Post: #1
Title: محتاج لبوردابي من دبي عنده عكاز مضبب وفيهو فيرول عجلة مصقر!!
Author: Azhari Nurelhuda
Date: 10-28-2011, 05:50 PM
الموضوع يا جماعة:
إنه في إتنين أصحابي شديد وهم ناس فاهمين جدا جدا ودايما بتعاملوا معاي بشكل جميل جدا جدا
لكن اليوم خربوها كلها من الأول للآخر.
أنا قاعد على بعد أميال ضوئية منهم في غربة وحيد وحزين ومكسور الخاطر قاموا ضربوا لي تلفون غياظ جدا جدا قال إيه:
إنهم هم هسي داخلين حفلة موسيقية للموسيقار اليوناني (ياني) والطيب فيهم قام قال لي:
والله أنحنا قلنا الحفلة دي كان المفروض يكون فيها أبوالزهور..
والتاني واللي هو جاي بطيارة وقاطع ليهو خليج كامل قال لي بعد التحية والمجاملة والغياظان المرتب قال إيه:
والله أنا دفعت ضريبة الحفلة دي من سفر وركوب أهوال وبحار وصفوف وعرق فعن إذنك ما نستغني دايرين نستمتع بالحفلة دي وخليك مع تعاستك دي...
وقفل لي التلفون في وشي مع العلم التلفون ما تلفونه ولا هو الطلب المكالمة...
عليه:
أنا محتاج لبوردابي فردة مكرب وعاتي كده يكون في دبي ويمشي هسي يشوف الحفلة دي وين؟
هم غايتو رموا نفسهم براهم وقالوا بالقرب من برج خليفة
والبوردابي ده لازم يكون عنده عكاز مضبب وفيهو فيرول عجلة مصقر ومحل التروس ما بلف ومشبع بخليط التتانوس والحصبة والجدري والتايفويد(ومحظور ضمن معاهدة الإمم المتحدة لحظر الأسلحة البلدية السامة)
ولازم يكون يده عسراء وطرشاء وفيها الشيطان وجريدته واحدة
الجماعة ديل أوصافهم كالآتي:
الإتنين بورداب وناس ظريفين والواحد مما يشوفهم بعرفهم وحيحبهم بس الليلة أنا تعاستي زايدة والسبب الغيظة والحندكة العملوها معاي...شفتوا شنو؟؟؟
بس داير لي فليقة في راس كل واحد فيهم(بس بالله براحة)
عليكم الله ود حلال يفتح الباب ويبرد لي بطني.....
|
Post: #2
Title: Re: محتاج لبوردابي من دبي عنده عكاز مضبب وفيهو فيرول عجلة مصقر!!
Author: معاوية عبيد الصائم
Date: 10-28-2011, 06:03 PM
Parent: #1
ياخ ممكن تدينى تلفون ليهم شان اشوف الحفلة الجاية بتين...
|
Post: #3
Title: Re: محتاج لبوردابي من دبي عنده عكاز مضبب وفيهو فيرول عجلة مصقر!!
Author: Nader Abu Kadouk
Date: 10-28-2011, 06:23 PM
Parent: #2
أبشر..............
|
Post: #5
Title: Re: محتاج لبوردابي من دبي عنده عكاز مضبب وفيهو فيرول عجلة مصقر!!
Author: Azhari Nurelhuda
Date: 10-28-2011, 08:46 PM
Parent: #3
الله عليك يا أبوكدوك يا نادر
هسي الحفلة بتكون على مروق كده
بس إنت حصل وأعمل حسابك من كاميرات المراقبة والبوليص
وشنو.................؟؟
كـــــــــســـــــــــر.......
طاخ طراخ.........
عفيت منك يا صاحبي......
|
Post: #6
Title: Re: محتاج لبوردابي من دبي عنده عكاز مضبب وفيهو فيرول عجلة مصقر!!
Author: معاوية عبيد الصائم
Date: 10-28-2011, 08:53 PM
Parent: #5
Quote: كـــــــــســـــــــــر.......
طاخ طراخ.........
|
يا خوى نوم نومك ...انا طالع ماشى حفلة فى النادى القبطى
وناسك ديل حسب علمى مرقوا من الحفلة ومشوا صالة ديسكو حفلة تانى يعنى
بكرة ما عندهم شغل...فالسهر والحنبكة ...ما حلوين...معاك.....اهم اتعيشت وللا
غايتو جنس حساااااااادة انا لله
|
Post: #4
Title: Re: محتاج لبوردابي من دبي عنده عكاز مضبب وفيهو فيرول عجلة مصقر!!
Author: Azhari Nurelhuda
Date: 10-28-2011, 08:36 PM
Parent: #2
يا صايم إنت قاصد شنو بالله
لا بالله خليك واضح عديل كده
شنو يعني هي الليلة دي كلها حندكة....
ما ننوم ......ولا شنو يعني؟؟
|
Post: #7
Title: Re: محتاج لبوردابي من دبي عنده عكاز مضبب وفيهو فيرول عجلة مصقر!!
Author: Nizar Ateeg
Date: 10-29-2011, 11:30 AM
Parent: #4
سلام يا أبوالزهور
طبعا انت عارف نحن ما بنرضى زعلك وكده
وباعتبار اني في دبي هذه الأيام فرجاء بالله
أدينا الأسماء وبنلم ليك فيهم وننجضهم تمام
رغم انو الحفل ده حسب علمي انتهى امبارح لكن ما فات شى
كسرة صغيرة:
والله الحقل كان جميل جدا فحقو تسامحهم
|
Post: #8
Title: Re: محتاج لبوردابي من دبي عنده عكاز مضبب وفيهو فيرول عجلة مصقر!!
Author: Haleem Abu-Gusseisa
Date: 10-29-2011, 11:53 AM
Parent: #7
سلام يا أبو الزهور
والله ما تزعل روحك، انا جاهز معاك بي قرجة و قادون وكدر مكسور نوريهم نجوم القايلة، أنا حسة في دبي، ما عشان حفلة ياني لا قدر الله، رغم إنها كانت جميلة. على العموم العفو من شيم الكرام خصوصا انهم اكيد دفعوا الضريبة من سفر و صفوف وعرق وخلافه، اما إذا تعذر العفو فأنا كفيل بهم وكل حفلة وإنت طيب وحفلة تفوت ولا حد يموت (غيظا)
|
Post: #9
Title: Re: محتاج لبوردابي من دبي عنده عكاز مضبب وفيهو فيرول عجلة مصقر!!
Author: Azhari Nurelhuda
Date: 11-15-2011, 06:56 PM
Parent: #8
خلاص
العفو والعافية
صافية لبن وعسل وقشطة...
والسماح يا أهل السماح.....
بس في واحد لسه بكاوي..........وغياظ
واللبيب...........................
|
Post: #10
Title: Re: محتاج لبوردابي من دبي عنده عكاز مضبب وفيهو فيرول عجلة مصقر!!
Author: Hassan Makkawi
Date: 11-15-2011, 07:15 PM
Parent: #9
| Quote: للموسيقار اليوناني (ياني) |
الموسيقار دة جدو كان عندنا فى السودان......
وضربوا بيهو المثل....عدييييل كدة
دحين نوم نومك....
الحفلة إلا تكون (آل فرسكو )
|
Post: #11
Title: Re: محتاج لبوردابي من دبي عنده عكاز مضبب وفيهو فيرول عجلة مصقر!!
Author: معاوية عبيد الصائم
Date: 11-15-2011, 07:18 PM
Parent: #10
سكرة ينى
|
|