Post: #3 Title: Re: افضل خدعة بصرية في العالم Author: عرفة محمد سعيد Date: 10-28-2011, 02:34 PM Parent: #1
اها لو الواحد لقى نفسه كسلان وما قادر يمشي اربعة امتار للوراء ممكن يستمر مركلس ويحاول بعضلات وجهه يقلد صورة الرجل الحانق او الشرير (زي مابقولوا ناس افلام الكرتون)
النجيضة المطلوب كرفسة العوينات والتدقيق في الصوره ..
Post: #4 Title: Re: افضل خدعة بصرية في العالم Author: عبدالله الفاتح Date: 10-28-2011, 02:40 PM Parent: #3
في حاجة في الصورتين ديل ... بتذكرني طوالي التلفزيونات 3D هي شنو ؟ ما عارف
Post: #15 Title: Re: افضل خدعة بصرية في العالم Author: عرفة محمد سعيد Date: 10-28-2011, 10:23 PM Parent: #4
Quote: في حاجة في الصورتين ديل ... بتذكرني طوالي التلفزيونات 3D هي شنو ؟ ما عارف
تحياتي اخي عبدالله
Post: #5 Title: Re: افضل خدعة بصرية في العالم Author: المكاشفي الخضر الطاهر Date: 10-28-2011, 02:41 PM Parent: #3
انا االاربع امتار ماكملتهن الصورة تغيرت معاي انقلبت
لكن المسالة بسيطة ،، لو كانت الصورتين صورة واحدة يعني كلهن زول مكشر حاينقلبن كلهن زول ما مكشر والعكس سوف يحدث فاي صورة في العالم انت تتحرك منها بعيد شوية بتتغير
عرفة لكن برضو قوية
Post: #6 Title: Re: افضل خدعة بصرية في العالم Author: فيصل محمد خليل Date: 10-28-2011, 02:46 PM Parent: #5
عندما تنظر إلى الصورة في الأعلى لأول وهلة تظنها صورة لرجال واقفين ... بينما هي صورة لأعمدة
Post: #7 Title: Re: افضل خدعة بصرية في العالم Author: المكاشفي الخضر الطاهر Date: 10-28-2011, 02:46 PM Parent: #5
الشاطر يعرف لي دي صورة شنو
Post: #8 Title: Re: افضل خدعة بصرية في العالم Author: أمجد الزين Date: 10-28-2011, 02:52 PM Parent: #7
Post: #9 Title: Re: افضل خدعة بصرية في العالم Author: المكاشفي الخضر الطاهر Date: 10-28-2011, 03:03 PM Parent: #8
Post: #10 Title: Re: افضل خدعة بصرية في العالم Author: المكاشفي الخضر الطاهر Date: 10-28-2011, 03:05 PM Parent: #9
Post: #11 Title: Re: افضل خدعة بصرية في العالم Author: ناذر محمد الخليفة Date: 10-28-2011, 04:27 PM Parent: #10
!!!
Quote: الشاطر يعرف لي دي صورة شنو
دي صورة فيصل ..!!
Post: #13 Title: Re: افضل خدعة بصرية في العالم Author: محمد المرتضى حامد Date: 10-28-2011, 05:32 PM Parent: #11
Quote: والمثال التالي أفضل نموذج للتعبير عن الوهم والخداع
شكرا ..
ثمة نماذج أفضل في هذه الحياة ..
تحايا للجميع..
Post: #14 Title: Re: افضل خدعة بصرية في العالم Author: عرفة محمد سعيد Date: 10-28-2011, 10:06 PM Parent: #13
Quote: : والمثال التالي أفضل نموذج للتعبير عن الوهم والخداع
Quote:
ثمة نماذج أفضل في هذه الحياة ..
الحياة فيها نماذج للخير والشر والخداع والجمال .... والصدق والكذب الى آخره
وقد أجمع العلماء والفقهاء على ان نموذج الخير الأفضل هو محمد المرتضى حامد
شرفني توقيعك على صفحتي
Post: #17 Title: Re: افضل خدعة بصرية في العالم Author: صبري طه Date: 10-28-2011, 10:53 PM Parent: #14
Quote: قف من مقعدك وارجع إلى الوراء 4 أمتار ! ستجد أنهما ، وبسرعة ، قد تبادلا المواقع !!
لا حاجة للقيام من مكانك والرجوع إلى الوراء ... بالإمكان استخدام أيّ مستعرض للصور وأنت جالس في مكانك وباستخدام تصغير الصورة إلى درجة أن يتم تحوّل الصورتين ...
