Post: #1 Title: قررت مقاطعة اللوتري الى الابــد!! Author: الامين موسى البشاري Date: 10-20-2011, 09:47 PM Parent: #0
نار مضمونة ولا جنة مجهجهة أو كما قيل!
Post: #2 Title: Re: قررت مقاطعة اللوتري الى الابــد!! Author: الامين موسى البشاري Date: 10-20-2011, 09:52 PM Parent: #1
بعد عمرنا ده وبعد كل سنين الغربه هذه رأيت أنه ليس هناك داعي للدخول في مغامرات جديدة ظللت اقدم للوتري لمدة تزيد عن 15 عاماً وكانت النتيجة دوما هي عدم قبولي او اختياري ضمن الفائزين ... التقول قالوا ليهم بن لادن دا خالي
Post: #3 Title: Re: قررت مقاطعة اللوتري الى الابــد!! Author: معاوية عبيد الصائم Date: 10-20-2011, 09:55 PM Parent: #2
الله كريم
Post: #6 Title: Re: قررت مقاطعة اللوتري الى الابــد!! Author: الامين موسى البشاري Date: 10-20-2011, 09:59 PM Parent: #3
Quote: االله كريم
بربار اخـــرج
اخرج بســرعة من هذا البوست
Post: #4 Title: Re: قررت مقاطعة اللوتري الى الابــد!! Author: صبري طه Date: 10-20-2011, 09:56 PM Parent: #2
غايتو الشبه زي الموجود
Post: #5 Title: Re: قررت مقاطعة اللوتري الى الابــد!! Author: الامين موسى البشاري Date: 10-20-2011, 09:56 PM Parent: #2
لا يفوتني هنا أن اتقدم بشكري للأخ والزميل الخير محمد عوض للتقديم لي العام الماضي .. كذلك أشكره على الذي يقدمه للجميع جعل الله ذلك في ميزان حسناته مع امنياتي بالتوفيق لكل المقدمين
Post: #7 Title: Re: قررت مقاطعة اللوتري الى الابــد!! Author: الامين موسى البشاري Date: 10-20-2011, 10:06 PM Parent: #5
صبري كيفك ...
فعلا ... فعلا ... الشبه واضح اليومين دي أخــوك شغال قرارات ثــورية وقريباً قــرار العــودة النهائية للســـودان باذن الله
Post: #8 Title: Re: قررت مقاطعة اللوتري الى الابــد!! Author: الامين موسى البشاري Date: 10-20-2011, 10:14 PM Parent: #7
اول مرة اقدم للوتري كانت عام 1990 ويومها ضحكت جنس ضحك كان عندي جاري اسمه الخير الله يطراهو بالخير الخير احد ابناء احياء ام درمان القديمة والعتيقة كنت حينها في سنة اولــى جامعة اتاني الخير حاملاً ورقه مكتوب فيها انجليزي الخير شغال نجار ومهن اخــرى الخير: اللمين عايزك تقدم لي انا : اقدم ليك في شنو يا الخير؟ الخير: فيزا لامريكا انا : كيف؟ كده خليني اشـــوف وبعد ان قرأت الورقه قلت للخير انا : الخير الجماعة ديل عندهم شـــروط الخير : شروط شنو يا زول؟
Post: #9 Title: Re: قررت مقاطعة اللوتري الى الابــد!! Author: الامين موسى البشاري Date: 10-20-2011, 10:25 PM Parent: #8
انا : الخير الجماعة ديل قالوا لازم يكون عندك شهادة (والخير زول أمي ســـاكت) الحاجة التانية يا الخير أو يكون عندك خبره الخير : طيب المشكلة شنو يا اللمين اخوي؟ انا: الخير انت ماعندك شهادة دراسية ولا عندك خبره!! الخير : يا زول دا كلام شنو؟ يااااخ انا عندي خبره لمدة 10 سنوات انا : خبره في شنو يا الخير؟ الخير : يا اللمين ياخ انا بيوت بيت المال دي كلها انا زبلتها انا : اها وحتزبل شنو في امريكا.. الخير : يعني ساكنين في بيوت قش ولا شنو؟
Post: #10 Title: Re: قررت مقاطعة اللوتري الى الابــد!! Author: الامين موسى البشاري Date: 10-20-2011, 10:30 PM Parent: #9
اها دي اول مرة اقدم فيها للوتري وقد كان الخير سببا في تقديمي للوتري طبعا الفترة ديك البريد عندنا زي الزفت وعشان اضمن رسالتي تصل وتقديمي يحصل امريكا قمت بتعبئة الفورم وذهبت لاحدى قريباتي كانت جاية السعودية فانتهزت هذه الفرصة مشيت ودعتها واديتها رسالتي وخسمتها بالنبي رسالتي دي ترسلها
Post: #11 Title: Re: قررت مقاطعة اللوتري الى الابــد!! Author: elsawi Date: 10-21-2011, 04:13 AM Parent: #10
الأخ الأمين سلامات وتحايا قرارك صائب ويازول مالك ومال غربة امريكا البعيدة دي والله نحن لوما اتبلبلنا كان اتخارجنا اليوم قبل باكر وده كلام زول جاء باللوتري سنة 1996
Quote: اول مرة اقدم للوتري كانت عام 1990
برنامج اللوتري بدأ في العام 1995 ونحن كنا ثاني دفعة تجي باللوتري
Post: #12 Title: Re: قررت مقاطعة اللوتري الى الابــد!! Author: معاوية المدير Date: 10-21-2011, 04:20 AM Parent: #11
صبُر يا رفيق.
