Post: #1 Title: محللون استراتيجيون من سودانيزاونلاين يتجهون الى ليبيا لمساعدة الثوار!! Author: Balla Musa Date: 10-21-2011, 12:17 PM
المرحلة القادمة فى غاية الصعوبة على الشعب الليبى كما أجمع المحللون الإستراتيجيون بسودانيزاونلاين..
لذا قرر المجلس الوطنى الإنتقالى الإتصال بهؤلاء لرسم مسار الحياة السياسية لضمان مستقبل ديمقراطى وسلمى لليبيا..
أعضاء المنبر المعنيون اشترطوا أن يدين المجلس الوطنى الإنتقالى علنا الطريقة التى تعامل بها الثوار مع القذافى..
دوائر عليمة تقول ليس للمجلس الوطنى الإنتقالى غير الرضوخ لهذا الشرط والذى هو من صميم حقوق الإنسان والتى عرف الشعب السودانى بتقديسها!
Post: #2 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Faisal Elrasheed Date: 10-21-2011, 12:25 PM Parent: #1
Post: #4 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Faisal Elrasheed Date: 10-21-2011, 12:30 PM Parent: #2
دكتور بله .. سلامات .. والتحيه لك وانت تنقل هذا الخبر الهام عن ثوار ليبيا واقرارهم بالفشل في اكمال مسيرة النضال وجنوحهم للاستعانه بخبرائنا في البورض ..
اعتقد انه يجب تكون لجنه من (بورضاب ) الداخل والخارج والتوجه فورا بطائره خاصه الي سرت .. ومن ثم الي بنغازي ثم طرابلس ..
اخوانكم الثوار يحتاجونكم فلا تبخلو عليهم بالمشوره والنصيحه ..
ــــــــــــــــــــــــــــــــــــــــــــــ طيب بعد كده مفروض الناس ترشح اللجنه ..
غايتو رئيس اللجنه انا عارفو لكن الاعضاء ديل رشحوهم لينا انتو والله لا يضيع اجر من احسن عملا ..
Post: #6 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Balla Musa Date: 10-21-2011, 12:35 PM Parent: #4
Quote: طيب بعد كده مفروض الناس ترشح اللجنه ..
سلام يافيصل
أولا الترشيح مخالف للمادة 30 من الرايحة..
ثانيا البورد كلوا ماشاء الله بس أخمش من طرف..
ثالثا يجب أن نحمد الله أننا فى مؤسسة تعليمية سودانية متعددة الأغراض!
Post: #8 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Faisal Elrasheed Date: 10-21-2011, 12:41 PM Parent: #6
Quote: أولا الترشيح مخالف للمادة 30 من الرايحة..
ابدا يا بله .. لو قريت الماده 30 مقرونه بالماده 16 من دستور هنولولو بتلقي انه القصه دي محتاجه يفتشو ليها خشم البقره ..
Quote: ثانيا البورد كلوا ماشاء الله بس أخمش من طرف..
دي مافيها شك ..
Quote: ثالثا يجب أن نحمد الله أننا فى مؤسسة تعليمية سودانية متعددة الأغراض
وكمان يوجد فيها تحويل رصيد وكهرباء الدفع المقدم
Post: #3 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Balla Musa Date: 10-21-2011, 12:27 PM Parent: #1
كوز تحليل + 4معالق كبيرة صوص+ معلقة زيت ومعلقة ملح مع إضافة البشمل ووضع الخليط فى الفرن..
المدة المطلوبة مايكفى لمشاهدة بداية الخبر فى الجزيرة وقراءة خبرين من نفس العينة فى سودانيز اونلاين..
بعد إخراج التحليل بالبشمل يجب وضعه فى مكان بارد حتى تقل درجة حرارته لدرجة يمكن قضمه..
مدة تبريده يجب على ألا تزيد عن مدة تكفى لكتابة عنوان بوست وعمل المداخلة الأولى..
بعد ذلك يقدم التحليل بالبشمل للقراء وبالهنا والشفا!!
Post: #5 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Faisal Elrasheed Date: 10-21-2011, 12:32 PM Parent: #3
Quote: بعد ذلك يقدم التحليل بالبشمل للقراء وبالهنا والشفا!!
نعم .. واضف علي ذلك الفطير بالروب ..
Post: #7 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Balla Musa Date: 10-21-2011, 12:40 PM Parent: #5
Quote: واضف علي ذلك الفطير بالروب ..
فى السعودية عندهم عيش صامولى فينو خميرتو زايدة,,
وهنالك لبن المراعى (الروب)
تفت كم واحدة من العيش على لبن المراعى وتخليها نص ساعة وتاكلها..
وبعد نص ساعة من الأكل موش تكون محلل وبس, احتمال كمان تقول أنا بانكى مون!
Post: #9 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Faisal Elrasheed Date: 10-21-2011, 12:45 PM Parent: #7
Quote: فى السعودية عندهم عيش صامولى فينو خميرتو زايدة,,
وهنالك لبن المراعى (الروب)
تفت كم واحدة من العيش على لبن المراعى وتخليها نص ساعة وتاكلها..