مثال: أنا استخدمت برنامج microsoft office picure manager وقمت بتصغير الصورة إلى 25% وانقلبت الصورتان ...
ولكم كل الود ،،،
Post: #24 Title: Re: افضل خدعة بصرية في العالم Author: haroon diyab Date: 10-29-2011, 09:26 AM Parent: #17
Post: #43 Title: Re: افضل خدعة بصرية في العالم Author: محمد الكامل عبد الحليم Date: 11-01-2011, 09:01 AM Parent: #14
تحية للاستاذة وكل سنة وانتم طيبين وعلي خير ...
الاكتفاء بالنظر العادي للوقوف علي حقيقية الاشياء قد لا يعطي الحقيقة بعدها الوافي...ذلك لان الحقيقة تظل ابعد من الادراك الحسي...
لذلك تتمدداشرعة التامل كخيط واصل في بعض الاحيان بين المعني والمجاز...
دعونا نلون الاشياء عبر طاقاتنا الكامنة حيث الخير ...والحق...والجمال...علي بساط كل وجدان سليم...
Post: #16 Title: Re: افضل خدعة بصرية في العالم Author: عرفة محمد سعيد Date: 10-28-2011, 10:45 PM Parent: #5
Quote: انا االاربع امتار ماكملتهن الصورة تغيرت معاي انقلبت
سلاماتي الأخ المكاشفي اها دي ترجع خطوتين بس وتلقى الطبيعة اتحولت لواحدة اظنها من ماليزيا
Post: #18 Title: Re: افضل خدعة بصرية في العالم Author: عرفة محمد سعيد Date: 10-29-2011, 01:07 AM Parent: #16
فيصل محمد خليل
مسكاقمي
Post: #19 Title: Re: افضل خدعة بصرية في العالم Author: عرفة محمد سعيد Date: 10-29-2011, 02:16 AM Parent: #18
الأخ ناذر
تحياتي
الاخوان فيصل والمكاشفي واضح انهم نزلوا الصورة في نفس الدقيقة
Post: #20 Title: Re: افضل خدعة بصرية في العالم Author: معتصم مصطفي الجبلابي Date: 10-29-2011, 02:33 AM Parent: #19
رجعته اربعة امتار ولبسته النضارة
ورجعته 7 امتار ومافى حاجة اتغيرت
الوجوه هى هى
وصلت لنتيجة انو ما بتنطلى على الحيل والخداع
Post: #21 Title: Re: افضل خدعة بصرية في العالم Author: elsawi Date: 10-29-2011, 03:13 AM Parent: #20
سلام يا اخت عرفة وسلامات لضيوفك وشكراً على البوست الجميل صورة البرت اينشتاين دي برضو فيها خدعة بصرية مدهشة جداً تخيلي انه صورة اينشاين دي بتبقى صورة الممثلة الأمريكية الراحلة مارلين مونرو لما الواحد ينظر ليها من بعد ثلاثة امتار .. للضمان كده احسن تسمو قبال ما ترجعوا الثلاثة امتار
Post: #22 Title: Re: افضل خدعة بصرية في العالم Author: محمد النيل Date: 10-29-2011, 03:58 AM Parent: #21
دى إسمها توقعات المخ للصورة يمكن خداع المخ بإيهامه بما هو ليس بصحيح لكن لايمكن خداع الكاميرا
بصرنا وحتى سمعنا بيعتمد فى عمله على التوقع
مثلا قد ينطق شخص كلمة قبل أن ينطق حرفها الأخير تكون سمعتها كاملة دى إسمها خاصية التوقع وهى عملية يقوم بها المخ لاكمال الصورة الصوتية أو الضوئية وقد يتوهم البعض جملا لم تقال وتخال له إنها قد قيلت مثلا فى أغنية ود اللمين بينى بينك لا الشعر قادر يقولو ولا الوتر ممكن نسمعها أيضا بينى بين أكل الشعر قادر يقولو .... الخ شايف فى الجملة التانية ممكن نسمعها أكل عديل أى كمن يأكل الشعر طعاما بس من خلال اللحن وليس الإلقاء الكلامى العادى لبيتى الشعر
أما بالنسبة للضوء مثلا جرب غط نفسك ببطانية وغمض عينيك واضغط بلية العين برفق سيتهيأ لك انك رأيت ضوء رقم عدم وجود ضوء تحت البطانية فهذه الظاهرة تعتبر توقع خاطئ أو ترجمة خاطئة من المخ للجزء المسئول من الترجمة الضوئية أى ما نسميها الخدعة الضوئية نتيجة لفهم المخ الخاطئ للحدث
فقد إستغل هؤلاء المصوراتية هذه الخاصية بتوصيلات معلومات مضللة المخ يإسلوب منظم تنتج ما نراه فى الصور أعلاه والمسافة تلعب دورا فى الأمر من ضعف الخطوط فى صورة نتيجة للأبتعاد عنها وهكذا يظهر الأمر مخادعا
Post: #23 Title: Re: افضل خدعة بصرية في العالم Author: قيقراوي Date: 10-29-2011, 09:18 AM Parent: #22
Quote:
Quote: الشاطر يعرف لي دي صورة شنو
دي صورة فيصل ..!!
