Post: #1
Title: أجهز البيان الهزيل على ما تركه الحضرى من كرامة المريخ !!
Author: صلاح أبودية
Date: 10-31-2011, 10:28 AM
أحبط مجلس المريخ الضعيف قاعدة المريخ العريضة ببيان هزيل
يعلن فيه إنسحابه من كأس السودان لأسباب واهية وهزيلة كماالبيان .
|
Post: #2
Title: Re: أجهز البيان الهزيل على ما تركه الحضرى من كرامة المريخ !!
Author: صلاح أبودية
Date: 10-31-2011, 10:38 AM
Parent: #1
بعد أن نسى جمهور المريخ أو تناسى إفتراء الحضرى على المريخ
وإزدرائه بتقاليد النادى وإنكسار المجلس أمامه وتوسله للحضرى للعب مباراة
أهلى شندى المصيرية كما أسماها المجلس ، تفاجأ مرة أخرى الجمهور المغلوب على أمره
تفاجأ أمس ببيان هزيل لنفس المجلس الذى إنكسر للحضرى يعلن فيه إنسحابه من أمام
الهلال فى نهائى كأس السودان ..
ولأسباب لم نستعوبها حتى الآن ..!!!!
|
Post: #5
Title: Re: أجهز البيان الهزيل على ما تركه الحضرى من كرامة المريخ !!
Author: صلاح أبودية
Date: 10-31-2011, 10:47 AM
Parent: #2
المريخ كان فى قمة روحه المعنوية وكان جمهوره يمنى نفسه بالجمع بين البطولتين
وتمشدقنا هنا بسيناريو لإنسحاب الهلال من البطولتين ..
ولكن أبى هذا المجلس المتواضع ابى إلا أن يحبطنا ببيانه الهزيل هذا ..
الذى سكب اليأس فى نفوسنا ..
وفعل فعل السحر فى الجهة المعاكسة !!
|
Post: #3
Title: Re: أجهز البيان الهزيل على ما تركه الحضرى من كرامة المريخ !!
Author: وليد محمد المبارك
Date: 10-31-2011, 10:42 AM
Parent: #1
صدقت
البعملوا فيها دي حركات شفع ما اكتر ولا اقل
ما يلعبوا كورتهم ويبطلوا البعملوا فيه ده
|
Post: #6
Title: Re: أجهز البيان الهزيل على ما تركه الحضرى من كرامة المريخ !!
Author: صلاح أبودية
Date: 10-31-2011, 10:52 AM
Parent: #3
وليد
كل سنة وإنت طيب
| Quote: البعملوا فيها دي حركات شفع ما اكتر ولا اقل |
حقيقة ياوليد ..
مجلس المريخ يديره بعض الصبية المدلعين !!
|
Post: #4
Title: Re: أجهز البيان الهزيل على ما تركه الحضرى من كرامة المريخ !!
Author: صديق الموج
Date: 10-31-2011, 10:46 AM
Parent: #1
Quote: أحبط مجلس المريخ الضعيف قاعدة المريخ العريضة ببيان هزيل
يعلن فيه إنسحابه من كأس السودان لأسباب واهية وهزيلة كماالبيان . |
صلاح ابودية ......سلام وعيدك مبارك
مع انه من حق مجلس المريخ أن يتخذ ما يشاء من قرارات من
اجل مصلحة المؤسسة،ولكن نحن بعيدين ولانعرف السبب الحقيقى
الذى اتخذ من اجله القرار ،الا إن سياسة لجنة الخرمجه و
ثقتنا فى المجلس تدعنا نبحث له عن مبررات، ولان الكلام يسر
ببعضه ويجهر بالاخر لحكمة كانت الصلاة. وكما ان الحرب فيها
التاكتيك والاستراتجيات فقد تكون هذه من ضمن التكتيكات التى
يتخذها المجلس وهو قطعاً يعلم أن كرة القدم فائز ومهزوم لذا
يتحلق حولها الناس.
انا مثلك اتمنى أن يلعب المريخ هذه المباراة والصفيراب ديل
ما بغلبونا وبهم ما بهم من الاحباط.
وياخبر اليوم بفلوس، وإن يوم 4/11 لناظره قريب،،،
|
Post: #7
Title: Re: أجهز البيان الهزيل على ما تركه الحضرى من كرامة المريخ !!
Author: اسامه خليفه
Date: 10-31-2011, 10:57 AM
Parent: #4
سلام يا صلاح .
المريخ لعب بحارس افريقيا الاول الحضري وطلع من التصفيات الاولي ... تفتكر حيعمل شنو يدون الحضري ...
ما فعله مجلس المريخ هو الافضل لجمهوره ان ينسحب بشرف بدلا من اذلال قاعدتة المريخ العريضه بمزيد من الهزايم ...
تعديل كلمه..
|
Post: #12
Title: Re: أجهز البيان الهزيل على ما تركه الحضرى من كرامة المريخ !!
