Post: #1
Title: أغلبهم قال الرووووووووووب عديل كدة
Author: صبري طه
Date: 10-30-2011, 04:51 PM
هنا
أورد موقع صحيفة الصدى على الإنترنت استطلاع رأي عام حول انسحاب المريخ من كأس السودان وسؤال الاستطلاع هو:-
هل تؤيد إدارة نادي المريخ على الانسحاب من كأس السودان؟
النتيجة حتى تاريخ كتابة هذا البوست تشير إلى أن نسبة 52.8% تؤيد الانسحاب 
|
Post: #2
Title: Re: أغلبهم قال الرووووووووووب عديل كدة
Author: صبري طه
Date: 10-30-2011, 04:57 PM
Parent: #1
ارتفعت النسبة قليلاً بأحي وووووووب إضافية ...
|
Post: #3
Title: Re: أغلبهم قال الرووووووووووب عديل كدة
Author: صبري طه
Date: 10-30-2011, 05:06 PM
Parent: #2
انخفضت النسبة قليلاً ... ولكنها ما زالت تمثّل أغلبية ...
ــــــ
الظاهر في ناس خجلوا شوية
وعشان الناس ما تعمل الإدارة شماعة ... دة رأي الجماهير بشكل عشوائي !!!
|
Post: #4
Title: Re: أغلبهم قال الرووووووووووب عديل كدة
Author: عبد المنعم سيد احمد
Date: 10-30-2011, 05:12 PM
Parent: #3
يا الحضرى متين تجى
انت يا الحضرى بتين تجى
اغنية تراثية شايقية
|
Post: #5
Title: Re: أغلبهم قال الرووووووووووب عديل كدة
Author: محمد الامين احمد
Date: 10-30-2011, 06:14 PM
Parent: #4
اول مرة اجدنى متفق تماما مع موقف الادارة
خطوة سليمة و كلنا خلفكم ان شاء الله يا ادارة نادى المريخ العظيم
كاستنا كتير و مدفقة ، و المريخ اكبر من كده و هم عارفين كويس
الكلام فى الشراى ، و الدفع حق العيد فى عطبرة و خلى البوليس يضرب البمبان جاى جاى
|
Post: #6
Title: Re: أغلبهم قال الرووووووووووب عديل كدة
Author: صبري طه
Date: 10-30-2011, 06:21 PM
Parent: #5
| Quote: مباراه تاريخها محدد قبل اكثر من شهر فاصدروا بيان بالانسحاب منها امس غايتو دي جرسه العدو |
أخونا محمد الأمين أحمد ...
ردّ لينا على الاقتباس الفوق دة ... عشان الواحد يعرف عندو قنبور ولاّ راسو مصدّع ساي كدة ؟!
|
Post: #7
Title: Re: أغلبهم قال الرووووووووووب عديل كدة
Author: محمد الامين احمد
Date: 10-30-2011, 06:49 PM
Parent: #6
صراحة لا علم لى ان تاريخ المبارة مقرر منذ اكثر من شهر !
انا كنت متابع موقع كووورة ، ولحدى اول امبارح ما كان فى تاريخ للمبارة النهائية
فتوقعتها كما جاء فى البيان الصادر من نادى المريخ و كما جرت العادة
اما اذا ثبت ان المبارة محددة منذ اكثر من شهر ، فليس لـ مجلس ادارة النادى الحق فى الاعتراض الآن !
و دى شئ بديهى
|
Post: #10
Title: Re: أغلبهم قال الرووووووووووب عديل كدة
Author: صبري طه
Date: 10-30-2011, 07:16 PM
Parent: #7
على حسب المصدر ... تمّ تحديد نهائي كأس السودان قبل أسبوعين ...
ولا أعرف هل كانت هنالك برمجة منذ انطلاقة الموسم بأن تلعب المباراة قبل أو بعد انتهاء الدوري الممتاز ...
