Post: #1
Title: العثور على معلومات هامة في «حفرة دخان» بالدمازين
Author: علاء الدين يوسف علي محمد
Date: 10-26-2011, 08:26 AM
| Quote: عثُرت السلطات بمدينة الدمازين على وثائق غاية في الأهمية بمنزل الأمين العام للحركة الشعبية بولاية النيل الأزرق عبد الله إبراهيم الحاج، وذلك بعد الحصول على جهاز «لاب توب» داخل «حفرة دخان» بمنزل عبد الله. وأبلغ مصدر مطلع أن المعلومات التي تحصلت عليها السلطات كشفت عن قوائم كاملة لجميع أفراد الطابور الخامس ومن تواطأوا مع الحركة الشعبية خلال الفترات السابقة، لافتًا إلى أن الجهاز حوى عددًا من المواقع والأسماء التي ستكشف كثيراً من الخيوط مما يساعد في تطهير الولاية من الخَوَنَة والمارقين. |
المصدر
|
Post: #2
Title: Re: العثور على معلومات هامة في «حفرة دخان» بالدمازين
Author: علاء الدين يوسف علي محمد
Date: 10-26-2011, 08:27 AM
Parent: #1
والله صحي
|
Post: #3
Title: Re: العثور على معلومات هامة في «حفرة دخان» بالدمازين
Author: ود العجمى
Date: 10-26-2011, 08:30 AM
Parent: #2
مصدق
فى شنو يعنى هسى ؟؟
|
Post: #4
Title: Re: العثور على معلومات هامة في «حفرة دخان» بالدمازين
Author: معاوية عبيد الصائم
Date: 10-26-2011, 08:35 AM
Parent: #3
التحية لوحدة امن الشاف والطلح
لو فتشوا قزازة الخمرة وعلبة الدلكة ممكن يلموا فى كم سى دى.
اها .والمرة اكانت قاعدة فى الحفرة وللا شردت ....
يازول لازم تشيلوا الشملة كمعروضات....
|
Post: #5
Title: Re: العثور على معلومات هامة في «حفرة دخان» بالدمازين
Author: علاء الدين يوسف علي محمد
Date: 10-26-2011, 08:37 AM
Parent: #3
| Quote: فى شنو يعنى هسى ؟؟ |
في الدّخلك هِنا دة
|
Post: #6
Title: Re: العثور على معلومات هامة في «حفرة دخان» بالدمازين
Author: ود العجمى
Date: 10-26-2011, 08:43 AM
Parent: #5
انا ما شايف انو فى عشان كدا دخلت عشان أطرح سؤالى وهسى بكررو ليك
فى شنو يعنى هسى ؟؟؟
واضيف
زول قدر انو يخت اللابتوب فى حفرة الدخان وتقديرو كان غلط .. وجماعة جو ولقو اللابتوب فى حفرة الدخان
فى شنو المضحك ومفرح فى الحكاية دى ؟؟
تنو اتلقى وفيهو معلومات مهمة ولا انو اتلقى فى حفرة الدخان ؟؟؟
فى شنو يعنى هسى ؟؟؟
|
Post: #8
Title: Re: العثور على معلومات هامة في «حفرة دخان» بالدمازين
Author: علاء الدين يوسف علي محمد
Date: 10-26-2011, 09:42 AM
Parent: #6
في رُزّك المحروق دة
|
Post: #7
Title: Re: العثور على معلومات هامة في «حفرة دخان» بالدمازين
Author: فتحي الصديق
Date: 10-26-2011, 08:44 AM
Parent: #5
| Quote: سوداني نت - وكالات: عثُرت السلطات بمدينة الدمازين على وثائق غاية في الأهمية بمنزل الأمين العام للحركة الشعبية بولاية النيل الأزرق عبد الله إبراهيم الحاج، وذلك بعد الحصول على جهاز «لاب توب» داخل «حفرة دخان» |
وكالات ..وحفرة دخان ؟؟ يا علاء
|
Post: #9
Title: Re: العثور على معلومات هامة في «حفرة دخان» بالدمازين
Author: ود الباوقة
Date: 10-26-2011, 09:49 AM
Parent: #7
دا لقيتوها كيف
ههههههه
معناها تاني الفتاشة حفر دخاخين بس
اردم يا علاء
|
Post: #10
Title: Re: العثور على معلومات هامة في «حفرة دخان» بالدمازين
Author: فايزودالقاضي
Date: 10-26-2011, 10:02 AM
Parent: #7
ياقريبي ...سلامات ..
| Quote: وأبلغ مصدر مطلع أن المعلومات التي تحصلت عليها السلطات كشفت عن قوائم كاملة لجميع أفراد الطابور الخامس ومن تواطأوا مع الحركة الشعبية خلال الفترات السابقة، لافتًا إلى أن الجهاز حوى عددًا من المواقع والأسماء التي ستكشف كثيراً من الخيوط مما يساعد في تطهير الولاية من الخَوَنَة والمارقين. |
يعني اللابتوب كان فيه قوائم ومعرفنها بالطابور الخامس ؟!! ههههههههه السياسة دي عالم ممتع ..
