Post: #2
Title: Re: دبلوماسية الخرفان والبقر
Author: محمد إبراهيم علي
Date: 10-29-2011, 09:27 PM
Parent: #1
هنري كسنجر عمل دبلوماسية البنج بنج ليكسب الصين واقتصاد الصين
بعث فريق البنج بونج الامريكي وهو يعلم ان الصينيين اسياد الشي زاتووو
وقد كان ففتح الاقتصاد الصيني امام الشركات الامريكية
|
Post: #3
Title: Re: دبلوماسية الخرفان والبقر
Author: محمد إبراهيم علي
Date: 10-29-2011, 09:30 PM
Parent: #2
يبدو ان وزير المالية وهو تاجر مواشي صاحب نظرية دبلوماسية الخرفان والبقر
قوم انت يا بيشو رسل مرة 5000 بقرة
وتاني 20 الف خروف
طيب ما هي المصلحة التي ستعود علينا من هذه الهدايا التي ندفعها من دم الشعب السوداني الممحن ؟
|
Post: #4
Title: Re: دبلوماسية الخرفان والبقر
Author: صلاح جادات
Date: 10-29-2011, 09:44 PM
Parent: #3
الاخ محمد سلام
وفعلا هي دبلوماسية الخرفان والبقر
والله عنوانك يغني عن مقالات
|
Post: #5
Title: Re: دبلوماسية الخرفان والبقر
Author: رانيه محمد الشيخ
Date: 10-29-2011, 09:52 PM
Parent: #3
اصلو ما ممكن
|
Post: #6
Title: Re: دبلوماسية الخرفان والبقر
Author: طارق ميرغني
Date: 10-29-2011, 09:54 PM
Quote: هنري كسنجر عمل دبلوماسية البنج بنج ليكسب الصين واقتصاد الصين
بعث فريق البنج بونج الامريكي وهو يعلم ان الصينيين اسياد الشي زاتووو
|
طيب يا باشمهندس ما كان يرسل ليهم عشرين الف شوال فول مصري ...!!!
|
Post: #7
Title: Re: دبلوماسية الخرفان والبقر
Author: محمد إبراهيم علي
Date: 10-29-2011, 09:55 PM
| Quote: وفعلا هي دبلوماسية الخرفان والبقر |
الدبلوماسية اتطورت يا صلاح
بيشو رائد الدبلوماسية الجديدة
|
Post: #8
Title: Re: دبلوماسية الخرفان والبقر
Author: محمد إبراهيم علي
Date: 10-29-2011, 09:57 PM
Parent: #7
تصدقي يا رانيا في عام الرمادة العلينا ده
والشعب السوداني يرشوهو فتاوي عن الضحية بالاقساط
رئيسنا يتبرع للمصريين بـ20 الف خروف
|
Post: #9
Title: Re: دبلوماسية الخرفان والبقر
Author: محمد إبراهيم علي
Date: 10-29-2011, 10:00 PM
Parent: #8
| Quote: طيب يا باشمهندس ما كان يرسل ليهم عشرين الف شوال فول مصري ...!!! |
اتخيل لي في الحتة استشار على محمود والراجل تاجر مواشي
لكن لو كان سال الصافي جعفر قطع شك كان رسل الفول المصري ومعاهو زيت سمسم
|
Post: #10
Title: Re: دبلوماسية الخرفان والبقر
Author: doma
Date: 10-30-2011, 06:05 AM
Parent: #9
مبروك للشعب المصري الهدايا
الاسيادها
جوعى حفاه عراه
لكين يستاهل الشعب السوداني بقي لا بهش لا بنش .
|
Post: #11
Title: Re: دبلوماسية الخرفان والبقر
Author: الصادق خليفة
Date: 10-30-2011, 06:16 AM
Parent: #10
خروفي نطح خروفك يقدر خروفك ينطح خروفي زي ما خروفي نطح خروفك
و الله جنس محن عريانه من تحت و مغطية رأسها حكومة السجم دي
سلام يا صاحب
|
Post: #12
Title: Re: دبلوماسية الخرفان والبقر
Author: محمد إبراهيم علي
Date: 10-30-2011, 08:28 AM
Parent: #11
Quote: الاسيادها
جوعى حفاه عراه |
عطاء من لا يملك لمن لا يستحق
|
Post: #13
Title: Re: دبلوماسية الخرفان والبقر
Author: سلمى الشيخ سلامة
Date: 10-30-2011, 10:16 AM
Parent: #12
ما بقدر اقول المثل السودانى الشهير ".... وشايلا موسا ...الى اخره "
هذه هى دبلوماسية النظام
|
Post: #14
Title: Re: دبلوماسية الخرفان والبقر
Author: محمد إبراهيم علي
Date: 10-30-2011, 10:54 AM
Parent: #13
| Quote: و الله جنس محن عريانه من تحت و مغطية رأسها حكومة السجم دي |
ما هو يا رئيسنا ده عميق جدا ونحن ما بنفهم حاجاتو دي الا بعد سنين ضوئية
ودي طبعا راعي الضان في الخلاء يعلم ان ليس للبشير نصيب فيها
تبقى فقط السفه
وربنا امرنا الا ناتي السفهاء اموالنا
|
Post: #15
Title: Re: دبلوماسية الخرفان والبقر
Author: معاوية عبيد الصائم
Date: 10-30-2011, 02:01 PM
Parent: #14
بوست غير موفق وحسااااادة من صاحب البوست مزعجة
زول مرق من زريبتو 20000 خروف ..هدية ..المشكلة شنو؟
غايتو يا بكرى وجود صاحب البوست هنا ..غلط..كبير
زى بيبث روح التناحر الطبقى..