و الله يا ناذر دي بالغت فوكا كلو كلو!!
Post: #25 Title: Re: افضل خدعة بصرية في العالم Author: نوفل عبد الرحيم حسن Date: 10-29-2011, 09:59 AM Parent: #23
طششتوا عيونا ... براها مطششه
Post: #26 Title: Re: افضل خدعة بصرية في العالم Author: محمد قرشي عباس Date: 10-29-2011, 09:44 PM Parent: #25
ناقشت هذا الأمر فيما سبق بهذا البوست Re: سياحة داخل مخ بشري..ردود و نقاش : سأنقل منه قليلا لحين عودة للتفصيل إن سمح الوقت .. هذه الخدعة البصرية تنتمي لعائلة واسعة من الخدع البصرية .. بدئت عام 1915م بما يسمى Rubin Vase/Faces Illusion :
فهنا ترى إما وجهين متقابلين بالأسود أو مزهرية بالأبيض .. ثم ينعكس الوضع بعد قليل من التركيز !!
من المعروف أن النظام البصري مصمم على أساس هرمية معينة .. تقوم فيها المناطق البصرية الدنيا (المختصة بتحليل إتجاه الخطوط و الحركة) .. بتغذية مناطق بصرية عليا ( تختص بتكوين معنى للمعطيات) .. و لكن هناك تغذية راجعة من المناطق العليا للدنيا .. تخبرها فيها بما تظنه صوابا و تجبرها على التركيز على سمات مخصوصة بما يتوافق مع إدراكها الأولي لمعنى ما تراه .. ( رقابة قبلية على الإحساس و كده )
دراسة التوهمات البصرية صارت علما مهما في فهم الآليات العصبية للرؤية و الوعي و الكثير منها مفسر بالكامل على فهم رياضيات الشبكات العصبية الإصطناعية .. و تغيير الأشكال هذا هو إحدى تلك المفارقات التي تحدث عند تقارب معاني المعطيات مما يحدث تذبذبا في التفسير بسبب إصطراع المناطق الدنيا و العليا بين نظريتين حول معطيات الحواس !! فهو ليس مما يحير العقل .. بل بالعكس مما يكشف بجلاء طبيعة عمل العقل نفسه كآلة تفسيرية تقوم على الحوار بين أجزاء مختلفة و الوصول لإتفاق على طريقة محدده للتفسير !!
أترككم مع توهم آخر يقوم على خدعية المخ بغرفة متوازية الأضلاع يحسبها المخ مستطيلة فلا يجد بدا من تغيير أحجام قاطنيها حتى لا يتناقض مع مسلماته !!
شكرا لهذا النافذه !!
محبتي
Post: #27 Title: Re: افضل خدعة بصرية في العالم Author: عرفة محمد سعيد Date: 10-30-2011, 04:46 PM Parent: #26
Quote: لا حاجة للقيام من مكانك والرجوع إلى الوراء ...
الاخ صبري طه معك حق افرض واحد بيشوف الصور وهو جالس في سيارة حيلقى 4 امتار وين !! اذن الحلول الأخرى كتصغير وتكبير الصورة او تصغير وتكبير العين لك تقديري
__________________
شوف دي : مجموعة كم الكتب مرصوصة بطريقة معينة عند تصغير الصورة بتديك صورة ذات معنى
Post: #28 Title: Re: افضل خدعة بصرية في العالم Author: عرفة محمد سعيد Date: 10-30-2011, 04:58 PM Parent: #27
الاخوان هارون دياب
وقيقراوي
منورين البوست
اتمعنو في الصورة دي
من قريب صورة امرأة حاملة طفل في يدها وجنبها رجل عجوز والاتنين خلفهم بوابة الآرش بتاع البوابة هو الجهة العليا لرأس رجل (البعد الثاني من الصورة ) والرجل العجوز ما هو الا تفاصيل وجه البعد الثاني للصورة و.الخ ... ما عارفة حسيت كأني في لعبة قطار الموت ...
