Post: #1
Title: شحدت تذكرة للسودان . طنشوها .. سلخت جلد الأرنب لللاجئين في اسرائيل!!
Author: HAIDER ALZAIN
Date: 10-24-2011, 09:54 AM
Parent: #0
Quote: انا محتاجه ثلاثه تذاكر
اثنين للاولاد برجع بسلمهم لابوهم
وانا تذكره واحده بطريق يوصلني لكاود!!
جوبا...كادو...ومن غير بالعكس كيف معاكم؟!
....
.
.
التذاكر بالله....وما عايزنها كاش عشان تقولوا عايزين ناكلها
تذاكر وبس!![/B]
|
(One way tickets) اها نحن العازين نلبس الكاكي بالجد!!
Quote: تل ابيب/22/اكتوبر/2011
اللجنه المنظمه لزيارة رئيسة جمعية الصداقه
السودانيه الاسرائيليه
زارت الناشطه السودانيه و القياديه تراجي
مصطفى لدولة اسرائيل
وقد جاءت الزياره تلبيه لرغبة اللاجئين
السودانين بدولة اسرائيل
والتي حرصت على التواصل المستمر ودعوة السيده
تراجي مصطفى لزيارتهم و التحدث للمسؤليين عن
تحدياتهم ومصاعبهم
وقد اعلنت السيده تراجي مصطفى قبولها لدعوتهم
شرط ان يحرصوا على تمويل الرحله من جيوبهم
وباموالهم الخاصه |
بوردابية تزور اسرائيل (توجد صور)
Quote: والتي حرصت على التواصل المستمر ودعوة السيده
تراجي مصطفى لزيارتهم و التحدث للمسؤليين عن
تحدياتهم ومصاعبهم |
ويا كافي البلاء .. فِرد مسئول والا يهودي ساكت السيدة العظيمة ما اتحدثت ليهو ولا زارتو
ولا جاء انها نضمت مع شخص
الخبر المنشور كله عن عبارة عن تي شيرت ابيض وبيت ابناء النوبــة وتمويل الرحلة
وكيف انهم استجابوا ليها بعد ما قاموا السادة في السودان طنشو رغبتها في التلاتة تذاكر
إتمني انه يكونو وفروا برضو حق التذكرتين للأولاد عشان يمشو لأبوهم
|
Post: #2
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: عبدالمجيد الكونت
Date: 10-24-2011, 10:14 AM
Parent: #1
ياعمك الجمعة دي ما صحيتنا
|
Post: #3
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: HAIDER ALZAIN
Date: 10-24-2011, 11:26 AM
Parent: #2
يا حبيب .. سلامات
| Quote: ياعمك الجمعة دي ما صحيتنا |
البيسمعك يقول صحيت لي الجمعة القبلها
بعديـن الفاتت ابو حسين بعد صحيناهو قال يشارك في الأجـر والتزم بتولي القطاع الاوسط من المملكة وانا على القطاع الشرقي والغربي.. ( حولنا ليهو رصيد المنبه لكن شكلو نام بيهو لو كدة )
ـــــــ
زيارة الناشطة الانسانية
بلغت سفاهــة العمل العام لنا السودانيين حداً إنه مُش الترحيب بزيارة المنبتة للدولة العدو اسرائيــل ولكن انه زيارات المجاملة وصلة الرحم اصبحت مدعاة للإفتخار وباب يطلب فيه احدهم انه سوف آتيك في زيارة واجب لكن عليك ان تتعهد لي انه تدفع لي مصاريف الزيارة والتذاكر وتديني نثرية في يدي للسياحة وكان ما عجبني اكلكم بمشي آكل في مطعم واجيب ليك الفاتورة ،،،
ولما لا إذا كان الوزيـر او المسئول في راس البلد بيطلع زيارة عمل مكلف بها بيسوق معاهو ولادو ونسوانو ويوديهم سياحة وعلاج على حساب الدولة..
والبعض منهم بيجي راجع بباقي النثرية الاستلامها وبعملة البلد الزارو ويخزنها في البيت لمن يلم فيها حرامي يقمحو ليها..
