Post: #5 Title: Re: يا طارق جبريل هاك دى .... Author: سلمى الشيخ سلامة Date: 10-29-2011, 12:13 PM Parent: #4
يا سلام على التلقائية فى الاداء تدخل بصوتها الى عمقك فيقف شعر راسك من الجمال يا سلام على هذا الوجه الصبوح البرئ الملامح شكرا يا عبد الدايم لقد صنعت صباحى " الساعة الان السادسة والربع صباحا فى ولاية ايوا
Post: #6 Title: Re: يا طارق جبريل هاك دى .... Author: وليد عبد اللطيف Date: 10-29-2011, 12:32 PM Parent: #5
دا الشغل يا عبد الدائم غايتو سليمان محمد سليمان عايز الغناء يكون زي ناس امريكا (غناء الوكونتري ) ودا بعتمد كثيرا على البيئة التي امتزج وترعرع فيها الفنان عااااااااااااااارفك نجيض . . اها ياربي قالوليها شنو المسيخين ديك ناس سيف و سليمان محمد سليمان ههههههههه واحد يا عبد الدائم زيك مابنقدر كنا في ملعب ( العزيزية) قال لي عكرمة ولد سليمان محمد سليمان ياخي ابوك دا ثقيل ثقالة بالله ماعرفنا محل ماندخل
سعيلى الله يا عبد الدائم البنية وكتين تقول: الليلى شوف بستانى.. تفك جبارة اعصى حجر ياخى.. انى امنت بالاصوات التى تشجى وتشقى ياخى هند دى حاجه تانية خااااااااالس.. رعاها الله اما انت فلك الله زى بالظبط طارق جبريل يطير فى السماء داك،،،
Post: #8 Title: Re: يا طارق جبريل هاك دى .... Author: أحمد ابن عوف Date: 10-29-2011, 04:57 PM Parent: #7
قطعا ود جبرين بكون رقد خل
اتلومتي مع المحس يا بنيتي
Post: #9 Title: Re: يا طارق جبريل هاك دى .... Author: حيدر حسن ميرغني Date: 10-29-2011, 08:22 PM Parent: #8
شكرا عبدو عاوز الجد غناء الطمبور ده حق رجال وبس هسع بكرة الشلة الما عندها شغلة دي تتلب على اغاني الطمبور ويبقو طنابرة جت ده النوع الوحيد من الغناء الما بتنفع فيهو الخرمجة بتاعة المتسكعين دي يشيلوا يغنوا في اغاني الغير ويشوهوها عموما شكرا على الاغنية الجميلة بحق
ود ابن عوف يا قريبي اخوك اصلو علي الهبشي والخل بقى راقد في دمه لكن ديدو ذاته بالغ معانا تقول عنده تار عندنا
البت صوتها سمح شديد بس بتفق مع حيدر حنين في انه هذه اللونية ما بتلفق مع النساء نهائي (رأي شخصي) وبرضو لمن طه سليمان لمن غنى (بلالي متين يجي آآآيمة) بهدلها طلع عينها زي الكأنو سوالو ضفرة في بيت في الرياض بي رقيطة (الواحد ما قادر ينسى انه كان شغال طُلبة)
بعدين ناسي عجاج دي انا عندي فيها رأي صادم جدا (بتعمل لي قرحة في الاضان عديييييل)
Post: #11 Title: Re: يا طارق جبريل هاك دى .... Author: سفيان بشير نابرى Date: 10-30-2011, 04:20 AM Parent: #10
Quote: بعدين ناسي عجاج دي انا عندي فيها رأي صادم جدا (بتعمل لي قرحة في الاضان عديييييل)
ينصر دييييينك ذاتو
Post: #12 Title: Re: يا طارق جبريل هاك دى .... Author: أحمد ابن عوف Date: 10-30-2011, 06:26 AM Parent: #11
Quote: بعدين ناسي عجاج دي انا عندي فيها رأي صادم جدا (بتعمل لي قرحة في الاضان عديييييل)
سيم سيم سديق
ازيك يا قريبي
Post: #13 Title: Re: يا طارق جبريل هاك دى .... Author: فايزودالقاضي Date: 10-30-2011, 06:38 AM Parent: #12
Post: #14 Title: Re: يا طارق جبريل هاك دى .... Author: عبد الدائم سيد أحمد Date: 10-30-2011, 06:40 AM Parent: #12
Quote: يا سلام على التلقائية فى الاداء تدخل بصوتها الى عمقك فيقف شعر راسك من الجمال يا سلام على هذا الوجه الصبوح البرئ الملامح شكرا يا عبد الدايم لقد صنعت صباحى " الساعة الان السادسة والربع صباحا فى ولاية ايوا
سلمى يا سلامة كيفك و ( نعلك ) طيبة ... وانشاء الله دايما" صباحاتك جميلة سألين منك طوب الارض ....
