إستمـــــــــــاااع

ومش أيِ إستماع
براااااااااحة وقولو وين راحت نفسياتكم ؟










_______________________________________________________
ولأن التسجيل أصلاً ليس نقي بس ممكن تعوضو بالسماعات الخارجية
المقدمة الموسيقية طويلة شوية إتحملوها
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

عمـــران

كيفك يا حبيب ...
يطرشني كان سمعته حاجه
الا راجي تلفونك يااااخ

تحياتي

انعل ابو الجمكسين ذاتو
يا قريبي دة ما شاكوش رسمي

طارق جبرين
قلنا إستماع هاااادي وما عليكـ من الجمكسين

البشاري
إنت بس أفتح البوست ده في صفحة براهو وامشي شوف ليكـ موضوع ثقافي وبعد شوية حا تجيكـ المزيييييكة دافرة :)







________________
تلفوني جاييكـ جاييكـ

مفتاح الصورة :
الخضرة معاها دعاء للمرحوم الخالدي ، ربنا يخدر قبرو
والوردة الحمراء لمن إرتاحت نفسيته قليلاً بعد الإستماع الهادي للكلمات والموسيقى وصوت الخالدي دون الإلتفات للقصة
والعلبة جواها هدية لكل مستمع جيِد

اللهم يا مولاي تعدلا على عمران ود حسن صالح شقيش ما قبَّل..
اللهم خدِّر ضراعو وأدِم ربيع قلبه وانعدال مزاجه..
اللهم إن لم يكن يبتغي تنزيل لينك الحفظ فاهده إلى إيميلي - وهو معه- وسهِّل عليه الأتاتشمنت..
اللهم أنت أدرى بالحال فاغننا عن مذلة السؤال ..
اللهم أنت أدرى بأدواء السنترال نيرفس سيستم والأعصاب الطرفيه فجد علينا بالدواء..
اللهم يا مبعِّد الثقوب السوداء ومقرِّب القلوب البيضاء إرتق ما انفتق من غشاء التامور..
اللهم قرِّب إليه ودجبرين وأمازيغ تطوان ومركبَّات الجمكسين..
اللهم زد في لياليه الملاح بين تزغارت ورهط المعلومة بنت الميداح ..
اللهم أنعم عليه بعافية لاتغادر سقما..
اللهم إنك تعلم أني لا أبتغي تكسير التلج بس مبسوط منو بسطة العفيف لا الشريف..
وآخر الدعاء إن شالله ما يحصل فراق لقلوب بعد يتولفوا..

آمين

_

شوف يا عمران هوي..
(أقول ليك الكلام الجد وما أنا بالكلام هازل..)
ظللت ردحا أجتر جميل اللحون وجليل الشعر والحناجر المكهرِبة..
في هذه الليلة أدخلتني مدارا جديدا لاأود وصفه طلبا للستر..
الخالدي وهاشم ميرغني ووحشتي وغربتي ؟؟

عمران سمعتني؟

دا كلو من حيدر محجوب..

إن شالله يا (جني) ربنا يسامحك ..

على الأقل كنت بنوم بدري..

عمران سامعني؟

إنا لله
طالما جئت أنا ليلاً
وجاء ود المرتضى ليلاً
فالأولى أن آتيكـ ليلاً أنا أيضاً
:)

الدنيا جمعة والدعاء ده أكيد قابل ليهو ملك مساهر
خليني أشوف واجبات الجمعة دي
أول أيام ذي الحجة المباركات
وأجيكـ تاااااااااااني
:)

شكرا عمران كان مبدعا وانسانا رحمه الله رحمة واسعة

وجعل قبرة روضه من رياض الجنة

اخي عمران ادركوا الحوت !!!شاهدته قبل يومين في تلفزيون السودان وهو يغني

لمهرجان الموسيقي !!! يغني بصعوبه ويخرج الاهات والانات بصعوبة شكله منهك

ومتعب ومتورم تحت العينين !!شئ محزن للغاية والله حزنت حزن عليه.. ادركوه قبل فوات الاوان

محمود محتاج مساعدة ياناس ..محمود فنان نادر ..صوت امتلك قلوب كل محبيه ومعجبيه

انا اعرفك اخي عمران خلال سودانيزاونلاين وانك رجل محب للموسيقي والفن الجميل الاصيل

اتمني ان تحرك من تعرفه في السودان لمساعدة الحوت ..الحوت يغرق ياعمران ....

