Post: #1
Title: ال ما بديل شنو ؟؟؟
Author: ود العجمى
Date: 10-26-2011, 07:27 AM
كنت بتونس مع جماعة فى موضوع الحكومة .. بصراحة كدا كنا بنقطع فى نافع والمتعافى ووزير الدفاع ووصلنا لحدى الرئيس شخصيا
وحتى نائب الرئيس الجديد مرورا بعلى عثمان .. قطيعة شديدة خلاص
واحد قال بتشفى فى اثناء القطيعة الحمدلله خلصنا من السؤال العبيط داك بتاع (البديل منو) وبقى هسى السؤال المفروض يطرح نفسو (المابديل منو؟؟) يعنى اى واحد فينا نحن القاعدين فى جلسة النميمة دى ممكن يكون بديل للجماعة القلناهم ديل صاح ؟؟؟ طأطأنا رؤوسنا وبخجل قلنا صاح
شخصيا حكاية البديل منو كنت برد عليها بأنه السؤال المفروض يكون البديل شنو وليس منو ؟؟ واجاوب بعد داك
لكن هسى حتى سؤالى بتاع البديل شنو ؟ بقى عندو اجابة مختلفة .. بدل ما اقول حكومة ديمقراطية ودولة مدنية قائمة على الكلام الكتير داك
الاجابة عليه ح تكون .. ال ما بديل شنو !!
|
Post: #2
Title: Re: ال ما بديل شنو ؟؟؟
Author: فتحي البحيري
Date: 10-26-2011, 10:43 AM
Parent: #1
طبعا سؤال البديل منو دا ماسورة مسكوها ناس الأمن والاونطجية والبلطجية والانبطاحيين للناس
شخصيا ارد على الدوام على هذا السؤال السمج بكل أو بعض ما يلي
* انت مالك ... حرامي ؟؟؟ ولا عضير ؟؟؟ ولا اخرق ؟؟؟ (للشخص الذي يوجه السؤال ؟؟) أو .. على الأقل انت ما حرامي وبتحس بالناس
* انتو يوم 29 يونيو 1989 كنت عارفين في حاجة اسما بشير ولا على عثمان ولا سجم ؟؟؟
* ياتو بلد في الدنيا ولا في التاريخ استحقت حكومتها الذهاب ولا مات رئيسها ولا راح في داهية والناس اتحيروا وما لقوا البديل؟؟؟
* قرد .. جيبوا ليكم أي قرد من أقرب غابة ولبسوه عمة ولا كاب واكيد حيمشي البلد احسن بي كتير مما مشينها الدلاهات الفاسدين ديل (واقعد اعدد في أوجه الفشل الكتيرة المعروفة لصاحب السؤال)
* نتنياهو ... أكيد حيحكم السودانيين بطريقة اكثر رحمة وعدل وانسانية و(إسلام) من هؤلاء الاوغـــاد الـسفـ لة
* وهلم جرا
تحياتي بكري وبوست 
|
|