فى الفترة الاخيرة برنامج نجوم الغد قدم وجوه واصوات تستحق الاستماع وهـــــــــند احدى زهرات البرنامج اتمنى ليها التقدم وان تحرز نسبة عالية من الاصوات
Post: #15 Title: Re: يا طارق جبريل هاك دى .... Author: عبد الدائم سيد أحمد Date: 10-30-2011, 06:47 AM Parent: #14
Quote: اها ياربي قالوليها شنو المسيخين ديك ناس سيف و سليمان محمد سليمان
اشــادو بيها يا وليد لانو ما عندهم اى كلمة يقدرو يقولوها محمد سليمان قال ليها انتى جيتى من وين الاستوديو كلو كان مبهور بيها
لونية مختلفة عن المعتاد
Post: #16 Title: Re: يا طارق جبريل هاك دى .... Author: عبد الدائم سيد أحمد Date: 10-30-2011, 06:58 AM Parent: #15
Quote: سعيلى الله يا عبد الدائم البنية وكتين تقول: الليلى شوف بستانى.. تفك جبارة اعصى حجر ياخى.. انى امنت بالاصوات التى تشجى وتشقى
يا ود الموج هــــند سمع و شـــــــوف الملامح ونطقها للحروف تأكد لي انا شايقية ميه الميه
،،،،،،،
عندنا جارنا فى الصحافة شايقى عندو مسجل كبير رسلو ليهو ولدو من السعودية دايما" بيقعد تحت النيمات حقاتو يسمع فى شرايط صديق احمد واليمنى اها يوم قام يصلى المغرب .... جاء حرامى سايق ليهو حافلة ختف المسجل وشتت عمك قطع الصلاة وجارى وراء الحافلة .. وبعد ده كلو ما حصل الحرامى ناس الحلة قالو ليهو عشان مسجل تقطع الصلاة ... قال ليهم الصلاة ملحوقة ( علة ) شريط صديق احمد تانى القاهو وين ..
Post: #17 Title: Re: يا طارق جبريل هاك دى .... Author: عبد الدائم سيد أحمد Date: 10-30-2011, 07:03 AM Parent: #16
Quote: اتلومتي مع المحس يا بنيتي
يا ود اب نعوف زولك تانى باقيلك بقدر يفرفر
سمعت كلام بقول
بنات الشوايقة سمحات واولاد الدناقلــة وجيهيين
صحى الكلام ده ؟؟
Post: #18 Title: Re: يا طارق جبريل هاك دى .... Author: عبد الدائم سيد أحمد Date: 10-30-2011, 07:13 AM Parent: #17
Quote: عاوز الجد غناء الطمبور ده حق رجال وبس
حيدر يا حنين
عشان كده انا قلت اول مرة اسمع غناء زى ده من صوت نسائى عموما هى ادت الاغنية بامتياز مقارنة بسنها ودخولوها عالم الفن
اتمنى ليها غــــــــد مشرق ...
