Post: #1 Title: حرام والله / فنان مشهور يصفع كف إعلامية طلبت إلتقاط صورة لها بجواره Author: الطيب شيقوق Date: 10-30-2011, 07:56 AM Parent: #0
قام الفنان المصري عمر الشريف أثناء مشاركته في مهرجان ترابيكا بالدوحة بصفع إحدى المعجبات أمام الكاميرات، بعدما طلبت منه التقاط صورة إلى جانبه، في وقت كان فيه منهمكاً أمام مصورين وإعلاميين آخرين.
وظلت المعجبة تقاطع الشريف في أحاديثه مع الصحفيين، الأمر الذي أثار غضبه وقام بصفعها دون أن يدري - بحسب ما ذكره موقع قناة "العربية" اليوم.
وقام أحد المصورين المتواجدين آنذاك بالتقاط فيديو للصفعة التي لم تظهر كاملة، خاصة وأن ظهر المصفوعة غطى على معظم المشهد، فلم يظهر بالتحديد في أي مكان من وجهها مر كف عمر الشريف.
Post: #2 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: محمد أبوالعزائم أبوالريش Date: 10-30-2011, 08:23 AM Parent: #1
Quote: يتداول مستخدمو مواقع التواصل الاجتماعي تسجيلا مصورا يظهر فيه الفنان العالمي عمر الشريف، وهو ينفعل بشدة ويصرخ في وجه إحدى معجباته ثم يصفعها على وجهها بعد أن طلبت إلتقاط صورة لها بجواره.
ويحضر عمر الشريف حاليا مهرجان قطر السينمائي تكريما له باعتباره أحد أهم نجوم العرب والعالم. ويظهر التسجيل المصور عمر الشريف أثناء خروجه من إحدى قاعات المهرجان، وقد التف حوله عدد من المعجبين والمعجبات لإلتقاط الصور التذكارية معه. لكن فجأة التفت عمر الشريف إلى إحدى المعجبات، وصفعها أمام الكاميرا بعصبية شديدة، وقال موجها حديثه لها: "بقولك ح أجيلك بعد كده(سأتي إليك).. لسه قايلها (قلتها منذ قليل) وأنتِ واقفه هنا.. حطي حاجه في مخك".
المعجبة التى بدت مصدومة ومرتبكة انتظرت دورها، بعد الصفعة، حتى التقطت صورة لها بجوار عمر الشريف، وقالت: "أنا آسفة".
هسي دي يتعاطفوا معاها كيف؟
Post: #3 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: مُحَمَّدٍ عِوَضٌ احْمَدُ Date: 10-30-2011, 08:54 AM Parent: #2
والله دى المفروض تاخد عشرين كف تانى جاية عليهو ليه؟
Post: #4 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: طارق ميرغني Date: 10-30-2011, 09:04 AM Parent: #3
Quote: وقام بصفعها دون أن يدري
دي يا ود شيقوق زي ضربني بي وشو في يدي
تستاهل هي الكف ولا يستاهل هو لا التكريم ولا الصوره
Post: #5 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: الطيب شيقوق Date: 10-30-2011, 09:35 AM Parent: #4
ابو العزائم
كيفك ياخ؟
Quote: هسي دي يتعاطفوا معاها كيف؟
يا ناس البندر متين قلوبكم بقت حجر كدا ؟
Post: #6 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: الطيب شيقوق Date: 10-30-2011, 09:37 AM Parent: #5
محمد عوض
كيفك؟
Quote: والله دى المفروض تاخد عشرين كف تانى جاية عليهو ليه؟
يمكن ناوية تجيب تارها منو؟
Post: #7 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: الطيب شيقوق Date: 10-30-2011, 09:40 AM Parent: #6
Quote: دي يا ود شيقوق زي ضربني بي وشو في يدي
تستاهل هي الكف ولا يستاهل هو لا التكريم ولا الصوره
طارق
ياخ حرام عليك - انت شوفا اول - انا خايف تغير رأيك يا اللخو
Post: #8 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: مُحَمَّدٍ عِوَضٌ احْمَدُ Date: 10-30-2011, 10:26 AM Parent: #6
كلو تمام يا ابوالطيب الحمدلله فى السودان ماعندناهوس بنات قدر كده.. وبعدين الواحد فى نجومنا ما اظنو يكبر لمن يحصل عمر الشريف من المغايص
Post: #9 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: الطيب شيقوق Date: 10-30-2011, 10:54 AM Parent: #8
ود العوض
Quote: الحمدلله فى السودان ماعندناهوس بنات قدر كده..
