قفلوه

قفلوه


10-29-2011, 00:46 AM


  » http://sudaneseonline.com/cgi-bin/sdb/2bb.cgi?seq=msg&board=350&msg=1319845568&rn=18


Post: #1
Title: قفلوه
Author: عبدالمجيد الكونت
Date: 10-29-2011, 00:46 AM
Parent: #0

اتنين شاتروا ....والباقيين ضحية

Post: #2
Title: Re: قفلوه
Author: عبدالمجيد الكونت
Date: 10-29-2011, 00:47 AM
Parent: #1

نعيد وين ياجماعة ...الضحية قربت

Post: #3
Title: Re: قفلوه
Author: awad okasha
Date: 10-29-2011, 00:59 AM
Parent: #2

Quote: نعيد وين ياجماعة ...الضحية قربت
شيات كاااربة على الكورنيش في الدمام كيف ؟
تحياتي يا عمك ..

Post: #7
Title: Re: قفلوه
Author: عبدالمجيد الكونت
Date: 10-29-2011, 06:53 AM
Parent: #3

Quote: شيات كاااربة على الكورنيش في الدمام كيف ؟
تحياتي يا عمك ..
طواااااااااااالي يا حبيب ...احجز لي من اول يوم في العيد اصلا احتمال 99% اعيد في الشرقية

Post: #4
Title: Re: قفلوه
Author: خضر الطيب
Date: 10-29-2011, 01:02 AM
Parent: #2

نعيد وين ياجماعة ...الضحية قربت

----------------------------------------

عيد في الحرم دا مابقفلوهو

انت قاعد في السعوديه يعنى عاوز تعيد في الشانزلزيه ؟ لووول

اذيك يامجيد وكل عام وانت بالف خير ياحبيب

Post: #5
Title: Re: قفلوه
Author: Tragie Mustafa
Date: 10-29-2011, 01:25 AM
Parent: #4

تخيل ده رد جيت اكتبه لك ولقيته قفلوا برضو

كويس انه لسه في الماوس!






آمونه سلامات

عجبتك دي مش؟؟!!
Quote: تكاكي جداده قول أمين

بالله متسطعي المنابر ديل تفتكري بيحتاجحوا بزل مجهود غير انه نرد عليهم باللغه دي؟!



وبعدين شوفي اللبن سمك تمرهندي السياسي ده

واحد عامل فيها كان ليبرالي وبيتسلح للغرابه....وهو نسى انه كان بيشحذ في المروة نفسها لمواجهة الغرابه!

آخير تراجي المتوهم انها بتشحد حق التذكره!

وواحد مؤتمر وطني وراميه جمل
وعامل فيها ما عارف انه علي عثمانهم ذهب 4 مرات لاسرائيل!!
4 شنو 4 مرات!!يا ود الباوقه وفي شان يحسن من الجنائيه ويعرض فتح السفاره الفي العماره!!
وقطبي المهدي بالجواز الكندي برضو خفس لاسرائيل!!

وصلاح قوش تبعهم...و القائمه طويله.


وآخر حزب امه جناح الهانم المنتحله للاسماء هنا.....
وما خجلان من روحه يقول لك تراجي قدراتها على قدرها(هههههههه)
شوفي هو قاعد وين وفي اي تنظيم فضيحه ويتفاصح!

واظنه بيضاري عشان ما عايزنا ننكش له ملفات تحنيس آل المهدي سابقا لليهود لشراء الاقطان
وتمويل حملتهم الانتخابيه!عشان كده شغال المشكله مش زيارة اسرائيل بل من قام بالله!!
بالله!!


العلك تتوهم ان اميراتك افهم من تراجي ؟!(هههههههه)
يا اخي تراجي دي كلكم بامامكم ناس الهامش ما بيبدلوا ضفرها بيكم!ايه رايك؟!!


عالم وهم!

Post: #6
Title: Re: قفلوه
Author: عبدالمجيد الكونت
Date: 10-29-2011, 06:51 AM
Parent: #5

Quote: ايه رايك؟!!


