر يوما إلى المطار في أي بلد اغتراب ويكون اليوم لطائرة سودانية أو قادمة/ مغادرة للسودان
تجد أن صالة المطار تحولت إلى صالة ألعاب لأولاد السودانيين
كاك ... كييييك
وووااك .. وييييك
غااااغ ... غييييغ
تزحلق على الأرضيات
رقاد في الواطة أحيانا
يلعبوا سك سك بين الحواجز
يفكوا الحواجز نفسها احيانا
والمشكلة تجد بعض الآباء لا ينهونهم ولا يردعونهم بل ينظرون للأمر ببرود
وتجد الكل في الصالة من مسافرين - موظفين - حراس أمن .. متضجرا من هذا السلوك
|
Post: #3
Title: Re: شفع السودانيين في المطارات والأماكن العامة ... بشتنة ورقاد واطة!!
Author: Asim Fageary
Date: 11-03-2011, 08:56 AM
Parent: #2
سلام يا محمد جلال
ما ياها دي المواقف السخيفة البنقول ليها
|
Post: #4
Title: Re: شفع السودانيين في المطارات والأماكن العامة ... بشتنة ورقاد واطة!!
Author: محمد جلال عبدالله
Date: 11-03-2011, 09:51 AM
Parent: #3
Quote: سلام يا محمد جلال
ما ياها دي المواقف السخيفة البنقول ليها |
أخي عاصم فقيري
فعلا مواقف سخيفة تحتاج أن نناقشها بعقلانية شديدة
لأن هذا السلوك ينعكس على الجميع وليس على واحد أو اثنين
فالسوداني أينما كان هو سفير لوطنه
وفي حاجة تانية برضو
نحنا (سوادنا) و (شناتنا) دي بتخلي أي حاجة بنعملها وااااضحة وملااااحظة
ووالله نحنا ما نفعنا شي في الغربة غير المثل العليا الضربوها أسلافنا في الاغتراب
وأما مغتربو اليوم فيقتاتون على سمعة القدماء
والسوداني عموما ما عندو حنك المصريين ولا سماحة وبياض الشوام
وشعوب الخليج العربي دي بتحب اللون الأبيض والشعر السبيبي وحلاوة الشكل
وعندهم عقدة شديدة في الحتة دي ( عقدة الخواجة )
بيحترموا الشوام واللبنانيين ويقدموهم عشان شايفنهم أحسن منهم شكلا وتعليما
بيوظفوا المصريين مع أنهم بيحتقروهم لأنو المصري حـمـار شغل وعندو حنك بيعرف يجيب القرش
نحنا كسودانيين أجبرناهم على احترامنا واستخدامنا بأخلاقنا وقيمنا
فلو فقدنا هذه الأشياء لن يكون لنا أي ميزة على الآخرين
شاكر لك مرورك وتفاعلك مع خالص ودي
|
|