Post: #29 Title: Re: افضل خدعة بصرية في العالم Author: عرفة محمد سعيد Date: 10-30-2011, 05:12 PM Parent: #28
النضارة لازم تكون مثبته على العين في المرحلتين القريبة والبعيده ومافي داعي للأميال القطعتها للخلف دي هم مترين او راجع مداخلة صبري طه ولا عاش من يخدعك
كدي جرب دي
من قريييب واحدة قاعدة قدام تسريحة وفوق التسريحة كمية من قوارير وعلب لو بعدت المسافة او صغرت الصورة
القوارير دي هي اسنان لجمجمة وتجويف عيون الجمجمة هو رأس السيدة وانعكاسه في المرايا وهكذا
Post: #30 Title: Re: افضل خدعة بصرية في العالم Author: عرفة محمد سعيد Date: 10-30-2011, 05:16 PM Parent: #29
الاخ الصاوي
سلامات
صورة انشتاين بيقلب لمارلين مذهلة فعلاً
ممتنة لإضافتك
شوف اللوحة دي رائعة كيف !!
Post: #32 Title: Re: افضل خدعة بصرية في العالم Author: عرفة محمد سعيد Date: 10-30-2011, 05:20 PM Parent: #30
Quote: فقد إستغل هؤلاء المصوراتية هذه الخاصية بتوصيلات معلومات مضللة المخ يإسلوب منظم تنتج ما نراه فى الصور أعلاه والمسافة تلعب دورا فى الأمر من ضعف الخطوط فى صورة نتيجة للأبتعاد عنها وهكذا يظهر الأمر مخادعا
الأخ محمد النيل
اولاً مشكور على اضافتك الثرة المصوراتي او الفنان ينتج عمل ماكن مُذهل يدفع المُشاهد للتركيز وتكييف بصره وبصيرته لاكتشاف الأوجه والابعاد المختلفة للصورة ومن ثم الانبهار والتصفيق ..
وهي كما قلت مسألة مسافة وتتجلى لك الابعاد الاخرى
____________________ عاين دي
Post: #31 Title: Re: افضل خدعة بصرية في العالم Author: بلدى يا حبوب Date: 10-30-2011, 05:19 PM Parent: #28
الاخت /عرفه لك التحايا
Quote: مسكاقمي
انتى من عندهم والله شنو بالنسبة للصورة الاولى حرم قبال ما امش متر انقلبت تحياتى
Post: #33 Title: Re: افضل خدعة بصرية في العالم Author: عرفة محمد سعيد Date: 10-30-2011, 05:25 PM Parent: #31
بلدي يا حبوب
مسكاقمي
انا من قلب قلب عندهم لامن بكسر العربي
Post: #34 Title: Re: افضل خدعة بصرية في العالم Author: عرفة محمد سعيد Date: 10-30-2011, 05:29 PM Parent: #33
Quote: طششتو عيونا براها مطششة
يا نوفل يا اخوي لا يفل الحديد الا الحديد هاك طشش زيادة ح تتعدل
دي اصعب صورة في المجموعة ولو ما وضحت ليك ممكن تطلب التوضيح
Post: #35 Title: Re: افضل خدعة بصرية في العالم Author: عرفة محمد سعيد Date: 10-30-2011, 05:42 PM Parent: #34
Quote: قشت هذا الأمر فيما سبق بهذا البوست Re: سياحة داخل مخ بشري..ردود و نقاش : سأنقل منه قليلا لحين عودة للتفصيل إن سمح الوقت ..
هذه الخدعة البصرية تنتمي لعائلة واسعة من الخدع البصرية .. بدئت عام 1915م بما يسمى Rubin Vase/Faces Illusion :
فهنا ترى إما وجهين متقابلين بالأسود أو مزهرية بالأبيض .. ثم ينعكس الوضع بعد قليل من التركيز !!