بطق ليك عرق من التشنج ده



بالمناسبة يا تراجي ...جد جد كده انا زعلان في ابي مرة اتخاشنت فيها معاك قبل كده ...عارفها ليه ؟؟
لو ما عرفت اسأللي الناس العاقلة بيوروك .....اي زول عاقل يلاقيك اسأليه السؤال ده وهو بوريك السبب

ولو عرفتي براك ....بالله فكي دربي

Post: #13
Title: Re: قفلوه
Author: عبدالمجيد الكونت
Date: 10-29-2011, 08:57 AM
Parent: #5

Quote: تخيل ده رد جيت اكتبه لك ولقيته قفلوا برضو


بالله .....
يكون انا قلت ليه اقفله

Post: #8
Title: Re: قفلوه
Author: عبدالمجيد الكونت
Date: 10-29-2011, 06:56 AM
Parent: #4

Quote: عيد في الحرم دا مابقفلوهو

انت قاعد في السعوديه يعنى عاوز تعيد في الشانزلزيه ؟ لووول

اذيك يامجيد وكل عام وانت بالف خير ياحبيب


تحية ياخضر
السعودية فيا 27 مليون نسمة ...ديل لو كل مرة بمشوا الحج كان ما ادوا اي زول من برة فرصة يحج .... انا اديت الفريضة الحمد لله وتاني الزيادة لما ربنا يسهل لي قدام ...

ناويين علي الشيات والشربوت

Post: #9
Title: Re: قفلوه
Author: HAIDER ALZAIN
Date: 10-29-2011, 07:47 AM
Parent: #8

يا حبيب بيتخيل هو زاتو قعد كتير وما قصر وقت اخد ليهو اسبوع..

عِلا القفلة دي والله فوتت علينا (أجر ) تحليل القبضناهو من السفارة حسب إدعاء المحامي العام

ومن اجزي له في الأجر والحلاوة حاسبه الله بالعمل .. فكان المحامي الشليق يستحق شويــة تربيتة على الضهر
كدة من باب ولا تحزنوا حتي لو طنشوكم في في لقاء تجمع نساء الاحزاب وكدة.. فانتو لسع صغيريين يا سعادتك وليكم يومين والـ(كلوروفيل بتاعكم صبغتو ما شالت) عاملين حزبكم الزي بتاع شفع الروضة دا وعاوزين تختو راسكم مع راس ناس هالة


بالنسبة يا حبيب لي عمك الشايل الطبلة وحايم.. شايف زولنا دا بس الناشطة والا الشحادة الانسانية تقولوا طبل يطبل..
بقت شكلها مسيرة ليهو الموقع

أها المداخلة بتاعي المزعلاهو تاني بعيدها واليطبل البوست دا برضو ..

Quote:


ــــــــــ
والأغرب من ديل كلو سيد الموقع او صاحب الحوش كما يحب ان يُطلق عليــه
سيادتو فرحان اوي اوي ويتكشم سن سن عشان واحدة من رعيتو مشت زارت اسرائيل ..
صحي كما قال المتنبي :
عَـلَى قَـدْرِ أَهـلِ العَـزمِ تَأتِي العَزائِمُ === وتَــأتِي عَـلَى قَـدْرِ الكِـرامِ المَكـارِمُ
وتَعظُـمُ فـي عَيـنِ الصّغِـيرِ صِغارُها === وتَصغُـر فـي عَيـنِ العَظِيـمِ العَظـائِمُ



....

Post: #10
Title: Re: قفلوه
Author: ود الباوقة
Date: 10-29-2011, 07:56 AM
Parent: #9

Quote: وواحد مؤتمر وطني وراميه جملوعامل فيها ما عارف انه علي عثمانهم ذهب 4 مرات لاسرائيل!!
4 شنو 4 مرات!!يا ود الباوقه وفي شان يحسن من الجنائيه ويعرض فتح السفاره الفي العماره!!
وقطبي المهدي بالجواز الكندي برضو خفس لاسرائيل!!


جمل شنو كمان يا ولية انتي

والدنيا قبائل عيد


وبعدين البرد دخل مية في المية وانا عارفك ( مبرادة )

على عثمان قالت ذهب اربعة مرات اسرائيل

ربنا يشفيك يا خالتو

حالتك تحنن العدو والله

الكونت

خليك معيد معانا هنا

اوكي

Post: #11
Title: Re: قفلوه
Author: عبدالمجيد الكونت
Date: 10-29-2011, 08:12 AM
Parent: #10

البوست لملم الشلة البهناك كلها

فضلت امنة وحسن حماد وعماد حسين ودكتور بلة




تراجي بردي نفسك شوية ..... التيم ده بلعب ضاغط ....