|
Post: #16
Title: Re: دبلوماسية الخرفان والبقر
Author: محمد إبراهيم علي
Date: 10-30-2011, 06:22 PM
Parent: #15
| Quote: ما بقدر اقول المثل السودانى الشهير ".... وشايلا موسا ...الى اخره " |
يحرم على الجيران كان ما كفى اهل البيت
ولكن يبدو ان المصريين هم اهل البيت ونحن الضيوف ولا ندري
|
Post: #17
Title: Re: دبلوماسية الخرفان والبقر
Author: محمد إبراهيم علي
Date: 10-30-2011, 06:28 PM
Parent: #16
| Quote: زول مرق من زريبتو 20000 خروف ..هدية ..المشكلة شنو؟ |
تعرف يا طوربيد بما انو بكري حسن صالح عندو نخيل
حقو يبدا لينا دبلوماسية الشربوت مع روسيا
|
Post: #18
Title: Re: دبلوماسية الخرفان والبقر
Author: معاوية عبيد الصائم
Date: 10-30-2011, 06:37 PM
Parent: #17
Quote: حقو يبدا لينا دبلوماسية الشربوت مع روسيا
|
بكرى ارجو عمل اللازم تجاه صاحب المداخلة دى
|
Post: #19
Title: Re: دبلوماسية الخرفان والبقر
Author: Yassir Tayfour
Date: 10-30-2011, 06:41 PM
Parent: #17
يا ود ابراهيم
هدية من لا يملك لمن لايستحق.
البشير لو أهدى ربع ثمن البقر أو خمس ثمن الخراف لأكامبو، كان حلّ مشكلتو..
___
المصريين ديل ما بيفيدوهو بشيء، غير يزيدو عليهو غضب الشعب
|
Post: #20
Title: Re: دبلوماسية الخرفان والبقر
Author: د.فاروق ابوكساوي
Date: 10-30-2011, 06:47 PM
Parent: #19
اتخيلت نافع لابس عراقيه وسرواله وشايل سوطه وماشي وراء القطيع، وقدامهن عبد الرحيم محمد حسين شايل عكازه وبوصف في السكة
انه السفه الخروفي
|
Post: #21
Title: Re: دبلوماسية الخرفان والبقر
Author: محمد إبراهيم علي
Date: 10-30-2011, 06:48 PM
Parent: #19
| Quote: البشير لو أهدى ربع ثمن البقر أو خمس ثمن الخراف لأكامبو، كان حلّ مشكلتو.. |
لوووول @ ابتفة
دي زي نكتة بتاع التكسي الشغال برة و المرة تسال فيهو شغال وين (تمها في سرك) لووول
|
Post: #22
Title: Re: دبلوماسية الخرفان والبقر
Author: محمد إبراهيم علي
Date: 10-30-2011, 06:59 PM
Parent: #21
| Quote: اتخيلت نافع لابس عراقيه وسرواله وشايل سوطه وماشي وراء القطيع، وقدامهن عبد الرحيم محمد حسين شايل عكازه وبوصف في السكة |
مبالغة يا دكتور 
الموضوع ده بدا بسفه عرباتي ثم تدهورت الحالة الى سفه بقري والان نحن في مرحلة السفه الخروفي
الله يستر من تطور الحالة
|
Post: #23
Title: Re: دبلوماسية الخرفان والبقر
Author: Mohamed Yassin Khalifa
Date: 10-30-2011, 10:54 PM
Parent: #22
سـلامات يا أبوحميد..
وتعرف يا باشمهندس زمان كنتا بدرس كلية العلوم الدبلوماسية
وعندنا دكتور تاعبنا بالبحوث.. كل ما يدخل الفصل بيكون شايل
بحوث الطلاب من الحصة الفاتت ويقعد يصححهم بالصوت العالي.. طبعاً ده
بيكون بعد ما الطالب مننا يكون قعد قدام الفصل وقدم بحثه شفاهة
وقبل ما تنتهي الحصة بيكون أدانا هوم ويرك وأكيد بحث جديد لازم
نسلمه ليهو قبل الحصة الجاية بعد إسبوع.
