اخشى عليكم من حكومة تأتيكم لتسففكم التراب وما انتم سافيه الا بمناخيركم

اذكروا ربكم واقعدو

وشوفو كنتو فين وبقيتو وين

الاجيال القادمة لو تسببت في ضياع الانقاذ

ستصيبهم الحسرة والندامة

والخذلان

لذا لابد من العض عليها بالنواجذ

وعدم التفريط فيها ..

هلا يا باوقة
ودي مكنتك..؟؟
يا زول كما قلت ليك سابقا ماعندكم اي حلول جذرية
تبكو بسسسسسسسسسسس

وبوست ده زاااتو بالمناسبة بوري انو خلاص ناسك ديل في الباي باي

هي مسؤولية تاريخية تسلمها الاجيال

جيل بعد جيل

الا ان يقضى الله امرا كان مفعولا

كنا فين . بقيت مصري ولا ده لزوم الغنم الدفعتوها للمصرين البتتهافتوا عليهم . انتوا اختونا انشاءالله نسف التراب ويكون عندنا كرامه بدل الاهانه الدخلتونا فيها


الي الجحيم الانغاذ وازلامها

سلام يا ود الباوقة
ما تخشى علينا. كان للتراب الإنقاذ سففتنا ليه من زمان. و كنا فين و بقينا فين دي بالغت فيها. كنا مليون ميل مربع و ما معروف ننتهي كم دولة. كنا دولة مستقلة و الآن بلادنا ترتع فيها قوات من كل حدب و صوب. كنا شعب عزيز على الرغم من فقره و علمتنا الإنقاذ الذل و انحطت بأخلاقنا التي كانت مضرب المثل. كنا شعب متسامح و الآن أصبحنا شعب دموي منتظر للحظات الانتقام. كنا قد بدأنا الانصهار و الآن عدنا للقبلية و الجهوية و العنصرية في أكثر صورها بدائية و تخلفا و عنفا.

الاخ العض
كفيت واوفيت

ود الباوقة
بوستك زائد بوست الاخ منير يدلان على قمة اليأس.
مافي حل تيكو بس والثورة قادمة قادمة نسال الله ان تكون سلمية فقط.

الجيل الحالي عاش رفاهية لم يعشها اسلافه من قبل

في ظل انعدام كامل للخدمات الضرورية والسلع الاستهلاكية

قبل مجيء الانقاذ

Quote: الجيل الحالي عاش رفاهية لم يعشها اسلافه من قبل في ظل انعدام كامل للخدمات الضرورية والسلع الاستهلاكية قبل مجيء الانقاذ

يا عمر
عليك الله خاف الله فينا وان ما خفتو فينا خافو في نفسك، الكلام دا يا ربي موجه لنازحي دارفور؟ ولا لمفصولي الصالح العام ولا لنزلاء المايقوما ولا لضحايا الحروب المتنقلة ولا نازحي السدود ولا للمزارعين ولا لمنو بالضبط، الكلام دا الا يكون موجه لكوز حرامي، بس انا اقسم لك بالله العلي العظيم انه ما موجه الى 99% من الشعب السوداني

باوقة
حبوبة غريبة عندهاعلم بمضوع البوست بتاعك دا؟

Quote: حبوبة غريبة عندهاعلم بمضوع البوست بتاعك دا؟

نعم

...........................

اخي محمد عمر

الايام الكالحة التي مرت علينا في الزمن الاغبر

الله لا عادها مرة اخرى

وشكرا

سنقول لك كما قال نوح لابنه
(يا بني اركب معنا) فانه لا عاصم من امر الله
الحق نفسك
انج سعد فقد هلك سعيد

Quote: الحق نفسك

ود ابراهيم

انت الظاهر عليك حلمان

اركز

يا باوقة
شكلكم كدة قنعتو من خيرا فيها


المرة دي البوست ده حيبلعو ايك ناس الموؤتمر الوطني
انا متبرع ليك بي واحد باربيكان

Quote: الجيل الحالي عاش رفاهية لم يعشها اسلافه من قبل في ظل انعدام كامل للخدمات الضرورية والسلع الاستهلاكية

