Post: #1
Title: ثم ماذا بعد السلم التعليمي الجديد ؟
Author: عبدالله ود البوش
Date: 10-19-2011, 11:39 AM
هذه الايام يوجد اقتراح من وزارة التلتلة والتأليم باضافة سنة للثانوي
ليصبح الثانوي اربعة سنوات .
عشان ما تسوا لي سافوتة وتقولوا جبتوا من وين ؟
قريتو في جريدة الخرطوم في الاسبوع الفات زمان كنت بقرأ العناوين واشتري من البقالة
لبن وامشي لكن لمن شفت العنوان دا اتذكرت مقولة لمدير مدرستنا في الابتدائية لمن عملوا
خامسة وساتة قال : ثم ماذا بعد السلم التعليم الجديد؟
وعليه اشتريت الجريدة وقريت الموضوع كويس وعرفت انو الجماعة غلبن البسوا
مرة ساتة
ومرة تامنة
ومرة رابعة ثانوي
|
Post: #2
Title: Re: ثم ماذا بعد السلم التعليمي الجديد ؟
Author: عبدالله ود البوش
Date: 10-19-2011, 11:50 AM
Parent: #1
اول نظام تعليم كان اولية اربعة سنوات وسطى اربعة سنوات ثانوي اربعة سنوات
حتى جا نميري وسوا السلم التعليمي الجديد
ابتدائية ستة سنوات
ثانوي عام تلاتة سنوات
ثانوي عالي تلاتة سنوات
.
.
.
ثم هبت ثورة التأليم
|
Post: #3
Title: Re: ثم ماذا بعد السلم التعليمي الجديد ؟
Author: عبدالله ود البوش
Date: 10-19-2011, 12:01 PM
Parent: #2
يا ربي الناس ديل لمن افكروا في قرارات مصيرية زي دي
بكون في خطة ولا ام دعسي ساهي زي كلامي دا ؟
|
Post: #4
Title: Re: ثم ماذا بعد السلم التعليمي الجديد ؟
Author: عبدالله ود البوش
Date: 10-19-2011, 12:05 PM
Parent: #3
غايتو في النهاية برجعوا للسلم التعليمي القديم
وتبقى علينا حكاية الساطل لمن دخلت عليهو طيرة من الشباك
وطلعت بالشباك التاني قال ليها يعني عملتي شنو اسع ؟
|
Post: #5
Title: Re: ثم ماذا بعد السلم التعليمي الجديد ؟
Author: عبدالله ود البوش
Date: 10-19-2011, 01:08 PM
Parent: #4
موضوع ذو صلة للفائدة
قرارات مجلس إمتحانات السودان لإمتحانات الشهادة الثانوية للعام 2012
قرر مجلس إمتحانات السودان أن يكون إمتحان الشهادة الثانوية لعام 2012
في يوم الإثنين الموافق 19-3-2012 .
المواد التي يجلس لها الطلاب في مارس 2012 :
في إجتماع مجلس إمتحانات السودان والذي عقد في يوم الأحد الثالث من يوليو 2011
والذي ترأسته وزيرة الدولة بوزارة التربية والتعليم العام رئيسة المجلس
قرر المجلس بالإجماع جلوس طلاب الشهادة الثانوية الأكاديمية
لسبع مواد كحد أقصى ابتداءاً من مارس 2012 تفصيلها كما يلي:
1- المساق العلمي:
اللغة العربية - التربية الدينية - اللغة الإنجليزية - الرياضيات المتخصصة - الفيزياء - الكيمياء.
وإحدى المواد التالية:
الأحياء - علوم الحاسوب - العلوم الهندسية - العلوم الأسرية - الإنتاج الزراعي والحيواني - الفنون والتصميم.
2- المساق الأدبي:
اللغة العربية - التربية الدينية - اللغة الإنجليزية - الرياضيات الأساسية - الجغرافيا والدراسات البيئية - التاريخ .
