لو انجزت سودانيز هذا الأمر لكفاها يلا يا شباب يدكم معانا:- بوست موحد

سلام للجميع ..
اهو فردنا يوست منفصل بعيد عن البوست الرئيسي دا :-
زوجة نجل القذافي تعذب شاباً سودانياً بالمكواة والماء المغلي ( صور ) ..

عشان نكسب الزمن و نحاصر المجرمة
الفكرة كما تكرم بها الأخوات و الأخوة في البوست الرئيسي هي أن تترجم هذه الحادثة بلغة
انجليزية رصينة و قانونية و ترسل برقيات لكل منظمات حقوق الانسان العالمية و البريطانية
و أن ترسل نفس البرقية لكل السفارات البريطانية و مخاطبة مكتب حقوق الأنسان داخل السفارات
هذه لان المجرمة مرتكبة الحادثة بريطانية الجنسية و تقريباً الأن تقيم ببريطانية .
يبقي يا جماعة نشرع في الامر و نسرع و نستعيد حق هذا الشاب السوداني و حتى نعلم أننا نستطيع
أن ننجز ما تعجز عنه حكومتنا بخصوص افراد و جماعات شعبنا التى تنتهك انسانيتهم و حقوقهم دون
ان يرمش لها طرف أو تسرع في مساعدتهم .

الشكر
لعوض عكاشه
الكرمبا الخرده
محمود الدقم
الكوتش
ماما دوما
و لكل الناس المصرين انو ما يسكتو و انو لازم الزولة دي تتم ملاحقتها

شكراً و دا ممكن يكون و يكون سريع جداً و ممكن سودانيز اون لاين تكون الخبر الرئيسي و العالمي
في كل الصحف البريطانية و العالمية و في كل محطات الاخبار العالمية .

ويلا لي قدام

و يا محمد الناير ليك اهل و اخوان واخوات ما تشيل هم .

شكرا سفيان

اولا بالتبادى بكرى يخت البوست ده فوووووق

شنو الوصلنا للمرحله الانحنا فيها دي يا صاحبي غير السكات الني

معاك ننادي بالصوت العالي

عدل القصاص وعودة الحقوق

شكرا ليك يا سفيان وشكرا لكل من اهتم بقضية محمد الناير
اؤيد اقتراحك واتمنى ان يتم تصعيد الأمر عبر كل الجهات
القانونية والدبلوماسية حتي يحق الحق و تأخذ هذه المجرمة
جزاءها ..
لقد تحمل محمد الناير الكثير من الأذى على يد اسرة القذافي
وآن اوان القصاص.

Quote: شكرا سفيان اولا بالتبادى بكرى يخت البوست ده فوووووق

برجع تانى وتالت > الموضوع مزعلنى شديييييد

تمام يا سفيان


لي فوووووق

ايد علي ايد تجدع بعيد
ننتظر بيان بالعمل بصياغة مذكرة من القانونيين
سلام سفيان

Quote: تقريباً الأن تقيم ببريطانية

يجب توكيل محامى من اجل رفع قضية ضدة الجانية

فى المحاكم البريطانية اذا تاكد وجودها فى

بريطانيا

شكرا سفيان

سلام للجميع و مرحب بيكم


طيب اول حاجة دايرين لجنة قانونية من اهل المبر

اندهو معاي للأخوة و الأخوات المحامين :-
مني التجاني
ازهري عوض الكريم
احمد موسى
هالة عبد الحليم
حاتم الياس
و البقية

دي مجموعة محامين من اهل المنبر و قصة الشاب برضو متوفرة
بعديها طوالى المترجم المحترم و زميل المنبر الفنان جداً
الأستاذ و الصديق بانقا الياس .

اهو نص المشوار بكون انتهى

يلا يا محامي المنبر
هلموا و لا تتأخروا
القضية اركانها مكتملة صورة وصوت .

Quote: يلا يا محامي المنبر هلموا و لا تتأخروا القضية اركانها مكتملة صورة وصوت .

