Post: #1
Title: لماذا لا يشاركون فى بوستات محمد جمال الدين(الفورولاب)
Author: خالد خليل محمد بحر
Date: 10-21-2011, 01:03 PM
Parent: #0
...محمد جمال الدين...كاتب من طراز رفيع ...يكتب بإسهاب
فى موقع سودان فور أول...ويقدم مقاربات عميقة للواقع الإجتماعى والسياسى
والفكرى فى السودان...مقاربات على درجة عالية من الجرأة والتقعيد النظرى المتماسك
ما لفت نظرى أن معظم بوستات محمد جمال الدين فى ذلك الموقع _ورغم أهميتها_ لا تحظى
بمداخلات من عضوية ذلك المنبر....! هذا الامر أدهشنى للغاية، ولم أجد تفسير منطقى لهذا الحصار
غير المعلن على كتابات وبوستات محمد جمال الدين....!فى حين أن بعض البوستات التى أفردت للهذيانات
النرجسية تجد تدافع منقطع النظير...أى منطق ياترى يحكم التداخل والمشاركة فى ذلك الموقع الصالونى...؟ها..!
|
Post: #2
Title: Re: لماذا لا يشاركون فى بوستات محمد جمال الدين(الفورولاب)
Author: خالد خليل محمد بحر
Date: 10-21-2011, 01:07 PM
Parent: #1
...المشكلة وين، فى محمد جمال الدين ولا فى المنطق القاعد يحكم
المشاركة فى البوستات....؟
|
Post: #3
Title: Re: لماذا لا يشاركون فى بوستات محمد جمال الدين(الفورولاب)
Author: Abuzar Omer
Date: 10-21-2011, 02:21 PM
Parent: #2
Salaam
and ????
|
Post: #4
Title: Re: لماذا لا يشاركون فى بوستات محمد جمال الدين(الفورولاب)
Author: عوض محمد احمد
Date: 10-21-2011, 03:14 PM
الحال من بعضو يا خالد
اذا نظرت عندنا هنا فسوف تجد عشرات البوستات من اجود الكتابات و هى تشكو البوار الماحق
و انظر لبوستات المونساتية و الفارغة تجدها مكتظة
هنا و هناك تلعب المعرفة الشخصية بكاتب الموضوع دورا فى القراءة و التعليق
بل انه تبدو ان ان الناس اعتادت على النظر اولا فى اسماء الكاتبين
هل المسالة متعلقة بسيكلوجية القارئ؟
لا اظن ان المسالة تتعلق بالتوجه الايلوجى او السياسى. فكل كتاب الفورول تقريبا متشابهون فى توجهاتهم
لكن مع ذلك تجد ما يشبه الحصار على العديد من الكتاب
هل تعلم ان كتابات فتحى الضو التى تتهافتةعليها كبريات الصحف لا تجد شخصا واحدا بعلق عليها بل و تنال مقرؤية متدنية للغاية
و كذا كتابات عبد الفتاح عرمان التى تحتوى على تقارير و مقابلات مهمة من عاصمة تلغب دورا مهما فى شاننا
هذا البوست مهم جدا و نامل فى نقاش موضوعى بعيدا عن الحساسيات!
|
Post: #5
Title: Re: لماذا لا يشاركون فى بوستات محمد جمال الدين(الفورولاب)
Author: حيدر حسن ميرغني
Date: 10-21-2011, 03:23 PM
Parent: #4
| Quote: و انظر لبوستات المونساتية و الفارغة تجدها مكتظة |
| Quote: هذا البوست مهم جدا و نامل فى نقاش موضوعى بعيدا عن الحساسيات! |
صدقت ياعوض
---
شكرا خالد
|
Post: #6
Title: Re: لماذا لا يشاركون فى بوستات محمد جمال الدين(الفورولاب)
Author: عوض محمد احمد
Date: 10-21-2011, 03:48 PM
Parent: #5
شكرا يا حيدر
امر مؤلم تجد بوستات تناقش قضايا فى منتهى الجدية
و لا تكاد تجد قراء ناهيك عن متداخلين
تغير مزاج القراءة الى بوستات الشكل و (العوات) و الشمارات
|
Post: #7
Title: Re: لماذا لا يشاركون فى بوستات محمد جمال الدين(الفورولاب)
Author: خالد خليل محمد بحر
Date: 10-21-2011, 03:58 PM
Parent: #6
الزميل العزيز/ عوض
تشكر على المرور والتعليق ...وحقيقة هذا الموضوع يحتاج لمزيد
من إلقاء الضوء...وعموما فى ظنى إنه فى بعض ملامحه يؤرخ للحالة الراهنة
التى إعترت المزاج السودانى...عموما أتمنى أن نواصل النقاش فى هذا الموضوع