دي صدقت فيها :)

لكن هو فضل فيها تراب ؟؟ الخونة فرطوا في كل تراب الوطن انفصل الجنوب وتم احتلال حلايب وارقين ولعابهم سايل حتى الجزيرة
الفشقة القلابات حدود اريتريا همشكوريب حروب في كل مكان

تلتين نهر النيل بقت للراجحي والاردنية دا غير ناس خرباش والجمعة الحرامي وبقية الفاسدين

انتو فضلتو تراب هو ؟؟!!!

بس انت خليك في بوستاتك دي وما تبقى زي الجماعة مزواج بتنجلد تب ههههههه


اسمعني اجيب اللابتوب ولا اخش من عندك ؟

Quote: وشوفو كنتو فين وبقيتو وين

عمر .....عيدك مبارك
كنا فين؟حلوة فين دى ايه الاستلاب ده يا ولد؟
انتو صدرتوا لى مصر خراف واستوردتوا لغة؟؟
طيب نجاوب ليك..
كنا فى وطن كامل اسمه السودان
هسه فى نص وطن..
والله اعلم لى قدام يبقى سدس والا عشر ماعارفين..
كان الراعى فينا يمشى من حلفا الى نمولى
لايخشى الا من الذئب على غنمه.
وهسه ماشين فى شوارع الخرطومفى وضح النهار
ونتلفت رعاوية واساتذة جامعات.
كان تعليمنا مجانى وصحتنا مجانية وكهربتنا
تمام ومياهنا لاممنوعة ولا مقطوعة..
هسة بقينا نموت من زيادة المويه ونموت من قلتا.
وصحتنا اتدهورت وتعليمنا اتدهور وكهربتنا اندر من اسنان الدجاج.
(التعبير مسروق من البروف على المك أبل الله تربته)
كنا عزيزين كريمين واصبحنا جملة شحادين نطوف البلدان
والصناديق ونسأل الدول الحافاً اعطونا او منعونا.
ولو قبضت المنظمات من حولنا يدها لاصبح حال السودانيين
حال الديناصورات..
ود الباوقة والله ما تكتب لايشبهك ابداً،،،

ود الباوقة
انا شخصياً ما قابلتك ولو قابلتك اول حاجة باخد لي معاك صقرية وبعدها بنتفاهم، ادريس خليفة قال لي عمر دا من اظرف الناس الممكن تقابلهم في حياتك صديق الموج في المداخلة دي يشيد ايضا بك، الجابرك شنو يا اخوي تنصر اخاك ظالما او ظالما.
الانبياء المعصومين ديل يوم واحد ما شفت فيهم حاجة غلط؟ كدي عليك الله عربات المنتخب المصري وخرفان الضحية ال يمكن اكتر من 80% من الشعب السوداني يجلوها السنة دي زائد بقر ليبيا المرسلة الى عصابات القاعدة التي استولت على حكم ليبياعشان يشربوا اللبن لمن يدفق فوق دقونهم القبيحة بينما اطفال في دارفور م لاقين الموية اليشربوهاخليك من اللبن دا اليمكن ما يشوفوهو الا في الجنة مع تمن رطله البقى اكتر من نص يومية العامل.

Quote: الايام الكالحة التي مرت علينا في الزمن الاغبر

ونحن برضو بندعو معاك

يا حبيب لا تخشى علينا ولا شئ .....

التراب ده عايزين نسفوا بي مزاجنا ..

Quote: وشوفو كنتو فين وبقيتو وين

النبي فيكم ترجعونا محل ما كنا ....