الاخ سفيان
تحياتي

كلام سليم، اولا محتاجين زي ما قلت لمحامين، ويا ريت لو عندهم خبرة في القانون الدولي
ومحتاجين لزول مستشار في ديوان النائب العام عشان يوضح لينا لو في اي اتفاقيات ثنائية
بين البلدين وطبيعة التحاكم بين افراد شعبها بتكون كيف

ثم ثانيا، محتاجين نعرف اين الاخ محمد الناير واماكن تواجده دائما، في النهاية هو من سيقوم
برفع القضية وفتح البلاغ

ثالثا، العمل دا بكون طوعي، واي زول يكون عارف كده، موش كده بس، اي زول مهتم مفروض يجهز شوية كاش
الاجراءات في الاول ممكن تكون غير مكلفة، لكن لمن تحسب تذكرة سفر ونثريات لمحامي في لندن بتكون شوية صعبة
على الاخ الضحية

والاهم من دا كله، ان نبعد ونمنع اي اتصال بين المجرمة دي ومحمد الناير لانو بكره ممكن ترسل ليهو ظرف فيهو
مليون دولار من اموال الشعب الليبي عشان تسكتوا - هي اصلو داقا فيها حجر دغش - ونفهم الاخ محمد انو ممكن يلقى
تعويض من المحكمة اكتر مما ممكن تعرض هي

واخيرا التسبب في فضيحة دولية لها، وان تظهر هذه الصور والقضية حتى في بوستات بورميانزاونلاين وكوستاريكانزاونلاين

تفكير في الإتجاه الصحيح..
و ما تنسوا الشباب نفسو أكيد محتاج لدعم مكثف (نفسيا و ماديا و خلافه..)

عزيزي سفيان
تحياتي
معكم من اجل بلورة موقف موحدحتي يعود الحق لاصحابه
وحتي لا تتكرر مثل هذه المأساة

مثل وقفتكم هذه تعبر عن الاصالة السودانية الحقة
دمتم

كيف يكون الحال لو ما كنت سودانى واهل الحارة ما أهلى


شكرا سفيان

Quote: شكرا سفيان اولا بالتبادى بكرى يخت البوست ده فوووووق

لقدآم...

Quote: كلام سليم، اولا محتاجين زي ما قلت لمحامين، ويا ريت لو عندهم خبرة في القانون الدولي ومحتاجين لزول مستشار في ديوان النائب العام عشان يوضح لينا لو في اي اتفاقيات ثنائية بين البلدين وطبيعة التحاكم بين افراد شعبها بتكون كيف ثم ثانيا، محتاجين نعرف اين الاخ محمد الناير واماكن تواجده دائما، في النهاية هو من سيقوم برفع القضية وفتح البلاغ ثالثا، العمل دا بكون طوعي، واي زول يكون عارف كده، موش كده بس، اي زول مهتم مفروض يجهز شوية كاش الاجراءات في الاول ممكن تكون غير مكلفة، لكن لمن تحسب تذكرة سفر ونثريات لمحامي في لندن بتكون شوية صعبة على الاخ الضحية والاهم من دا كله، ان نبعد ونمنع اي اتصال بين المجرمة دي ومحمد الناير لانو بكره ممكن ترسل ليهو ظرف فيهو مليون دولار من اموال الشعب الليبي عشان تسكتوا - هي اصلو داقا فيها حجر دغش - ونفهم الاخ محمد انو ممكن يلقى تعويض من المحكمة اكتر مما ممكن تعرض هي واخيرا التسبب في فضيحة دولية لها، وان تظهر هذه الصور والقضية حتى في بوستات بورميانزاونلاين وكوستاريكانزاونلاين

سلام للجميع هنا

وكلامك نجيض يا أحمد ابو نعوف

و انا عندي صديق عندو دكتورة في القانون الدولى و عندو جنسية بريطانية
ومتزوج من بريطانية و مقيمين ومستقرين هنا في السودان دا ح اتوكل طوالي
امشي عليهو و ياريت القى طريقة اسوق معاي محمد الناير .

يلا يا محامي المنبر
القصة دي ما عايزنها تطول
و ممكن نلجى لعمنا و صديقنا و اخونا الاكبر المحامي المحترم نبيل اديب .

يلا يا اهل سودانيز افزعوا الراجل

وخلونا نكون اقويا في استعادة حقوقنا
يلا و انتو بتقولو مع الحق فهذا حق
واضح و بين .

يلا و خلونا نخت اسمنا و اسم موقعنا
في الصحافة و الاخبار العالمية و نطارد
هذه المجرمة و نقتص لاخونا محمد الناير.

هذه المسألة توضح جدية هذا الموقع و اهله.

القضية دي ساهلة فقط تحتاج لجديتنا فيها
و دفعها إلى الأمام.