Post: #19 Title: Re: يا طارق جبريل هاك دى .... Author: عبد الدائم سيد أحمد Date: 10-30-2011, 07:25 AM Parent: #18
سفيان بشير
وود اب نعوف
غايتو طريقة اداء نانسى للاغنية دى الا يسمعوها منها شايقيات ( دبــــى )
ناس حرف الجيم يقلبوه j
Post: #20 Title: Re: يا طارق جبريل هاك دى .... Author: عبد الدائم سيد أحمد Date: 10-30-2011, 07:28 AM Parent: #19
ود القاضى شوف ليك زول يعملك ليك وزنــية كلها 50 ريال انت يوم الخميس بتسهر وين ؟؟
Post: #21 Title: Re: يا طارق جبريل هاك دى .... Author: فايزودالقاضي Date: 10-30-2011, 07:40 AM Parent: #20
Quote: ود القاضى شوف ليك زول يعملك ليك وزنــية كلها 50 ريال انت يوم الخميس بتسهر وين ؟؟
وزنتي الــ50 يال دي ساهلة ورخيصة ..بس ارباب البقت بوب دي بنوزنها كيف ؟!
Quote:
Quote: omar arbab
يابوب سلامات
خميسنا في حديقة حي مشرفة للصباح .. مر علينا كده بعد العيد ..
Post: #22 Title: Re: يا طارق جبريل هاك دى .... Author: عبد الدائم سيد أحمد Date: 10-30-2011, 08:33 AM Parent: #21
الخمسين دى فيها عشة الفلاتية ولا رسوم دخول فقط
Post: #23 Title: Re: يا طارق جبريل هاك دى .... Author: منصور عبد الرازق Date: 10-30-2011, 09:14 AM Parent: #22
الغنية سمحة (اصلا ) يا عبد الدائم بس ما فيها اضافة بشكل تلقائى اى زول بيسمع عمل بيرجع يقارنه مع حق سيده الأصلى الأغنية بى صوت صاحبها الأصلى متفوقة فى كل شىء الأبهار فى مجرد المحاولة وكونها دخلت عالما , لم يتسنى لأنثى دخوله من قبل البنية صوتها حلو , ومخارج حروف اللغة عندها تبدو بلكنة شايقية اصلية ولكن معظم اصوات البنات عندنا تبدو كذلك ولكن الحقيقة ان ابهار الأغنية , يكمن فيها ذاتها ,بنفسها حتى ان محاولات الأضافة فيها , تبدة صعبة وقاسية غناء الطمبور عموما , وخاصة طمبور الشايقية يبدو دائما كلوحة , متكاملة , فيها الحركة والأيقاع هو لون اللوحة الأساسى موضوع واختيار موفق يا نضيف
Post: #24 Title: Re: يا طارق جبريل هاك دى .... Author: saif massad ali Date: 10-30-2011, 09:53 AM Parent: #23
هوي ياجماعة
كلمات الاغنية مارقة من قليب البنية لي قلب المستمع
سعيلي الله كلماتها زي الرصاصة في المقتل ابدا مابتجلي
لكن دي جابوها من وين
Post: #25 Title: Re: يا طارق جبريل هاك دى .... Author: سفيان بشير نابرى Date: 10-30-2011, 10:15 AM Parent: #23
اهداء لطارق جمكسين
عشان تعرف العلم انطور كيف تقولى طمبور
Post: #26 Title: Re: يا طارق جبريل هاك دى .... Author: omar arbab Date: 10-30-2011, 10:35 AM Parent: #25
والله غنايا ..لكن انتوا عارفيين الحلاوة في اللتقي ده الكلام من المحل وده البيميز شعر
الشايقيه وغناهم اصلو ما بطلع من الواطه الهم فيها ..شفت كيف ياريس طارق !!!
ياسفيان الجمكسين الجبتو ده شنو !!!يااخي طارق ده رئيسنا ما تشاغلو بالله
عل الزول ده(مسعود) اول مرة اسمعه غناي شديد, والله حيكون عند مستقبل في الغناء
ياعمر انجي ( بوب )والله اسم جديد لنج ,,!