ولكن رغم ذلك تمّ تحديد النهائي قبل أسبوعين ولم يعترض المريخ حينها ... فما الذي جدّ حتى ينسحب أمس وهو يعلم منذ أسبوعين ؟
المصدر
المصدر الأصلي بدون تاريخ ولكن تاريخ إدراج هذا البوست كان قبل أسبوعين ولنبني على ذلك ...
ــــــــ
وبالمنطق كدة تأجيل بعض مباريات الدوري الممتاز التي تسببت في عدم انتهائه في موعده لا يعطي الحق في تأجيل نهائي كأس السودان فكل بطولة قائمة بذاتها ...
إلاّ إذا كان هناك قانون يقول بحتمية لعب مباراة نهائي كأس السودان قبل انتهاء الدوري الممتاز أو قبل مباراة هلال مريخ في الدوري الممتاز ...
ولا أعتقد أنّ هنالك قانون يقول بذلك ...
|
Post: #8
Title: Re: أغلبهم قال الرووووووووووب عديل كدة
Author: طارق الكوتش
Date: 10-30-2011, 06:55 PM
Parent: #6
الروب الزبادى اللبن يا يمه ماشفتى
كان لابس احمر باصفر يا يمه ما شفتى
الحضرى ليهو رفض يرجع يا يمه ما شفتى
ناس سادومبا خلوهو شرد يا يمه ما شفتى
|
Post: #9
Title: Re: أغلبهم قال الرووووووووووب عديل كدة
Author: طارق الكوتش
Date: 10-30-2011, 07:04 PM
Parent: #8
|
Post: #11
Title: Re: أغلبهم قال الرووووووووووب عديل كدة
Author: محمد الامين احمد
Date: 10-30-2011, 07:37 PM
Parent: #9
شكرا يا صبرى
و يبقى الرآى فى الاتحاد كما هو
و لادارة النادى ، نقول صحو النوم، فات الفوات
انا اذا عايز المريخ العظيم يلعب ، بس عشان نوع الكوتش ده ، نوريهو فى الميدان
|
Post: #12
Title: Re: أغلبهم قال الرووووووووووب عديل كدة
Author: طارق الكوتش
Date: 10-30-2011, 07:42 PM
Parent: #11
| Quote: بس عشان نوع الكوتش ده |
اعصابك يا كابتن
|
Post: #13
Title: Re: أغلبهم قال الرووووووووووب عديل كدة
Author: حاتم محمد حاج المهدي
Date: 10-30-2011, 08:08 PM
Parent: #12
الوالي مش قال بنوقف أي لاعب حارس مرمى ومادايرين الحضري..
الجرسه شنو ماتبقوا قدر كلامكم !
|
Post: #14
Title: Re: أغلبهم قال الرووووووووووب عديل كدة
Author: صبري طه
Date: 10-31-2011, 07:54 AM
Parent: #8
Quote: الروب الزبادى اللبن يا يمه ماشفتى
كان لابس احمر باصفر يا يمه ما شفتى
الحضرى ليهو رفض يرجع يا يمه ما شفتى
ناس سادومبا خلوهو شرد يا يمه ما شفتى |
مستواهم قدّام الخرطوم خلاّهم يشوفوا سادومبا محل مهاجمي فريق الخرطوم !!!
|
Post: #15
Title: Re: أغلبهم قال الرووووووووووب عديل كدة
Author: صبري طه
Date: 10-31-2011, 08:08 AM
Parent: #14
كتب مزمل أبو القاسم في كبد الحقيقة الآتي:-
| Quote: * جماهير المريخ لن تقبل أن يتنازل فريقها عن لقبه المحبب من دون لعب! |
سين سؤال:
الجماهير التي رجّحت كفة الاستطلاع لصالح الانسحاب والجري والسكلي .. ديل كانوا جماهير برشلونة ولاّ الفهم شنو ؟!