تمام لي قدام اصلو ما عندنا وزارة خارجيه فلتكن حمله شعبيه

فووق

طيب لو في واحد قدر يختصر الموضوع كلو في صفحة أو صفحة ونص بالعربي و أنا متبرع بالترجمة و بعدها يجي محامي و يعمل تعديل باللغة القانونية.....أو كلنا نعدل لغاية ما نكرب الشغلانية عشان نكرب بيها اللبنانية بنت الهرمة

تحياتي أيها الهمام الصديق سفيان نابري...

خلي يكون في جهد موازي للجهد الفني...ألا وهو الدعم..(مادي...نفسي...لوجستي)..

يعني بالعربي كدا...حددوا لينا مواعين لإيداع مساهمات الناس...

إلى الأمام...ثورة..ثورة...لا تراجع....شدوا الجزذان..

شكرا اخ سفيان وبقية الاخوان، وما ضاع حق وراءه مطالب قط فقط لدي بعض النقاط اود التطرق اليها:
1- قضية مثل قضية الاخ محمد الناير ان وصلت المحاكم البريطانية فانها تحتاج لسنة وربما سنتين او ربما اكثر للبت فيها، فهل الاخ الناير لديه الاستعداد في ان يواصل فيها؟ لانه هو وحده من يحدد الاجابة وليس محاميهة او غيره؟

2- ان كانت الاجابة نعم، فعليه ان يحدد اركان قضيته بالضبط ماذا يريد ومن هم المتهمون؟ هل المتهمة هي زوجة هنيبعل ابن القذافي فقط، ام زوجها ؟ او كل من يشمله التحقيق لاحقا؟احيث من الممكن عادي عندما تسخّن القضية ترسل هذه الالين اسكافي له مظروف فيه بضع مئات الالوف من الدولارات كما اشار احد الاخوان/ في هذه الحالة كيف سيكون وضع حلفاءه الذين تبنو قضتيه وقالوا انهم سيكونوا معاه للنفس الاخير من الروح؟

3-اذا قرر الاخ محمد الناير مواصلة المشوار للاخير، فانه يلزمه قانوني ضليع مُلِم بفزلكات الحياة القانونية ولغة المحامين القانونية ببريطانيا وكيفية سير المعارك القانونية الخ، علي ان يكون المحامي بريطاني الاصل بلندن، وليس سوداني او عربي او افريقي متجنّس وعايش ببريطانيا مع احتراماتي لهم، لا بريطاني اب عن جد،لانو وكما قال المثل (ابونقدح بعرف محل بعضي اخو) والمحامي البريطاني يمتاز دائمابالبرود والصبر والحنكة، ومعظم المحاميين البريطانيين عندما يمسكون قضية فانهم بيهمهم الاول ان يظل الاسم في العلالي فوق، ثم القروش والميديا ثانيا، و لجهة بناء قضية قانونية متكاملة الجوانب فما قراته في الجريدة التي نقلها لنا الاخ عكاشة لوحده ليس كافي بل المطلوب اكثر بكثير مثل:

ا-ادلة تثبث ان السيد محمد الناير كان فعلا يعمل مخدّم لدي الين سكافي وهذه الادلة علي شاكلة ( عقد عمل، فواتير فيها امضاء الين سكاف مخاطب المجني باسمه، او هذا البعل زوجها، صور فوتوغرافية خاصة به داخل القصر من عدة جوانب مع اخرين من العاملين ولاسيما الين سكاف او احد المقربين منها الخ، ارقام تلفونات الخاصة بالقصر او الامكان الاخري التي تنّقل فيها معهم، شهود اثبات مثل بعض اعضاء السفارة السودانية، شهود اخرين، الخ).

لانو ممكن عادي الين سكاف بكرة تنكر وتقول انها لم تري محمد الناير في حياتها قط، او انها راته وهو جريح في المعارك الاخيرة واسعفته واطعمته وسقته بيدها وبعدين قام انقلب ضدها طمعا في مالها لانها بريطانية ثانيا ولبنانية اولا وهو سوداني فقير حالتو صعبة.

