Post: #1 Title: مهاجم المريخ ساكواها عبقرية ضلت طريقها الى السودان .. فيديو Author: هشام عباس Date: 10-23-2011, 07:43 AM Parent: #0
مهاجم المريخ جوناس ساكواها زامبى الجنسية وهداف الدورى السودانى حتى الان لاعب بامكانات مهولة يحمل كل مواصفات اللاعب الفنان والهداف معا .. صاحب تكوين جسمانى جيد جدا ويملك مهارات التسديد بكلتى القدمين وان كانت قدمه اليسرى هى مدفع الدانة بالاضافة الى استخدامه الجيد للراس .. حديثى عن ساكواها ليس من باب انه هداف الدورى السودانى لان الدورى السودانى ليس مقياسا فقد تربع على عرش هدافيه لاعبون متواضعون كثر من امثال بريش العيلفون وغيرهم لكن من خلال متابعة اللاعب ساكواها جيدا تجد فيه كل مواصفات المهاجم المرعب ويكفى ان العيون الاوربية لم تكن غافلة عنه وهو القادم اصلا من تجربة اوربية بملاعب فرنسا محترفا بفريق لوريانت الفرنسى وان لم يوفق فى تلك التجربة .. هذا الفتى الابنوسى سجل بالامس هدفا راسيا فى شباك الموردة قد تكون واحدة من اجمل الاهداف الراسية فى تاريخ كرة القدم .. وبعيدا عن ضعف الموردة فى الاونة الاخيرة ومستوى لاعبيه الفنى الا ان طريقة ساكواها فى تسجيل الهدف وتوجيه الكرة والتمركز والذكاء بينت عبقرية فذة لهذا المهاجم هدف نشاهده فى الدوريات الاوربية لكن نادرا ما رايت هدفا بهذه الكيفية والتوجيه فى دورياتنا العربية والافريقية ساكواها لم يعلن عن كافة امكانياته حتى الان لانه مثل المقيد فى فريق المريخ الذى يعانى بوضوح فى صناعة اللعب ورغم ذلك نجح ساكواها فى قيادة قائمة هدافى الدورى بكل براعة لو وجد ساكواها خط وسط يعرف صناعة اللعب سيعلن عن الكثير من امكانياته بطولة امم افريقيا القادمة ستكون انطلاقة جديدة لهذا اللاعب بعد اختياره ضمن المنتخب الزامبى وقد يعود مجددا لاوربا من بوابة المنتخب ... شاهد الهدف :
Post: #2 Title: Re: مهاجم المريخ ساكواها عبقرية ضلت طريقها الى السودان .. فيديو Author: هشام عباس Date: 10-23-2011, 07:44 AM Parent: #1
مع الشكر للاخ فيفا بشبكة المريخ
Post: #3 Title: Re: مهاجم المريخ ساكواها عبقرية ضلت طريقها الى السودان .. فيديو Author: mohmed khalail Date: 10-23-2011, 07:54 AM Parent: #2
واحد جاري.. ضربتو الكورة ودخلت قوون..
العبقرية وين هنا ؟؟؟؟؟؟؟؟؟
Post: #4 Title: Re: مهاجم المريخ ساكواها عبقرية ضلت طريقها الى السودان .. فيديو Author: محمد عبد الماجد الصايم Date: 10-23-2011, 08:01 AM Parent: #3
Quote: واحد جاري.. ضربتو الكورة ودخلت قوون.
Post: #5 Title: Re: مهاجم المريخ ساكواها عبقرية ضلت طريقها الى السودان .. فيديو Author: omer osman Date: 10-23-2011, 08:02 AM Parent: #3
Quote: واحد جاري.. ضربتو الكورة ودخلت قوون..
العبقرية وين هنا ؟؟؟؟؟؟؟؟؟
بالغت يامحمد خليل ........
حقيقة الهدف جميل وفيهو تصرف وفكر عالي ...
ويكشف عن قدرات وامكانيات كبيرة جداً لهذا اللاعب ......
الف شكر ياهشام .......
Post: #8 Title: Re: مهاجم المريخ ساكواها عبقرية ضلت طريقها الى السودان .. فيديو Author: هشام عباس Date: 10-23-2011, 08:11 AM Parent: #5
Quote: بالغت يامحمد خليل ........
حقيقة الهدف جميل وفيهو تصرف وفكر عالي ...
ويكشف عن قدرات وامكانيات كبيرة جداً لهذا اللاعب ......
الف شكر ياهشام .......