ــــــــــــ
|
Post: #16
Title: Re: أغلبهم قال الرووووووووووب عديل كدة
Author: يوسف الدفينة
Date: 10-31-2011, 09:49 AM
Parent: #15
قلنا ليك يا صبري طه اذا قرأت قأقرأ بتمعن وتفهم فيما تقرأ ..
فهل المريخ منسحب خوفاً من الهلال ام من تفلتات ومحاباة اتحاد المعتصم ..؟؟
الواقع الذي يعلمه الجميع ان المريخ الآن في احسن حالاته والدليل آخر مبارتين قمة فاز بهم الزعيم سيد البلد فمما يخاف المريخ ..؟؟
وتصويت كهذا وبهذه النسبة هو تصويت ضعيف جداً واعتقد بان من شاركوا في هذا التصويت قطعاً لا يشكلوا راي الصفوة فقط ولو انحصر التصويت على الصفوة بالتاكيد ستكون النتيجة مئة في المئة صوت من اجل الانسحاب بسبب خزعبلات اتحاد المعتصم ومن الآن ضم صوتي لصوتهم ..
ارجو ان تفتح اخي صبري بوست خاص تعلن فيه مباراة ودية بين المريخ والهلال وانتظر النتائج ومن الآن صوتي لصالح اقامة تلك المباراة وفي القريب العاجل ..
اتساءل متى اقيم نهائي كأس السودان قبل نهائي الدوري الممتاز على الاقل في السنوات الاخيرة ..؟؟
كعادة الاهلة يختلقون بطولات وهمية لا وجود لها ويعلمون الحقيقة ..
اختشوا وكما يقول المثل الاختشوا ماتوا ...
|
Post: #17
Title: Re: أغلبهم قال الرووووووووووب عديل كدة
Author: يوسف الدفينة
Date: 10-31-2011, 10:02 AM
Parent: #16
Quote: ]
هذا الاقتباس اورده صبري طه ليستدل به في هذا البوست وبالتاكيد هو مقتنع بما اقتبس ..
مباراه تاريخها محدد قبل اكثر من شهر فاصدروا بيان بالانسحاب منها امس غايتو دي جرسه العدو
ثم اتى صري طه وكتب ..
المصدر الأصلي بدون تاريخ ولكن تاريخ إدراج هذا البوست كان قبل أسبوعين ولنبني على ذلك ...
|
لا تعليق ...
|
Post: #18
Title: Re: أغلبهم قال الرووووووووووب عديل كدة
Author: صبري طه
Date: 10-31-2011, 10:10 AM
Parent: #17
Quote: هذا الاقتباس اورده صبري طه ليستدل به في هذا البوست وبالتاكيد هو مقتنع بما اقتبس ..
مباراه تاريخها محدد قبل اكثر من شهر فاصدروا بيان بالانسحاب منها امس غايتو دي جرسه العدو
ثم اتى صري طه وكتب ..
المصدر الأصلي بدون تاريخ ولكن تاريخ إدراج هذا البوست كان قبل أسبوعين ولنبني على ذلك ...
لا تعليق ... |
عشان تعرف نفسك جيت شايت ضفّاري ساكت كدة ...
يعني بشوية تفكير كان وفّرت على نفسك الكتير من التحليل ...
الاقتباس الأول الذي أوردته أنا هو منقول من أحد زملاء المنبر يعني ما منسوب لي أنا ...
وتحديد مواعيد المباراة نقلته من أحد منتديات المريخ ... يعني في كل الأحوال الكلام منقول ...
أنا دة صبري طه لم أقل أن المباراة تمّت جدولتها منذ أكثر من شهر ولم أقل تمّت جدولتها قبل أسبوعين ...
عايز تغالط أمشي غالط المصادر ...
المصدر الأول: هنا:- واي واي ما دايـــــرين
وستجد المداخلة رقم 3 تقريباً.
المصدر الثاني: مكتوب فوق وهو أحد منتديات المريخ ...