انا لو ما عارف نفسي كُج كان قدمت ليك. لكن نخليك عشان الفيك مكفيّك.
تمنياتنا لك بحظ أوفر في الجايات الأكتر من الراحات...
Post: #13 Title: Re: قررت مقاطعة اللوتري الى الابــد!! Author: امير عبدالدائم Date: 10-21-2011, 11:55 AM Parent: #12
عارف يا اللمين يا دوب كده اللوترى حا يجيك وقت انت قنعان منو غايتوا يا اللمين ما عارف انصحك اقول انسى الموضوع ولا كمان حاول كل مره * بس يا اللمين امريكا ما زى باقى الدول يعنى لو مفتكر انك جاى هنا مغترب وداير تلم قروش وترجع ... ما ظنيت ده البلد دى ما زى السعوديه وباقى دول الخليج بالجد حا تحس بالانتماء لامريكا وده بيرجع للسستم بتاع البلد دى ولم تدخل السستم تانى يحلك الحل بله والله صحى
*نصيحه من واحد ضارب ماكدونلز وما داير زول يضوق معاه
Post: #16 Title: Re: قررت مقاطعة اللوتري الى الابــد!! Author: الامين موسى البشاري Date: 10-22-2011, 04:32 PM Parent: #13
Quote: عارف يا اللمين يا دوب كده اللوترى حا يجيك وقت انت قنعان منو
أمير عبد الدائم
ســـلام ... بعد دا لو جاني ما دايره وبالجد توقفت عن التقديم بعد أن جهزت كل شئ
تمنياتي لكم بالتوفيق
Post: #15 Title: Re: قررت مقاطعة اللوتري الى الابــد!! Author: الامين موسى البشاري Date: 10-21-2011, 03:22 PM Parent: #12
Quote: صبُر يا رفيق.
انا لو ما عارف نفسي كُج كان قدمت ليك. لكن نخليك عشان الفيك مكفيّك.
حاشاك من الكج يا دفعة ياااخ الحكاية خلاص فاتت والعمر جرى بعد ما دخلنا نادي الاربعينات ماف داعي للغربة والشلهته بعد دا ... والله صحي
Post: #14 Title: Re: قررت مقاطعة اللوتري الى الابــد!! Author: الامين موسى البشاري Date: 10-21-2011, 03:20 PM Parent: #11
Quote: الأخ الأمين سلامات وتحايا قرارك صائب ويازول مالك ومال غربة امريكا البعيدة دي والله نحن لوما اتبلبلنا كان اتخارجنا اليوم قبل باكر وده كلام زول جاء باللوتري سنة 1996
الاخ الصــاوي
تحياتي وربنا يقدرنا عليه ويقسم لي الخير في غير امريكا ربنا يرد غربتكم سالمين غانمين يا حبيب
تحياتي
Post: #17 Title: Re: قررت مقاطعة اللوتري الى الابــد!! Author: طارق الكوتش Date: 10-22-2011, 04:43 PM Parent: #14
صبر بدون فائدة اذن المقاطعة ماشى كويس >>> اليوم اللوترى وبكره المريخ
Post: #18 Title: Re: قررت مقاطعة اللوتري الى الابــد!! Author: الامين موسى البشاري Date: 10-22-2011, 06:25 PM Parent: #17
Quote: ماشى كويس >>> اليوم اللوترى وبكره المريخ
ليه المريخ اتغلب رايح جاي؟ ولا ولا ولا .......... عنده مدافع بيضوا ليهو الكورة بالطريقة دي
طارق يا حبيب نقاطع اي حاجة الا المريخ
تحياتي
Post: #19 Title: Re: قررت مقاطعة اللوتري الى الابــد!! Author: المعز عبدالمتعال Date: 10-23-2011, 05:37 AM Parent: #18
ربنا يحقق ليك أمانيك و ماتقنع
Post: #20 Title: Re: قررت مقاطعة اللوتري الى الابــد!! Author: الصادق خليفة Date: 10-23-2011, 09:00 AM Parent: #19
يا زول و الله عاقل بعد العمر دا احسن تمسك ليك سبحة وتعبد الله
العبد لله كج زيك من 90 بقدم و ما حصل النصيب عشان كدا قنعت من امريكا دي دنيا واخر
بعد دا بس جبورة جابر من بطن امو للمقابر
Post: #21 Title: Re: قررت مقاطعة اللوتري الى الابــد!! Author: الخير محمد عوض Date: 10-23-2011, 10:24 AM Parent: #20
قول خير يا الامين وان شاءالله يحصل خير
شفت سنةالحردانديياها زااااااتا الحا يجيك فيها اللوتري
بس انت امسك في الحردة دي قوووووي واعمل فيها نظام ما شغال بالموضوع ههههههههههههه
وشكرا يا سيدي لحسن الظن في شخصي المسكين
Post: #22 Title: Re: قررت مقاطعة اللوتري الى الابــد!! Author: فايزودالقاضي Date: 10-23-2011, 10:29 AM Parent: #21
ياقريبي ..سلام ..