تحياتى عمر يا اخوى الهلالاب ديل كان بيفهموا اهداف زى دى كانوا مشوا مصر وجابوا لينا واحد زى اتوبونج ؟؟
Post: #6 Title: Re: مهاجم المريخ ساكواها عبقرية ضلت طريقها الى السودان .. فيديو Author: هشام عباس Date: 10-23-2011, 08:09 AM Parent: #3
Quote: واحد جاري.. ضربتو الكورة ودخلت قوون..
العبقرية وين هنا ؟؟؟؟؟؟؟؟؟
انشاء الله تجيك كورة طاشة من اوتوبونج تضربك فى قفاك قول يامين يا محمد خليل
Post: #9 Title: Re: مهاجم المريخ ساكواها عبقرية ضلت طريقها الى السودان .. فيديو Author: تاج السر محمد حامد Date: 10-23-2011, 08:19 AM Parent: #3
المابتلحقو جدعو ..
اياهو ده حالكم ..
قادر الله ..
تاج ..
Post: #7 Title: Re: مهاجم المريخ ساكواها عبقرية ضلت طريقها الى السودان .. فيديو Author: حمزاوي Date: 10-23-2011, 08:09 AM Parent: #2
الابن هشام عباس مسكاقمي اعتقد ان فريق المريخ يضم مجموعة من المحترفين الاجانب يعتبروا اساس الفريق ففي حراسة المرمى المخضرم الحضري وامامه قلب الدفاع باسكال وامامه في الوسط الدافي ووارغو وفي المقدمة كلتشي واديكو وسكواها فكل لاعب نجم في خانته ويمتاز باداء راقي وكما ذكرت ضعف الخصوم عامة لم يظهر نجومية هؤلاء في فرقة المريخ ويمتاز النجم سكواها باللعب بكلتى رجليه ويجيد ضربات الرأس ويميزه عن غيره تمركزه الجيد والتهديف السريع المباغت ، وأرى ان باسكال في الدفاع اكثر ابداعاً ولكن طبعاً الجمهور يصفق للهداف والثنائي سكواها واديكو سيكون لهم شأن في الموسم القادم واعتقد ان اديكو سينافس سكواها
عافيلقو
Post: #10 Title: Re: مهاجم المريخ ساكواها عبقرية ضلت طريقها الى السودان .. فيديو Author: هشام عباس Date: 10-23-2011, 08:21 AM Parent: #7
Quote: الابن هشام عباس مسكاقمي اعتقد ان فريق المريخ يضم مجموعة من المحترفين الاجانب يعتبروا اساس الفريق ففي حراسة المرمى المخضرم الحضري وامامه قلب الدفاع باسكال وامامه في الوسط الدافي ووارغو وفي المقدمة كلتشي واديكو وسكواها فكل لاعب نجم في خانته ويمتاز باداء راقي وكما ذكرت ضعف الخصوم عامة لم يظهر نجومية هؤلاء في فرقة المريخ ويمتاز النجم سكواها باللعب بكلتى رجليه ويجيد ضربات الرأس ويميزه عن غيره تمركزه الجيد والتهديف السريع المباغت ، وأرى ان باسكال في الدفاع اكثر ابداعاً ولكن طبعاً الجمهور يصفق للهداف والثنائي سكواها واديكو سيكون لهم شأن في الموسم القادم واعتقد ان اديكو سينافس سكواها
الخال حمزاوى تحياتى لاول مرة منذ سنوات نشعر ان المريخ لديه عمود فقرى من لاعبين جيدين يمكن ان تبنى عليه جسد فريق يهز اركان القارة هذا بالطبع اذا ابتعد مجلس المريخ عن اخطاء الماضى وابتعد عن مجاراة البرير فى خلق بطولات وهمية فى تسجيلات هزلية لتغطية عاره واعادة جماهيريته بين انصار الهلال .. باعتبار ان الحضرى انتهى عهده مع المريخ سمعنا ان المريخ لديه محاولات لضم حارس مرمى انيمبا النيجيرى واقاويل اخرى عن ضم حارس مرمى الاتحاد الليبى وهذه خطوة جيدة ولكن يجب الاحتياط لها بالحارس زغبير حارس اهلى الخرطوم لانه افضل حراس الساحة حاليا بالنسبة لخط الدفاع تسجيل امير كمال لاعب الموردة بالاضافة لباسكال وسفارى ونجم الدين اضف اليهم الباشا وقت الحوجة يكفى .. الاطراف ارى انها متوازنة نوعا ما مع قلة خيارات التسجيل الطرف الشمال لديك مصعب وموسى والطرف اليمين بلة جابر واتمنى ان يتم تسجيل اللاعب عبد الرحمن كرنقو (ما اسحق كرنقو بتاع الهلال) خط الوسط علة الفريق يحتاج خانة الارتكاز بجوار الشغيل الى لاعب محترف بمعنى محترف بالاضافة الى لاعب وطنى اما محمد موسى او رمضان عجب اما صناعة اللعب ايضا يحتاج لمحترف سوبر كصانع العاب حقيقى مع ذهاب وارغو ببيعه او اعارته (كفانا لف ودوران زى الدراويش فى حولية ذكر) وشطب الدافى (ومعاه كف فى قفاه) خط الهجوم اظنه من افضل خطوط الهجوم على مستوى القارة ان لم يكن الافضل بدون منازع صدقنى لو فكر مجلس المريخ بهذه الكيفية يمكن ان يخلق تيما يهز الارض لكن مصيبتنا فى مجلس لا يفهم كرة القدم همهم الشو والظهور الاعلامى والتسجيل بدون حوجة ولا فهم ولا دراية ...