فهل سوف استغرب من زيارة المواجبة هذه المشحودة والمدفوعة القيمة دون مقابلة أي مسئول او فائدة للاجئي ؟!!
|
Post: #4
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: HAIDER ALZAIN
Date: 10-25-2011, 06:39 AM
Parent: #3
بلغت من ذلة الشحدة والمسكنة حد جعلها تظن انه الشحدة اجندة سودانيــة بحتة
وبتدل على وطنيتها ومواطنتها كسودانيــة !!!!
رغم انها كنديــة الجنسية تركية الإصل
Quote: ما كان يبغلبني اطلب تمويل اللوبي اليهودي المتجدع ومبرطع في كندا وامريكا للرحله!
لكني رغبت لها ان تكون سودانيه بحته تناقش هموم سودانيه وتتبنى اجنده سودانيه! |
والأغرب من السيدة الناشطة الانسانيــة
هم رجال الدلوكـة البيصفو زيارتها بالفتح العظيـم والانتصار الكبيـر للشعب السوداني ضد العرب واوهام العروبة
امثال الدلوكـة بشاشا ونافخ الكيــر محمد سليمان
أما هنا فقد بالغتي يا سيدتي الشحادة الانسانية
Quote: يعني مع اليهود تحس انك مع عرب مؤدبين زياده!
بهم ايجابيات العرب وخالين من سيئتاهم السلوكيه. |
أين بشاشا يجي يقرأ كلام الفارسة طراجي ام اولاد الفلسطيني
ــــــــــ
والأغرب من ديل كلو سيد الموقع او صاحب الحوش كما يحب ان يُطلق عليــه
سيادتو فرحان اوي اوي ويتكشم سن سن عشان واحدة من رعيتو مشت زارت اسرائيل ..
صحي كما قال المتنبي :
عَـلَى قَـدْرِ أَهـلِ العَـزمِ تَأتِي العَزائِمُ === وتَــأتِي عَـلَى قَـدْرِ الكِـرامِ المَكـارِمُ
وتَعظُـمُ فـي عَيـنِ الصّغِـيرِ صِغارُها === وتَصغُـر فـي عَيـنِ العَظِيـمِ العَظـائِمُ
....
|
Post: #5
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: Faisal Elrasheed
Date: 10-25-2011, 01:45 PM
Parent: #4
اب لحين عودة ..
|
Post: #6
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: HAIDER ALZAIN
Date: 10-26-2011, 07:35 AM
Parent: #5
البوست بوستك .. ابب وعود متي ما تعود
معليش انا ماشي ماخد لي شحدة صغيرة وراجع ... اوووبس قاصد ماخد لي سفرة صغيرة وبرجع
استلم وابقي طالبك واحد..
ـــــــــــــــ
الجاهلة النشطة الشحادة الانسانية كتبت ببوست الجانب الأكثر سلبية في زيارة تراجي
Quote: اسرائيل على فكره ما بتهور وتضع يدها في ايدي المجرمين ومروقي المراكب.
|
Quote: بنفس المستوى لن يدعموا نظام دموي ادين بالتطهير العرقي وهم من ملاؤوا العالم توثيقا لمذابح التطهير العرقي ضدهم.
|
أم الجهل انا عارف راسها قرعـة ولا قرت لا بارت البيقروا .. مجرد مايكرفون بس
لكن معقولة تكون جاهلة لدرجة انها ما عارفة انه اسرائيل كانت الدولة المعترفة بنظام الفصل العنصري في جنوب افريقيا ..
شكري اليهود واسرائيل زي ما عاوزة يا ستي فشكلك حاريـة كدة انهم سوف يكونوا اولياء نعمتك الجدد بعد ما لفظتك حركات دارفور والحركة الشعبيـة وبقيتي لافة صينية للشحادة لكن وقت تحبي تشكري اولياء نعمتك الجدد تذكري انه يجب ان تقري التاريخ شوية وتعرفي عنهم
فما تقولي عن دولة معترفة وداعمة لنظام الفصل العنصري بجنوب افريقيا انهم ما بيدعمو العنصريين والدمويين..