|
Post: #11
Title: Re: العثور على معلومات هامة في «حفرة دخان» بالدمازين
Author: حيدر حسن ميرغني
Date: 10-26-2011, 10:11 AM
Parent: #10
سلامات علاء
ده نظام تأمين وكده مافيهو عيب طالما الحفرة من عدة البيت
_
قريبي كان شغال في محل لصنع الحلى الذهبية في جدة
كان بيفتش العمال في حتات حساسة شديد بعد إنتهاء الدوام
الظاهر الجماعة كان حسهم (التأميني) عالي وغريق جدا
|
Post: #13
Title: Re: العثور على معلومات هامة في «حفرة دخان» بالدمازين
Author: حماد الطاهر عبدالله
Date: 10-26-2011, 10:24 AM
Parent: #11
مصدقنك يا علاء بدون حليفة.
لكن مش دا الغريب، وإنما الغريب إنو الناس ديل
إحنا شايفنهم بشتغلوا ضد الحكومة، وبمشاركة كل
موارد الحكومة، وبعلم الحكومة، وتنبيهات على قفى
من يشيل، وعضان الحكومة طرشا،ولمن وقع الفاس بالراس،
راحت الحكومة تفتش حفر الدخان! عشان المعلومات أوربما
السلاح، ودا كلوا كان أمام سمع وبصر الحكومة! فقل لي
بربك ماذا يحدث؟
|
Post: #12
Title: Re: العثور على معلومات هامة في «حفرة دخان» بالدمازين
Author: دينا خالد
Date: 10-26-2011, 10:18 AM
Parent: #7
كدا خلينى لاول مرة اقول ليك يا علااااء
الحركة الشعبيه شريك مع المؤتمر الوطنى فى اتفاقية ما زال تنفيذها جاريا
والمعلومات خاصة بحزب مستمد مشروعيتو من الاتفاق البيلزم البلد لى الان
والبلد مفروض برضو فيها ديمقراطية اى حزب معلوماته ونشاطه يجب ان
يحمى بواسطة الحكومة نفسها حتى لو كان معارض ..
البلد مش فيها مجلس سيادى اسمو مجلس شئون الاحزاب !!
خليك من الكلام المييت بتاع حل الحركة الشعبية دا ...
دا كلام جديد مع علاتو ... حتى اذا اخدنا بيه جدلا ..
يعنى انتو هسه بتطبقو فى القانون باثر رجعى ؟
الحاجات الانتو بتحاكمو فيها هسه دى لم ترتكبت بعد الحظر
دى معلومات بتخص الحركة لما كانت حزب وشريك فى الحكم
حد يصححححى الخبير المستقل ياخ ...
| Quote: مما يساعد في تطهير الولاية من الخَوَنَة والمارقين. |
يا علاء ذى الكلامات دى هى الوصلتنا الى ما نحن فيه اليوم ...
تاااااانى تطهير ؟؟؟
ممكن يمشوا فى طريق ذى دا ومشوا فيه قبل كدا ... ولكنه طريق مسدود
وصلهم لى وين ؟؟
والعالم اختلف الان .... انتو ما ملاحظين !!
بعدين يا علاء يا صديقى اضافة (حفرة الدخان) الى هذا الخبر لا تسىء
الا لاصحاب الخبر ...
ـــــــــــــــــــــــــــــــــــــــ
شكلو ناس الحكومة الفكرة دى راقت ليهم ....
اها قول ليهم كل زول يمشى يكبر الحفرة فى بيتو بما يسع شخصين
وشنطة القروش .....
|
Post: #14
Title: Re: العثور على معلومات هامة في «حفرة دخان» بالدمازين
Author: صلاح جادات
Date: 10-26-2011, 02:34 PM
Parent: #12
النحلة العقيمة علاء
المسرحيات والفبركات وصلت حفر الدخان ( نوع من الاثارة الصحفية )
لا اظن ان هناك فتحة حفرة دخان بدخل لاب توب الا يكون من النوع الصغير
واذا كان من النوع الصغير هل يعقل ان تهرب وتترك لاب توب ( خف حمله وغلاء ثمنه )
ثانيا بالنسبة للطابور الخامس معروف لدي النظام ( شغل الغواصات )
اذن ماذا يراد بهذه المسرحية المدخنة ؟
وفعلا كورتك فكت
احذر الدخان فهو طارد للنحل
|
Post: #15
Title: Re: العثور على معلومات هامة في «حفرة دخان» بالدمازين
Author: علاء الدين يوسف علي محمد
Date: 10-26-2011, 05:35 PM
Parent: #14
مُسيلمة البورض و كضّابه
ضِنيب العز
صلاح جاكات
شُكراً لرفع البوست
|
|