Post: #1
Title: كفاية .. كفاية
Author: المكاشفي الخضر الطاهر
Date: 10-27-2011, 08:33 PM
عوض الجاز
عبد الرحيم محمد حسين
كمال عبد اللطيف
بكري حسن صالح
المعتصم عبد اللرحيم
على كرتي
مصطفى عثمان إسماعيل
على محمود
نريدوجوه جديدة ذات افكار جديدة يكون خدمة المواطن المسكين من اولوايتها
نريد وزراء يهتمون بمشاكل الفقراء والمساكين قبل التنمية
نريد وزراء جدد يعملون لصالح الفقراء والمساكين ولا يعملون لمصالحهم الشخصية
نريد وزراء جدد يحققون حلم مجانية العلاج ومجانية التعليم
نريد وزراء جدد يلبون تطلعات هذا الشعب الذي وثق فيهم وأنتخبهم نواب عنه ويحققوا مطالب الناخبين ويعملون على رفع الضائقة المعيشية التى المت بالبلاد
نريد دماء جديدة نريد عقول جديدة
السودان في نظري لم يتقدم بل تقهقرة ورجع للوراء واصبحنا لا ندري اين تكمن المشكلة
بلد يريد يريد له ساستنا ان تحدث فيه تنمية و ان ترفع الضائقة المعيشية عنه لا يستقيمان
مجنون ليبيا الله أحدث تنمية في ليبا من العدم صحراء وحجارة وجبال واشجار الى جنة
اليابان ايضا حجارة وجبال وجليد الى اقوى اقتصاد وبدون موارد
أما نحن يؤسفني ان اقول انه لا تنمية ولا عيش كريم كل يوم الاسعار ترتفع والمرتب في محله لم يزد ابدا وساستنا سادين دي بي طينة ودي بعجينة والله يرحم من يصلح
|
Post: #2
Title: Re: كفاية .. كفاية
Author: عمار عبدالله عبدالرحمن
Date: 10-27-2011, 11:22 PM
Parent: #1
نسيت اهم واحد يا شيخنا البشير
|
Post: #3
Title: Re: كفاية .. كفاية
Author: Yassir Tayfour
Date: 10-27-2011, 11:35 PM
Parent: #2
يا عمار
كتّر خيرو على الذكرهم ؛)
___
كلنا معك يا شيخ المكاشفي: كفاية كفاية
|
Post: #4
Title: Re: كفاية .. كفاية
Author: عبدالكريم الامين احمد
Date: 10-27-2011, 11:44 PM
Parent: #3
شيخي المكاشفي معارضتو زي السطلة بسيجارة (بكرت)
وبتفك وفجاة كده بتربط...
الي الامام
الي الامام يا مكش
ثورة ثورة
|
Post: #5
Title: Re: كفاية .. كفاية
Author: محمد المسلمي
Date: 10-28-2011, 03:21 AM
Parent: #4
الشيخ المكاشفي والأخوة المتداخلون نقول كفاية كفاية. وذكرتني قصة ودابوسن( زار الحاكم العام الناظر ودابوسن ناظر قبيلة الشكرية وبعد ان تناول الحاكم العام الغداء مع ود أبوسن قال له طلباتك قال ليهو غير لينا مدير المديرية قال له مالوا حرامي فقال ودابوسن طول ساهي)
|
Post: #6
Title: Re: كفاية .. كفاية
Author: تبارك شيخ الدين جبريل
Date: 10-28-2011, 03:25 AM
Parent: #5
انا قريت "كفاية .. كفاية" ... قلت ادخل اشوف آخر اخبار "الكاسيات العاريات" شنو ...
... المهم ...
|
Post: #7
Title: Re: كفاية .. كفاية
Author: معاوية عبيد الصائم
Date: 10-28-2011, 03:32 AM
Parent: #6
مكاشفى القوم انعل الشيطان واستغفر واستخير وما تستعجل ..اديهم فرصة ياخ ....
لو سمحت لو عندك مايثبت انو الملاريا كانت طالع فى الراس اثناء كتابة العريضة
دى حقو تختها بدرى بدرى ...
رغم انى شاكى انو امس هكروا ليك عضة الحولية ..وختوا ليك مصيبة ..على علاقة
بالموقف ده ..
لعن الله الطابور الخامس المتلح ..مكاشفى القوم فى كل بكان والمسالة حصلت تهكير اللسان
شوف زى ياسر طيفور وتبارك ديل ..فك دربهم ....لانو ...ناس واصلين وولاد شيوخ ولهم سوابق
فى تهكير .الالسنة...من على البعد...وعندهم راة فى الحوليات ..لاحولا الله
|
Post: #9
Title: Re: كفاية .. كفاية
Author: المكاشفي الخضر الطاهر
Date: 10-28-2011, 08:27 AM
Parent: #3
ياسر ابو تفة
صاحبي زمان . متشعلقين وكدا
شنو ليك كمين يوم مختفي البرد نزل في كندا ولا شنو
كتر خيرك انت
كيكي
يا كوز لكن ما شاء الله لقيتك خطير في انواع السجائر .. طبعا اخوك يا كيكي بيعرف انواع كثيرة من الخمور وأجودها وذلك من باب معرفة الشيء ولا الجهل به ... لكن السجارات ديل صدقني مسطح فيهم وما بعرف فيهم حاجة ..
محمد المسلمي
أخبارك ؟
زمان يا محمد اللاعب المصري بيكون في الاهلي ولا الزمالك اكثر من سبعة سنة ولاعبيننا هنا الواحد سنة واحدة يا سنتين عشان كدا التجديدي مطلوب والتغيير مطلوب عله يحدث حراك .. ولا شنو ؟
تبارك
الله يسامحك انا كمان بجيب اخبار الكاسيات العاريات .. ديل يا خوي بتلقاهن عند ود الصائم المطرطش دا عزمتو للحولية وابى يجي شوف الزول دا خائف من هدية المداح
معاوية عبيد الصائم
لعلك بخير وكيف الحج والحجاج السنة دقت في العارضة اكتا داير اعمل ليك وجع لكن السنة الجاية
قلت لي تبارك المسنوح دا نفك دربو ؟ لكن تانب وين من نعاتبه يا اخي تبارك وابو تفة ديل فاكهة البورض دا ( انتو البورض بالدال ولا بالضاض ) اقصد الضاد
|
Post: #8
Title: Re: كفاية .. كفاية
Author: المكاشفي الخضر الطاهر
Date: 10-28-2011, 08:14 AM
Parent: #2
Quote:
نسيت اهم واحد يا شيخنا البشير |
عمار
انت النسيت .. دا منتخب من الشعب .. لكن الكلام الوزراء ديل ... يعني في الدستور ما بشيلو إلا قانون طواري ولا الدستور ولا (( الشعب الإنتخبو)) ..فأفهم ذلك فإنه نفيس ولا يوجد في الكتب
|
|