نحروا ضحاياهم وسالت دماؤها وأنا المفلس قد نحرت فؤادي

ربنا يمد في أيامك يا ابوي

كنت كل عام تضحي بخروف من أجلنا

لم اسمع أنك اشتكيت يوماً من الاسعار

_________________________________________



المساحة هنا للبوح والنوح والشكية لغير الله مذلة

في الديم جرت العادة ( زمان طبعاً ) كل زول يطلع خروفه

بعد صلاة العيد ويضبح وبعدها كل الناس تقعد في اكبر ضل

شجرة تتوسطهم جرادل الشربوت وفي انتظار شية فلان ومرارة

فلان وكل الونسة تمنيات بالتوفيق والعرس والانجاب ولم نكن

قط نسمع احد يشتكي من غلاء الاسعار ومن عدم الامكانية في توفير

التزامات العيد

الاحوال يا سيد ، عام سعيد وربنا يحقق الاماني

والسنة دي عريس قول آمين ..

آمين يا رب والله مخطط وأن شاء الله يحصل خير ..

________________________________________________

يا زول وينك أن شاء الله تامين ولامين وربنا يديك الوليد

قول أمين ...

آمين يا رب ..

_____________________________________________________

وكل الناس صحاب كل الناس أهل

مؤلم أن يسألك اطفالك السؤال السنوي :

ابوي ح نجيب خروف الضحية متين ؟

قبل الاجابة يبرز سؤال واحد في نافوخك

من من ساستدين مبلغاً افرح به اطفالي ؟

وتبدأ في استعراض قائمة ناسك البكونوا أفضل حالاً..

المؤلم أنك لن تستطيع مناقشة اطفالك حول

التضخم وارتفاع اسعار السلع وفساد الانقاذ

وانفصال( نفط ) الوطن أقصد جزء من الوطن

سلام يا باخ ...

في الأسر الكبيرة، بمعنى إنو كل واحد من الأولاد والبنات بقى بي أسرته، يقسّموا أيام العيد .....

الفطور اليوم الأوّل للبيت الكبير. فطور اليوم التاني لأكبر الأبناء. الغدا في بيت الأخت الكبيرة. فطور اليوم التالت للأخ أو الأخت الأصغر، وهكذا.

كل هذه الأيام ينتقل نفس الركب، معهم صغارهم وبعض أصدقائهم من بيت لآخر ليجهزوا على خروف سيد الضبيحة، بمساعدة ما تيسّر من الشربوت.

______

ما تشيل هم ياخ، السنة دي قالوا الريّس مضحّي عنكم ..... حتى رسّل الخرفان للمصريين ...... شفت كيف؟

Quote: سلام يا باخ ... في الأسر الكبيرة، بمعنى إنو كل واحد من الأولاد والبنات بقى بي أسرته، يقسّموا أيام العيد ..... الفطور اليوم الأوّل للبيت الكبير. فطور اليوم التاني لأكبر الأبناء. الغدا في بيت الأخت الكبيرة. فطور اليوم التالت للأخ أو الأخت الأصغر، وهكذا. كل هذه الأيام ينتقل نفس الركب، معهم صغارهم وبعض أصدقائهم من بيت لآخر ليجهزوا على خروف سيد الضبيحة، بمساعدة ما تيسّر من الشربوت. ______ ما تشيل هم ياخ، السنة دي قالوا الريّس مضحّي عنكم ..... حتى رسّل الخرفان للمصريين ...... شفت كيف؟

والله يا ابو الريش كان للعيد طعم .. والمغتربين يجوا للعيد والفطور مع فلان

وتاني يوم غداء فلانة

هسه الناس كلها لو قدرت اتلمت وجابت خروف واحد تكون ما قصرت



قلت لي البشير ربنا يجازيهو علي قدر العملو فينا .. هؤلاء ادخلونا

علي قول الامام الصادق المهدي في جحر ضب خرب

سلام بخاري
كل سنة و انت طيب

Quote: والنبي - صلى الله عليه وسلم - ضحى عنه وعن جميع أمته

........احلى الاعياد ما مضي منها

Quote: ........احلى الاعياد ما مضي منها

وكذلك الأيام يا مدثر ..

عيد يأي حال عدت يا عيد

أدعو الله أن يفرج كربتك وييسر عليك
ويفرح أطفالك وعيالك
ويستر حالك
قادر يا كريم
رحمن يا رحيم
سميع يا مجيب
لطيف يا ودود
يا حي يا موجود
رب الناس

Quote: أدعو الله أن يفرج كربتك وييسر عليك ويفرح أطفالك وعيالك ويستر حالك قادر يا كريم رحمن يا رحيم سميع يا مجيب لطيف يا ودود يا حي يا موجود رب الناس

آمين يا رب ويفرح كل الناس .. تسلم المسافر

وعملاً بأمر الوالي بخصوص الما قادر علي عيشة الخرطوم

يشتت أها انا معيد برة الخرطوم ..