4- ايضا يتوجب علي الاخ محمد الناير ان يقوم بتسجيل قضيتة علي اليوتيب مترجمة للانكليزية وعليه ان يراعي التالي:
1-عدم اللجو الي القسم بالله وهو يذكر ماساته، وان يدعم ما يقول بالادلة يعني لو عندو صور قديمة او البوم صور يحاول ان يعرضها في العرض اليوتيبي، وان تكون الاضاءة قوية في غرفة التسجيل حتي تبرز الاجزاء التي احترقت من جسمك بوضوح.
2-ان لا يذكر اسماء الا لها علاقة مباشرة بالقضية مثل قضية الفتاة الحبشية وتداعياتها والصحف السويسرية التي تناولتها.
3-ما يبتسم او يقهق لان ذلك سيفسر بانه كضاب.
4-ما يلمس انفه او يمسح بكلتا يده وجهه كل مرة اثناء السرد فهذا يدل علي الارتباك وانه يخلق قضية فشنك غير مترابطة عطفا علي لغة الجسد.
5- يكون واضحا في قضيته، ماذا يريد؟ من هم المتهمون؟ متي اشتغلت معهم ولماذا لم يهرب؟ وعليه وان يذكر الارقام الاربعة الاخيرة للهواتف النقالة او الثابتة land lines
حتي يتمكن المحققين البريطانيين من استصدار قرار من المحكمة لتتبع كل مكالمات السيدة الين سكاف من والي بريطانيا لخمسة او ستة او عشرة سنوات مضتت.
6- عليه ان يعجّل في اتخاذ قراره ضد قضتيه هذه وان يذهب الي محامي سوداني ملم بالانجليزية كي يتواصل مع السفارة البريطانية ويتم فتح القضية، لان السيدة الين سكافي تقريبا مقيمة الان بلندن او هكذا اعتقد فانها لن تجروء ان تستقر في بلد عربي خوفا من الثوار ان يلاحقونها بصفتها زوجة ابن القذافي لذلك فهي ستحتمي ببريطانيا كونها تحمل جواز بريطاني علي ذمة صحيفة الدار.
7-لو وصل الامر لبرنامج بانوراما التي تبثه البي بي سي كل يوم اثنين فان الين انخربت واطتها تماما فوقاني تحتاني.
8- المتهم بريء حتي تثبت ادانته قضائيا، وممكن بكل بساطة الين اسكاف تكوني داهية وتكسب القضية ضدك محمد الناير وتدعي انها لم تعرفك ولم تراك في حياتها قط، لذا احشد اكبر عدد من الادلة والصور والرسائل النصية في الموبايل الخ.

-اخير وكما قال احد الاخوان تعاطفنا معك اخ محمد الناير لا نريد منك فلسا او درهما او اي مبلغ من المال بل نريد منك ان تسترد حقوقك وكرامتك المهدرة من الذي ظلمك لكن عن طريق القانون لا شيء سوي القانون، وبعد ان ننهي قضيتك معها سوف نفتح طوالي قضية الفتاة الحبشية المشوهة مع الين سكاف ودائما بواسطة الميديا البريطانية والمنظمات الحقوقية والقانونية والقانون يقول كلمته يا هي برة يا هي في عش الدبابير.

في الإتجاه الصحيح ...





شكرا سفيان ..

الدغيم قال كلام علمي لازم يؤخذ ماخذ الجد دي قضيه دايره نفس طويل . يا سفيان شوف محمد الناير وين واقعد معاهو شوف المستندات المعاهو وانشره في الحوش بعد داك الزملاء ممكن اتحركوا بثقه

مرحب بيك اخ هجو كعضو جديد بالمنبر والموضوع انساني فقط اي ادلة او وثائق بتعتبر مسالة خاصة فقط عليه ان يعرضها علي محاميه الخاص به او الناس العايزين يساعدوا في القضية، يعني الاخ ما يكشف اوراقه الا في الساحة القضائية فقط، واهلا بك مرة اخري. وشاكرا لك كلماتك الرقيقات.

سلام يا دقم سلام يا هجو

ويا القدم 10 على 10
و نجيييض و بتعرف تجيه الحاجات و واضح الحقانية في كلامك
و واضح انك حريص على القضية دي .
و اهو الحريص عليها ما بنط كلامك دا ابداً .

تمام يا دقم عُلم ويفاد .

يلا يا ناس لي قدام .

الأخ سفيان
شكرا على هذا البوست
سنقوم بالازمه من نشر وتاليب.