يا ام شفشوفة*
ــــــــــ
*يآخ شكراً يا ناذر ديمة جايب الاسامي السمحة للزولة الرائعة دي مرة ام رشيرش واخري ام شفشوفة :)
|
Post: #7
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: ود الباوقة
Date: 10-26-2011, 07:44 AM
Parent: #6
حيدر
بالله ركز لينا في لب الموضوع
وشكرا
|
Post: #8
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: عبدالمجيد الكونت
Date: 10-26-2011, 08:01 AM
Parent: #7
والله يا ود الباوقة المصايب دي كلها منكم ومن ناسكم ديل
ياخينا بقينا بلد ملطشة ..شبابها مشتت في كل بقاع الارض من اسرائيل لحدي الملايو .
واقتصاد كل صباح منهار زيادة
وتعليم وصحة وووووووو الخ
عشان كده زيارة تراجي لي اسرائيل بتعمل ضجة ... عارف ليه ..... عشان البلد بقت جايطة والناس بتخلق من الحبة قبة
الملف الاسرائيلي بالنسبة لنا كسودانيين وبعيدا عن العاطفة وشغل السذاجة السياسية الفرضته الجبهة الاسلامية( حقتكم) ملف يجب النظر اليه بعقلانية وفق مصالح وثوابت السودان وأهله ... لكن نعمل شنو اذا كان تراجي سياسية بتمشي اسرائيل زيارة (لسبب موضوعي) انها تطمئن على سودانين اجبرتهم الانقاذ على اختيار اسرائيل منفى لهم ... لكن تراجي نفسها ما الزول المناسب للزيارة
ليه ما نعمل ضجة اذا لزيارة تراجي
اذا كان بلد مسئوليها تكون مصطلحاتم (الحس كوعك.... شريعة مدغمسة ...احزاب خايبة... الراجل اليطلع الشارع) وجهاز الامن فيها شغله التجسس على الطلاب والحرائر ودهس المتظاهرين بالعربات وميزان تجاري لبلد كااامل يتحكم فيه نفرين
ما تستغرب بعد شوية تراجي زاااتها تجي بموجب اتفاقية وتكون وزيرة رعاية اجتماعية وتمشي اسرائيل بصفة رسمية كمان .... المافي شنو
بلد بقت ماشي بالتراقيع ,,,, وتقولوا مشروع حضاري ودين واسلام ......
|
Post: #9
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: ود الباوقة
Date: 10-26-2011, 08:16 AM
Parent: #8
| Quote: عشان كده زيارة تراجي لي اسرائيل بتعمل ضجة ... عارف ليه ..... عشان البلد بقت جايطة والناس بتخلق من الحبة قبة |
الكونت
طراجي سافرت الى اسرائيل بجواز كندي وحتى زيارتها تاتي من باب الفرقعة الاعلامية
امكانيات تراجي السياسية متواضعة جدا ولا تشكل ادنى خطورة لاي جهة
وصدقني لو كانت لها مقدرات عالية بفنون السياسة كان يهود بارك عزمها عشا
مش ملاحظ اكثر ما بهرها في الزيارة مطار ود غورويون
والقشطة
شكرا الكونت
ان شاء الله السنة تكون حاج
|
Post: #12
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: عمر عبد الله فضل المولى
Date: 10-26-2011, 08:39 AM
Parent: #9
ساعود
تحياتي يا حبيب
|
Post: #17
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: عبدالمجيد الكونت
Date: 10-27-2011, 10:40 AM
Parent: #12
ولك مثلها ضعفين ..