ود الباوقة ..... أنا مش قلت ليك إنت راجل لذيذ؟

ود الباوقة

النصيحة غالية لكن لمنو

ياريت الناس تتعظ وتعرف مستقبلها وين

غايتو انا يا بوقة لو كنت مؤتمر وطني
كنت حأقول ليك ده بوست متزمزغ

دكتور محمد حسن
دا اسمه بوست استباقي وفي رواية اخرى تمهيدي
يا عمر نط

شكرا ود الباوقة

لأن بوستك هذا يؤكد أن الإنقاذ باي باي


وما تخاف علينا من البعدها

الشعب السوداني عاش آلاف السنين قبل الإنقاذ

وسيعيش وينهض بعدها


الباقر موسى

اللبيب بالاشارة يفهم
قال تعالي
(يَا أَيُّهَا الَّذِينَ آمَنُوا لا تَتَّخِذُوا عَدُوِّي وَعَدُوَّكُمْ أَوْلِيَاءَ تُلْقُونَ إِلَيْهِمْ بِالْمَوَدَّةِ وَقَدْ كَفَرُوا بِمَا جَاءَكُمْ مِنَ الْحَقِّ يُخْرِجُونَ الرَّسُولَ وَإِيَّاكُمْ أَنْ تُؤْمِنُوا بِاللَّهِ رَبِّكُمْ إِنْ كُنْتُمْ خَرَجْتُمْ جِهَاداً فِي سَبِيلِي وَابْتِغَاءَ مَرْضَاتِي تُسِرُّونَ إِلَيْهِمْ بِالْمَوَدَّةِ وَأَنَا أَعْلَمُ بِمَا أَخْفَيْتُمْ وَمَا أَعْلَنْتُمْ وَمَنْ يَفْعَلْهُ مِنْكُمْ فَقَدْ ضَلَّ سَوَاءَ السَّبِيلِ )
صدق الله العظيم

سلامات يا ود الباوقه



كلامك ده معناهوالناس حا تخلي سف التمباك يعني ؟وما حا يكون في سف للمال العام!!!؟تراب بس ؟؟!!!

كامل التضامن مع شيخ عمر ود الباوقة في أصعب وأحلك وأحرج أيامه .... يازول الحبة دي ما بتجيك ... خليك في رياض الخير ... وتوب في هذه الأيام المباركة ... وألعن إبليس الإنقاذ اللعين ... ونوم خفيف على معلقة زبادي وبس ....
قبل المغادرة : أها إن شاء فرجت بعدما ضاقت وأستحكمت ...
الشفيع

Quote: لذا لابد من العض عليها بالنواجذ وعدم التفريط فيها ..

ود الباوقة

لك التحية

قالوا أربطوا الأحزمة على البطون فاستجاب الغالب الأعم

مجبرين فطالت الفترة واستطالت فخارت القوى وضعفت الأبدان

وتخلخلت النواجذ وسقط أغلبها فلم تعد لها القدرة على العض

والتفريط فيها صار أمرا واقعا ومسألة زمن فقط .

Quote: الجيل الحالي عاش رفاهية لم يعشها اسلافه من قبل

اللهم طولك يا روح
عمر ياخي رفقا بعقولنا ...

Quote: اخشى عليكم من حكومة تأتيكم لتسففكم التراب وما انتم سافيه الا بمناخ

عمر
أخشى عليك من هذه:
آية المنافق ثلاث:
الموت وارد لأي منا وزياراتنا لأم الحمام متكررة ولا زلنا نحمل النعوش على أعناقنا
ولا ندري نعش من سيحمل في المرة التالية
تصدرون بطاقات العضوية في المقابر ولا أنسى ذلك الموقف المخزي....
وقد تحملوني على نعش وتتونسو وتوزعوا البطاقات وتتبادلوا النكات،، وقد أحمل بعضكم وأترحم عليه بخشوع وسكون....

إلى متى ستظل هكذا يا رجل وكلنا على باب الخروج واقفين، أينا يخرج أولاً لا ندري

ولا زي ما قالوا مزرعة ولا حتى إقطاعية بسكانها ممكن تخلي الزول يبيع آخرته بدنيا زائلة ولن تنفع الذرية؟؟؟؟
لأنها إذا صحت حرام...