معا حتي يقتص من هذه المجرمه
شكرا سفيان

فووووووووووق

معا من اجل الناير

فوق

يديك العافية يا سفيان


فوق

سلام سفيان


البداية كدا صح

سفيان ياحبيب....سلام

كلام زى الدهب..
الظلم هو الظلم لايتجزأ..
وليظل البوست عالياً حتى الاقتصاص،،،

http://www.sudaneseonline.com/cgi-bin/esdb/2b...rd=12&msg=1319928557

Quote: يلا يا محامي المنبر هلموا و لا تتأخروا القضية اركانها مكتملة صورة وصوت

up

الفاضل سفيان
شكرا لك لتصديك لهذا الامر.



وشكرا لكل من مر ودعم ومعا جميعا من اجل الناير.

لكن لدي ملاحظات.

اولا العنوان مضلل لذا لم تجد من بريطانيا كثيرين دخلوا البوست وكثر خير نزار يوسف فقط.



بينما اهل برطيانيا هم الجلد و الرسا على فكره الي جانب الناير.

اكتب لك بوست ثاني به كلمه تلفت القراء ايضا حتى غير الاعضاء.

يعني مثلا لعناية السودانين الانلجيز.....الخ.


ثانيا:
ارشح الاخ عادل عثمان
فهو ماشاء الله له قدرات عجيبه لتجميع المعلومات ايا كانت
من اين هي الين هذه الآن لموقف القانون الانلجيزي.



مع تقديري للمحامين الذكرتهم
الا اني افضل من له المام بالقانون الانلجيزي تحديدا.

ثالثا:
اترك ايمليك فاحيانا القراء افيد من العضويه نفسها.
لذا ضروري تشير للقطر (بريطانيا) عادة كل قاطنيه حيطالعوا البوست.



وابحث عن الناير اولا
وكل القالوا لدقم ده ممتاز بخصوص التصوير
اغلب فيدوهات السودانين غير معبره بما يكفي!


ومعا من اجل الحق ونصرة ابننا الناير.

Quote: ا-ادلة تثبث ان السيد محمد الناير كان فعلا يعمل مخدّم لدي الين سكافي وهذه الادلة علي شاكلة ( عقد عمل، فواتير فيها امضاء الين سكاف مخاطب المجني باسمه، او هذا البعل زوجها، صور فوتوغرافية خاصة به داخل القصر من عدة جوانب مع اخرين من العاملين ولاسيما الين سكاف او احد المقربين منها الخ، ارقام تلفونات الخاصة بالقصر او الامكان الاخري التي تنّقل فيها معهم، شهود اثبات مثل بعض اعضاء السفارة السودانية، شهود اخرين، الخ).

سلام الاخ سفيان

دي نقطة مهمة جدا ، تسلم الدقم.


معنا لنصرة الناير.

سلام يا جماعة
و يا تراجي كلامك صاح ومهم جداً
و نقاطك مهمة خالص و حنعمل بيها.

يادقم مجهودك مية المية و مفيد

و فعلاً يا بت أبو السيد النقطة دي
مهمة جداً جداً .


يا جماعة أنا لي كم يوم عايز القى لي طريقة الم في محمد الناير
فعليكم الله ساعدوني لانو لمى الاقيهو في حاجات كتيرة حتوضح .


ود أيملي للناس البرا المنبر :-
[email protected]

شكرا ياسفيات علي الاهتمام

وبالنسبه لموضوع التصوير

التكليف موجه طوالي للاستاذه نجلاء سيد احمد
فهي علي الدوام مبادره وصاحبه العمل الميداني


ودي

معاكم والله الحقارة ما بنرضاها
فووووووق

CNN reporter didn’t expect the horror and brutality of this kind in one of Gaddafi’s son Hannibal lavish beachfront house in Tripoli while he and his crew filming the excessive life style of Hannibal and his wife, the former Lebanese model, Aline Skaf.

The following is how CNN international correspondent Dan Rivers found Ethiopian Shweyga Mullah and her story .


Shweyga Mullah been the nanny to Hannibal’s little son and daughter.
As we were about to leave, one of the staff told us there was a nanny who worked for Hannibal Gadhafi who might speak to us. He said she’d been burnt by Hannibal’s wife, Aline.

I thought he meant perhaps a cigarette stubbed out on her arm. Nothing
prepared me for the moment I walked into the room to see Shweyga
Mullah.

At first I thought she was wearing a hat and something over her face.
Then the awful realization dawned that her entire scalp and face were
covered in red wounds and scabs, a mosaic of injuries that rendered
her face into a grotesque patchwork.

قصة الإثيوبية (شيجا موالا) التي حكاها محمد الناير تصل لل CNN (توجد صور