Post: #1
Title: واخيرا ظهر عيسي بن مريم السوداني (صورة).
Author: محمود الدقم
Date: 10-26-2011, 10:55 AM
Parent: #0
السودان بلد الف قصة وقصة اخيرا ظهر لنا السيد عيسي بن مريم السوداني الذي سوف يملاء الارض عدلا وسلاما بعد ان ملئت ظلما وجورا، فقط اتباعه لديهم عيب بسيط جدا هو انهم محششين او ضبطت الشرطة في جيوبهم قطع حشيش، قمة العطالة والبطالة والسفاهة ان يدعي احدهم انه عيسي بن مريم هكذا سيلقة، انهم الانبياء الكذبة بلا حدود. المهم نترك لكم التعليقات، اما صورة صويحبنا ادناه مصدرها جريدة الصحافة:
|
Post: #2
Title: Re: واخيرا ظهر عيسي بن مريم السوداني (صورة).
Author: محمود الدقم
Date: 10-26-2011, 11:03 AM
Parent: #1
Quote: بدء محاكمة رجل ادعى أنه المسيح و(17) من أتباعه
الخرطوم: سلمى آدم:
بدأت محكمة جنايات الازهري امس الاول ، برئاسة القاضي الدكتور محمد الطيب سرور، اولى جلساتها لمحاكمة رجل ادعى انه المسيح عيسى بن مريم و (17) من اتباعه اغلبهم من الشباب بينهم اساتذة ثانوي ومهندس معماري.
وقال المتحري ملازم شرطة الحاج محمد، ان فريقا من شرطة الازهري تحرك لتمشيط المنطقة من عصابات ال(.........)ز، ووجد مجموعة من الشباب بالميدان وبتفتيشهم عثر بحوزتهم على قطعة حشيش وتم اقتيادهم الى قسم الشرطة، وبالتحري معهم ذكروا أنهم يتبعون لعيسى المسيح، وارشدوا لمنزله ليتم القبض عليه وضبط بحوزته منشورات وباستجوابه بمحضر التحري قال ان اسمه سليمان ابو القاسم موسى، نزل من السماء روحا في رحم امرأة اسمها دارالسلام محمد، وهي من اهل بيت النبي الكريم محمد،ولكن بمرور الزمن اتضح له بأنه ليس لديه اب ولا جد وله ام وانه عيسى عليه ?لسلام، وان الله عز وجل في العام 1981م، قال له بلغ الناس وبدأ دعوته في سجن نيالا في نفس العام الذي بلغ فيه .
واضاف أن الرسول الكريم جاء اليه وجمع الاولياء والصالحين وامره ان يؤمهم لكنه وقف لأن النبي معهم ،
وقال مدعي المسيح انه جاء الى الخرطوم وعقدت له مناظرة مع الشيخ حسن عبدالجبار والشيخ حسن حامد، لكنهما لم يتوصلا معه إلى شيء، وذلك بأنه يصلي صلاة الجمعة بمنزله ولا يصلي خلف امام في المساجد وله موقع في الانترنت.
وذكر المتحري في اقواله أن جميع المتهمين عند استجوابهم قالوا بأنهم يؤمنون ايمانا قاطعا بأنه المسيح عليه السلام والمهدي المنتظر وخليفة الرسول صلى الله عليه وسلم، وان العلامات الموجودة به من ثقل في الكلام واسمرار اللون وانه من السودان، تؤكد صحة ما جاء به ، ولا يصلون الا خلفه..
اما المتهم السادس عشر، فقد ذكر بأنه سوف يؤدي دور خالد بن الوليد ويقود جيش المسيح عليه السلام ولديهم اتباع عددهم (480) شخصا، وان علماء الدين بالسودان علماء سلطة وانه التقى بأسامة بن لادن في منطقة سوبا.
وبتلاوة اقوالهم بمحضر التحري، اقروا بها ما عدا المتهم السابع عشرالذي انكر اتباعه له.وقدم المتحري (30) مستند اتهام عبارة عن سلسلة منشورات لعيسى المسيح بعناوين مختلفة ،منها ان شعب السودان سيقود العالم بالاسلام ،وان سليمان هو المهدي القادم، وحددت المحكمة الخميس لسماع شهود الاتهام.
الصحافة |
|
Post: #3
Title: Re: واخيرا ظهر عيسي بن مريم السوداني (صورة).