دمت ودامت معك العافيه

وقعت وما (حدِش سمَى عليا ) :)
...
الزول السمح مولانـا ود المرتضى ،
الكلام غلبني ،
رغم إنو الليل جاء ! .
( نقطة سطر جديد)
...
تعرف يا مولانا
زمان ربكـ ختاني في جنةٍ ما ،
في مكانٍ ما بشرق السودان (الكان) !
محل بتلاقو فيهو نهري باسلام وسيتيت .( مُقرن آخــر )
فوق القيفة بنو حِلَة ،
وفوق قيفة الحِلَة ،
كُنَا ساكنين .

قرية جميلة
السماء فيها قريبة جداً بداية من شهر ابريل
سحابتين صُغار بيتكاثروا انشطارياً ويكبوا مطرة تغرِق أبو آدم والأحياء المجاورة
الناس الكانو بينتظروا صلاة العشاء عشان ينومو بيكونوا جالسين في الكراسي بس ! والونسة شغااااااااااالة
والعود شغَااااااااااال
ودندنة اصحاب الزمن الخريفي داكـ .

الكلام ده :
في نص الحوش السورو (صرِيف) !!
والسراير مفرَشة من المغرب
وملاياتها بااااااردة
وتجي تخت السماعة فوق الإضنين ،
بعد صليت طبعاً :)
وتواصل تسمع ، برضو بالعود
دندنات زيدان ، ومصطفى وعثمان حسين
و
هاشم ميرغني .
والقمرَة نورها يكفي لإجراء عملية دقيقة .
متحكٍرة في نص السماء
والغُنى شغال
يا عزارى الحي
وعييييييييييييييييييكـ يا أحلام
وإبتسام
ونفس طالع ونفس نازل دون شخير
وصُبحاً ملان لقيمات قبل الشمس تطلع
والعيون بياضة ناصع من
الهمبريب ،
والغُنى ،
والنووووووووووومة .
.
.
.














_______________
داخل الموضوع : دي المرَة الكم كدة ما عارف !!
أردد النضمي الفوق ده
وبرضو ما مليتو
عليكـ الله يا مولانا أقراهو زي الكأنو ونسة وحا تحس بيهو زي إحساسكـ بالثنائي المدهش ده
الخالدي وهاشم

ابومحمد اختيار جميل وحاجات بتهدى الاعصاب بجد

الأرباب ود المحرب
إنت ما زول سمِح ياخي
شوف مولانا الجميل قال شنو ؟
خليهو يحنِس شوية
عشان يجي يتاوق كل مرة ويسمعه هنا
يمكن يحكي شوية
الزول حكاااااااااااااااااااااياً :)









___________________
لكن في النهاية ياني المنزِل رابط الحفظ

سمح الغنا فى خشم سيدو
الله يرحمك يا الفنان هاشم ميرغنى

يا محمد زكريا لا اتفق طبعاً معاكـ رغم إن الحكاية هنا إستماع
واستماع فقط
كمان لامن بتكون بتحب تسمع لإتنين زي الخالدي وهاشم ما بتدي نفسك فرصة إنكـ تقارن
ويمكن ما تتذكر الحاجة دي
لكن برضو في كلام تاني
كدي أسمع مثلاً الأستاذ الخيال ود الأمين بيغني جاني طيف طائف
وحاول قول سمح الغنا في خشم سيدو :) :)






___________________
شكلك سمعتها بسماعات الكمبيوتر

يا شمَت أدركو الحوت دي بردده معاك والله من جوة قلبي للزول الغناي ده
ربنا يوفق (القُراب ) يلحقوهو