يا حيدر بجيك برواقة ونشوف قصة اجتماع رؤساء الاحزاب دي كمان شنو

Post: #12
Title: Re: قفلوه
Author: صبري طه
Date: 10-29-2011, 08:28 AM
Parent: #11




Post: #16
Title: Re: قفلوه
Author: عبدالمجيد الكونت
Date: 10-29-2011, 03:53 PM
Parent: #12



Post: #15
Title: Re: قفلوه
Author: عبدالمجيد الكونت
Date: 10-29-2011, 09:12 AM
Parent: #10

Quote: جمل شنو كمان يا ولية انتي

والدنيا قبائل عيد

وبعدين البرد دخل مية في المية وانا عارفك ( مبرادة )
ود الباوقة انت كمان ما تمسك في اي حاجة ....غض الطرف الله يهدينا ويهديك


Quote: على عثمان قالت ذهب اربعة مرات اسرائيل
اختلافي معكم لا يمنعني من قول انه ده كلام فارغ

Quote: الكونت

خليك معيد معانا هنا

اوكي
ابييييييت

Post: #14
Title: Re: قفلوه
Author: عبدالمجيد الكونت
Date: 10-29-2011, 09:07 AM
Parent: #9

Quote: يا حبيب بيتخيل هو زاتو قعد كتير وما قصر وقت اخد ليهو اسبوع..

عِلا القفلة دي والله فوتت علينا (أجر ) تحليل القبضناهو من السفارة حسب إدعاء المحامي العام ومن اجزي له في الأجر والحلاوة حاسبه الله بالعمل .. فكان المحامي الشليق يستحق شويــة تربيتة على الضهر

انت ما دام عارفه حيتقفل ما كان تديني خبر من بدري وما تخليني اجيب عفشي واجي راحل عليه ..القى الباب انطبل
بعدين قصة قروش السفارة دي ديباجة بقت تتخت لي اي زول يختلف معاك ...يعني عادي وياريت لو قسمت لي منها قروش (الخيال ) دي .... الحاجة الما كنت متوقعها انها تجي من امنة مختار وللامانة كنت اعتقد انها اكبر من اتهام زي ده مهما بلغ حجم الاختلاف بينك وبينها عموما نحيا كتير نشوف كتير

Quote: كدة من باب ولا تحزنوا حتي لو طنشوكم في في لقاء تجمع نساء الاحزاب وكدة.. فانتو لسع صغيريين يا سعادتك وليكم يومين والـ(كلوروفيل بتاعكم صبغتو ما شالت) عاملين حزبكم الزي بتاع شفع الروضة دا وعاوزين تختو راسكم مع راس ناس هالة
دي قوية
حصلت متين وكيف انا ماعارف ؟؟
اتوقعته حزب نباتي ما بتعاطي اللحوم وبالتالي لن يبحث عن مثل هذه الاجتماعات





بالنسبة لباقي المداخلة مالي وما عمك ...انا خايف علي عدتي ....والله صحي

Post: #17
Title: Re: قفلوه
Author: حسن حماد محمد
Date: 10-30-2011, 00:56 AM
Parent: #1

عبدالمجيد سلامات

Quote: بعدين قصة قروش السفارة دي ديباجة بقت تتخت لي اي زول يختلف معاك ..


ياخى والله العالم المتنوضلين الوهم ديل أى جمله يكتبوها تصلح لكى تكون عنوان لبوست

بسهولة يشوفوا ليك أى تهمة ويردموك بيها والمحير انهم يطلقوا الكذبة ويصدقوها زى المافى حاجة

والجاتك فى بوستك سامحتك

Post: #18
Title: Re: قفلوه
Author: عارف الركابي
Date: 10-30-2011, 01:17 AM
Parent: #17

Quote: جد جد كده انا زعلان في ابي مرة اتخاشنت فيها معاك قبل كده ...عارفها ليه ؟؟
لو ما عرفت اسأللي الناس العاقلة بيوروك .....اي زول عاقل يلاقيك اسأليه السؤال ده وهو بوريك السبب


الأخ عبد المجيد
زي ما بقولوا : كان تقرط علي كده
وما فات شيء الآن أمسك في كلمتك دي
وأوصي من حولك
عشر ذي الحجة أفضل أيام السنة وداخلين على يومها الثالث يعني ثلثها
والشغلة ما أظنها مستاهلة
ولا ما كدي يا جماعة ؟!

Post: #19
Title: Re: قفلوه
Author: Tragie Mustafa
Date: 10-30-2011, 02:43 AM

قلت لي ما مشى يا الكونت؟؟!!(ههههههههه)

Quote: على عثمان قالت ذهب اربعة مرات اسرائيل
اختلافي معكم لا يمنعني من قول انه ده كلام فارغ

ما شايقي عاد كيفن ما بتدافع ليه يا جهوي؟!