Author: فايزودالقاضي
Date: 10-26-2011, 11:03 AM
Parent: #1
محمود ..سلام ..
وانت كيف عرفته كذاب وماهو المسيح ؟!!!
زول بقول كلام زي ده ماسفيه ولا كذاب ياالدقم ..
|
Post: #4
Title: Re: واخيرا ظهر عيسي بن مريم السوداني (صورة).
Author: يوسف الدفينة
Date: 10-26-2011, 11:10 AM
Parent: #3
Quote: ..وبتلاوة اقوالهم بمحضر التحري، اقروا بها ما عدا المتهم السابع عشرالذي انكر اتباعه له.وقدم المتحري (30) مستند اتهام عبارة عن سلسلة منشورات لعيسى المسيح بعناوين مختلفة ،منها ان شعب السودان سيقود العالم بالاسلام ،وان سليمان هو المهدي القادم، وحددت المحكمة الخميس لسماع شهود الاتهام.
.. |
الحمد لله ناس الحكومة ما آمنوا بي الفكرة دي ...
|
Post: #7
Title: Re: واخيرا ظهر عيسي بن مريم السوداني (صورة).
Author: كمال ادريس
Date: 10-26-2011, 11:18 AM
Parent: #4
Quote: وانت كيف عرفته كذاب وماهو المسيح ؟!!!
زول بقول كلام زي ده ماسفيه ولا كذاب ياالدقم .. |
لولا ايماني بتوجهات آل كنتيباي المستمدة من (ع.ق) لشككت في امرك يا ابو شنب.
----------------
سلام اخي محمود
|
Post: #14
Title: Re: واخيرا ظهر عيسي بن مريم السوداني (صورة).
Author: محمود الدقم
Date: 10-26-2011, 05:35 PM
Parent: #7
الاخ كمال ادريس سلام وشكرا علي المرور الرجل مدعي ساكت ولكن الله يلطف بعباده المشكلة بقت في المؤمنين بيهو ديل!!!
|
Post: #11
Title: Re: واخيرا ظهر عيسي بن مريم السوداني (صورة).
Author: محمود الدقم
Date: 10-26-2011, 11:30 AM
Parent: #4
| Quote: الحمد لله ناس الحكومة ما آمنوا بي الفكرة دي ... |
الاخ يوسف الدفينة سلامات/ عمك دا لو بس كان عندو شوية كواديك (حجبات، محايات، عروق محبة الخ) كان خم السوق خم، وكان كل حاملي جوائز نوبل ما يحصلوا، خليك من ناس الحكومة لكن ننظر ونري؟
|
Post: #5
Title: Re: واخيرا ظهر عيسي بن مريم السوداني (صورة).
Author: محمود الدقم
Date: 10-26-2011, 11:14 AM
Parent: #3
الاخ ود القاضي سلامات: هناك علامات لظهور السيد المسيح ابرزها انه ينزل بعد ظهور الدجال المسيخ او المسيح، وينزل السيد المسيح عيسي بن مريم بالمنارة البيضاء بدمشق، وينزل المسيح عيسي بن مريم والمعارك ضارية بين المسلمين واليهود بالسلاح الابيض وليس بالنووي اي بعد زوال الطاقة واشكالها وفناءها (الطاقة النووية) وينزل المسيح عيسي بن مريم عندما تهبط شعوب جوج مأجوج تاكل الاخضر واليابس ويلجاء الناس الي عيسي بن مريم بحثا للخلاص، وينزع السم من كل ذي سامة حتي انه يدخل الطفل يده في فم الافعي ولا يُسمّ وعلامات نزوله متوفرة في غوغل، شاكرا لك المرور.
|
Post: #10
Title: Re: واخيرا ظهر عيسي بن مريم السوداني (صورة).
Author: فايزودالقاضي
Date: 10-26-2011, 11:29 AM
Parent: #5
كمال ...الدقم ..سلام ..
كلامي انو الزول ده ماكذاب ولا سفيه بل انسان مريض يجب ان يعالج مش يحاكم ؟!!مفروض يعرضوه على اطباء نفسين مش على شيوخ دين ..وحرام امثال هؤلاء انهم يحاكموا ...بل يجب الناس تقيف معاهم وتعالجهم لانه مافي انسان نصيح يقول كلامهم ده ويكفي انو كان معاهم حشيش ..
|
Post: #6
Title: Re: واخيرا ظهر عيسي بن مريم السوداني (صورة).
