ضعنا: لا احنا دول ساحل، لا دول صحراء، لا شرق ووسط افريقيا

دا طبعا بعد انفصال الجنوب

صحيح اننا لا زلنا ننتمي الى ثلاثة عوالم وهي اتعسها حاليا، العالم الاسلامي العالم العربي والعالم الافريقي
وديل التلاتة ما بأكلوا عيش في وسط التكتلات الاقتصادية والسياسية التي تحكمها الجغرافيا القريبة، آسيان، ناتو، اتحاد اوروبي

بفقدنا للجنوب، فقدناوصل هامه، تركتنا في المجهول، او كما يقول الخواجات in the middle of no where

والكلام دا مصيبة، لانو ممكن يعني بكل بساطة للآخرين، انو مافي زول محتاج ليك، مصر تقبل على المتوسط وترجع
بعد الثورة لحضن الشرق المتوسط، تشاد وافريقيا الوسطى يقبلوا على فرانكفونيتهم، ارتريا واثيوبيا يتلملمو
على شرق ووسط افريقيا مصطحبين معهم جنوبنا الحبيب كما حدث قبل شهر، وخلو ليك لسان على كرتي ملح ملح

يا احمد،

اشكالية الهوية في السودان لن يحلها الا رب السما.



تحياتي

سلام يا زول

Quote: يا احمد، اشكالية الهوية في السودان لن يحلها الا رب السما

عارف العنوان الاول الكتبتو، كان "هويتنا ضاعت"!!
لكن وقفت شوية وعدلتو ل "ضعنا" بس

عارف انا مشكلة الهوية المدورة فينا بسبب الكيزان ال########ين ديل، وعندي مشاركات في بعض البوستات
لكن في حقيقة الامر، السبب ليس الخوف من تحول البوست الى قضية الهوية، اذ انها لا تخدم قضيتي هنا

قضيتي في هذا البوست، ما بهم ان كنت عربي وللا مسلم وللا افريقي وام كنت الماني او نيوزلندي
عشان كده قلت ازوغ من كلمة هوية دي

في بشر ما، اسمهم السودانيين، عايشين في بقعة على وجه هذه البسيطة، لا يمتلكون حسب موقعهم الجغرافي الحالي
اي سند ليجعلهم او يمنحهم القوة السياسية كفاعلين ومستفيدين من اي تكتل اقليمي مجاور، يعني ناس الحيطة بالحيطة

العالم العربي وعمره ما كان مولي السودان اي اهتمام، غير عبارة السودان سلة غذاء العالم
العالم الاسلامي كل في شغل فاكهون، اذ ما مصلحة اندونيسيا مثلا في ان تكون لها تعرفه جمركية موحدة واتفاقيات
تجارة بينية وتسهيل التبادل التجاري مع دولة زي السودان؟؟ فقط لانها مسلمة؟! ام من مصلحة اندونيسيا ان تكون موجودة هناك؟
العالم الافريقي وفضحنا انفسنا عندما اعلنا انو احنا ما بنشبه الناس ديل وما محتاجين ليهم زاتو؟؟ هو في زول تاني بحترمك

وقول انساك من الفوق ديل

هل احنا دولة ساحل؟؟ لا
هل احنا دولة صحراء؟؟ برضو لا
هل احنا تبع شرق ووسط افريقيا؟؟ لا
هل احنا دولة فرانكفونية؟؟ لا
كومنويلث؟؟ برضو No
قرن افريقي؟؟ لا

عارف الا السعودية واليمن ومصر والاردن وارتريا يعملوا ليهم حاجة كده يسموها دول حوض البحر الاحمر للتعاون الاقتصادي
ويلمونا عليهم

تحياتي

Quote: عارف الا السعودية واليمن ومصر والاردن وارتريا يعملوا ليهم حاجة كده يسموها دول حوض البحر الاحمر للتعاون الاقتصادي ويلمونا عليهم

أهو ، مخرج
لكن السعودية مصيبتها شنو تدخل في لمة المفلسين ديل
لمن يقدوا جيبوها ؟

سلام ابو ساندرا

احنا كايسين لينا مدخل
تقول لينا

Quote: أهو ، مخرج

لووووول

الله لا كسبكم يا كيزان

يبدو ان البشير قرر ان يعود الى ما يسمى بوحدة وادي النيل بين مصر والسودان (تحت التاج المصري)