شكرا ليكم والله اتحفتونا بالروائع ربنا يديكم الفي مرادكم
Post: #28 Title: Re: يا طارق جبريل هاك دى .... Author: عبد الدائم سيد أحمد Date: 10-31-2011, 07:13 AM Parent: #27
Quote: حتى ان محاولات الأضافة فيها , تبدة صعبة وقاسية غناء الطمبور عموما , وخاصة طمبور الشايقية يبدو دائما كلوحة , متكاملة , فيها الحركة والأيقاع
دايما ما تتحفنا بمداخلاتك الجميلة يا منصور اتفق معاك ان اى محاولة اضافة للاغنية حتغير من شكل اللوحة وبالذات الايقاع هو سر الاغنية و جمالها قلت لي الشوايقة البيرقصو ديك عاملين زى عربات الملاهى وحدة تنزل والتانية تطلع .. كتلتهم كتل
Post: #29 Title: Re: يا طارق جبريل هاك دى .... Author: عبد الدائم سيد أحمد Date: 10-31-2011, 07:15 AM Parent: #28
Quote: هوي ياجماعة
كلمات الاغنية مارقة من قليب البنية لي قلب المستمع
سعيلي الله كلماتها زي الرصاصة في المقتل ابدا مابتجلي
لكن دي جابوها من وين
يا سيف مساعد شكلك راقد خــل اكتر من طارق جبريل زاتو بس ليك الحق
Post: #30 Title: Re: يا طارق جبريل هاك دى .... Author: عبد الدائم سيد أحمد Date: 10-31-2011, 07:17 AM Parent: #29
سفيان بشير ياخ مسعود ده زول غناي جدا" جدا" بس فكرة الفيديو كليب عاملة زى المسلسلات المصرية متين الزول ده اغترب ورجع بعربية سبور اخر موديل ودفع الضرايب كمان .. يعنى زول بالامكانيات دى المفروض يكون عندو سكايبى وشات بتونس بيهو مع خطيبتو شكلو كده بدينى احساس انو بوردابى بوردابى اما الزول ( البنج ) داك والبت الاتنين داغسين
شكرا" على المرور واتحاف البوست بمزيد من عالم التطور
Post: #31 Title: Re: يا طارق جبريل هاك دى .... Author: عبد الدائم سيد أحمد Date: 10-31-2011, 07:20 AM Parent: #30
الارباب سابقا" وبـــوب حاليا"
ناس ود القاضى ديل ما بينفع معاهم الا استاذ جمال فى اى بوست تلقاهو مهرجل
Post: #32 Title: Re: يا طارق جبريل هاك دى .... Author: عبد الدائم سيد أحمد Date: 10-31-2011, 07:23 AM Parent: #31
عماد شمت يا راقى اصلى انا عندى تار قديم مع ناس الامتداد ديل قلت افشــو فى بتاع الجمكسين ده
نجوم الغد فى الفترة الاخيرة قدمت اصوات نسائية جميلة وهند احداهن بجانب هاجر محمد عبدالله وشذى عبدالله
Post: #33 Title: Re: يا طارق جبريل هاك دى .... Author: نور الدين عثمان Date: 10-31-2011, 07:33 AM Parent: #32
شكرا العزيز عبد الدائم وانت تعدل مزاجنا من الصباح وتزكرنا بربوع بلدا حنينة وناسا حنان .
Post: #34 Title: Re: يا طارق جبريل هاك دى .... Author: الرشيد بابكر Date: 10-31-2011, 07:38 AM Parent: #32
يا سلام عليك يا ديدو... حضرت الحلقة دي من نجوم الغد... عموما الدورة دي من نجوم الغد تعج بالمبدعين... و الذين أدهشوا لجنة الحكماء كما يطلقون عليها... لكن البنية دي تميزت جدا بالأغنية دي... أتمنى لها مستقبل مشرق و أرجو أن توفق في اختياراتها القادمة...
Post: #35 Title: Re: يا طارق جبريل هاك دى .... Author: عبد الدائم سيد أحمد Date: 10-31-2011, 07:55 AM Parent: #34
مرحبا نورالدين وبناس كسلا الوريفة الشاربة من الطيبة ديمه
كيف لا وانت من عشاق اسماعيل حسن
دمت ودام صباحك الجميل
Post: #36 Title: Re: يا طارق جبريل هاك دى .... Author: عبد الدائم سيد أحمد Date: 10-31-2011, 08:19 AM Parent: #35
Quote: عموما الدورة دي من نجوم الغد تعج بالمبدعين... و الذين أدهشوا لجنة الحكماء كما يطلقون عليها... لكن البنية دي تميزت جدا بالأغنية دي... أتمنى لها مستقبل مشرق و أرجو أن توفق في اختياراتها القادمة...
