ياااااااااااااااااااااه ما أحلاكم شلتو معاي الهم بالجملة
شعور يلجم حروف القول والله ..
وحشة غريبة حصلت لي ونحن في حتة تشبه تفاصيلا الأولية شوارع السودان؛ وأصريت إني أحبها شارع كرعينو مشققة وثرثرة وشوية صمت متبادل بإقتضاب مع عباس الفحيل رفيق الرحلة دخلنا مزرعة العين للدواجن وتوووش أنقطعنا في منزل عباس محمود لاحظت إنو في أشلاء معركة " مشاوِي" حامية ا########س وندمت علي أيي لُقمة بلعتها من رز كافتريا طرمبة البنزين أعتقد إنو معركة المشاوي دي سنأخذ حقوقنا منها كاملة ونرد أعتبارنا لاحقاً
صراحة أن تعلو العين علي الحاجب وأنطلقنا مرة أخري علي ظهر فارهة كان يمتطيها دكتور أحمد أمين كان الرجل يثرثر بطريقة الكاتل الجدادة وخامّي بيضا ! قطع شك فهو خبير بأمور هكذا دواجن ! العين حتة طييييييييبة وبت حلال يتكاثر فيها الملايكة بطريقة بشرية فيما يبدو كان ده إنطباع سريع وأقرب للحقيقة ولغاية ما قابلنا إبن فرناس الذي لم نجده عباس ولا شتين زولة حبببببببة كده يرتدي صلعة مباركة وقلب حليب وسفنجة خدرا تدل علي صوفية أمها بت أعم أبوها معقولة ؟؟ أنا عملت شنو عشان أخش الجنة سريع كده ؟؟؟ حاجة تحير سيدنا رضوان ذاتو !!! ومشيناااااااااااااا جبل حفيت حفيانين إلا من رغبة مجنونة لإرتقاء سلالم الروح السلام يا روح البدن السلام يا الساكن دروب الشوق السلام الكتل جون قرنق ذاتو صعدنا بإتجاه أرواحنا في طريق كل شوية بغير رايو كان طويييييييييييييل وملولو لكن أهدافو واضح وما فاقد مصداقيتو هسه الجاب سيرة معتصم نيستا منو ؟؟؟
ألذ حاجة هسه ممكن أغالط أيي زول حتي سلطات مدينة العين إني مشيت سلطنة عمان وجيت راجع في أعلي قمة جبل حفيت جاتني رسالة ظريفة من شركة الاتصالات العمانية أشكرهم عليها كثيراً وأحييهم برحبو بي في سلطنة عمان وكده شفتو الناس ديل ظريفين كيف ؟؟ ياخ ناس تعاين ليهم بي فوق الحيطة يقولوا ليك أتفضل حبابك عشرة وأول ما أتدلينا من الجبل كمان ناس العين جزاهم الله كل خير كلفوا مدير شركة الإتصالات شخصياً إنو يرسل لي جواب مظرّف عشان يتحمدل لي السلامة ! والله لو ما خوفي من الرقيب اللغوي كان قلت ديش كده !
نزلنا وروحنا شايلنها في ضحكتنا وبهجتنا ومسرتنا وغسلنا كرعيننا من مشاوير التعب والبهدلة في سرسار موية عينها حارة بتسحر فتر السنين في لمحة بصر
ياخ في مشوار مهم شديد قرّبت أنساه لا حولا لاحولا سماحة بت مغربية ترمِي في الشوك خلتني أحترم طارق ود جبرين ده جداً بي شناتو وجلحاتو ومساختو الملايكة كده واللا بلاش وبلهجة مغربية عسل حنست الجماعة المعاي بالتهينهم وتقطع دلاقينهم كان يشربوا ليهم حجر شيشة عليكم الله دي كان صاطت لي السم الهاري دي أنا بتردد لحظة واحدة ؟؟ شوفو جنس الإفترا ده ! لكن البنغالي ده كرهتو وقلبي أباهُ وهو يشيل ويتحاوم فينا أمشي ياخ لا كيهالي ولا شتين كرهتنا السلام الوطني البنغالي ذاتو !! والله ما تستاهل البقشيش كلو كلو . هسه دي لو كانت المغربية المركبة مكنة موت أحمر كان عباس حاسبها بالإسترليني وما تبقي من العملات الصعبة البت القيامة الرابطة دي عدييييييييييييييييييل أستغفرتك يا مالك روحي !