لك ودى
|
Post: #8
Title: Re: لماذا لا يشاركون فى بوستات محمد جمال الدين(الفورولاب)
Author: حيدر حسن ميرغني
Date: 10-22-2011, 09:22 AM
Parent: #7
سلامات عوض
| Quote: تغير مزاج القراءة الى بوستات الشكل و (العوات) و الشمارات |
أمس كنت أستمع لبرنامج إذاعي عن معرض الكتاب المقام في الخرطوم
تحدث فيه اساتذة جامعات وكتاب ودار مجمله حول عملية تغير مزاج القراءة عند السودانيين وبالتحديد شريحة الشباب
تصدق اتفقوا على ما اشار اليه الاخ خالد (الحالة الراهنة) وعزو ذلك الى نظام التعليم المتبع الذي لايشجع على القراءة
وصف احد الاساتذة المشاركين الجامعات السودانية بالمدارس الثانوية بل واقل من ذلك لان ثانوية ماقبل الانقاذ كانت قائمة على اسس متينة
وقال انه سأل احد طلبته في الجامعة عما اذا كان يعرف شيئا عن (المعلقات) وانه ولم يندهش عندما رد الطالب بعدم معرفته عنها
ياحبيب تقافة جيل كامل اصبحت عنائية في الحضيض بسبب هذه السياسات التعليمية السيئة
الله يكون في العون
|
Post: #9
Title: Re: لماذا لا يشاركون فى بوستات محمد جمال الدين(الفورولاب)
Author: عوض محمد احمد
Date: 10-22-2011, 09:38 AM
Parent: #8
الاخ حيدر
سلامات
Quote:
وقال انه سأل احد طلبته في الجامعة عما اذا كان يعرف شيئا عن (المعلقات) وانه ولم يندهش عندما رد الطالب بعدم معرفته عنها |
دا كلام خطير جدا
تعرف يا حيدر فى اميركا و الغرب بعدما اكتشفوا جهل طلاب الطب و العلوم الصحية باى شئ تقريبا خارج نطاق
المعارف و المهارات الطبية و مع تداخل مهنة الطب فى العقود الاخيرة مع غيرها من التخصصات ادخلوا مقررا عن الانسانيات (humanities) و هو كورس يضم معلومات عن الاداب و الفنون و الفلسفة و الاديان و الانثروبولوجيا و غيرها من فروع الانسانيات و العلوم الاجتماعية مما لها صلة ما بالطب او صحة الانسان
|
Post: #10
Title: Re: لماذا لا يشاركون فى بوستات محمد جمال الدين(الفورولاب)
Author: قيقراوي
Date: 10-22-2011, 12:42 PM
Parent: #9
Quote:
الحال من بعضو يا خالد
اذا نظرت عندنا هنا فسوف تجد عشرات البوستات من اجود الكتابات و هى تشكو البوار الماحق
و انظر لبوستات المونساتية و الفارغة تجدها مكتظة
هنا و هناك تلعب المعرفة الشخصية بكاتب الموضوع دورا فى القراءة و التعليق
بل انه تبدو ان ان الناس اعتادت على النظر اولا فى اسماء الكاتبين
هل المسالة متعلقة بسيكلوجية القارئ؟
لا اظن ان المسالة تتعلق بالتوجه الايلوجى او السياسى. فكل كتاب الفورول تقريبا متشابهون فى توجهاتهم
لكن مع ذلك تجد ما يشبه الحصار على العديد من الكتاب
هل تعلم ان كتابات فتحى الضو التى تتهافتةعليها كبريات الصحف لا تجد شخصا واحدا بعلق عليها بل و تنال مقرؤية متدنية للغاية
و كذا كتابات عبد الفتاح عرمان التى تحتوى على تقارير و مقابلات مهمة من عاصمة تلغب دورا مهما فى شاننا
هذا البوست مهم جدا و نامل فى نقاش موضوعى بعيدا عن الحساسيات!
|
سلامات د. عوض
اولن خليني استفسر عن [مقرؤية] .. هل هي مصطلح معروف؟*
شخصياً عندي رأي مختلف مع كتير من نقاطك اعلاه ..
سايكولوجية التفاعل -اعتقد - بحكمها قانونها الخاص
و ما عارف لو انت بنيت حكمك على المقروئية دا على احصائية ام بدون ..
شوف :
في تاريخ 01-08-2011, 12:54
هناhttp://174.36.244.211/cgi-bin/sdb/2bb.cgi?seq...&msg=1311861545&rn=0 عملت الاحصاء دا :
Quote:
ثــرثــرة حـمـيـمــة .... سناء جعفر
227 مشاركة 47,392 مشاهدة
لكن لا بأس ..