ياخ ناس السعوديه المفتحين ديل كمان جابو ليهم حاجه مع الروب سموها اكتيفيا ... بخمائر البفيدوس .. قال ليك وكيلك الله جغمتين بس وتاني تفتش الروب بالفطير
ـــــــــــــــــــــــــــــــــــــــــــــــــــــــــ الله يفرطقني كان فهمته البفيدوس دي شنو
Post: #10 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Balla Musa Date: 10-21-2011, 12:50 PM Parent: #9
Quote: الله يفرطقني كان فهمته البفيدوس دي شنو
أسأل محلل ولاتسأل صديق!
أنت ماسمعت أحد أعضاء المنبر بقول لجاك دريدا ياصديقى العزيز؟
Post: #11 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Faisal Elrasheed Date: 10-21-2011, 12:52 PM Parent: #10
Quote: أنت ماسمعت أحد أعضاء المنبر بقول لجاك دريدا ياصديقى العزيز؟
بكون مشترك معاه في نظرية التفكيك يا عمك
Post: #12 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Balla Musa Date: 10-21-2011, 12:54 PM Parent: #11
Quote: بكون مشترك معاه في نظرية التفكيك يا عمك
ياخى انت كلامك دا بتخمرو وين؟
Post: #13 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Faisal Elrasheed Date: 10-21-2011, 12:56 PM Parent: #12
Quote: ياخى انت كلامك دا بتخمرو وين؟
واحد اخونا شغال محلل في السعوديه رسل لي كرتونة بافيدوس كبيت معاها شامبيون وكتحتها علي الريق
Post: #14 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Balla Musa Date: 10-21-2011, 01:07 PM Parent: #13
Quote: واحد اخونا شغال محلل في السعوديه رسل لي كرتونة بافيدوس كبيت معاها شامبيون وكتحتها علي الريق
تخيل بعد دا يجى محلل استراتيجى يقول ليك كلامك فطير..
زى دا بكون بايتة معاه "الفكرة" ول شنو؟
Post: #15 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Faisal Elrasheed Date: 10-21-2011, 01:11 PM Parent: #14
Quote: تخيل بعد دا يجى محلل استراتيجى يقول ليك كلامك فطير..
انت يا دكتور الفطير القاصدنو اخوانا المحللين ديل ياهو الفطير بتاعنا البناكلو بالروب ده والا فطير تاني ... طال عمرك
Post: #16 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: Ali Hamad Date: 10-21-2011, 06:43 PM Parent: #15
الله يجازى محنك يادكتور بلة .مالك خارب على المستشارين المتطوعين فى سودانيز اون لين ديل ناس ضاربين هوا تقوم تعلن عنهم عشان الناس تكشف حقيقتهم لا معرفة ولا دراية وكمان معاها فصاحة وتحليل خارم بارم وحسب التساهيل.لكن ثوار ليبيا ما عندهم وقت يضيعوه مع المرعوبين .
Post: #17 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: قيقراوي Date: 10-21-2011, 07:08 PM Parent: #16
Quote: أنت ماسمعت أحد أعضاء المنبر بقول لجاك دريدا ياصديقى العزيز؟
دا منو دا كمان!؟
-----------
عشان امشي اضاربو .. عمك صديقو الحصري و الوحيد انا دا هنا في مطعم الباشا دا! حتى بالامارة كنا بنفكها سوا .. زي جنس فكتي اسي دي
حتى اسالو؟ اديك تلفونو و لّ الايميل!؟
Post: #18 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: محمد جلال عبدالله Date: 10-21-2011, 08:02 PM Parent: #17
السلام عليكم أستاذ بلة وضيوفه الكرام والله أنا زيكم مستغرب من قصة التنظير المدورة في البورد ده وللا ايه بعضهم يقول ليك: فشل الثوار في أول اختبار وبعضهم يقول ليك: الفرق بينهم وبين القذافي شنو!! الناس دي لي هسي ما مستوعبة ولا قادرة تفهم يعني شنو ثورة مسلحة ويعني شنو القتال يكون محتدم ويموت أبوك أخوك ابنك عمك صديقك!!
يعني كده الثوار ديل كان مفروض يعتقلوا القذافي بكل هدوء وود وابتسامة عريضة ويضعوا الأصفاد على يديه برقة وحنية ويجيبوا ليهو محامي على نفقة الثورة (على وزن الدولة) عشان يعرفه بحقوقه ويخلوهو يتصل بذويه عشان يبلغهم أنه اعتقل وبعد داك ممكن يفكوهو بضمانة ولده سيف الإسلام
شوف الشيخ ده برد على أمثال هؤلاء
Post: #19 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: محمد جلال عبدالله Date: 10-22-2011, 02:36 PM Parent: #18
فوق ^_^
Post: #20 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: 7abib_alkul Date: 10-22-2011, 09:45 PM Parent: #19
غايتو انا برشح ليهم جاكات اكون مستشار اعلامي للثوار عشان اقنعهم ليك بأن القذافي لسع حي و يقود كتائبه علي بعد خمسطاشر كيلو من طرابلس
Post: #21 Title: Re: محللون استراتيجيون من سودانيزاونلاين يتجهون الى ليبيا لمساعدة الثو Author: 7abib_alkul Date: 10-22-2011, 09:46 PM Parent: #19
غايتو انا برشح ليهم جاكات اكون مستشار اعلامي للثوار عشان اقنعهم ليك بأن القذافي لسع حي و يقود كتائبه علي بعد خمسطاشر كيلو من طرابلس