Post: #11 Title: Re: مهاجم المريخ ساكواها عبقرية ضلت طريقها الى السودان .. فيديو Author: نادر الفضلى Date: 10-23-2011, 08:26 AM Parent: #7
هشام سلام
شكراً للفن النظر لهذا الهدف الجميل ما شاء الله على ساكواها توقيت دقيق لتلقى الكرة برأسه ومعالجتها بضربة رأسية محكمة وقوية .. شبال خرافى !
Post: #13 Title: Re: مهاجم المريخ ساكواها عبقرية ضلت طريقها الى السودان .. فيديو Author: هشام عباس Date: 10-23-2011, 08:32 AM Parent: #11
Quote: هشام سلام
شكراً للفن النظر لهذا الهدف الجميل ما شاء الله على ساكواها توقيت دقيق لتلقى الكرة برأسه ومعالجتها بضربة رأسية محكمة وقوية .. شبال خرافى !
نادر تحياتى فعلا هدف ينم عن عبقرية فذة للاعب فذ هذا ان دل يدل على ان تسجيلات النظرة الفنية هى الافيد دوما عكس تسجيلات الشو والصراعات والعضلات انظر الى باسكال الذى اتى بكل هدوء وبطلب من الكوتش سيد سليم ودخل كشف الفريق دون ان يشعر به احد ودون ان يكلف خزينة النادى ثمن ثلاثة كرات قدم .. ليت المجلس يستفيد من هذه التجربة ويستقدم لنا بنفس الرؤية لاعب ارتكاز قوى وحريف ومعه صانع العاب ممتاز وحينها اسألنى عن دروب الاميرة السمراء
Post: #15 Title: Re: مهاجم المريخ ساكواها عبقرية ضلت طريقها الى السودان .. فيديو Author: mohmed khalail Date: 10-23-2011, 08:36 AM Parent: #11
ابو الشوش
Quote: انشاء الله تجيك كورة طاشة من اوتوبونج تضربك فى قفاك قول يامين يا محمد خليل
وتدخل قوون؟؟؟؟؟؟؟..(وجه اخضر مدردق زي حق جنابو وود الصايم)
Post: #16 Title: Re: مهاجم المريخ ساكواها عبقرية ضلت طريقها الى السودان .. فيديو Author: هشام عباس Date: 10-23-2011, 08:42 AM Parent: #15
Quote: وتدخل قوون؟؟؟؟؟؟؟..(وجه اخضر مدردق زي حق جنابو وود الصايم)
ما اظن !! اراهنك اوتوكنب بتاعكم دة لو اديتوه الكورة فى ايدو يشيلها ويجرى بيها يختها فى الشبكة ما يعرف يعملها سيبك من تضرب فيه ... (انا زاتى ما لقيت وجه اخضر مدردق )
Post: #12 Title: Re: مهاجم المريخ ساكواها عبقرية ضلت طريقها الى السودان .. فيديو Author: يوسف الدفينة Date: 10-23-2011, 08:31 AM Parent: #7
Quote: طريقة ساكواها فى تسجيل الهدف وتوجيه الكرة والتمركز والذكاء بينت عبقرية فذة لهذا المهاجم
دا انزار مبكر ولا قصدك شنو يا هشام .. مافي داعي تجهجه الجماعة براهم مجهجهين ...
Post: #14 Title: Re: مهاجم المريخ ساكواها عبقرية ضلت طريقها الى السودان .. فيديو Author: هشام عباس Date: 10-23-2011, 08:35 AM Parent: #12
Quote: دا انزار مبكر ولا قصدك شنو يا هشام .. مافي داعي تجهجه الجماعة براهم مجهجهين ...