في النادي السوداني قابلنا ناس والله يفرحو ويسرو القلب ما قادر أحسب ليكم الأسامي ولا الفعايل ولا الكلام الطيب والجلسة الجميلة ولا اللمة الحلوة لكن أديتوني الكتير من رئيس الجالية مشكور كتير ما قصر والله تب فتح لينا قلبو ورئيس النادي كمان طلع مننا وفينا شاعر لطيف ورهيف وأمين الثقافة عثمان الحسين الفدم لي الدعوة لحضور إحتفالات الإستقلال والبورداب غايتو نقول ليكم شنو ونخلي شنو ؟
آء أي في كمان عشوة رهيبة لكن الكدايس ذكرتني سواكن إنتو الكدايس دي شيخ زايد ما خصص ليها بند ؟
بورداب العين أحبكم جداً من الألف للياء
وكلماتي لن توفيكم حقكم
أشكر لكم هذا الجمال
Post: #25 Title: Re: حبيب نورا نور العين ومرحب معاوية الزبير شرفتنا Author: Dr. Ahmed Amin Date: 10-20-2011, 01:28 PM Parent: #24
منور والله ىا عم الحاق ..
ينتابناشعور بالتقصير يا حبيب .. عشان كده مصرين شديد جدن نبرمج لينا واحده تاااانية بس المره ده هنااااااك حيث الشيشة ...
رايك شنو ؟
الفيديوهات والصور حأنزلها مموسقة ومتسقة مع الحكي الجميل الحكيته يا ود يا جميل
Post: #35 Title: Re: حبيب نورا نور العين ومرحب معاوية الزبير شرفتنا Author: baha eassa Date: 10-20-2011, 03:49 PM Parent: #34
Quote: فوق .. فوق .. حبيبنا فوق
الهلال ولا المريخ تقصد ؟ وبعدين الزول دة تريحوه كدة تاني مابيرجع .. كشروا ليهو شوية وطنشوا من تلفوناتو لو ضرب ليكم .. الليلة كان عقد صاحبك محمد اليماني يا حبيب .. في السفارة امة محمد كلها جات في العقد قاردن ستي ماشالتهم ..
Post: #37 Title: Re: حبيب نورا نور العين ومرحب معاوية الزبير شرفتنا Author: Dr. Ahmed Amin Date: 10-20-2011, 04:00 PM Parent: #35
أهلا بيك يا استاذ بهاء...
وقد ذكرناك مرارا في تلك الجلسة الساحرة .. أها انت دق صدرك وتعال لينا بهنا قبل الشتاء
ما يفوت .. عشان تآمن زاتوووو ..
مودتي يا ملك وخليك متابع معانا حفل التوقيع
...
Post: #36 Title: Re: حبيب نورا نور العين ومرحب معاوية الزبير شرفتنا Author: Dr. Ahmed Amin Date: 10-20-2011, 03:55 PM Parent: #34
برنامج حفل تدشين رواية (الحب من طرف ثالث ...)
النادي السوداني - العين
وكما سبقني الأخوان أحببت أن أشيد بالإستقبال الحافل والحميمي من قبل طاقم إدارة النادي
وعلى رأسهم رئيس النادي والجالية السودانية د. تاج السر جعفر والذي بحسن إدارته جعل هذا اللقاء ممكنا
نشكره على كلملته الصادقة ودعمه للبورداب بأن فتح لهم أفخم القاعات في أي وقت يشاءون .. وحرصه الشخصي
على دعم المبدعين والأنشطة المختلفة.. فله وللأخ عبداللطيف شريف وكل أعضاء النادي الذين أشادوا بالأديب يس
Post: #53 Title: Re: حبيب نورا نور العين ومرحب معاوية الزبير شرفتنا Author: ناصر المحسى Date: 10-21-2011, 09:41 AM Parent: #52
Quote: انتو الزول دة مشى يدشن رواية ولا يكسر طلح
يا عباس عمل حسابك . طارق جبريل عينو حارة
Post: #55 Title: Re: حبيب نورا نور العين ومرحب معاوية الزبير شرفتنا Author: abas Date: 10-21-2011, 09:56 AM Parent: #53
Quote: انتو الزول دة مشى يدشن رواية ولا يكسر طلح
يا عباس عمل حسابك . طارق جبريل عينو حارة
يا محسي
انا غياتو ما جاب سيرتي
علي كيفو مع بتاع الطلح داك
Post: #56 Title: Re: حبيب نورا نور العين ومرحب معاوية الزبير شرفتنا Author: Dr. Ahmed Amin Date: 10-21-2011, 10:05 AM Parent: #53
Quote: انتو الزول دة مشى يدشن رواية ولا يكسر طلح
يادكتور الزول ده ناوي على المغرب.. إن جاكم الرسول عرس له مغربيه
بعدين ياخ طلوع الشجرة ده رمز ... وكذلك الصعود لقمة الجبل ... شفت ككيف
اها ات ما ناوي تجينا بجاي ؟؟
تحياتنا لك واسرتك الكريمة
Post: #60 Title: Re: حبيب نورا نور العين ومرحب معاوية الزبير شرفتنا Author: Dr. Ahmed Amin Date: 10-21-2011, 12:24 PM Parent: #53
المحسي ياخ بالغت لكن ..