Quote: قررت مقاطعة اللوتري الى الابــد!!
هههههههههه فعلا (المايطول العنب حامضاً عنه يقول ) .. هسه منو المقاطع التاني ؟!! انت ولا اللوترى ؟!!..
Post: #27 Title: Re: قررت مقاطعة اللوتري الى الابــد!! Author: الامين موسى البشاري Date: 10-23-2011, 04:11 PM Parent: #22
Quote: هههههههههه فعلا (المايطول العنب حامضاً عنه يقول ) .. هسه منو المقاطع التاني ؟!! انت ولا اللوترى ؟!!..
يا قريبي خلاص قنعنا منه تب وتاني لو جاني لحد هنا ما عايزه نقطة سطر جديد
Post: #25 Title: Re: قررت مقاطعة اللوتري الى الابــد!! Author: الامين موسى البشاري Date: 10-23-2011, 11:23 AM Parent: #21
Quote: قول خير يا الامين وان شاءالله يحصل خير
شفت سنةالحردانديياها زااااااتا الحا يجيك فيها اللوتري
بس انت امسك في الحردة دي قوووووي واعمل فيها نظام ما شغال بالموضوع ههههههههههههه
وشكرا يا سيدي لحسن الظن في شخصي المسكين
الخير
خلاص يا زول كفانا احلام تبددها النتائج خلينا نركز في موضوع تاني.. شكرا يا حبيب على كل ما تقوم به خدمات في ميزان حسناتك يا رب
Post: #24 Title: Re: قررت مقاطعة اللوتري الى الابــد!! Author: الامين موسى البشاري Date: 10-23-2011, 11:07 AM Parent: #20
Quote: العبد لله كج زيك من 90 بقدم و ما حصل النصيب عشان كدا قنعت من امريكا دي دنيا واخر
بعد دا بس جبورة جابر من بطن امو للمقابر
تمام يا اسامه القناعة كنز لا يفنى ولا يستحدث من العـــدم النقعد في الجابره دي ... والله صحي
Post: #23 Title: Re: قررت مقاطعة اللوتري الى الابــد!! Author: الامين موسى البشاري Date: 10-23-2011, 10:57 AM Parent: #19
Quote: ربنا يحقق ليك أمانيك و ماتقنع
جمعاً يا المعز ياااخ مشكور على الدعوات يا حبيب
Post: #26 Title: Re: قررت مقاطعة اللوتري الى الابــد!! Author: بله محمد الفاضل Date: 10-23-2011, 11:39 AM Parent: #23
الأمين سلام
قاليك يا عمك تسعى وراء الحاجة لمن تفتر بعدين تقنع أها قاليك نصيبك بكون في المرحلة بتاعت القنع دي يعني لو صبرت مثلاً وقدمت السنة دي ممكن تظبط فجرب
ومسعلة العمر ما العمر دي ما ليها علاقة بالطموح والنصيب فممكن طموحك ونصيبك يجيك بعد دا
فما تقنع ودعواتنا معاك ربنا يحقق ليك الأماني
تحياتي واحترامي
Post: #28 Title: Re: قررت مقاطعة اللوتري الى الابــد!! Author: الامين موسى البشاري Date: 10-23-2011, 05:53 PM Parent: #26
Quote: فما تقنع ودعواتنا معاك ربنا يحقق ليك الأماني
الأخ بله محمد الفاضل
تحياتي وسلامي ... الله في ورزاق كريم ... يمكن ربنا كاتب لينا حاجة أحسن