الحبيب الرشيد لى فترة طويلة صرفت النظر عن مشاهدة البرنامج اولها التكرار الممل لاغانى الحقيبة بالذات وثانيها لجنة الحكماء
الا فى خلال هذا الشهر استمعت واستمتعت بنجمة اسمها هاجر غنت اغنية سامحنى للجابرى كانت بالجد رائعة فى كل شى الاداء والصوت والتطريب ثم اتت شذى محمد عبدالله ولال مرة اسمع صوت نسائى ممتمكن تغنى كما يغنى الكبار لاغانى الحقيبة عندها طعم خاص .... ودى مشروع لبوست قادم
ثم اختتمت هند الحلقة باغنية طمبور ولا احلى
يبقى المحك الحقيقى هو كيفية الاختيار بما يتناسب وصوت المؤدى
وشكرا" على مرورك
Post: #37 Title: Re: يا طارق جبريل هاك دى .... Author: طارق جبريل Date: 10-31-2011, 11:02 AM Parent: #36
يا سفيان ياخي دة جمكسين زي الجمكسين
يا شمت ياخي عبد الدائم دة بكون مشوكش عندنا
Post: #38 Title: Re: يا طارق جبريل هاك دى .... Author: طارق جبريل Date: 11-01-2011, 00:40 AM Parent: #37
الزول دة يا شباب لو لقى ليه زول يوريهو الطريق ممكن يكون زول غنااااااااااااااي
Post: #39 Title: Re: يا طارق جبريل هاك دى .... Author: عبد الدائم سيد أحمد Date: 11-03-2011, 07:01 AM Parent: #38
Quote: البت صوتها سمح شديد بس بتفق مع حيدر حنين في انه هذه اللونية ما بتلفق مع النساء نهائي (رأي شخصي)
هسه ينط ليك واحد جعلــى ويقول ليك ( حرم ) ارجـــــــل من غنانا مافى
هند سمحة وغناية وما فيها اى كلام ساعدونا بالصفقة والباقى علينا
Post: #40 Title: Re: يا طارق جبريل هاك دى .... Author: عبد الدائم سيد أحمد Date: 11-07-2011, 08:02 AM Parent: #39
كل سنة والجميع بخير
وعيد سعيد
Post: #41 Title: Re: يا طارق جبريل هاك دى .... Author: محمد عبدالرحمن محمد Date: 11-07-2011, 08:57 AM Parent: #40
عبدالدايم شكرنلك
إضافه سغيري للبوست، الغنيه كامة الدسم دي ألَّت محمد سعيد دفع اللهـ
بَجيك صاد
المطرطش
Post: #42 Title: Re: يا طارق جبريل هاك دى .... Author: عبد الدائم سيد أحمد Date: 11-07-2011, 09:28 AM Parent: #41
المطرطش كل سنة وانت طيب راجنك اوع لا تتأخر
القرير التكم دى ويييين من الباســــــــــا
Post: #43 Title: Re: يا طارق جبريل هاك دى .... Author: محمد الكامل عبد الحليم Date: 11-07-2011, 05:28 PM Parent: #1
تحية....من شمال العالم وبداية ارتحال الطيور من شتاء بدات ملامحه الي اماكن الدفء..تجود علينا بهذا اللحن الشجئ ليضفئ دفئا بمذاق خاص... يا عبد الدائم..يطيب خاطرك..
اجادت هذه الفتاة الباسمة بامتلاكها اصل الايقاع وكانها امام طائفة من الطنابرة تميل حيث تتناسق خطواتهم مع الخطوات في عمقها المدروس...ولعلك لاحظت تعثر الايقاع وبالرغم من ذلك تمسك بنتنا بتلابيب النشيد سائرة به بشدو جميل ... تامينا للطيف الذي رحل...
وين احبابي وين خلاني..أه يا الله قادر..
Post: #44 Title: Re: يا طارق جبريل هاك دى .... Author: عبد الدائم سيد أحمد Date: 11-14-2011, 07:21 AM Parent: #43