حبيب البي

جمعتك مباركة

وايامك زاهيات

ولياليك جميلة

عليك الله العاء بتاع محمد المرتضي ده

كررو مرتين.... مرة من ...ومره مني

تحياتي

Quote: كررو مرتين

لووووووووووووووووول
خلاص إتنفست بعد عصرة(الوطني) قلته تهدي شوية










_______________
دعاء مولانا حقو براهو ، شوف ليكـ دعاء كارب جديد ويصلكـ الرابط

عمران شنو... تقهقهرت يا حبيب



مالك عينا يازوول

يا عمران،

(حان الزفاف ) إنفجرت في منتصف سبعينيات القرن الماضي ولم نكن وقتها نعرف
ما يعنيه الشاكوش الإنجليزي من ماركة Black & Decker ودا يا عمران ، كما
عرفنا بعدما بقينا شباب ، ضربه واحده منو تكفي لإحداث أثر في المتلقي لايقل
عن أثر غاز الخردل. عموما كانت الإذاعة تبث تلك الأغنية بانتظام والحمد لله كانت
المحاليل الوريدية متوفرة ومصلحة الإمدادت الطبية شايفا شغلها وإلا لقضى
معظم الشباب بسبب نقص السوائل ، عارف يا عمران معظم شباب ذلك الزمن كانوا
بكايين ، أي فيلم هندي كمذر إنديا أي أغنية زي دي وزي في الليله ديك أي ..
الخ تلاقي النخجي* شغال .
هسه البكا زاتو بقى مافي وكان عايز تجامل إلا تتسلَّف دمعه..



--
*
حق الملكية الفكرية محفوظ لودجبرين رد الله غربته.

ات يا عمران غيرت ولا شنو انا سامع لى نتحى فى الاغنبه دى

عمران يا شفيف

والله الهلال ما محظوظ ابداً
تصدق لو نزلت شغلك ده قبل واقعة الترجى
لدعوت لك من (حميراء) الفؤاد..(ودى على وزن سويداء..)
بتأهل الهلال وبلوغه النهائى..
تحياتى لكل المريخاب من حولك ولهم باقات من ازاهير
اما انت تسلم ياخى،،،

Quote: والله الهلال ما محظوظ ابداً تصدق لو نزلت شغلك ده قبل واقعة الترجى لدعوت لك من (حميراء) الفؤاد..(ودى على وزن سويداء..) بتأهل الهلال وبلوغه النهائى.. تحياتى لكل المريخاب من حولك ولهم باقات من ازاهير

انت ما تزور مسادير ود البشرى " بتاعة جمعة الهروب " وتمشي تغالط هناكـ

Quote: لكن في النهاية ياني المنزِل رابط الحفظ

ااي يأك .. نزلو ساااااي يا الحبيب





.........
هسي نسمع ولا نقرا لمحمد المرتضي ؟ ما تقدر تفرز عسل الاستماع من شهد القرايه

Quote: انا سامع لى نتحى فى الاغنبه دى

قالوا البعيش الدنيا ياما تشوِّفو..

عمران ..

ياخ إنت وصحابك وقرايبك ، كل سنه وانتو طيبين ..

العفو والعافيه ..

يا صاحبي
الكلام لمن تحب وتحترم له مزاج دائماً مُختلف
وله وقت دائماً مختلف
وله لغة دائماً مختلفة
لم يأتي ذلكـ المساء العايز فيهو الونسة تكون ( ياها )
أرض نجد بها أيضاً رحلات بحث مضنية
بطول كيلومتراتها وإِشاراتها الكثيرة ويومها الذي يتعدى الثلاثون ساعة
ولا يكفي لرحلة البحث عن الخروف فقط
ده طبعاً بعد رحلة البحث عن حق الخروف زاتو
...



ويا أصحاب السمع
لكم العُتبى
وضغطة صغيرة فوق علامة الـــ Pause ( الفوق الشِبه مدسوسة دي ) بـ زر الماوس الأيمن وSave video as
وشيل العدة لكمبيوتركـ :)

يا عمران،

عشان تآمن إنو ما شغال..

ياخ الإيميل ..

يا ساريه ..

الجبل ..

ولا يهمكـ يا ريس
صدقني ما عارفو وقف متين وليه
http://www.4shared.com/audio/lC8qikht/___.html?