هو التالت من حيث العداد .. نجيب الاتنين الاوائل ( في الصفحة الاولى طبعاً الكلام دا ):
قالوا : - حسن موسى
203 مشاركة 84,413 مشاهدة
الانسان والمجتمع والدولة في السودان -
نحو أفق جديد - محمد جمال الدين*
http://sudaneseonline.com/forum/viewtopic.php?t...c8b83c62204b816037e4
276 مشاركة 67,770 مشاهدة
|
زي ما ملاحظ بوست الاستاذ جمال الدين كان في المرتبة التانية من حيث المقروءية!
ما عارف من وين خالد بحر استند على حكمو البائن في عنوان البوست!؟
نقطة تانية في سايكلوجية التفاعل ..
من حق الناس تغير رأيها بحسب قرايتها و محدداتها الوضعتا لطقوس قرايتها ..
ما اعتقد انو في ميثاق عام او ادبيات/مذهب طريقة صوفية محددة!
-------
كنت قايل نفسي نجرتو براي  شوف الزعم الصاعق الزاعق ساي!:
Quote:
يا استاذ / حاتم احفظوا لينا حقوق النحت في المصطلح بالله معاكم .. سمح؟
|
سلامات و تحايا لك و لبحر و جميع المرور
|
Post: #11
Title: Re: لماذا لا يشاركون فى بوستات محمد جمال الدين(الفورولاب)
Author: عوض محمد احمد
Date: 10-22-2011, 12:52 PM
Parent: #10
قيقا
سلام و مودة
| Quote: اولن خليني استفسر عن [مقرؤية] .. هل هي مصطلح معروف؟* |
اكيد يا قيقا
و هو ربما كان ترجمة للمصطلح الانجليزى (ريدرشب)
Quote: زي ما ملاحظ بوست الاستاذ جمال الدين كان في المرتبة التانية من حيث المقروءية!
ما عارف من وين خالد بحر استند على حكمو البائن في عنوان البوست! |
على ما اعتقد خالد يقصد تدنى المداخلات فاذا نظرت للبوست المعنى فيكاد جمال الدين يحاور نفسه
|
Post: #12
Title: Re: لماذا لا يشاركون فى بوستات محمد جمال الدين(الفورولاب)
Author: قيقراوي
Date: 10-22-2011, 01:14 PM
Parent: #11
Quote:
على ما اعتقد خالد يقصد تدنى المداخلات فاذا نظرت للبوست المعنى فيكاد جمال الدين يحاور نفسه
|
طيب ما دام المصطلح موجود خلينا نجك في تقعيدو ..
التفاعل مرتبط بقالراءة و الكتابة/ المشاركة مش
بماذا تفسر 68,000 قراءة؟ (مع حساب التكرار، و قراءة صاحب البوست)
هل تجدي النسبة مثلاً في الحالة دي؟
يعني مثلاً نقول اي مداخلة تم مشاهدتها 250 مرة( مع الاعتبار السابق)؟
بعد داك ممكن نجي نفحص المشاركات دي؟ (بنفس الاعتبار للوصول لعدد المشاركين الحقيقي)
في نظري التفاعل هو علاقة كاتب/قراء .. الاهم فيو القراءة بالنسبة للكاتب.
(نظريا) يفترض في الكاتب انو يكتب فكرتو .. و الناس تقراها، و النقد ..
عدم المشاركة - ليهو اسباب كتيرة، لكن كشك موضوعي - يفسر لجهة النقد الايجابي اعتقد .. و لّ شنو؟
شخصياً قدام كتير من الكتابات، ما بلقى ما اقوله كإضافة موضوعية .. يلا بكتفي بالقراءة بس*
لو ما كنت شايف انو البوست بحتاج رفع، بحفتفظ بغثائي من جنس - رايع، و حلو و شفيف ..اللخ اللخ - بضايرو عليّ ساي!
لأنو لن يضيف قيمة، على الاقل رفع البوست بضيف قيمة لللمقروءية العامة(العدادات).
--------
* اقول قولي هذا و انا ما عندي اكسس للفورسيزونس اصلاً .. و يا ما في الحبس مظاليم!
و دا اكبر مفسر لضخامة (نسبة) المشاهدات / المشاركات!
امكن الموضوع ما مناسب لعضوية (الصالون) زي ما سميتا يا بحر! .. مش؟
|
Post: #13
Title: Re: لماذا لا يشاركون فى بوستات محمد جمال الدين(الفورولاب)
Author: osama fadlalla
Date: 10-22-2011, 04:45 PM
Parent: #12
Quote: ...ويقدم مقاربات عميقة للواقع الإجتماعى والسياسى
والفكرى فى السودان...مقاربات على درجة عالية من الجرأة والتقعيد النظرى المتماسك |
تقصد انو مابدي زول فرقه بتاعت قشرة كلو كلو !!!!