Author: صلاح أبودية
Date: 10-31-2011, 11:12 AM
Parent: #7
الأخ أسامة خليفة
لك التحية والإحترام وكل سنة وإنت طيب
| Quote: ما فعله مجلس المريخ هو الافضل لجمهوره ان ينسحب بشرف بدلا من اذلال قاعدتة |
إذا كان هذا الإنسحاب بشرف ..
فكيف يكون الإنسحاب بدون شرف ؟؟
|
Post: #8
Title: Re: أجهز البيان الهزيل على ما تركه الحضرى من كرامة المريخ !!
Author: صلاح أبودية
Date: 10-31-2011, 10:58 AM
Parent: #4
صديق الموج
كل سنة وإنت طيب
Quote: انا مثلك اتمنى أن يلعب المريخ هذه المباراة والصفيراب ديل
ما بغلبونا وبهم ما بهم من الاحباط. |
ليس بعد هذا البيان ..
فقد رد هذا البيان فيهم الروح وطفقت جرائدهم ومنتداياتهم بالسخرية
من المريخ وأسمت بيان المريخ بالهروب الكبير !!!
|
Post: #9
Title: Re: أجهز البيان الهزيل على ما تركه الحضرى من كرامة المريخ !!
Author: عبدالمجيد المقابل
Date: 10-31-2011, 11:03 AM
Parent: #4
| Quote: والاتحاد العام الذي لم يفتح الله علية بسطر واحد حول أحداث حكم مباراة الترجي التونسي يتعسف في قيام مباراة نهائي كأس السودان يوم 4 \ 11 حتى لو كانت معيبة لبرمجة بقية مباريات الموسم لشئ في نفس يعقوب |
أنا ما قادر أعرف العلاقة بين أحداث مبارة الترجي و برمجة كأس السودان شنو ؟
=
يا صلاح يا أخوي حفاظا" علي صحتك جلي موضوع الكرة السودانية دا خالص , ما شايف عبداللطيف بكري إرتاح كيف و بقي ريالالبي بس ..
تحياتي للجميع و الله يجازيك يا الحضري ...
|
Post: #10
Title: Re: أجهز البيان الهزيل على ما تركه الحضرى من كرامة المريخ !!
Author: nazar hussien
Date: 10-31-2011, 11:10 AM
Parent: #9
يا صلاح ابو ديه
تحياتي
البيان دا بعد كده...لو جاء المجلس بكامل هيئته...
ومعهم شيخ معاوية المدير القال (والله صحي)
ونكروه حطب...فلن ينصلح الحال...
فأحسن شي انهم يثبتوا علي رأيهم وما يلعبوا
وبوستك الزمان داك بتاع انسحاب الهلال..رسلو
ليهم يبلعوا ليك...والله اقول ليك بلعو الحضري
حاكم اصلا شغال بلع اليومين ديل.
والله ما تستاهل...انت تتنبأ بانسحاب الهلال...ويجوا ناس
قريش يبلعوك البوست؟؟؟
|
Post: #14
Title: Re: أجهز البيان الهزيل على ما تركه الحضرى من كرامة المريخ !!
Author: صلاح أبودية
Date: 10-31-2011, 11:25 AM
Parent: #10
الأخ نزار حسين
كل سنة وإنت طيب
Quote: والله ما تستاهل...انت تتنبأ بانسحاب الهلال...ويجوا ناس
قريش يبلعوك البوست؟؟؟ |
ده عيب الناس الما بقروا سودانيزأونلاين !!
|
Post: #16
Title: Re: أجهز البيان الهزيل على ما تركه الحضرى من كرامة المريخ !!
Author: صلاح أبودية
Date: 10-31-2011, 12:03 PM
Parent: #11
يا أسامة
إنت ما قريت كلامى الفوق داك والتحت ده ؟؟
| Quote: وتمشدقنا هنا بسيناريو لإنسحاب الهلال من البطولتين .. |
عارفكم أنا بتمشوا تنكتوا البوست ده !!
|
Post: #13
Title: Re: أجهز البيان الهزيل على ما تركه الحضرى من كرامة المريخ !!
Author: صلاح أبودية
Date: 10-31-2011, 11:21 AM
Parent: #9
الأخ عبدالمجيد المقابل
كل سنة وإنت طيب
Quote: أنا ما قادر أعرف العلاقة بين أحداث مبارة الترجي و برمجة كأس السودان شنو ؟
|
زى العلاقة بين الويكة وسراميك رأس الخيمة !!
| Quote: ما شايف عبداللطيف بكري إرتاح كيف و بقي ريالالبي بس |
ريالابى دى حلوة !!
صاحبى شكلو زى الداير يخلى الريال زاتو ويقبل على اليورو !!!
|
Post: #15
Title: Re: أجهز البيان الهزيل على ما تركه الحضرى من كرامة المريخ !!
Author: سفيان بشير نابرى
Date: 10-31-2011, 11:47 AM
Parent: #13
يا صلاح يا صاحب
سلام و تحية
يا صاحبي المجلس كعب وهزيل وراقد ارض
ومنتهي رسمي وشعبي لكن قضية الانسحاب
دي قضية سليمة و صح و واضحة يا صلاح
إلا انت تكون براك ما عايز تفهمه و براك
تكون مغيوظ من اعلام ناس الهلال و كلامهم
عن الانسحاب و ما الانسحاب .