|
Post: #13
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: عبدالمجيد الكونت
Date: 10-26-2011, 08:46 AM
Parent: #9
Quote:
الكونت
طراجي سافرت الى اسرائيل بجواز كندي وحتى زيارتها تاتي من باب الفرقعة الاعلامية
امكانيات تراجي السياسية متواضعة جدا ولا تشكل ادنى خطورة لاي جهة
وصدقني لو كانت لها مقدرات عالية بفنون السياسة كان يهود بارك عزمها عشا
مش ملاحظ اكثر ما بهرها في الزيارة مطار ود غورويون
والقشطة
شكرا الكونت
ان شاء الله السنة تكون حاج |
ما عنيته يا ود الباوقة بلزوبعة التي خلقتها تراجي في اليومين الفاتو ليسة قيمة الزيارة فهي لا تساوي شيئا بالنسبة لي ولكني اتحسر لبلد اصبحت اموره بهذا الشكل ....دعنا نكون موضوعيا أكثر ونترك هذا التعصب الأعمى ...تراجي امرأة سودانية تحلم بوطن جميل مثلي ومثلك .... في تقديري الشخصي لها انها دخلت السياسة من باب غلط ويمكن ان تكون مفيدة جدا لبلدها في مجال اخر ولكن نحن شعب افقدته النخبة السياسية البوصلة فأصبح الجميع يشتغلون في كل المهن ولا يحترفون اي مهنة ...بلد الاستاذ فيها يصح وزيرا للصحة والطبيب وزيرا للمالية والرئيس يقسم بالطلاق في امر الرعية والطلاب يدخنون البنقو في البنشات ... الشباب يهاجرون والنساء يبعن الكسرة في الطرقات فتضربهن سياط الشرطة
كل هذا الوضع يحتاج الى اعادة توجيه وعلاج ولمعرفة العلاج لابد ان نعترف بالمسبب الأساسي يا ود الباوقة
السودانيين الموجودين في اسرائيل لن يزيد عددهم بأي حال عن عدد من يعيشون في قرية صغير بجنوب المملكة او حي واحد من أحياء جدة القديمة او شارع من شوارع القاهرة او عمارتين متجاورتين في دبي ..... ثمانية ملايين سوداني مهاجر معظمهم من الشباب وفي سن العمل ....هؤلاء قادرون على تحويل السودان الى جنة في عامين او اقل ...منهم الاقتصادي ومنهم المهندس ومنهم الطبيب ومنهم القانوني ومنهم الاداري ومنهم العامل الماهر .... ولكنهم لا يستطيعون العودة الى بلادهم .....فالغول ينتظرهم
تنتظرهم الجبهة الاسلامية بجباياتها وضرائبها ...وفصلها التعسفي وفسادها المالي وأدويتها الغالية وتعليمها المتدني وقبل كل ذلك تنزع حريتهم في كل شي (التفكير ..العمل ..الاعتقاد.. الاجتهاد.. ) . لذلك يختارون العيش في بلاد الله التي تحترم انسانيتهم
فينشغلون بأنفسهم وتفقدهم بلادي فتصبح نهبا للاخرين من كل حدب وصوب ... استخبارات العالم تعيث فيها ما تريد ... وسياسي العالم يتعلمون السياسة على جسد وطننا ... ومنظمات الحقوق الانسانية تكتسب خبراتها من تجاوزات ساستنا وكل ذلك باسم المشروع الحضاري ....
الا نحتاج فعلا لوقفة مع النفس ... على الاقل لنبني ما تبقى من الوطن
|
Post: #10
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: HAIDER ALZAIN
Date: 10-26-2011, 08:19 AM
Parent: #8
ودالباوقة .. سلام
موضوع شنو يا المشعنف ..
انت قريت الموضوع وعندك ليهو اضافة والا عاوز تعمل ليك لب ساكت ..
شوف انا قاعد احذر الكيزان يدخلو بوستاتي للخرمجة فعشان كدة احسدك على جراءتك انك جيت اتداخلت هنا
المرة دي بفوتها ليك عشان جسارتك تاني ما تكررها إلا اذا كتبت جملة مفيدة مكربة وفيها تناسق
بالمناسبة اول من تتخارج من هنا وانت سايق معاكـ ام شفشوفة دي لو لميت في السيد(ح) قول ليهو وووين الغيبة يآخ ..