ما كلام سياسة
إتق الله في نفسك وفي أهلك ونحن في عشرة حُرم......

أقول قولي هذا وأستغفر الله لي ولكم

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

ما زال هجير الشمس الحارقة ( يزوزو ) في نافوخي

ونحن متهجولين مابين السكرية وموقف باصات الصحافة

من الثانية بعد الظهر الى الرابعة عصرا

في انتظار حافلة تقلنا الى الديم

ننتظر اكثر من ساعتين في مشوار لا يتجاوز زمنه ربع ساعة

الله لا عاد تلك الايام الكالحة

اما عن السكة حديد فحدث ولا حرج

قطار الاكسبريس تحرك من محطة( عطبرة ) عند الساعة السابعة

مساءا في طريقه للخرطوم ليتوقف بنا في محطة الدامر

التي قضينا فيها ليلة وضحاها .

واتفرج سا سلااااام

ابان المصالحة الوطنية عام 1977
انشد الشاعر ود حيدوبة

واصل كفاحك خليك حريف

جبت الصادق جيب الشريف واصل ...

ما فيش سكر ما فيش فحم ما فيش رغيف واصل كفاحك

كنتو وين وبقيتو فين

اين كنتم عندما انشد ود حيدوبة

ابان زيارة المرحوم جعفر نميري الى امريكا

انشد قائلا

جاك راشيهو سيل غيمة كان تديهو كم خيمة

وجاك الجوع هلك ناسو مشيهم صار بتقسيمة

اين كنتم ...

ثم اختتم ود حيدوبة متحسفا على الوضع المزري انذاك ..

خربانة البلد بيكا

وزدت الامر تلبيكا

حتى الفار شرد من بيتنا ما لاقيين ملاح ويكا

قافل شعبي راجيك جوكرو فوق وفاك تيكا

اين كنتم ؟؟؟

الأخ ود الباوقة

لك التحية

طالما ذكرتم أن البلد يرفل فى النعيم وتعشعش فيه الرفاهية

وتختال فيه الوفرة وتنهمر عليه سيول الإستثمار من كل حدب

وصوب والبشريات والبشائر تحلق فوق سماه إستعدادا للهبوط

الذى سيحول السودان الى دولة تسبح فى بحور الغنى الفاحش

لماذا لم تحزموا أمنعتكم وتلفظوا الغربة اللعينة وتهنأوا

بالحياة الطرية الندية ؟ السؤال موجه لود الباوقة وصلاح غريبة

اخي ود الباوقه

امس لو سمعت البشير يتحدث لشباب المؤتمر الوطني

اعترف بان الحالة صارت صعبة " عايز تغالط الرئيس كمان ؟؟"

يوجد ما لا نستطيع حسابة ارقاما او نسبا لنقارن ما قبل الانقاذ او بعدها

ولكن الدلائل ربما تشير الي ذلك لكل فطن

اعني بذلك معايير القبلية الجهوية الاخلاق العنصرية الخ

لكن ولكي يكون الحساب ولد ارجو ان كان لديكم اجابة علي ما يلي بالارقام مقارنة بما كان "قبل الانقاذ" والان :

1- مساحة السودان
2- عدد القوات الاجنبية
3- قيمة الجنيه السوداني مقارنة بالعملات الحره
4- المحالون للصالح العام
5- متوسط دخل الفرد مقارنة مع تكاليف المعيشة
6- عدد الاطفال فاقدي الابوين
7- الرقعة المزروعه
8- عدد المصانع المتوقفة عن العمل
9- مجانية التعليم
10- العلاج
11- الاعتداء علي المال العام


واكون شاكر

يا باوقة رفاهية شنو يا راجل؟
قبل الإنقاذ الوالد، عليه رحمه الله، كان لوحده شايل البيت والبيت كله طلبه وطالبات، هسي نحن كلنا شغالين، أولاد وبنات، وما عندنا طالب واحد، وما مكفين البيت..

Quote: اين كنتم ؟؟؟

القذافي قال من أنتم......