يوسف تحياتى يا اخوى الجماعة ديل مرحلة وفتناها ديل لغاية حسع ما فاهمين قون الدقيقة الاخيرة ديك جات كيف وبوين .. وتطبيق الحنة من ساكواها امر مفروغ منه لا اظن ان ديمبا البطئ ومساوى التائه دوما قادرين على ايقاف القاطرة ساكواها .. سيبنا من ديل نحن بنتكلم عن حلم اكبر عن افريقيا صدقنى لو المريخ ما عمل حاجة للبلد دى مافى فريق حيعملها لغاية يوم القيامة
Post: #17 Title: Re: مهاجم المريخ ساكواها عبقرية ضلت طريقها الى السودان .. فيديو Author: محمد عبد الماجد الصايم Date: 10-23-2011, 08:48 AM Parent: #14
النجيضة يا أبو الشوش القون دا ما فيهو أيييي عبقرية!! عمكـ حمزاوي دا ممكن يجيب زيو!!
Post: #18 Title: Re: مهاجم المريخ ساكواها عبقرية ضلت طريقها الى السودان .. فيديو Author: هشام عباس Date: 10-23-2011, 08:58 AM Parent: #17
Quote: النجيضة يا أبو الشوش القون دا ما فيهو أيييي عبقرية!! عمكـ حمزاوي دا ممكن يجيب زيو!!
يا ود الصايم بطل حقد هدف بالطريقة دى انا ما شفتها الا من ابراهيموفيتش فى مرمى ايطاليا تقريبا فى كاس الامم الاوربية الاخيرة ... عمك حمزاوى قال
Post: #21 Title: Re: مهاجم المريخ ساكواها عبقرية ضلت طريقها الى السودان .. فيديو Author: محمد عبد الماجد الصايم Date: 10-23-2011, 09:37 AM
Quote: هدف بالطريقة دى انا ما شفتها الا من ابراهيموفيتش فى مرمى ايطاليا
أها عمكـ إبرا دا زاتو ما عندو أي فهم بتاع كورة! ما شفت لي زول ما بنجح في برشلونة! ياخ ديل عندهم صنّاع لعب يدوكـ الكورة بسكويتة بس!! ما بقي عليكـ إلا الـ (هممممم) وعمكـ إبرا طلع ماسورة ساي!!
Post: #22 Title: Re: مهاجم المريخ ساكواها عبقرية ضلت طريقها الى السودان .. فيديو Author: هشام عباس Date: 10-23-2011, 10:09 AM Parent: #21
Quote: أها عمكـ إبرا دا زاتو ما عندو أي فهم بتاع كورة! ما شفت لي زول ما بنجح في برشلونة! ياخ ديل عندهم صنّاع لعب يدوكـ الكورة بسكويتة بس!! ما بقي عليكـ إلا الـ (هممممم) وعمكـ إبرا طلع ماسورة ساي!!
العكس يا ود الصايم عمك ابرا دة لعيب بدرجة جيد جدا وفشله فى برشلونة ما بيعنى انو لاعب فاشل بدليل انو نجح فى فرق كبيرة مثل الانتر وميلان وقبلهم اليوفى واياكس المشكلة بتكمن فى استايل اللعب يعنى تلقى مهاجم بيشابه طريقة لعب الفريق ومهاجم تانى يكون مميز لكن اسلوبو ما بيشابه طريقة الفريق برشلونة فريق جماعى وما بيعتمد على التلقيدية زى بقية الفرق مافى حاجة اسمها مهاجم صريح فى برشلونة بتلقى انسيتا من جهة عمل راس حربة تانى تلقى ميسى جاك راس حربة وعندك فيا وعند بيدرو حتى مرات تلقى بوسكيتش راس حربة يعنى هى بتعتمد على حركية الفريق ككل عشان كدة مهاجم تقليدى زى ابرا ما بينفع فى البارشا لكن هو مهاجم بمعنى الكلمة
Post: #19 Title: Re: مهاجم المريخ ساكواها عبقرية ضلت طريقها الى السودان .. فيديو Author: الحاج حمد الحاج Date: 10-23-2011, 09:17 AM Parent: #12
Quote: دا انزار مبكر ولا قصدك شنو يا هشام ..
غايتو يا يوسف لو المرة الجاية سكواها سواها الجمهور ح يعمل لمجلس الادارة سكاها
Post: #20 Title: Re: مهاجم المريخ ساكواها عبقرية ضلت طريقها الى السودان .. فيديو Author: هشام عباس Date: 10-23-2011, 09:27 AM Parent: #19
Quote: غايتو يا يوسف لو المرة الجاية سكواها سواها الجمهور ح يعمل لمجلس الادارة سكاها