يا سيدي من الله خلق الممتاز دا كان نهائي
كاس السودان بتكون هي المبارة الخاتمة
للتنافس الكروي في السودان بس هسي صاحبنا
مجدي شمس الدين و شلتو المعاندهم اي انجاز
ديل قلبو الآية و اعلنو مبارة نهائي السودان
قبل نهائي دوري الممتاز و ساعة اعلنو كدا
المريخ ما سكت طوالى اعترض و اتبع الأجراءات
بس ناس الاتحاد قعدو يماطلو ويتجرجرو لحدي ما
جاء ردهم امس الاول فما كان من المريخ إلا هذا
الاعلان .
دي القصة و دي النقطة الجوهرية يا صلاح و اي
حاجة غير النقطة دي أنا ما بتهمني نهائي .
ياخ صراحة الكلام دا انا اشيل واكتب فيهو في
بوستات الصفوة لما يدي و جعتني ذاتو
لووووووووووووول.
مع المحبة .
|
Post: #17
Title: Re: أجهز البيان الهزيل على ما تركه الحضرى من كرامة المريخ !!
Author: صلاح أبودية
Date: 10-31-2011, 12:31 PM
Parent: #15
يا سفيان
كل سنة وإنت طيب
Quote: يا سيدي من الله خلق الممتاز دا كان نهائي
كاس السودان بتكون هي المبارة الخاتمة
للتنافس الكروي في السودان بس هسي صاحبنا
مجدي شمس الدين و شلتو المعاندهم اي انجاز
ديل قلبو الآية و اعلنو مبارة نهائي السودان
قبل نهائي دوري الممتاز |
أفرض السنة دى الإتحاد جاهو حول نعمل شنو أنحن ؟؟
نخلى الكورة ؟؟
ما يلعبوا ياخ الهلال منتهى وروحو دايرة تمرق !!
ومنو القال القاعدة بتاعتك الفوق دى وشنو الخلاها تكون قاعدة ثابتة؟؟
ممكن لأى سبب أو ظروف تسبق مبارأة الكاس نهائى الممتاز !!
أها لو سبقت مبارأة الكاس مبارأة نهائى الممتاز طوالى ده يبقى سبب للإنسحاب ؟؟
|
Post: #18
Title: Re: أجهز البيان الهزيل على ما تركه الحضرى من كرامة المريخ !!
Author: Hassan Senada
Date: 10-31-2011, 02:07 PM
Parent: #17
اتحاد مجدى شمس الدين الهلالابى سبب المشاكل كل سنة كاس السودان بعد الدورى العام الماضى كان بعد الدورى وانتهت بمسمار راجى
ليه الجديد شنو مع انى ضد الانسحاب
وكل عام وانت بالف خير
|
Post: #19
Title: Re: أجهز البيان الهزيل على ما تركه الحضرى من كرامة المريخ !!
Author: صلاح أبودية
Date: 10-31-2011, 02:09 PM
Parent: #17
أها اللجنة المنظمة رفضت طلب المريخ وتمسكت بقيام المباراة فى وقتها المعلن !!
خموا وصروا ...!!!
|
Post: #20
Title: Re: أجهز البيان الهزيل على ما تركه الحضرى من كرامة المريخ !!
Author: nazar hussien
Date: 10-31-2011, 03:02 PM
Parent: #19
Quote: أها اللجنة المنظمة رفضت طلب المريخ وتمسكت بقيام المباراة فى وقتها المعلن !!
خموا وصروا ...!!! |
وحا ينسحبوا من النهائي التاني...بحجة ظلم الاتحاد لهم
بعد ايقاع العقوبة عليهم جراء الانسحاب الأول...
وحا يقولوا نحن بدون هذه المباراة الانسحبنا منها
ابطال للدوري...ولا نحتاج...لنقاط المباراة..
لكن يا ربي...للتتويج بجوا لابسين عراريق؟؟؟
والله حا يحردوا الكأس...ويقولوا كفانا الكأس
المحمول...ونحن اكتر فريق شال الكأس دا قبل كده
وكان لي الهلال...انسحاباتو بالكوم بس بقت علينا
نحن السنة دي...؟؟؟؟؟
والله الحضري دا السواها فيكم ما تمرق
|
Post: #21
Title: Re: أجهز البيان الهزيل على ما تركه الحضرى من كرامة المريخ !!
Author: صلاح أبودية
Date: 11-01-2011, 09:13 AM
Parent: #20
والله العظيم بقرأ فى صحف اليوم الرياضية ..
تضارب فى أقوال أعضاء مجلس المريخ ..
الرئيس يصرح فى أخرى بأنهم لم ينسحبوا ..
وفى أخرى يقول أنهم متمسكون بالإنسحاب ..
واللاعبين يحنسوا فى البدرى عشان يلعبوا الكورة ..
والبدرى زاتو جارى واطى وما عايز الكورة تتلعب ..
غايتو ..
بشتنة شديدة !!
|
|