ومرة كان معاي ضيوف زايريني ونست أعمل البحث بتاعي والموضوع كان
في النظريات الدبلوماسية والممارسة.. يعني ذي بلوماسية العصى والجزرة.
والوكت ضايقني قبل موعد التسليم، فقمتا شلتا لي ورقة وقلم وكتبتا:
:The Practice of Irregular Diplomacy in the Sudan
Predicting the Unpredictable Regime
وخليت باقي الورقة فاضي وسلمتها!
صاحبنا الدكتور جانا داخل وفرحان إنو أول مرة يلقى فيني فرصة
وطوالي رفع الورقة وقال لي (بخبث) تعال هنا أشرح لينا موضوعك ده
أخوك بيني وبينك كان متابع للأساليب الكان بيتبعها النظام
في الوقت داك.. وإتحكرتا وقلتا ليهو:
أنا عارف يا دكتور إنك زعلان من ورقتي الفاضية دي الأنا سلمتها
قبل ربع ساعة.. أنا كنت مشغول الأسبوع الفات لكن تعرف في الربع ساعة النظام ده
غير في إسلوبه في التعامل مع الدول كم مرة؟ الناس ديل إنتقلوا من الدبلوماسية
الكلاسيكية لدبلوماسية جديدة علينا في العلاقات الدولية.. وأنا أعترف بأني
فشلت في أن أجد ميزان أوزن بيهو علاقتهم حتى مع دولة واحدة ذي مصر!
ومشيت في الكلام وأضفت علاقتهم مع فرنسا وأمريكا المتغيرة كل عشرة دقائق
الدكتور والطلبة إتكيفوا مني.. وطبعاً قال ليهم البحث ده حقو +A بس
لازم محمد يكتبه ويسلمه قبل الحصة الجاية.. وطبعاً رغم المخارجة بقت علي
كتابة بحثين في إسبوع واحد.. وأنا أكتر زول كسلان وبطيئ في الكتابة.
إتذكرت الكلام ده وضحكتا لمن قريت ليك موضوعك ده عن دبلوماسية البهايم
____________
وبالمناسبة: الناس ديل جابو الـ 5000 بقرة و20000 خروف من وين؟
هل الحكومة بقى عندها مزارع لتربية البهايم ولا إشتروها من المربيين؟
وطبعاً الأهم من ده كله.. المناسبة شنو؟
|
Post: #25
Title: Re: دبلوماسية الخرفان والبقر
Author: Zoal Wahid
Date: 10-31-2011, 00:19 AM
Parent: #23
جنس حساده
اقترح على البشير يرسل لمصر الشهر الجاي (000 10 ) جمل
تشجيعا للـ 6 مليون مصري الجايين يسكنوا معاكم.
|
Post: #26
Title: Re: دبلوماسية الخرفان والبقر
Author: د.محمد حسن
Date: 10-31-2011, 01:04 AM
Parent: #25
رئيسنا زينة وحالف ما يدلينا
يسوق فينا عشرين سنة
وللخراب مودينا
هوندايات للفريق القومي
بقر للشعب المصري
خرفن للشعب المصري
الشعب المصري عندو سماية ؟
|
Post: #27
Title: Re: دبلوماسية الخرفان والبقر
Author: محمد إبراهيم علي
Date: 10-31-2011, 05:43 PM
Parent: #26
| Quote: Predicting the Unpredictable Regime |
مع الانقاذ مش حتعرف تكتب بحث لوووول
الدبلوماسية السودانية والسياسة الخارجية السودانية تحلف تقول بعملوها في قعدة قهوة ولا ضمنة
|
Post: #28
Title: Re: دبلوماسية الخرفان والبقر
Author: البحيراوي
Date: 10-31-2011, 06:02 PM
Parent: #27
يا أخوانا مش قالوا الجو بالماجود ( الموجود)
أها بعد ما نجحت جمعية حمايةالمستهلك في حملةالمقاطعة التي بدأها الرئيس شخشياً
وكترت البهايم وبار اللحم . زولنا قال أحسن حاجة نديها هدية للمصريين ديل
لطالما نحن إبلنا شايلا السقى ورويانه
والناس في العروض ما تقيسه بي تيبانه
ما يغرك لباسهم والعروض سترانه
بخرفانا حرم نشتريلنا مكانه
وفي الجامعةالعربية نضرع في الفاضية والمليانه
بحيراوي
|
Post: #29
Title: Re: دبلوماسية الخرفان والبقر
Author: ود الباوقة
Date: 10-31-2011, 06:06 PM
Parent: #28
معليش ...
|
Post: #30
Title: Re: دبلوماسية الخرفان والبقر
Author: عبدالمجيد الكونت
Date: 10-31-2011, 06:37 PM
Parent: #29
الخرفان دي كلها من فصيلة الضان ...يعني كلها بتقول بااااع
ماف طريقة يدخلوا نافع فيها ... يكون حلحلوا مشاكل كتيرة خلاص ...والله صحي
|
|