تحياتي يا ملك
ــــــــــــــ
عبد المجيد الكونت سلامات
| Quote: لكن نعمل شنو اذا كان تراجي سياسية بتمشي اسرائيل زيارة (لسبب موضوعي) انها تطمئن على سودانين اجبرتهم الانقاذ على اختيار اسرائيل منفى لهم ... لكن تراجي نفسها ما الزول المناسب للزيارة |
سبب موضوعي شنو للزيارة كمان .. طراجي زولة شترا ساكت وانسانة عدوة نفسها..
بلغت بيها الشتارة حد بيخليها تكتب :
Quote: بعدها انتقلت للاجابه الجاده
قلت لهم انا لما اطلقلت الجميعه لم يكن همي اسرائيل فعلا بقدر ما همي استخدام
(فزاعة اسرائيل في ادبيات الساسه السودانين) وكررت جميعهم!
وقلت لهم اهتميت بمحاروة البشر ولست لوحيد بل كوكبه مقدره من ناشطي ومثقفي بلادنا |
شفتو كيف .. دي قرايــة الشحادة الانسانية للامـر ..
مافي اي سبب موضوعي لزيارتها اللهم إلا عشان يجو الناس يطلعوها ثروة قوميـة
وحتي في كلامها دا طراجي مصطفي ماعندها اي خط سياسي محدد عشان نقول انها بتستخدم زيارة اسرائيل لدعمه
طراجي شترا في السياسة وكل يوم راكبة موجة وكل يوم واقفة مع تيار يناقض التيار الواقفة معاهو امس لترجع بعد يومين لنفس التيار السابق وهكذا دواليك.. يآخ دي وصلت مرحلة بتشكر احمد هارون المجرم وعلى عثمان محمد طه وشكرت الترابي وبكرة بتشكر نافع..
غير انها شاتت ضد الحركة الشعبية وبدات واقفة مع الحركة الشعبية.. شاتت ضد السيسيسي ورجعت وقفت معاهو وتاني ضدو.. تمخول الزولة والله تمخول ..
غايتو الخط الواضح في طراجي للآن انها زولة جست عنصرية وبس بتدعو للفتنة العرقية والجهوية ووخطها عنصري غير كدة في السياسة .. التكتح ماعندها ولا حايكون عندها لانه دي قدرتها والقسمو ليها ربنا
ونعم بالله .. ونحمدو على مصيبة طراجي الابتلانا بيها دي عشان يأجرنا فوقها :)
|
Post: #11
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: Tragie Mustafa
Date: 10-26-2011, 08:29 AM
حلوه يا الكونت منك حكاية تراجي قدراتها على قدرها دي!
قرض عليها شديد!!
ويا ود الباوقه شايفاك متابعه في الفيلم ده.....(ههههههه)
اما الاهبل القال تعالوا نستلح يا شمالين
بقول له وقتها تراجي ام القدرات المتواضعه دي دورتك زي ود ام لعباب يا ع ب ي ط زماانك!
ود الباوقه امشي قول لحكومتك البتخابط منذ البارحه من هذه الزياره!
قولهم دي مره غلبانه وبتعوس في عواستها دي ود حدها وةده آخرها!
نسيت اقول للاهبل صاحب البوست فكرته منسوفه لدي المنظمين للرحله!
عارف ليه؟؟؟
لانه يا اهبل جلد الارنب ده اعني قروش التذكره محوله لي من شهر مايو
يعني قاعده في حسابي يا اهبل ولم يهون الله امر السفر!
يعني قبل اندلاع القتال بجنوب كردفان! و الكتبنا عنه لبسنا الكاكي!
تكاكي جداده قول أمين!
متى فتهم ايا جملا من الصحراء لم يلجم!
|
Post: #14
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: ود الباوقة
Date: 10-26-2011, 08:50 AM
Parent: #11
Quote: ود الباوقه امشي قول لحكومتك البتخابط منذ البارحه من هذه الزياره!
