|
دعوة لبورداب الخارج الذين سيقضون ايام العيد في الخرطوم
|
حتي نعرف الذين سيقضون معنا اجازة العيد ويسهل التواصل معهم نتمني تسجيل اسمائهم وجوالاتهم ان امكن في هذا البوست ... والذين لايريدون اعلان رقم جوالاتهم يمكنهم الاتصال بهذه الارقام انعام حيمورة 0912884384 محمد عادل 0919195368 ناذر 0912168502 جنابو عمر 0912309392 تبلدينا 0912397336 او هذا الرقم 0912308673
|
|
|
|
|
|
|
|
Re: دعوة لبورداب الخارج الذين سيقضون ايام العيد في الخرطوم (Re: صلاح غريبة)
|
Quote: طبعا انا حاعمل ليكم مفاجاة ... في الرحلة دي
بس انتو كترو من الشربوت
ملحوظة : حبوبتي ما بتشرب شربوت ........
صلاح غريبة - قريبا في الخرطوم |
انت بالذات العوض المسلمى وناذر ومعاهم باقى ناس العشاء قالو خجلانين ماقادرين يكلموك وطلبوا منى ابلغك. قالوا ليك كل سنه وانت طيب وتعود الايام وقبلانين عذرك وعليك الرسول كان شلت كراعك عليهم. والنصيحة لله محمد المسلمى وانعام حيمورة قالوا لى ماصاح وادونى الوصف ده عشان ابلغك وقالوا ليك الوصف ساهل بس المعمورة الطابق التانى اى بتاع رقشة بنزلك فى خشم الباب التلفونات المكتوبه دى ما تشتغل بيها...
حاشية:
انا بقول ليك احسن ليك ما تمشى الناس ديل نقاشين وحات الله يشوفوك كده ويسمعوا منك درابتين يقولو ليك امش جيب باسوردك من الزول البكتب بيه دهـ وغسل ايدك حتتى تتعشى.. مخير انا كلمتك،،،
| |
|
|
|
|
|
|
Re: دعوة لبورداب الخارج الذين سيقضون ايام العيد في الخرطوم (Re: انعام حيمورة)
|
تحايا واحترام للجميع
وبما إنو الزول جديد كرررررررت كرت كرونة هني ده ..
وبما إنو الواحد من ناس كرش الفيل دي ...
الزول بيلقي نفسو متحسر شديد بإنو اللمه الجميلة دي حتفوتو ..
خماس أيام العيد المبارك حأكون خارج الشبكة تماماً .. شبكة العاصمة
فشنو يا المسلمي ... أدعيكم مِتِل ما أمينة عيسه بتدعينا في أي لمه تفوتها ؟؟؟
إنشاااااااااااااااء الله شربوت بت حيموره ده يعمل عمايلو فيكم وإنشاء الله العشاء ده يعمل ليكم .... (ذيادة سُعرات حرارية)
مشكلتي ما بعرف أدعيكم زي أمينة عيسي ...
عيد مبارك علي الجميع وربنا يجعله عيد فرح عليكم يا رب
| |
|
|
|
|
|
|
Re: دعوة لبورداب الخارج الذين سيقضون ايام العيد في الخرطوم (Re: العوض المسلمي)
|
كل سنة وانتم بخير وكل عام وانتم بالخير تسيرون وبالتوفيق والقبول دائمون كل سنة ونحن اسرة واحدة ةكل سنة ونحن ننشد هدفا واحدا هو الارتقاء بالانسان السوداني الي مكانه الذي يستحقه وهو ارفع الامكنة وعظيم الاجلال لهذا الوطن .. موعدنا الذين حددناه خامس ايام العيد الخميس التاسعة مساء لنتعشي تحت كلماتكم ولقياكم الحار دوما بمنزلنا بشمبات الاراضي غرب مدارس المجلس الافريقي الثانوي للبنين وقصاد كبانية شمبات من ناحية شارع المعونة .. ومنتظر تشريف الجميع لهذه الجلسة بورداب خارج وبورداب خرطوم ... وكل الود والحب مني اليكم ..
| |
|
|
|
|
|
|
|