فارك حماقتلك لما شالوا صلاح قوش ما انتبهنا ليه؟!(ههههههههه)

الناس مصحصحه لتشنجكم القبلي.

اول زياره لعلي عثمان كانت في 2006 وتحدث عنها معتقلي حماس للمعتقلين مع بعض اللاجئين السودانين وقتها معهم بسجون اسرائيل!

و بالصدفه السودانين يعملون في القطاع الفندقي
ويتحدثون العجب عن كم الزوار العرب و السودانين لا حظ الواو دي كيف يعني السودانين ما عرب(هههههه)!

اها بقية الثلاث زيارات بتواريخهم موثقات!

له بوقته بيطلع
وعلى فكره بعلم البشير ولتنحيسهم حول امر الجنائيه!





قلت لي انا القتل بكري اطبله؟!(هههههههه)
ويا ترى بوست دوما وبشاشا ومحمد سليمان داك التم طبله بينما انا مسافره تم طبله بناء على طلب منو؟!

Post: #20
Title: Re: قفلوه
Author: Tragie Mustafa
Date: 10-30-2011, 02:46 AM
Parent: #19

نسيت اقول للعاهه حيدر الزين

افتخر بشحدتي...افضل من جلابتك الغنوا من منظمات حقوق الانسان الشايل حسهم صلاح بندر!
Quote: بس الناشطة والا الشحادة الانسانية تقولوا طبل يطبل..
بقت شكلها مسيرة ليهو الموقع
عايز قائمه؟!


ولا فكر بيغلبنا نكتب مشاريع زي بتاعت الباقر العفيف ديك ونطلع 80 الف دولار باسم مشروع دارفور
ونلبد!!

صحيح الاختشوا ماتوا!!

Post: #24
Title: Re: قفلوه
Author: عبدالمجيد الكونت
Date: 10-30-2011, 08:41 AM
Parent: #20

Quote: نسيت اقول للعاهه حيدر الزين

افتخر بشحدتي...افضل من جلابتك الغنوا من منظمات حقوق الانسان الشايل حسهم صلاح بندر!
انتي ما ممكن تعملي ليك تلاتة مداخلات بدون ما تشتمي زول وتدخلي الجلابة ديل في النص ......هدي شوية يا زولة



Quote: عايز قائمه؟!
ولا فكر بيغلبنا نكتب مشاريع زي بتاعت الباقر العفيف ديك ونطلع 80 الف دولار باسم مشروع دارفور
ونلبد!!
صحيح الاختشوا ماتوا!!

اول مرة اعرف انه الباقر عفيفي جلابي ...انتي بتجييبي الكلام ده من وين

Post: #23
Title: Re: قفلوه
Author: عبدالمجيد الكونت
Date: 10-30-2011, 08:28 AM
Parent: #19

Quote: قلت لي ما مشى يا الكونت؟؟!!(ههههههههه)
اول زياره لعلي عثمان كانت في 2006 وتحدث عنها معتقلي حماس للمعتقلين مع بعض اللاجئين السودانين وقتها معهم بسجون اسرائيل!
و بالصدفه السودانين يعملون في القطاع الفندقي
ويتحدثون العجب عن كم الزوار العرب و السودانين لا حظ الواو دي كيف يعني السودانين ما عرب(هههههه)!
اها بقية الثلاث زيارات بتواريخهم موثقات!
له بوقته بيطلع
وعلى فكره بعلم البشير ولتنحيسهم حول امر الجنائيه!

والله انتي لو عندك دليل سااااي من ونسة كان جبتيه ....فما تعملي لينا فيها مفتحة .... عايزة تلوثي سمعة الراجل بلا سبب

Quote: ما شايقي عاد كيفن ما بتدافع ليه يا جهوي؟!
فارك حماقتلك لما شالوا صلاح قوش ما انتبهنا ليه؟!(ههههههههه)
الناس مصحصحه لتشنجكم القبلي.

