Post: #1
Title: لما الليل يهود
Author: باسط المكي
Date: 10-28-2011, 11:45 PM
في البراندات القديمة ذات الابواب العريضة ..شمال جنوب ..حيث كل البيوت
كاكية ..في زمن الخريف ..والمحل والرتوع ..
كان السحاب يجيي من البطانة ..وكانت اسامي البراريق ..العبادي والقبلي وابقدوم يجرها ويقوم
والمكادي ..كانت حكاوي العصي والعوي والسماك والتريا وابريا وبنات نعش
والعنقريب في نص السماء وقت الليل يهود ..وديك ..الهايفات ...ديك الهافات دة بعوعي
وقت الليل يفلل ..وشباب الفريق ..في قمة الونسة والضحك ..اها الديك دة زي منبه
لوقت بنو تاخر والبنات ..اهلن بتفقدوهن ..ودايما بتكون الونسةوالللمة في بيت مميز في الفريق
حوش فلان وناس فلان ..وكده ..ناس مميزين بالونسة وخفة الدم والرحابة
نجد الونسة والخبر ..الجاي ومن الصعيد ..واو البعيد وطول وسيرتو اتقطعت ..
يقولو يا حليلو.....
|
Post: #2
Title: Re: لما الليل يهود
Author: فتحي البحيري
Date: 10-29-2011, 10:35 AM
Parent: #1
Quote: حيث كل البيوت
كاكية ..في زمن الخريف ..والمحل والرتوع |
تحياتي باسط
|
Post: #3
Title: Re: لما الليل يهود
Author: سلمى الشيخ سلامة
Date: 10-29-2011, 11:27 AM
Parent: #2
ولما يكون فى خسوف
يا حلاة مرقت الصفايح والطشاتة
ندقدق فيها لمن القمرة تمرق
وكتين تمرق
نبدا اللعب شليل وكمبلت فى ضو القمرة
مافى زمن ولا مانع من اللعب
اولاد وبنات
من السكة حديد الحلة يجونا
نلعب ونلعب
ونضحك والقلب صافى والنية اصفى
يا سلام
لمن نشرك للطير
والشرك يقبض
وقبل ما نشرك نمشى نجيب الشعر من ضنب الحصان
ونعمل شرك
وكل واحدة وواحد عنده نبلة
ومافى مشكلة نلعب لعب الاولاد "شى بلى ، وشى كمبلت وحرينا ، ويلعبو معانا الحجلة ونط الحبل "
لانه مافى عقدة بت /ولد
زمن سمح ما بنعاد
شكرا ياباسط
|
Post: #4
Title: Re: لما الليل يهود
Author: باسط المكي
Date: 10-29-2011, 05:23 PM
Parent: #3
فتحي تحاتي لك
يا عزيز الكل
|
Post: #5
Title: Re: لما الليل يهود
Author: معاوية عبيد الصائم
Date: 10-29-2011, 05:58 PM
Parent: #3
Quote: مافى زمن ولا مانع من اللعب
اولاد وبنات
من السكة حديد الحلة يجونا
|
باسط وبت الشيخ سلامات
ومافى مانع تب
|
|