من المعروف أن النظام البصري مصمم على أساس هرمية معينة .. تقوم فيها المناطق البصرية الدنيا (المختصة بتحليل إتجاه الخطوط و الحركة) .. بتغذية مناطق بصرية عليا ( تختص بتكوين معنى للمعطيات) .. و لكن هناك تغذية راجعة من المناطق العليا للدنيا .. تخبرها فيها بما تظنه صوابا و تجبرها على التركيز على سمات مخصوصة بما يتوافق مع إدراكها الأولي لمعنى ما تراه .. ( رقابة قبلية على الإحساس و كده )
دراسة التوهمات البصرية صارت علما مهما في فهم الآليات العصبية للرؤية و الوعي و الكثير منها مفسر بالكامل على فهم رياضيات الشبكات العصبية الإصطناعية .. و تغيير الأشكال هذا هو إحدى تلك المفارقات التي تحدث عند تقارب معاني المعطيات مما يحدث تذبذبا في التفسير بسبب إصطراع المناطق الدنيا و العليا بين نظريتين حول معطيات الحواس !! فهو ليس مما يحير العقل .. بل بالعكس مما يكشف بجلاء طبيعة عمل العقل نفسه كآلة تفسيرية تقوم على الحوار بين أجزاء مختلفة و الوصول لإتفاق على طريقة محدده للتفسير !!
أترككم مع توهم آخر يقوم على خدعية المخ بغرفة متوازية الأضلاع يحسبها المخ مستطيلة فلا يجد بدا من تغيير أحجام قاطنيها حتى لا يتناقض مع مسلماته !!
شكرا لهذا النافذه !!
محبتي
الاستاذ السامي
ود القرشي
اول حاجة مشيت قريت البوست (رحلة داخل مخ بشري) لقيتك كما قالت منى حلمي " رجل جعل العلم الماء الذي يغسل وجهه كل صباح "
آخد نفس وارجع لمداخلتك هنا حسب التساهيل
والى ذلك الحين اشكرك شكر حار على الشموع التي قمت بإضاءتها هنا
احترامي الاكيد
Post: #36 Title: Re: افضل خدعة بصرية في العالم Author: سمير شيخ ادريس Date: 10-30-2011, 09:00 PM Parent: #35
أين النقطة السوداء ؟
. ابحث عن غزال آخر بين الأغصان
. أبعاد غريبة
( ما عندها أى علاقة بالمدعو صلاح غريبة ) . تحياتى اخت عرفة
Post: #37 Title: Re: افضل خدعة بصرية في العالم Author: عرفة محمد سعيد Date: 10-31-2011, 02:43 AM Parent: #36
Post: #38 Title: Re: افضل خدعة بصرية في العالم Author: Dalal Ezzaldin Date: 10-31-2011, 07:37 AM
يا عرفه صباح الخير والبركات ,,
انترستينج والله في الخدع البصريه دي
ثانك كيو :)
Post: #39 Title: Re: افضل خدعة بصرية في العالم Author: عرفة محمد سعيد Date: 10-31-2011, 02:20 PM Parent: #38
(حسب توقيتنا) صباحك ورد يا دلال
شايفة اللوحة دي يا دلال
غير الخدعة البصرية (فريسة تطاردها مجموعة ذئاب المجموعة نفسها شكلت ذئب بحجم الجبل،) فيها مضامين تانية اعمق واجمل ، انا غايتو الذئب الكبير بحجم الجبل ده اداني احساس انه بيمثل اقدار الحياة وتربصاتها ..
غايتو اللوحة دي بعاين فيها واقول سبحان الله وامشي واجيها تاني
Post: #40 Title: Re: افضل خدعة بصرية في العالم Author: محمد قرشي عباس Date: 10-31-2011, 09:30 PM Parent: #39
الأخت الفضلى / عرفة محمد سعيد أطيب التحايا
شكرا للتقريظ غير المستحق سأتابع معك هذا البوست الجميل و أرفده متى ما توافر الوقت حقا هو مدخل جميل لإدارك تعقد إدراكنا البصري و طريقة تأويلنا للعالم الذي نراه رغم قناعتنا الساذجة بأن "شوف العين" هو كل الحقيقة و لا شيء غير الحقيقة !!
Quote: اول حاجة مشيت قريت البوست (رحلة داخل مخ بشري)
Post: #41 Title: Re: افضل خدعة بصرية في العالم Author: Aymen Tabir Date: 10-31-2011, 11:20 PM Parent: #40
سلام يا عرفه وهابي هلاويين معقوله لكن خليتونا الليل كلو نقوم ونقعد .. بس فكره لذيذه ! نرجع برضو لي كلام اهلنا ونقول : بشوف القلب ما بتشوف العين تحياتي ــــــــــــ تابر
Post: #42 Title: Re: افضل خدعة بصرية في العالم Author: الطيب عبد الرحيم خلف الله Date: 11-01-2011, 08:38 AM Parent: #41
الأخت الكريمة عرفة
خلينا نقلب شوية في بعد آخر من أبعاد الخدعات المصورة، من باب التغيير يعني.