انا لو عايز ادافع ليه بجهوية ولا قبلية ما بتضارى وبقولها ظاهرة .... لكني احمد الله ان ليس بي اي تعصب قبلي ...ولعلمك نحن مرحلتكم دي اتخطيناها زمااااان ..ومسألة القبيلة عندنا عمرها ما كانت تشنج
.. ولعلمك ايضا لو الناس اصطفت في صفوف زي دي ...غيرنا البخسر ....وكل الناس البتكورك وراك دي فاهمة كده

Quote: قلت لي انا القتل بكري اطبله؟!(هههههههه)
ويا ترى بوست دوما وبشاشا ومحمد سليمان داك التم طبله بينما انا مسافره تم طبله بناء على طلب منو؟!
تراجي ياخي ما تعملي فيها شاطرة ... حركاتك مكشوفة شدييد ...والله صحي

Post: #22
Title: Re: قفلوه
Author: عبدالمجيد الكونت
Date: 10-30-2011, 08:16 AM

Quote: الأخ عبد المجيد
زي ما بقولوا : كان تقرط علي كده
وما فات شيء الآن أمسك في كلمتك دي
وأوصي من حولك
عشر ذي الحجة أفضل أيام السنة وداخلين على يومها الثالث يعني ثلثها
والشغلة ما أظنها مستاهلة
ولا ما كدي يا جماعة ؟!

ابشر يا حبيب ...اعتبره وعد مني

Post: #21
Title: Re: قفلوه
Author: عبدالمجيد الكونت
Date: 10-30-2011, 08:06 AM
Parent: #17

Quote: ياخى والله العالم المتنوضلين الوهم ديل أى جمله يكتبوها تصلح لكى تكون عنوان لبوست

بسهولة يشوفوا ليك أى تهمة ويردموك بيها والمحير انهم يطلقوا الكذبة ويصدقوها زى المافى حاجة


حسن حماد يازول بركة الشفناك طيب
زمان اهلنا قالوا الما بعرف ما تدوه يغرف ..يكسر الكاس ويحير الناس ......وده الحاصل في المنبر ده اغلب الناس ما بتعرف ودايره تغرف والكاساات تتكسر في بحض والناس متحيرة ليها 22 سنة ... لانه ببساطة لمن تتهم اي زول بدون اثبات وانت طارح نفسك بديل لنظام تحاول ان تقنع الاخرين بفساده سيرون فيك افسد منهم وده الحاصل هنا
حيدر الزين انا معرفتي بيه ليست في البورد بل تمتد الى خارجه والحوار بيننا يمتد الى ما هو ابعد بكثير مما يكتب هنا لذلك قد اكون بمعرفة كبيره بشخصيته التي لو اتيت لي بالف شخص في المنبر ده وقلت لي اتهم ليك واحد منهم بالعمالة للنظام ...اول شي حا استبعد حيدر وابدأ ابحث في ال999 المفضلين ....وحقيقة استغربت جدا مثل هذا الاتهام في حقه .....عمرها السياسة ما كانت كده يا امنة


Quote: والجاتك فى بوستك سامحتك
البوست ما حقي ... البوست حق حيدر وانا ساااي كنت فارض روحي عليه وعلي ضيوفه

Post: #25
Title: Re: قفلوه
Author: حسن حماد محمد
Date: 10-30-2011, 08:53 PM
Parent: #1

Quote: لانه ببساطة لمن تتهم اي زول بدون اثبات وانت طارح نفسك بديل لنظام تحاول ان تقنع الاخرين بفساده سيرون فيك افسد منهم وده الحاصل هنا


هنا القضية يا عبدالمجيد

أختلف مع تراجى فى حاجتين

أولاً تتلقى المعلومات عبر وسيط ودون أى تحرى طوالى المعلومة التى تصلها تصدقها وتبنى عليها افتراضات واتهامات

ثانياً فى أى اختلاف فى الرأى وبسرعة الصاروخ يتحول اختلاف الرأى الى تنابذ واختلاف شخصى وتبدأ فى ردمك بكمية من الشتائم والتهم

ومن الواضح انها لا تسعى لطرح افكار للمناقشة وانما تعتقد بأنها تملك الحلول لكل مشاكل السودان وكل من سواها يجب ان تتم مباركته من تراجى

مع ملاحظة ان كل افكارها تتمحور حول الجلابة والهامش كأنما لديها مشكلة شخصية لونت عليها الصورة وأصبحت ترى كل الأمور من منظار جلابى وزنجى

وينطلق الكثيرون مثلها من عقدة ما تتمحور حول كراهية لكل ماهو عربى. ولو تلاحظ فى خطابها معاك طوالى انت بتدافع عن على عثمان لأنك شايقى

ولأنك من المركز وما أدراك مالمركز

عالم بجد موهومه وكل يوم بتزيد وهم