Post: #1 Title: فضيحة في ستاد عطبرة ... Author: محمد البشرى الخضر Date: 10-27-2011, 06:21 PM
لايف على قناة قوون اثناء الشوط التاني من مباراة الهلال و الامل حدث شغب من جمهور الامل فاطلقت الشرطة الغاز المسيل للدموع لتفريق الجمهور الغاضب استمر اللعب لأكثر من خمسة دقائق و الغاز منتشر على المدرجات و الملعب به عدد من رجال الشرطة و الغريبة الحكم عينو للبوليس جوة الملعب وما وقف الكورة وشامي ريحة البمبان وما وقف الكورة إلا المعز طلع الكورة في الآوت و كورك للحكم حتى واللعب وقف واظنو ما صفر زاتو اللعيبة وقفو براهم
Post: #2 Title: Re: فضيحة في ستاد عطبرة ... Author: محمد البشرى الخضر Date: 10-27-2011, 06:36 PM Parent: #1
لا يحدث إلا في السودان!!!
بعد البنبان و الشكل و القايمة الرابطة دي كلها استأنف الحكم المباراة عادي
هوي ياودالبشري ,, كل شئ ولا اهلي ديل. قالوا مبيوعة ,, صحي الكلام ده.
Post: #3 Title: Re: فضيحة في ستاد عطبرة ... Author: Al Sunda Date: 10-27-2011, 06:39 PM Parent: #1
ود البشرى الحكم عايز يخلص باي طريقة
لكن هي فضيحة لعطبرة ولا لقوووووون الماقادرة تفصل الارسال وتبث حاجات زي دي على الهوا( يكونو معارضة ولا شنو؟) بالمناسبة عنوان بوست حميدة اخطر (مفهوم سياسي) وقد كتي تحت عنوان اطلاق الغاز علي جماهير عطبرة .. مبروك الهدف الرابع
Post: #5 Title: Re: فضيحة في ستاد عطبرة ... Author: محمد البشرى الخضر Date: 10-27-2011, 06:45 PM Parent: #3
عاد يا فاضلابي انت في امريكا وانا في الامارات و الكورة في عطبرة , كان مبيوعة ولا تمتامة اعرفها ليك كيف
سندا و الله الفضيحة لكل شي للجمهور وللبوليس وللاستاد - شفت منظر ال######## - و للحكم وللجنة المنظمة ولقوون ولي انا زاتي البتابع في العواليق ديل
اضحك الله سنك ياهندسة .. دي ضحكة جاتني بدون تأشيرة او لوتري ,,
Quote: سندا و الله الفضيحة لكل شي للجمهور وللبوليس وللاستاد - شفت منظر ال######## - و للحكم وللجنة المنظمة ولقوون ولي انا زاتي البتابع في العواليق ديل
والله كلامك صاح ياهندسة .. الكورة السودانية ترفع الـ دَغِتْ. ـــــــــــــــــــــــــــــ ياخ قبل لا انسي ,, زمان زمن الهكر الـ عذِّب بكري داك. لمحتك في بوست كتبت انو في زول اسمو عبدالعزيز كتب ليك كلام مارضَّاك ,,, بس عاوز اوكد ليك انو ده ما انا ,, لاني في الزمن داك ماكنت قادر ادخل البورد لوكت طويل,, وحتي لو كنت قادر ادخل حاشا ان ازعلك .. انت ليك محبة كبيرة في نفسي رغم اني ماشفتك,, لكن كتابتك تخبر عن معدنك الطيب ,, ده مجرد توضيح لانها المسألة هاماني الزمن ده كلو ولو زول غيرك كان تخنت جلدي.
Post: #7 Title: Re: فضيحة في ستاد عطبرة ... Author: محمد البشرى الخضر Date: 10-27-2011, 07:12 PM Parent: #6
يا فاضلابي ياخي ماتبالغ معقول ياخ انا مابفرزك من عزيز عيسى ولا منو داك ثم ياخي كان كتبت لي كلام ما رضاني لأي سبب كان بلقى ليك بدل العذر سبعين انت اخ وحبيب الله يديك العافية ويديم المحبة فيه
المتسبب في تفاقم الاحداث بي الصوره الماساويه دي رجال الشرطه ..بمبمان بمبان من قوله تيت ! لا خراطيش مويه ولا عصي كانهم بتعاملو مع غذاه ! نفس الاحداث دي اتسببت فيها الشرطه في استاد شندي قبل فتره.. الطفلة المسكينه دي لو حصل ليها حاجه مسؤوليه منو ؟
والاتحاد الدولى يا معاويه مانع تماما استخدام البمبان فى ملاعب كرة القدم حاجه تكسف
Post: #11 Title: Re: فضيحة في ستاد عطبرة ... Author: mohmed khalail Date: 10-28-2011, 06:12 AM Parent: #10
Quote: كان مبيوعة ولا تمتامة اعرفها ليك كيف
لووووووووووووووووووووووووولز
قوية يا ابوحتحوت ...
تحذير
احذر الهلالابي اذا افلس.
Post: #12 Title: Re: فضيحة في ستاد عطبرة ... Author: ايهاب الطيب بله Date: 10-28-2011, 08:16 AM Parent: #11
البوليس بالغ عديل كده من جوه الملعب اطلق الغاز المسيل للدموع ده شرطة شنو ولصالح منو اطلق الغاز المسيل للدموع وهناك تصريح من جمال حسن سعيد ان الشرطة هي السبب في افساد المباراة