بمعنى أنا لم أكتفي بمصدر واحد وذهبت لأبحث عن عدة مصادر ...
سين سؤال: لا تعليق على شنو
وسين سؤال تاني: أبني بس على مصدر منتديات المريخ بغض النظر عن إنو هو الصحيح أم لا ...
مباراة تمّ تحديد موعدها قبل أسبوعين ليه يكون الانسحاب أمس ؟
ولو عندي قنبور قول لي عندك قنبور ...
ولو عايز تبني على المصدر الأول ما عندك مشكلة ... في كل الأحوال خذ ما يعجبك ...
ــــــــ
|
Post: #19
Title: Re: أغلبهم قال الرووووووووووب عديل كدة
Author: صبري طه
Date: 10-31-2011, 10:26 AM
Parent: #16
ما عندك أيتها مشكلة الليلة أصلاً ما بعاكسك ...
نهائي كدة ما بخلّي ليك زقاق تزوغ بيهو ...
فأدين وأشجب وعييييييك ذاتا أيّة محاباة تتم لصالح الهلال على حساب الفرق السودانية ...
ولكن لازم تكون أمين مع نفسك وتجاوبني إجابات منطقية ...
سمح يا أخوي ...
Quote: قلنا ليك يا صبري طه اذا قرأت قأقرأ بتمعن وتفهم فيما تقرأ ..
فهل المريخ منسحب خوفاً من الهلال ام من تفلتات ومحاباة اتحاد المعتصم ..؟؟ |
سين سؤال أول: تمّ تحديد المباراة قبل أسبوعين على ذمة أحد منتديات المريخ ... فلماذا لم يعترض المريخ في حينها على المواعيد وجاء اعتراضه أول أمس ؟
| Quote: الواقع الذي يعلمه الجميع ان المريخ الآن في احسن حالاته والدليل آخر مبارتين قمة فاز بهم الزعيم سيد البلد فمما يخاف المريخ ..؟؟ |
يعني عايز تبني مستوى فريق في نهاية شهر أكتوبر 2011 على مستواه في بداية السنة ومستواه في السنة الماضية ... معقولة بس ...
كل الشهور دي وسنتين تقريباً ألا تغيّر في مستوى الفريق من الأحسن للأسوأ أو العكس ؟!
| Quote: وتصويت كهذا وبهذه النسبة هو تصويت ضعيف جداً واعتقد بان من شاركوا في هذا التصويت قطعاً لا يشكلوا راي الصفوة فقط ولو انحصر التصويت على الصفوة بالتاكيد ستكون النتيجة مئة في المئة صوت من اجل الانسحاب بسبب خزعبلات اتحاد المعتصم ومن الآن ضم صوتي لصوتهم .. |
بالنسبة للخزعبلات يا يوسف لم أرى رأيك هذا قبل أسبوعين ... فقد جاء رأيك بخزعبلات معتصم جعفر بعد انسحاب المريخ قبل يومين ...
فأين كُنت حينما تمّت برمجة نهائي كأس السودان قبل أسبوعين ؟!
| Quote: ارجو ان تفتح اخي صبري بوست خاص تعلن فيه مباراة ودية بين المريخ والهلال وانتظر النتائج ومن الآن صوتي لصالح اقامة تلك المباراة وفي القريب العاجل .. |
سيد الرايحة هو البفتّش مش بنسحب وبقول الرووووووووب
| Quote: اتساءل متى اقيم نهائي كأس السودان قبل نهائي الدوري الممتاز على الاقل في السنوات الاخيرة ..؟؟ |
يلا يا حبيب أدّيني قانون في الاتحاد العام بيقول لازم مباراة نهائي كأس السودان يُلعب بعد نهائي الدوري الممتاز ؟!
ومن الذي سنّ هذا القانون ...
أتحدّاك عديل كدة ......
Quote: كعادة الاهلة يختلقون بطولات وهمية لا وجود لها ويعلمون الحقيقة ..
