Post: #1
Title: شركة المانية لتحويل البورد الى (خور)
Author: adil amin
Date: 10-25-2011, 08:31 AM
بالله عليكم الله شوفو العنواين الرئسية والبوستات الشخصية والعنواين وحجم الزوار
البسوس تزور اسرائيل"طبعا البسوس بتحب الشهرة ولم تنجز شيئا حتى الان في العالم الحر ولافي زول عارفا خارج هذا البورد وان مشيت السودان ولفيت اكثر من مدينة..بس ورتنا الان انه في ناس لسه قايلين نفسم عرب وانه لسه اسرائيل هي عدوهم رغم ان العرب نفسهم نسو قصة اسرائيل دي ...اسرائيل مشكلة حماس فقط التي ضل سيعها في الحياة الدنيا...ونحن في السودان مشكلتنا الحالية ليست اسرائيل
الشيوعيين يحتفلو باكتوبر في لندن
المناظر هي ذات والصور نفس المشاهد والاستجداء العاطفي والتباكي على الاطلال
هل اكتوبر كانت ثورة اصلا؟؟ لكن في تطور عند خالد العبيد فكانا من فنيلتو الحمراء ديك وجاب ليه صنم كويس التجاني الطيب
الظريف ملاسي مدور بناس حزب الامة كالمعتاد
وهل في فرق بين المؤتمر الوطني الذىيدعمه الصديق ملاسي وحزب الامة
ما نفس
الماضي المشين
والحاضر المضطرب
والمستقبل المظلم
وبالوثائق
...
نحترم البوستات الانسانية السياسية والثقافية و الاجتماعية الشمار الذكي(تمبس نموذجا) ان وجدت...
|
Post: #2
Title: Re: شركة المانية لتحويل البورد الى (خور)
Author: adil amin
Date: 10-25-2011, 08:40 AM
Parent: #1
طبعا ارشح الشركة الالمانية العملت نفق سمارت في كولا لامبور في ثلاث سنوات قياسية وبتقنية عجيبة
نظام (مواسير) في الاجناب عشان تخرج موية الفيضانات (المصدر ناشنونال جوغرافيك)...
وطبعا المواسير موجودة والحمدالله وبكافة المقاسات
|
Post: #3
Title: Re: شركة المانية لتحويل البورد الى (خور)
Author: adil amin
Date: 10-25-2011, 08:50 AM
Parent: #2
جائزة الطيب صالح منذ تاسيسها (كوسة) كما يقول اهلنا المصريين وبلدج ما فيها ديموقراطية ثقافة شنو..
ومحصورة في بيئة محددة ولا يقوم اصحابها بمسح شامل عبر العالم للروائيين السودانيين والروايات السودانية...او استخدام التصويت...ونجوم الغد اصدق منها؟؟
وحتى هذه اليوم لا وزارة الثقافة ولا اتحاد الادباء ولا المركز الثقافية السودانية تقوم ببلوغرافيا للابداع الروائي السوداني عبر العالم وتوثق انجازات السودانيين الثقافية المتعددة..ولا يتم تعريف الناس بها..فقط شللية بغيضة تعيد انتاج بؤسها جيلا بعد جيل...واكبر عدو للمبدع السوداني الان هو القابضين على مفاصل الاجهزة والميديا الاعلامية داخل السودان وفي بلدان الخليج العربي
|
Post: #4
Title: Re: شركة المانية لتحويل البورد الى (خور)
Author: محمد قرشي عباس
Date: 10-25-2011, 09:22 AM
Parent: #3
Quote:
نحترم البوستات الانسانية السياسية والثقافية و الاجتماعية
|
عليك الله حاول أقنع لي الألمان ديل يخارجوا البوستات العلمية معاهم
هل نشهد اليوم بداية لثورة كوبرنيكية جديدة تغير من رؤيتنا للعالم .. ؟!!
بعيد عنك عندهم عقدة قديمة من آينشتين علشان رسالته لروزافلت السرعت بالقنبلة الذرية
الإحترام خليناهو بس كمان التعب في إستعراض العلم ما هين
|
Post: #5
Title: Re: شركة المانية لتحويل البورد الى (خور)
Author: عثمان عبدالقادر
Date: 10-25-2011, 01:25 PM
Parent: #4
الأخ العزيز / عادل
سلام وتحية
خيبة السودان المعاشة واقعا يحكيها لك هذا المنبر إسفيريا فلا تحزن وأصبر عسى أن يجبر الله كسركم ويحسن عزاؤكم .
أبو حمــــــــــــــــد
|
Post: #6
Title: Re: شركة المانية لتحويل البورد الى (خور)
Author: adil amin
Date: 10-29-2011, 08:12 AM
Parent: #1
Quote: خيبة السودان المعاشة واقعا يحكيها لك هذا المنبر إسفيريا فلا تحزن وأصبر عسى أن يجبر الله كسركم ويحسن عزاؤكم .
أبو حمــــــــــــــــد |
نعم اخي ابو احمد لكن لي بتين
اصلو كنت مستغرب لماذا ينظر معظم العرب والمصريين الى ان السودانيين دونهم ذكاءا ولا يصلحوا الا ان يكونو كاميرا خفية والوم العرب..ولكن الان عرفت السبب...الصور المشينة اظاهرة ليهم عن السودان سببا الفتريتة المالية البورد والمشهد الفكري والثقافي والسياسي والاجتماعي والنفسي الذى يروه في اسافيرنا وفي تلفازنا الممل....يعني العيب فينا عديل كده
...
هسه قصة الربيع العربي دي..قلنا لهيم قبل سنين في البورد ده ...دي اعادة تدوير ولا ثورات ولا هم يحزنون..والقصة عميانة(قوى ديموقراطية) قياداها مجنونة(الاخوان المسلمين)
والاخوان المسلمين يفوقون سوء الظن العريض...وتبعد عنهم الدولة المدنية والديموقراطية 1000 سنة وبضاعة المصريين دي انتهت....شوف جروا ليهكل قال وهيكل فعل
ازمة الاستلاب المعرفي حتى الان
وواحد فيهم مستوعب افكار محمود محمد طه او جون قرنق مافي..وحتى مدرسة عبدالرحمن المهدي الجبتها هنا برضه ما عاجباهم
|
Post: #7
Title: Re: شركة المانية لتحويل البورد الى (خور)
Author: adil amin
Date: 10-29-2011, 08:37 AM
Parent: #6
يا ود القرشي
هل اتاك حديث انشتاين
قال اينشتاين: اثنان لا حدود لهما .. الكون الواسع .. والغباء الإنساني.
الناس الهوى ديل لسه في فلان وعلان
وفلانة وعلانة
لا يهتمون بالموضوع المطروح اكثر من الشخص اطارح
نزلت كتاب حليمة بشير دموع الصحراء مافي زول هببو
شيوعى قديم نزل بوست قال ما كتبتوا هي...
البوست اتملا متهافتين
انتو ما قريتو الكتاب نفسه..النقة حولو لا زمتا الشنو
|
|