وشفت النهاية ولا أبيت تشوف خوفاً من النهاية.....

بالطبع لا ألومك على تخطي مداخلتي السابقة

وأعذرك فالمسير ما مخير

بوستيك ده شكله كده نص مبعوت ليك ودوام رسمي لازم تمشي بيه ويظهر أنو الجماعة مطبقين ليكم نظام البصمة في الحضور والإنصراف وصرف الرواتب والمزارع وما يعقبه من خصومات في حالة الغياب والتأخير والأهم الخروج عن النص؟؟؟

سير وعين إبليس ترعاك....
رغم إني صليت وراك مره
بس جايزة بإذن الله وبالنية وحديث الرسول صلى الله عليه وسلم بجواز الصلاة خلف البر والفاسق.....

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

عمر ود الناس الحنان بالحيل

خاف عليكم

من كتيح التابا ومبيت الليل

وشاف بكاريكم

تهايلت شتات بعد مليون ميل

وحاريكم

سكات وبغم سف التراب بالكيل

Quote: اين كنتم عندما انشد ود حيدوبة ابان زيارة المرحوم جعفر نميري الى امريكا انشد قائلا جاك راشيهو سيل غيمة كان تديهو كم خيمة وجاك الجوع هلك ناسو مشيهم صار بتقسيمة اين كنتم ...

في ذمتك - لو عندك ذمة - ما عارف كنا وين؟

وحاتك نزلنا الشارع ورمينا نميري وعصابته في الزبالة.

في مثل هذا اليوم من عام 1984 بعد ان انعدمت الخراف


كليا من الاسواق وعيد الاضحى على الابواب

انشد ود حيدوبة

باية حال عدت يا اضحى فيما مضى ام زدت النظام فضحى

فلا خروف تسر النفس طلعته ولا غني ولا فقير ولا احد ضحى

اين كنتم ...

ثم دخلنا الى الاسوأ في عهد ما يسمى بالديمقراطية

الثانية او الثالثة

ما تفرق فطلع احمد وجاء حاج احمد ..

نواصل ...

:-

Quote: او الثالثة ما تفرق فطلع احمد وجاء حاج احمد

# * الرابعه *

ما تخشى علينا. كان للتراب الإنقاذ سففتنا ليه من زمان. و كنا فين و بقينا فين دي بالغت فيها. كنا مليون ميل مربع و ما معروف ننتهي كم دولة. كنا دولة مستقلة و الآن بلادنا ترتع فيها قوات من كل حدب و صوب. كنا شعب عزيز على الرغم من فقره و علمتنا الإنقاذ الذل و انحطت بأخلاقنا التي كانت مضرب المثل. كنا شعب متسامح و الآن أصبحنا شعب دموي منتظر للحظات الانتقام. كنا قد بدأنا الانصهار و الآن عدنا للقبلية و الجهوية و العنصرية في أكثر صورها بدائية و تخلفا و عنفا.


الأخ / العوض

والله بعد ردك دا مفروض صاحب البوست دا يتخارج طوالي

كتر خيرك كتير على هذا الكلام الجميل

كفيت ووفيت

تحياتي واحترامي لك أخي العوض

أبو كريم

اها الفترة دي تختلف ( توتلي )

حيث اصيب فيها المواطن في مقتل

من ضنك في الحياة وشظف في العيش وانعدام

تام للامن والامان

الاحوة الاعزاء

اسف لتجميد الردود لاى حين

اوعدكم بان ارد عليكم واحدا بعد الاخر

باذن الله

اكرر اسفي حاليا ..

الشايقي

ساتيك بالرد باذن الله

وسع صدرك

واركز ..

ود الباوقة،

يا صديقي،

ماتعصر علينا شديد ياخي،

خلي لينا فرقة (نناصرك)...

Quote: ماتعصر علينا شديد ياخي، خلي لينا فرقة (نناصرك)...