قولهم دي مره غلبانه وبتعوس في عواستها دي ود حدها وةده آخرها! |
تراجي ما تتحسسي من كلامي بالله
انا اتحدث ربما بني صهيون ما قدروا يكتشفوا مقدراتك النضالية
ودللت على ذلك بعزومة عشاء باراك او في حالة كونه مشغول النتن ياهو
يعني مفروض ما تمرقي بدون عشوة من الاثنين
اما على الصعيد الشخصي فاني اعترف بمقدراتك في المنبر
بالذات رفساتك المقطعية التي تطلقيها بين الفينة والاخرى
وهي بالدقة بحيث تصيب خصومك في مقتل
مخير الله
..........................................
يا اخ البوست دا ما شفتو الا قبل شوية
بوست قشطة بس
|
Post: #16
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: عماد حسين
Date: 10-26-2011, 09:36 AM
Parent: #11
الأخ حيدر
عساك بخير
لدي أمور منطقية ارغب من أم حازم أن تجيب عنها بدون تشنج!!!!
أنا أعيب على تراجي تبنيها لقضايا تظهر تحيزها غير المنطقي
على ضوء انبهار تراجي بدولة اليهود.. وعلى ضوء رؤيتها في مناصرة
مهمشي السودان
هل كانت تراجي غافلة عن الإبادة في غزة.. وهي أكبر جريمة إبادة منظمة (موثقة)
بالفيديو والصور.. بل تابعها وشاهدها العالم على الهواء مباشرة
على الأقل ما حدث في غزة يتفق عليه جميع العقلاء..
هل تنكر تراجي هذه المسالة؟ أم أنها ترى أن ما تقوم به اسرائيل أمر مشروع؟
قضية هلكوست اليهود المزعوم وأفران الغاز، كلها أمور لا تزال الان
محل جدل بين النفي والإثبات
والغريب أن من يتبني النفي جمع من الأوربيين، مما حدا ببعض الدول
لتجريم هذا النفي في إطار قوانين (معاداة السامية)
فلماذا تتغافل عن هذا الأمر الواضح الثابت الذي وقع في غزة؟!!!!
دعونا من دين اليهود.. ولننظر في جرائمهم هذه..
غايتو ده عند الساسة بيسموهو: الكيل بمكيالين
وعند العرب قديماً: حـشفٌ وسـوء كـيلة*
والسؤال:
لماذا هذا التحيز؟ وما الدافع
ولماذا هذا الإنكار لضوء الشمس؟
_______________________
* بالدارجية: تمر كعب وصغار ومكرمش وبعد ده الكيلة ناقصة
|
Post: #15
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: عبدالمجيد الكونت
Date: 10-26-2011, 09:16 AM
Quote: سبب موضوعي شنو للزيارة كمان .. طراجي زولة شترا ساكت وانسانة عدوة نفسها..
بلغت بيها الشتارة حد بيخليها تكتب : |
عزيزي حيدر
في رأي ان وجود سودانيين في اي بقعة من بقاع الارض وزيارتهم بغرض التواصل الاجتماعي امر لا غبار عليه وهذا الذي دعاني ان اقول الامر موضوعي ...هذا اذا كان الهدف المعلن من الزيارة هو الهدف الحقيقي فانا حاولت ان اتعامل مع الامر بظاهره حتى لا يتشعب النقاش ويقيني ان مناقشي (ودالباوقة) لن يفيد الحوار ان دخلنا للتفاصيل ... ورأي الشخصي في الامر ان تراجي ولحظنا المشئوم وبلادنا المبتلاة بحكم اخرق وحكام بلهاء واجهضت الديمقراطية ثلاثة مرات في خمس عقود من الزمان عشنا ثلاثة ارباعها تحت حكم الشموليات ... جعلت تراجي ممن يمارسون السياسة
Quote:
شفتو كيف .. دي قرايــة الشحادة الانسانية للامـر ..
مافي اي سبب موضوعي لزيارتها اللهم إلا عشان يجو الناس يطلعوها ثروة قوميـة
وحتي في كلامها دا طراجي مصطفي ماعندها اي خط سياسي محدد عشان نقول انها بتستخدم زيارة اسرائيل لدعمه
طراجي شترا في السياسة وكل يوم راكبة موجة وكل يوم واقفة مع تيار يناقض التيار الواقفة معاهو امس لترجع بعد يومين لنفس التيار السابق وهكذا دواليك.. يآخ دي وصلت مرحلة بتشكر احمد هارون المجرم وعلى عثمان محمد طه وشكرت الترابي وبكرة بتشكر نافع..
