Post: #1 Title: أخوك كان حلقو ليه بل راسك يا البشير واكنوبر هدير الحق والقادمة اقوى Author: hanadi yousif Date: 10-21-2011, 05:29 AM
بن علي مبارك القذافي عليك يا البشير ان تبل راسك فقد تم كنس اصدقائك في الدكتاتورية والعفن تم كنس كل من قال ان نربكم وكل من جوع وازل شعبه وهدير الشعب قادم مرحبا 21 اكتوبر نحن نستلهم بكي لكنس الكيزان الذين قسمو وطني الحبيب وقتلو الشعب السوداني في دارفور وجبال النوبة والنيل الازرق تشريد واغتصاب سرقة مال عام ازلال الانسان السوداني تجويع الشعب سرقة حق العمل للغير كيزان ليكم يوم نراه قريب قرب (نضمي)
بسمك الأخضر يا أكتوبر
باسمك الأخضر يا أكتوبر الأرض تغني
الحقول اشتعلت قمحاً ووعداً وتمني
والكنوز انفتحت في باطن الأرض تنادي
باسمك الشعب انتصر
حائط السجن انكسر
والقيود انسدلت جدلة عرس في الأيادي
كان أكتوبر في أمتنا منذ الأزل
كان خلف الصبر والأحزان يحيا
صامداً منتظراً حتى إذا الصبح أطل
اشعل التاريخ ناراً واشتعل
Post: #2 Title: Re: أخوك كان حلقو ليه بل راسك يا البشير واكنوبر هدير الحق والقادمة اق Author: عبدالكريم الامين احمد Date: 10-21-2011, 05:49 AM Parent: #1
هلا يا هنادي وكيف حال الفيافي والربوع الطيب اهلها في مدني ونواحيها النبيلة..
والطغاة هم الطغاة نفس البدايات وذات النهايات وكما ركلت شعوب المنطقة لصوصها فان شعبنا الجميل سيركل البشير ورهطه الحرامي الي مزبلة فنحن شعب معلم وراسخ في تجارب الهبات والغضبات ضد الطغاة
وكل التقدير
Post: #3 Title: Re: أخوك كان حلقو ليه بل راسك يا البشير واكنوبر هدير الحق والقادمة اق Author: hanadi yousif Date: 10-21-2011, 05:59 AM Parent: #2
والطغاة هم الطغاة نفس البدايات وذات النهايات وكما ركلت شعوب المنطقة لصوصها فان شعبنا الجميل سيركل البشير ورهطه الحرامي الي مزبلة فنحن شعب معلم وراسخ في تجارب الهبات والغضبات ضد الطغاة
عبدالكريم تسلم وصباح الخيرباكتوبر 21 الممهور الركلة القادمة الى مزبلة ما قبل التريخ مدني بخير ودمها فاير
Post: #4 Title: Re: أخوك كان حلقو ليه بل راسك يا البشير واكنوبر هدير الحق والقادمة اق Author: أشرف البنا Date: 10-21-2011, 07:44 AM Parent: #3
هنادي سلام ... ثورة في وجدان كل سوداني حر ... و ذكرى بأن هدؤ شعبنا يغلف مارد يوشك أن يثور ... فهل من مدكر ...
Post: #5 Title: Re: أخوك كان حلقو ليه بل راسك يا البشير واكنوبر هدير الحق والقادمة اق Author: hanadi yousif Date: 10-21-2011, 10:40 AM Parent: #4
ثورة في وجدان كل سوداني حر ... و ذكرى بأن هدؤ شعبنا يغلف مارد يوشك أن يثور ... فهل من مدكر ...
اشرف البنا
تسلم .... سيخرج هذا المارد قريبا ولتبقى ثورة اكتوبر معلم يدرسنا كيف نرفع الظلم عن عاتق شعبنا وكيف تكون نهاية البشير كنهاية القزافي التحية ليك يا شعبي