طيب نبدأ الردود من اسفل وذلك تسهيلا للمتابعة


اميرة بربك

اسالك

ولا ادري ان كنت شاهدة على تلك العصور المظلمة ام لا


مستوى المعيشة في السودان

تغير الى الافضل ام لا ..

وشكرا ..

Quote: كنا شعب متسامح و الآن أصبحنا شعب دموي منتظر للحظات الانتقام. كنا قد بدأنا الانصهار و الآن عدنا للقبلية و الجهوية و العنصرية في أكثر صورها بدائية و تخلفا و عنفا.

والله يا الفاتح

ما زلنا شعب متسامح وشعب طيب

حتى العنصرية التي تتحدث عنها لم تكن موجودة بيننا

كلنا سواسية يا اخي

وشكرا

وبشر الصابرين

Quote: ولا ادري ان كنت شاهدة على تلك العصور المظلمة ام لا

عمو ود الباوقة،

والله الزمن داك كنت صغيرة و(همي فوق غيري)

لكن الحاضراه ده،

دايرلو صبر بس...

Quote: والله الزمن داك كنت صغيرة و(همي فوق غيري)

انت عارفة همي فوق غيري دي الضيعت البلد

هس كل زول شايف شغلو

يا اميرة

Quote: انت عارفة همي فوق غيري دي الضيعت البلد

الهم فوق الغير لصغر، السن وليس لعدم المسئولية يا عمر،

تفرق يخيل لي...

ود الباوقة انت بصحك
بازول قول كلام تانى
صدفنى التراب تسفها انت وهم.

Quote: صدفنى التراب تسفها انت وهم.

الفحل

السنة دا ماجي الحج


وشكرا

سلام يا ود الباوقة

الإنقاذ سففت الناس المر الما بنبلع أمر من الحنضل
التراب حباااااااااااابو , مالو ما كلنا منو وليه
اسوأ منكم مافي لا في الفات ولا الجاي
بجي اليوم يا ود الباوقة البتسف فيه إنت المر على الطبيل البتسوي فيه ده لي ناس ما بستاهلوا اي شيء

Quote: بجي اليوم يا ود الباوقة البتسف فيه إنت المر على الطبيل البتسوي فيه ده لي ناس ما بستاهلوا اي شيء

بعدين يا عمر يا أخوي أقول ليك حاجة،

الناس دي والشعوب عامة،

زمن حكومة نميري (الله يرحمه) الناس تسبه وتلعن أيامه،

زمن حكومة الصادق والأحزاب نلعن أبو أهل حكومتهم،

هسه كمان،

نلعن ليك منو يعني،

ماياهو البشير وحيكومته،

Quote: ربنا يمد في أيامك يا ابوي كنت كل عام تضحي بخروف من أجلنا لم اسمع أنك اشتكيت يوماً من الاسعار

Quote: في الديم جرت العادة ( زمان طبعاً ) كل زول يطلع خروفه بعد صلاة العيد ويضبح وبعدها كل الناس تقعد في اكبر ضل شجرة تتوسطهم جرادل الشربوت وفي انتظار شية فلان ومرارة فلان وكل الونسة تمنيات بالتوفيق والعرس والانجاب ولم نكن قط نسمع احد يشتكي من غلاء الاسعار ومن عدم الامكانية في توفير التزامات العيد

Quote: مؤلم أن يسألك اطفالك السؤال السنوي : ابوي ح نجيب خروف الضحية متين ؟ قبل الاجابة يبرز سؤال واحد في نافوخك من من ساستدين مبلغاً افرح به اطفالي ؟ وتبدأ في استعراض قائمة ناسك البكونوا أفضل حالاً.. المؤلم أنك لن تستطيع مناقشة اطفالك حول التضخم وارتفاع اسعار السلع وفساد الانقاذ وانفصال( نفط ) الوطن أقصد جزء من الوطن

الإقتباسات أعلاه، من البوست أدناه:

نحروا ضحاياهم وسالت دماؤها وأنا المفلس قد نحرت فؤادي

ابو الريش

اركز

Quote: يا باوقة رفاهية شنو يا راجل؟ قبل الإنقاذ الوالد، عليه رحمه الله، كان لوحده شايل البيت والبيت كله طلبه وطالبات، هسي نحن كلنا شغالين، أولاد وبنات، وما عندنا طالب واحد، وما مكفين البيت..