غير انها شاتت ضد الحركة الشعبية وبدات واقفة مع الحركة الشعبية.. شاتت ضد السيسيسي ورجعت وقفت معاهو وتاني ضدو.. تمخول الزولة والله تمخول ..
غايتو الخط الواضح في طراجي للآن انها زولة جست عنصرية وبس بتدعو للفتنة العرقية والجهوية ووخطها عنصري غير كدة في السياسة .. التكتح ماعندها ولا حايكون عندها لانه دي قدرتها والقسمو ليها ربنا
ونعم بالله .. ونحمدو على مصيبة طراجي الابتلانا بيها دي عشان يأجرنا فوقها :) |
هذا بالضبط ما اردت ان اوصل القارئ اليه يا حيدر
تراجي تبحث عن شئ لا علاقة له بما تفعله ..... لحظنا العاثر ركبت مركب السياسة الهامل ده منتمية لمقداف المعارضة وبالجانب الاخر يقدف نافع باسلوبه السوقي والفاظه البزيئة .... والشعب يريد ان يصل للضفة
|
Post: #18
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: Balla Musa
Date: 10-27-2011, 01:40 PM
Parent: #15
| Quote: ياعمك الجمعة دي ما صحيتنا |
وانتو بتنوموا لحدى صلاة الجمعة ومستحرمين المشى لاسرائيل ياحاسدين!!
|
Post: #21
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: عبدالمجيد الكونت
Date: 10-28-2011, 10:09 PM
Parent: #18
Quote: وانتو بتنوموا لحدى صلاة الجمعة ومستحرمين المشى لاسرائيل ياحاسدين!!
|
يا دكتور حيدر ده بصحي ساااي ...يعني ما تضبط عليه وقتك ......والله صحي
هسة نحن في المشي اسرائيل ولا في واحدة قالت القدس حق اليهود زاتم 
وكان ما مصدقني بنو إسرائيل والقدس – القرآن والتاريخ
|
Post: #19
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: حسن حماد محمد
Date: 10-28-2011, 09:46 PM
Parent: #1
| Quote: تراجي تبحث عن شئ لا علاقة له بما تفعله ..... |
الخلاصة
تحياتى حيدر
|
Post: #20
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: ود الباوقة
Date: 10-28-2011, 09:49 PM
Parent: #19
اين صاحب البوست ....
|
Post: #22
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: Tragie Mustafa
Date: 10-28-2011, 10:15 PM
Parent: #20
قادر الله يا اب جضيمات(عبد المجيد الكونت)!
يا طبال بت الصادق المهدي هنا
هو في ابتلاء اكثر من ان يكون امثالك ممن يدعون المعرفه السياسيه ببلادنا؟!
يا اخي انت لو عندك طايوق من اساسه بتبقى حزب امه؟!
سبحان الله!!
|
Post: #23
Title: Re: شحدت تذكرة للسودان . طنشوها .. سلخت جلد الأرنب لللاجئين في اسرائيل
Author: AMNA MUKHTAR
Date: 10-28-2011, 10:30 PM
Parent: #22
بوست ( مدفوع الأجر ) .........
على الأقل أم حازم وااااضحة وما كذابة زيك يا أيها ( الناقد المغربى ) ..
إنشاء الله بس ناس السفارة أدوك نيشان مع الحلاوة ..
Quote: لانه يا اهبل جلد الارنب ده اعني قروش التذكره محوله لي من شهر مايو
يعني قاعده في حسابي يا اهبل ولم يهون الله امر السفر!
يعني قبل اندلاع القتال بجنوب كردفان! و الكتبنا عنه لبسنا الكاكي!
|
وأنا أشهد على ذلك ..ويوم الحساب بيننا يا أفاك ..
Quote:
تكاكي جداده قول أمين
|
|
|