اختشوا وكما يقول المثل الاختشوا ماتوا ... |
الاختشوا هم الشتتوا وقالوا الروووووووووب ...
|
Post: #20
Title: Re: أغلبهم قال الرووووووووووب عديل كدة
Author: يوسف الدفينة
Date: 10-31-2011, 10:47 AM
Parent: #19
Quote: الاقتباس الأول الذي أوردته أنا هو منقول من أحد زملاء المنبر يعني ما منسوب لي أنا ...
وتحديد مواعيد المباراة نقلته من أحد منتديات المريخ ... يعني في كل الأحوال الكلام منقول ...
|
لا تنقل قبل ان تتاكد يا صبري طه ..
اها رأيك شنو انقل الخبر دا وافتح ليهو بوست طالما النقل بي المجان ..؟؟
فاز المريخ على الهلال في مباراة الجمعة القادمة المقامة على شرف نهائي كأس السودان بثلاثة اهداف مقابل صفر احرز الاهداف ساكواها هدفين وهدف لكلتشي ...
|
Post: #21
Title: Re: أغلبهم قال الرووووووووووب عديل كدة
Author: صبري طه
Date: 10-31-2011, 10:52 AM
Parent: #20
Quote: لا تنقل قبل ان تتاكد يا صبري طه ..
اها رأيك شنو انقل الخبر دا وافتح ليهو بوست طالما النقل بي المجان ..؟؟
فاز المريخ على الهلال في مباراة الجمعة القادمة المقامة على شرف نهائي كأس السودان بثلاثة اهداف مقابل صفر احرز الاهداف ساكواها هدفين وهدف لكلتشي ... |
أولاً: الكلام ما منطقي لأن يوم الجمعة القادم لم يأتِ بعد ...
أقلب الجمعة دي وخلّيها الجمعة الفاتت ... وسأقتبس كلامك وأشارك به أينما شئت ...
شُفت كيف ؟
ــــــــ
بمناسبة نقل الكلام بعد التأكد:
إنت دة يوسف الدفينة متأكد من موت القذافي ...
بمعنى هل فحصت شخصياً على جثته وقمت بتحليل الـ DNA
أم اعتمدت على مصادر ؟
منتظر إجابتك ...
|
Post: #23
Title: Re: أغلبهم قال الرووووووووووب عديل كدة
Author: nadus2000
Date: 10-31-2011, 11:17 AM
Parent: #22
Quote: اتساءل متى اقيم نهائي كأس السودان قبل نهائي الدوري الممتاز على الاقل في السنوات الاخيرة ..؟؟
|
اذا دي المشكلة بسيطة، نبدل مسميات المباريات تبقى المباراة الاولى على الدوري الممتاز والتانية كاس السودان، ويبقى الزمان والمكان نفسه..
يا جماعة جنس الحفر البيهربوا ليها دي لو بتحمي كان حمت صدام ومعمر...
|
Post: #25
Title: Re: أغلبهم قال الرووووووووووب عديل كدة
Author: صبري طه
Date: 10-31-2011, 11:40 AM
Parent: #23
Quote: اذا دي المشكلة بسيطة، نبدل مسميات المباريات تبقى المباراة الاولى على الدوري الممتاز والتانية كاس السودان، ويبقى الزمان والمكان نفسه..
يا جماعة جنس الحفر البيهربوا ليها دي لو بتحمي كان حمت صدام ومعمر... |
|
Post: #24
Title: Re: أغلبهم قال الرووووووووووب عديل كدة
Author: صديق الموج
Date: 10-31-2011, 11:18 AM
Parent: #22
صبرى.... عيدك مبارك
الانسحاب ده تصدق يوافق انسحاب يوم واقعة وفاق سطيف؟؟
يازول مريخ شنو البنسحب قدام الصفيراب ؟ ومن متين
كدى إعد البصر كرتين شوف ايهم اكثر انسحاباً ونيل الحصاحيصا
ووووووووب..