Quote: يا عباس عمل حسابك . طارق جبريل عينو حارة
دافيه ساي ... ما ها حارة
نحن هسي منتظرين زيارته عشان يدفي لينا العين شوية
لوووووووول
Post: #54 Title: Re: حبيب نورا نور العين ومرحب معاوية الزبير شرفتنا Author: abas Date: 10-21-2011, 09:54 AM Parent: #52
انتو الزول دة مشى يدشن رواية ولا يكسر طلح
طارق جبريل
انت يا زول قاصد شنو قول ساي
Post: #57 Title: Re: حبيب نورا نور العين ومرحب معاوية الزبير شرفتنا Author: Dr. Ahmed Amin Date: 10-21-2011, 11:32 AM Parent: #54
Quote: ومشيناااااااااااااا جبل حفيت حفيانين إلا من رغبة مجنونة لإرتقاء سلالم الروح السلام يا روح البدن السلام يا الساكن دروب الشوق السلام الكتل جون قرنق ذاتو صعدنا بإتجاه أرواحنا في طريق كل شوية بغير رايو كان طويييييييييييييل وملولو لكن أهدافو واضح وما فاقد مصداقيتو هسه الجاب سيرة معتصم نيستا منو ؟؟؟
يا سلااااااام على الحكي .... والله خليتنا نشوف العين بشكل غير ....
Post: #59 Title: Re: حبيب نورا نور العين ومرحب معاوية الزبير شرفتنا Author: Nasruddin Al Basheer Date: 10-21-2011, 11:52 AM Parent: #57
الأخوة الأحباب بورداب العين
كتر خيركم ما قصرتو تب وكنا نتمنى لو كنا حضوراً معكم ونرحب عبركم بالأخ معاية الزبير.. حبيب نورا الظاهر عليهو رجل صالح قدر يجمع هذا الكم من بورداب العين نتمنى أن تتواصل لقاءاتهم ويتحفونا كمان وكمان.. نبارك ليكم جميعاً هذا العمل الجميل ومجتمعين على الخير إن شاء الله..
Post: #61 Title: Re: حبيب نورا نور العين ومرحب معاوية الزبير شرفتنا Author: abas Date: 10-21-2011, 01:45 PM Parent: #59
الأخوة الأحباب بورداب العين
كتر خيركم ما قصرتو تب وكنا نتمنى لو كنا حضوراً معكم ونرحب عبركم بالأخ معاية الزبير.. حبيب نورا الظاهر عليهو رجل صالح قدر يجمع هذا الكم من بورداب العين نتمنى أن تتواصل لقاءاتهم ويتحفونا كمان وكمان.. نبارك ليكم جميعاً هذا العمل الجميل ومجتمعين على الخير إن شاء الله..
الحبيب نصر الدين
تسلم يا غالي من كل شر
Post: #63 Title: Re: حبيب نورا نور العين ومرحب معاوية الزبير شرفتنا Author: Dr. Ahmed Amin Date: 10-21-2011, 07:47 PM Parent: #59
Quote: حبيب نورا الظاهر عليهو رجل صالح قدر يجمع هذا الكم من بورداب العين نتمنى أن تتواصل لقاءاتهم ويتحفونا كمان وكمان.. نبارك ليكم جميعاً هذا العمل الجميل ومجتمعين على الخير إن شاء الله..
فعلا أخي نصرالدين .. لقد كانت فرصة جميلة بأن نلتقي لأول مرة مع بورداب كرام
ونتعرف إليهم عن قرب خارج أسوار الحوش ...
فالشكر لمن جعل هذا ممكنا .. من البورداب وإدارة النادي السوداني الموقرين
Post: #58 Title: Re: حبيب نورا نور العين ومرحب معاوية الزبير شرفتنا Author: ناصر احمد الامين Date: 10-21-2011, 11:45 AM Parent: #52
Quote: انتو الزول دة مشى يدشن رواية ولا يكسر طلح
انت يا زول قايل شنو؟ التدشين دا ما نصو كسير (تلج) ... قصدي طلح
Post: #62 Title: Re: حبيب نورا نور العين ومرحب معاوية الزبير شرفتنا Author: abas Date: 10-21-2011, 01:47 PM Parent: #58
انت يا زول قايل شنو؟ التدشين دا ما نصو كسير (تلج) ... قصدي طلح
Quote: لذ حاجة هسه ممكن أغالط أيي زول حتي سلطات مدينة العين إني مشيت سلطنة عمان وجيت راجع في أعلي قمة جبل حفيت جاتني رسالة ظريفة من شركة الاتصالات العمانية أشكرهم عليها كثيراً وأحييهم برحبو بي في سلطنة عمان وكده شفتو الناس ديل ظريفين كيف ؟؟ ياخ ناس تعاين ليهم بي فوق الحيطة يقولوا ليك أتفضل حبابك عشرة
ظُرُف شديد والله و مالك يعني ما اتفضلت ؟؟؟ النبي فيك كان ما اتفضلت المرة الجاية