Quote: الجيل الحالي عاش رفاهية لم يعشها اسلافه من قبل في ظل انعدام كامل للخدمات الضرورية والسلع الاستهلاكية قبل مجيء الانقاذ

أخ ود الباوقة

تحياتى

تصحيح العبارة
اعلاه

الجيل الحالي عاش ضنك ومعاناة وحرمان لم يعشها اسلافه من قبل

في ظل انعدام كامل للخدمات الضرورية والسلع الاستهلاكية

بعد مجيء الانقاذ .

Quote: اخشى عليكم من حكومة تأتيكم لتسففكم التراب وما انتم سافيه الا بمناخ

تسِف الجردِقة يا عمر، يا بركة من جعل محمد نبي...

Quote: الا بمناخ

مناخ إستوائي؟؟؟



يا عمر
أركز.


عيدكم مبارك ووليدآتكم...

Quote: ما تخشى علينا. كان للتراب الإنقاذ سففتنا ليه من زمان. و كنا فين و بقينا فين دي بالغت فيها. كنا مليون ميل مربع و ما معروف ننتهي كم دولة. كنا دولة مستقلة و الآن بلادنا ترتع فيها قوات من كل حدب و صوب. كنا شعب عزيز على الرغم من فقره و علمتنا الإنقاذ الذل و انحطت بأخلاقنا التي كانت مضرب المثل. كنا شعب متسامح و الآن أصبحنا شعب دموي منتظر للحظات الانتقام. كنا قد بدأنا الانصهار و الآن عدنا للقبلية و الجهوية و العنصرية في أكثر صورها بدائية و تخلفا و عنفا.

مهازل!!

Quote: مهازل!!

طيب خليها تمرح

بدل ما انت لافي بيها بين البوستات

باوقة

كل سنة وانت والانقاذ في عافية ومعافاة



انت بس انصح وليس عليك هداهم

الجهل مصيبه من ركبها ضل
ومن تبعها ذلا
دي لسان حال المدعو .............

ود الباوقة سلام

انتو بس فكو دربنا ...أسوأ منكم لم يمر ولن يمر على السودان فما تخشي علينا ....

ود الباوقه
عيد سعيد

لكن الحكم ما عندك

والله بعد ذهاب هذه العصابه --التراب زاتو ما بنلقاهو عشان نسفو

ما تخاف علينا
اكثر من كدا مافي

باوقة،

صباحك زين،

أسمع النكتة دي:

فأر وقع من فوق فتح عينه لقا نفسه في يد كديسة،

وبقا يتراجف،

الكديسة قالت ليه كدي قول بسم الله،

قال ليها انتي بس فكيني وإن شاء الله أجن...

Quote: ما تخشى علينا. كان للتراب الإنقاذ سففتنا ليه من زمان. و كنا فين و بقينا فين دي بالغت فيها. كنا مليون ميل مربع و ما معروف ننتهي كم دولة. كنا دولة مستقلة و الآن بلادنا ترتع فيها قوات من كل حدب و صوب. كنا شعب عزيز على الرغم من فقره و علمتنا الإنقاذ الذل و انحطت بأخلاقنا التي كانت مضرب المثل. كنا شعب متسامح و الآن أصبحنا شعب دموي منتظر للحظات الانتقام. كنا قد بدأنا الانصهار والآن عدنا للقبلية والجهوية والعنصرية في أكثر صورها بدائية و تخلفا و عنفا.

شكرا يا العوض
وزد على كل هذا
قبل الإنقاذ كان الدولار يساوي 12 جنيه والآن لعله تخطى 4000 جنيه
التعليم كان مجانا والآن كل حصة بفلوس
قبل الإنقاذ السرقة كانت حرام هسي تعتبر فهلوة ونجاح