وإحدى المواد التالية:
الدراسات الإسلامية - اللغة العربية المتقدمة - العلوم التجارية - العلوم العسكرية - اللغة الفرنسية - الفنون والتصميم.
http://www.moe.gov.sd/exams012.htm
|
Post: #6
Title: Re: ثم ماذا بعد السلم التعليمي الجديد ؟
Author: عبدالله ود البوش
Date: 10-19-2011, 01:12 PM
Parent: #5
وادناه جدول امتحانات الشهادة السودانية مارس 2012
هوادة ساهي قصرت معاكم وبعد شوية امكن القى لي امتحان واقع
بجيبوا ليكم لكن ما تتكلموا سمح ؟
افجخ هنا :
http://www.moe.gov.sd/table2012.pdf
|
Post: #7
Title: Re: ثم ماذا بعد السلم التعليمي الجديد ؟
Author: محمد سنى دفع الله
Date: 10-19-2011, 01:44 PM
Parent: #6
الحكاية \ دي اخضعوها لدراسة
ولا الكلام ده فجيخ طين ساكت
ومنو القال الكلام
متين التنفيذ
وتسلم اخوي عبدالله
تعال انت البوديك البقالة وقت الجريدة في شنو ؟؟؟؟
|
Post: #8
Title: Re: ثم ماذا بعد السلم التعليمي الجديد ؟
Author: عبدالله ود البوش
Date: 10-19-2011, 02:08 PM
Parent: #7
محمد السني
تحياتي
وسلام وتحية خاصة للود السهروردي وايضا كذلك امو
تصدق قربت اجي مع ناس المحرب لكن تكس ارجع
والمرة الجاية منكن ومن الفيش
.
.
الكلام دا انا قريتو في جريدة الخرطوم وقبل شوية مشيت كست في موقعهم
والله كان مليت كرعي طين ساهي من كترة فجيخ ربط التبن جخخخخ كراعي تغطس في الطين
وعشان ما امرق ايدي فاضية جبت ليكن جدول الامتحانات ما اخير من الكواسة في الفاضي ساهي
.
.
يا خوي الناس ديل عندهم مقترح جديد لاضافة سنة للثانوي بقولوا تحت الدراسة
وبطرحوا الكلام دا في المؤتمر التربوي القادم واظنه قريبا.... يعني تحت الدراسة
| Quote: تعال انت البوديك البقالة وقت الجريدة في شنو ؟؟؟؟ |
الكلام دا نصت نهار سكت عمي يا السني تفكير اظنو مشى بعيد شوية ههههههه......
احترامي وتقديري
|
Post: #9
Title: Re: ثم ماذا بعد السلم التعليمي الجديد ؟
Author: د.نجاة محمود
Date: 10-19-2011, 02:21 PM
Parent: #8
سلامات
فقدت الشهادة السودانية كثير بالسنة الناقصة دي
الان صارت تعادل شهادة لندلن او عشان كدا حيكون السنوان ناقصة لاي خريج
بيكونفي مشكلة معادلة شهادات
الشهادة الدراسية الثانوية العامة المفروض تكون 12 سنة
مع التحية
|
Post: #10
Title: Re: ثم ماذا بعد السلم التعليمي الجديد ؟
Author: عبدالله ود البوش
Date: 10-19-2011, 02:30 PM
Parent: #9
دكتورة نجاة
سلامات
شكرا جزيلا لهذه المعلومة
| Quote: الشهادة الدراسية الثانوية العامة المفروض تكون 12 سنة |
.
.
لكن كمان يا دكتورة الوزارة دي لمن خفضت السنين الدراسية لـ 11 سنة
ما كانت عارفة المعلومة دي ولا بتتخذ القرارات ام دعسي ساهي وزي ما تجي تجي
ولا كمان عندهم البصيرة ام حمد لمعالجة القصور فيما بعد ؟
.
.
.
تقديري واحترامي
|
|