الما عندو خروف ما عندو جلد

جعفر نميري طال عمرو الله يرحمو ويغفر ليهو مرات بجيهو هوشات عاطفية
وفي واحدة من هذه الهوشات مشى كوبر وقال داير ازور المساجين واطلع
ناس الحق العام عشان اعيدوا عيد الضحية مع اولادهم
اها شاف ليهو عربي كبير في السن ومسجون قاليهم دا كمان ساجننو في شنو
قالوا ليهو دا يا ريس لمن حددت اسعار خرفان الضحية ناس الامن مشوا اراقبو
السوق وفي نهاية السوق ناس البهائم كلهن مشوا والباقي هو لوحده مشينا عليهو
ووقفنا جنبو وفي واحد من جماعتو قال ليهو قوم ارح
رد عليهو قال ليهو انا كان ما بعت نميري دا ما بمشي من هنا ويقصد الخروف
ضحك جعفر نميري وقال ليهم انتو ما بتفهموا .. اسع الزول شكرني ما نبذني
لان الخروف دا اقيم حاجة عندو فكيهو واديهو هدية مني .....
.
.
جاتني رسالة في تلفوني الكشاف ( سنة يا ورور ) رسلها لي واحد سعودي :
(بنقلها زي ماهي بلغة اهل الضاد ..... قادر الله الضاد ذاتو بنطقوا غلت )
فيه ناس شارين لهم خروف العيد من شهرين قبله ومدلعينه مره يأكلونه معهم
ويشربونه معهم واذا راحو استراحه ياخدونه واذا طلعوا ائ مكان يروح معهم
وخلاص الخروف حس انه ولدهم ....
يوم جت ليلة العيد يقعد يصيح يصييييح يصييييح دخلوا عليه سألوه : وش فيك تصيح ؟
قال كل الناس شروا خروف العيد الا حنا !!!!!!!!!!!
.
.
عنوان البوست لمثل جديد جادت به قريحتنا الشعبية بعد ان كادت ان تموت الامثال الشعبية

نصيحة للمغتربين
ما تخلوا اولادكم اشوفوا ضبح الخروف لان ذلك قد يؤدي لكرههم لاكل اللحوم نهائيا
كما حدث معي لمحمد ولدي لاسع ما بياكل لحم لانو اول مرة اشوف فيها الخروف
كان فرحان بيهو جدا وصاحبو زي السعوديين الفي النكتة ديل ولمن ضبحنا الخروف
بكى عليه وابى اللكل قال لشنو ضبحتو خروفي البحبو ( اضبحو دا شرير )
ومن يومها كره اللحوم