*
|
Post: #14
Title: Re: لماذا لا يشاركون فى بوستات محمد جمال الدين(الفورولاب)
Author: عوض محمد احمد
Date: 10-22-2011, 05:39 PM
Parent: #13
قيقا
سلامات
المسالة التى لفتت نظرى هى ان بوست جمال الدين يصل هذا العدد فى عدد القراء و يصل ما يقارب العشر صفحات و مع ذلك لا يكاد يجد محاورين
انا اعرف القوم هناك فهم يملكون تماما ناصية التنظير خصوصا فى مثل موضوع البوست و مع ذلك يستنكفون من الحوار
و مهما كانت جودة كتابة جمال الدين و قوة سبكها و منطقها فهى بحوجة للاضافة او المناقشة باى صيغة
|
Post: #15
Title: Re: لماذا لا يشاركون فى بوستات محمد جمال الدين(الفورولاب)
Author: قيقراوي
Date: 10-23-2011, 10:13 AM
Parent: #14
سلامات د. عوض
Quote:
قيقا
سلامات
المسالة التى لفتت نظرى هى ان بوست جمال الدين يصل هذا العدد فى عدد القراء و يصل ما يقارب العشر صفحات و مع ذلك لا يكاد يجد محاورين
انا اعرف القوم هناك فهم يملكون تماما ناصية التنظير خصوصا فى مثل موضوع البوست و مع ذلك يستنكفون من الحوار
و مهما كانت جودة كتابة جمال الدين و قوة سبكها و منطقها فهى بحوجة للاضافة او المناقشة باى صيغة
|
تعرف كل ما قلته عن هناك .. ينطبق تماماً عن هنا برضو ..
رغم الاختلاف في طبيعة تركيبة البوردين!!
و الله صحي
خذ نموذجاً :
السودان: بلدان منفصلان يتحدان في حوار من أجل السلام والتنمية "مقترح"!
البوست دا انا رفعتو مرتين .. و كل ضيوفه نحن 3 فقط لا غير ..
و لم تتعدى مشاهداته الـ 200 بالكاااد!!
في بوست تاني عن (سيسليا الهولندية) ما لاقيه .. و هو بوست لقى اقبال شديد جدا!
يبقى نستبعد كل العناصر الثابتة في البوردين .. و نركز على غيرها
اعتقد انو السبب في الغالب راجع للمادة في ذاتها، و احتمال اسلوب الكاتب، و سلوكه الحواري في التعاطي مع المسألة التفاعلية.*
السؤال البطرح نفسه:
ماذا يهم الكاتب في المسالة التفاعلية اصلاً ..
القراءة، و النقد .. ام هو عاوز يناقش الفكرة لبلورة رأي؟
المك نمر لمن الجماعة جوهو بشورة غير الدايرو، قال ليهم ما شاورتكم ناقص رأي!
لماذ يكتب (الكاتب) في الاسافير؟
اما بالنسبة للمونساتية من حالتنا - بالتركيز على امين نوتة نموذجن- فديل عاوزين يتونسوا ساي!
عرفت ليه بوستات الونسة ضاربة هنا؟
على الاقل يحمد لهم انهم واضحين مع نفسهم و الغير انهم ما اتوا لحوار!
الفاعلية عندنا -في الادارة/المحاسبة- هي درجة تحقيق الاهداف ( الاصلن محددة سلفاً)
و الكفاءة قدرة تحقيق الاهداف بأقل استهلاك ممكن للموارد ..
لماذا يكتب (الكاتب)؟
تحديد الاهداف .. و من ثم قياس الفاعلية و الكفاءة
افتكر انو (المقروئية) عدد القراءات و قراءة العدادات معيار مقبول بالنسبة لكاتب .. و لّ شنو؟
اما مسألة الحوار (زي البوست الجبتو اعلاه)
فدي بحكما القلتو داك كاعتبارات موضوعية..
و بعض اعتبارات لا موضوعية (شلة، سلوك بوردي "شيلني و اشيلك" .. اللخ اللخ)
--------
* انا شخصياً عندي رأي في طريقته الحوارية!
http://174.36.244.211/cgi-bin/sdb/2bb.cgi?seq...msg=1311768719&rn=18
|
Post: #16
Title: Re: لماذا لا يشاركون فى بوستات محمد جمال الدين(الفورولاب)
Author: حيدر حسن ميرغني
Date: 10-31-2011, 05:46 PM
Parent: #15
نعم خطير ياعوض
تخيل حجم التخريب الذي طال التعليم والاجيال التي تعلمت تحت سياسة التعليم الرسالية
|
Post: #17
Title: Re: لماذا لا يشاركون فى بوستات محمد جمال الدين(الفورولاب)
Author: خالد خليل محمد بحر
Date: 11-01-2011, 08:43 PM
Parent: #16
...الأعزاء المشاركون فى البوست
فى البداية (أزوبُ أسفآ) لغيابى من المشاركة ولكم العتبى
وسعيد جدا بهذه المداخلات..
|
|