متعودين على ضبح الضحية وما بنخليه جايين جايين
اشربوا الموية زى خروف العيد وارجوا الضباح الجديد
سكوااااااااااااااها،،،
|
Post: #26
Title: Re: أغلبهم قال الرووووووووووب عديل كدة
Author: صبري طه
Date: 10-31-2011, 12:20 PM
Parent: #24
وعلينا وعليك إتبارك يا موجنا ...
Quote: الانسحاب ده تصدق يوافق انسحاب يوم واقعة وفاق سطيف؟؟
يازول مريخ شنو البنسحب قدام الصفيراب ؟ ومن متين
كدى إعد البصر كرتين شوف ايهم اكثر انسحاباً ونيل الحصاحيصا
ووووووووب..
متعودين على ضبح الضحية وما بنخليه جايين جايين
اشربوا الموية زى خروف العيد وارجوا الضباح الجديد
سكوااااااااااااااها،،، |
يا موج غايتو بعد الجرسة دي لو لعبتوا وغلبتونا 100 ما مشكلة ....
خلاص أخدنا حقنا قبل المباراة ذاتو ...
|
Post: #27
Title: Re: أغلبهم قال الرووووووووووب عديل كدة
Author: محمد الامين احمد
Date: 10-31-2011, 12:45 PM
Parent: #26
تحية طيبة
nadus2000
Quote:
اذا دي المشكلة بسيطة، نبدل مسميات المباريات تبقى المباراة الاولى على
الدوري الممتاز والتانية كاس السودان، ويبقى الزمان والمكان نفسه..
يا جماعة جنس الحفر البيهربوا ليها دي لو بتحمي كان حمت صدام ومعمر
|
اضحك الله سنك ، دى ذكرتنى بـ نكته ، قالو المسطول سرق خروف جارهم حق
الضحية و ضبحو بليلو داك و اكلو، تانى يوم الجار اكتشف الموضوع و مشى
لـ شيخ الحلة، شيخ الحلة عاتب المسطول جدا، و قال ليهو فى نهاية الكلام
اسه يوم القيامة ح تجى انت و جارك ده و الخروف قدام رب العالمين
المسطول طوالى قاطعو و قال ليهم: كان المشكلة وين، يوميها يشيل خروفو و يشتت
اخونا صبرى
دقيقة يا اخى الكلام ده كيف
Quote:
خلاص أخدنا حقنا قبل المباراة ذاتو
|
ده كلام ما بينفع معانا ، اسه نحنا داير بيان فى الميدان تقول لى اخدنا حقنا
و ما عارف شنو كده !!!
و بخصوص تعليقك على كلام استاذ مزمل ابو القاسم
ارجع لنفس المصدر بتاعك حق الاستبيان ح تلقى استبيان بعنوان
Quote:
ما هي حظوظ وصول الهلال السوداني الى نهائي دوري ابطال افريقيا؟
|
الـ 80% ديل يعنى فتحو المندل ! او كشفو المستقبل ؟
الميدان ... الميدان
|
Post: #28
Title: Re: أغلبهم قال الرووووووووووب عديل كدة
Author: صبري طه
Date: 10-31-2011, 12:58 PM
Parent: #27
لك التحية أخي محمد ...
| Quote: الـ 80% ديل يعنى فتحو المندل ! او كشفو المستقبل ؟ |
يا أخونا في اختلاف بين استطلاع تأهل الهلال واستطلاع انسحاب المريخ ...
استطلاع تأهل الهلال مبني على توقع (وهذا شيء فيما لا نملك) نحن نتوقع شيء قد يحدث وقد لا يحدث ...
استطلاع انسحاب المريخ مبني على رأي (وهذا فيما نملك) يعني رأيك شنو ؟
عايز ولاّ ما عايز ؟
ولك ودي ،،،
ــــــــــــ
|
|