الاعلاميون اخي محمد ممكن يسوا اكتر من كدا في سبيل الحصول على مادة مثيرة للجمهور
هي ذاتا يبدو لي كايسة لبعة من الزول دا عشان الشهرة
هسع لو سلم عليها سلام بالاحضان أكان في حد سمع او اعلام قال ؟
Post: #10 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: الفاتح سليمان Date: 10-30-2011, 11:21 AM Parent: #9
ردة فعل البنت المسكينة صعب فصلها من محيطها
فاذا قلنا كيف يتجرا يضرب واحدة فدا بدل علي بيئة معينة من الافتراء عند الجحش عمر الشريف
وانها تسكت بدل علي خنوع وربكة من واحدة تفاعلت بفكرة انو ممكن تتصور مع عمر الشريف حتي وان كانت النتيجة صفعة
دي حالة كان في مصر قبل الثورة وتبدلت بعدها كتير جدا في تطور 180 درجة في تعاملها مع سلطة البوليس ...
هستريا الناس لمن تشوف المشاهير تتفاوت منها انهم يقبلوا او يكون ردة فعلهم مرتبك زي الزولة دي
لكن كلها كم يوم والناس يلموا فيه تف تف شديد
اول صحفي يشبك في عمك دا والقيامة تقوم بعدها
سلامات للجميع
Post: #11 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: الطيب شيقوق Date: 10-30-2011, 11:46 AM Parent: #10
اخي الفاتح سليمان
Quote: ردة فعل البنت المسكينة صعب فصلها من محيطها
فاذا قلنا كيف يتجرا يضرب واحدة فدا بدل علي بيئة معينة من الافتراء عند الجحش عمر الشريف
وانها تسكت بدل علي خنوع وربكة من واحدة تفاعلت بفكرة انو ممكن تتصور مع عمر الشريف حتي وان كانت النتيجة صفعة
دي حالة كان في مصر قبل الثورة وتبدلت بعدها كتير جدا في تطور 180 درجة في تعاملها مع سلطة البوليس ...
هستريا الناس لمن تشوف المشاهير تتفاوت منها انهم يقبلوا او يكون ردة فعلهم مرتبك زي الزولة دي
لكن كلها كم يوم والناس يلموا فيه تف تف شديد
اول صحفي يشبك في عمك دا والقيامة تقوم بعدها
يا العزيز أنثى أنثى مهما تجاسرت عليك ما ممكن تمد ليها يدك
وكمان وسط الجمهور ؟ تف تف تف عليك وعلى وقاحتك يا شريف إن كان ما قيل حقيقة .
شكرا اخي الفاتح على المداخلة الطيبة
Post: #12 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: Adam Omer Date: 10-30-2011, 01:08 PM Parent: #11
مولانا الطيب تحية و ســـــــــلام.
Post: #13 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: عوض محمد احمد Date: 10-30-2011, 01:53 PM Parent: #12
البت دى لو ما مسنوحة ساى الداهى دا عمرو 88 سنة بالتمام و الكمال!!! يا حليل رجالنا الواحد مما يصل الخمسين يقولو لى الزم التبروقة و كان لبس ليهو قميص ملون ساى يعملو ليهو مجلس عائلة
Post: #14 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: الطيب شيقوق Date: 10-30-2011, 03:30 PM
آدم عمر
شكرا ليك على الفيديو يا رائع
Quote: البت دى لو ما مسنوحة ساى الداهى دا عمرو 88 سنة بالتمام و الكمال!!! يا حليل رجالنا الواحد مما يصل الخمسين يقولو لى الزم التبروقة و كان لبس ليهو قميص ملون ساى يعملو ليهو مجلس عائلة
البت دي المكيفات وشراب المبردات هردن بطنها وبردن حيلها
ياخ دى كان زى حريمنا البكسرن الحطب وبفزعن للويكة في عز الهجير اكان ترت لا وراء ولفختو ام دلدم في صلعتو دي
Post: #15 Title: Re: حرام والله / فنان مشهور يصفع كف إعلامية طلبت إلتقاط صورة لها بجو Author: الطيب شيقوق Date: 10-30-2011, 06:53 PM Parent: #1
للعلم بس
يا اخوانا الراجل دا عمره تجاوز الثمانين سنة عشان كدا حقو الناس توجد ليهو العذر