Author: البحيراوي
Date: 10-26-2011, 11:15 AM
Parent: #3
| Quote: ا المتهم السادس عشر، فقد ذكر بأنه سوف يؤدي دور خالد بن الوليد ويقود جيش المسيح عليه السلام ولديهم اتباع عددهم (480) شخصا، وان علماء الدين بالسودان علماء سلطة وانه التقى بأسامة بن لادن في منطقة سوبا. |
تحياتي أخ الدقم
يا زول الدنيا ماشة على وين ؟؟؟
480 تابعين عيسى المزعوم دا ؟؟ يعني كان لقى فريقه صغيرة كدا بسويهم ألف !! وبعد شوية كان بقوا خمسة ألف والخرطوم جاكي زول !! علا ما قال لينا أسامة دا لقاه صحي ولا حلم ؟
بحيراوي
|
Post: #8
Title: Re: واخيرا ظهر عيسي بن مريم السوداني (صورة).
Author: محمود الدقم
Date: 10-26-2011, 11:22 AM
Parent: #6
الاخ البحيراوي السودان ياخ بذكرني زمان صندوق الدنيا، عندما كنا اطفال وهو عبارة عن سينما في صندوق كبير متحرك زاهي الالوان تحني راسك وتنظر للمناظر من خلال كوة صغيرة وتري شيء منظر الكعبة، وشيء جبال الالب، وشيء مرافعين وكدسة، وشيء حمير الوادي، وشيء سحاب جاري، الغريب في الامر عندما قرات الخبر ونظرت الي الصورة اعتقدت انها لاسحاق احمد فضل الله وان احدهم يسخر من كتاباته في الانتباهة لكن بعد ان قرات التفاصيل اصابتني الحيرة انو كيف الجُلك ظهر كمسيح ؟ وانحنا المغتربين ليها شنو تاني، نلحق البيعة، والله فعلا دا كشكول عديل يستعصي علي الفهم والترجمة شكرا لك.
|
Post: #9
Title: Re: واخيرا ظهر عيسي بن مريم السوداني (صورة).
Author: Abdlaziz Eisa
Date: 10-26-2011, 11:25 AM
Parent: #6
عزيزي الدقم
سلام
الزول ده هل يعقل ان له اتباع بهذا العدد؟
480 من الجيش.. قوات المسيح الخاصة عالية التدريب..
غايتو يا الدقم شد حيلك.. لو الزول ده عمل مصالحة وبايع النظام وعملوه مساعد ولا مستشار.. ولا اي حاجة كدا من مهمات اللغف..
حيجيك بالنجيضة!!!
|
Post: #12
Title: Re: واخيرا ظهر عيسي بن مريم السوداني (صورة).
Author: محمود الدقم
Date: 10-26-2011, 11:35 AM
Parent: #9
الاخ عبدالعزيز عيسي سلام: فعلا رقم جيشه كبير، دا لو لقي شوية تموين وتمويل ممكن عادي يعمل انقلاب، اما لو ان الحكومة عملت معه اتفاقية نيفاشا تانية كمان، يبقي انحنا الكفار ديل الا كان ندقش تل ابيب ( وجه باسم) شكرا لك المداخلة.
|
Post: #13
Title: Re: واخيرا ظهر عيسي بن مريم السوداني (صورة).
Author: عثمان عبدالقادر
Date: 10-26-2011, 12:36 PM
Parent: #12
| Quote: هناك علامات لظهور السيد المسيح ابرزها انه ينزل بعد ظهور الدجال المسيخ او المسيح، وينزل السيد المسيح عيسي بن مريم بالمنارة البيضاء بدمشق، وينزل المسيح عيسي بن مريم والمعارك ضارية بين المسلمين واليهود بالسلاح الابيض وليس بالنووي اي بعد زوال الطاقة واشكالها وفناءها (الطاقة النووية) وينزل المسيح عيسي بن مريم عندما تهبط شعوب جوج مأجوج تاكل الاخضر واليابس ويلجاء الناس الي عيسي بن مريم بحثا للخلاص، وينزع السم من كل ذي سامة حتي انه يدخل الطفل يده في فم الافعي ولا يُسمّ وعلامات نزوله متوفرة في غوغل، شاكرا لك المرور. |
الأخ /محمود
تحياتي
سلوك هذا الرجل ثمرة طبيبعية للثقافة أعلاه ففيم التقريع والملام !!!!!!؟
أبو حمـــــــــــــــــــــد
|
|