Post: #3 Title: Re: هذه التجربة جديرة بالتطبيق. كهرباء مجان..فيديو Author: بشير أحمد Date: 10-19-2011, 08:34 AM Parent: #2
الفكرة هي: موتور بخطين كهرباء مولد كهربائي ثلاثة خط
وتشبك الاتنين مع بعض
مفتاح كهرباء ذو اتجاهين (كهرباء عامة/كهرباء الدينمو)
Post: #4 Title: Re: هذه التجربة جديرة بالتطبيق. كهرباء مجان..فيديو Author: محمد إبراهيم علي Date: 10-19-2011, 08:47 AM Parent: #3
سلام دكتور بشير
اليوتيوب ما شغال عندي في المكتب :( عشان كدة ما حاقدر افيدك
Quote: موتور بخطين كهرباء مولد كهربائي ثلاثة خط
الموتور شغال بشنو ؟
هناك قاعدة ذهبية ادونا ليها في المدرسة (الطاقة لا تفني ولا تستحدث من العدم) اذا ملتزم بما بين القوسين الفوق ديل اي شي ممكن بعد ذلك غايتو ما داير احبطك ممكن يكون في طاقة رخيصة لكن مجان دي ما اظن في
Post: #5 Title: Re: هذه التجربة جديرة بالتطبيق. كهرباء مجان..فيديو Author: بشير أحمد Date: 10-19-2011, 09:37 AM Parent: #4
الاخ/محمد ابراهيم
تحياتي؛؛؛
ياخوي النِيّة واصلة..
التجربة دي حقيقية ؛الموتور بياخد كهرباء عامة في البداية كـ إستارتر ؛ الدينمو ح يولد كهرباء ؛نقوم نشيل منها شوية للموتور ودي بتتم عن طريق المفتاح المزدوج(كهرباء عامة /دينمو) تحريك المفتاح من (ك/د) بيتم في اقل من 3ثوان وبالتالي ما ح نفقد كتير من زخم الحركة (زخم دي اظنها بالانجليزي تعني quantum)
Post: #6 Title: Re: هذه التجربة جديرة بالتطبيق. كهرباء مجان..فيديو Author: امير عبدالدائم Date: 10-19-2011, 10:08 AM Parent: #5
حاجه غريبه جدا جدا
Post: #10 Title: Re: هذه التجربة جديرة بالتطبيق. كهرباء مجان..فيديو Author: بشير أحمد Date: 10-19-2011, 10:56 AM Parent: #6
شكرا يا امير
الفكرة من حيث المبدا ممكنة ؛لكن استمراريتها كيف؟
وانا اقول ناس شركات الكهرباء ما طورت الموضوع ليه
أكيد فيهو إن واخواتها.
Post: #7 Title: Re: هذه التجربة جديرة بالتطبيق. كهرباء مجان..فيديو Author: محمد عبد الماجد الصايم Date: 10-19-2011, 10:24 AM Parent: #5
Quote: اليوتيوب ما شغال عندي في المكتب :( عشان كدة ما حاقدر افيدك
زيّكـ زي ود البشرى واحد .. والاتنين مهندسين ^_^!!
_ أنجز يا بشير يا عمكـ!
Post: #8 Title: Re: هذه التجربة جديرة بالتطبيق. كهرباء مجان..فيديو Author: محمد إبراهيم علي Date: 10-19-2011, 10:34 AM Parent: #7
يا عمك ود البشرى طلع بيشوف قناة الجزيرة في العربية بتاعتو لووووول
Quote: أنجز يا بشير يا عمكـ!
ينجز شنو في غير حضور المهندزين ياعمك انتو قايلو مقال في جريدة ولا اذاعة ولا حقنة بتاعة مرض سمير لووول بشير الموضوع تاجلو لغاية بالليل :) او يجي واحد من الزملاء البشوفو اليوتيوب ده ويديك النجيضة meanwhile google for (the first law of thermodynamics)x
الموضوع لو بتكلم عن quantum physics نتمنى يجيك محمد قرشي يديك النجيضة نحن ناس بتاعين Classical Physics
Post: #9 Title: Re: هذه التجربة جديرة بالتطبيق. كهرباء مجان..فيديو Author: محمد عبد الماجد الصايم Date: 10-19-2011, 10:53 AM Parent: #8
بتذكر زماااان أساسي جاب الفكرة دي أو حاجة قريبة ليها! قال نشغل جنريتر منو وفيهو .. ولّ حاجة كـدا غريبة زيــو!
المهم ما لقى النجيضة في النهاية!!
Post: #11 Title: Re: هذه التجربة جديرة بالتطبيق. كهرباء مجان..فيديو Author: بشير أحمد Date: 10-19-2011, 11:09 AM Parent: #7
ود الصايم
تحياتي؛؛؛ إنت برضو البتاع مقفّل عليكم اليوتيوب؟مساكين والله الحمدلله نتنسّم عبق الحرية ....يسقط البتاع
والله الفكرة دي من زمان في راسي كنت بفتش عن مراوح لطاقة الرياح لقيت الجماعة شغالين من دقنو وأفتلو زي بطارية العربية تنقُر سِلف بس وتجدعها في اقرب زبالة .
غايتو.. كهربجية البورد نايمين نشوف رايم شنو .
Post: #12 Title: Re: هذه التجربة جديرة بالتطبيق. كهرباء مجان..فيديو Author: محمد عبد الماجد الصايم Date: 10-19-2011, 11:17 AM Parent: #11
Quote: إنت برضو البتاع مقفّل عليكم اليوتيوب
نحن بتاعنا الحكومة يا معلم .. داقشين الحلال كلها في أمانة الله وتيوب فيسبوكـ تويتر .. وبالعكس!!
Post: #13 Title: Re: هذه التجربة جديرة بالتطبيق. كهرباء مجان..فيديو Author: بشير أحمد Date: 10-19-2011, 12:33 PM Parent: #12
شوف ده كمان جاب ضقلها يكركب:
Post: #14 Title: Re: هذه التجربة جديرة بالتطبيق. كهرباء مجان..فيديو Author: بشير أحمد Date: 10-19-2011, 12:48 PM Parent: #13
Post: #15 Title: Re: هذه التجربة جديرة بالتطبيق. كهرباء مجان..فيديو Author: بشير أحمد Date: 10-19-2011, 02:31 PM Parent: #14
UP
Post: #16 Title: Re: هذه التجربة جديرة بالتطبيق. كهرباء مجان..فيديو Author: محمد عثمان الحاج Date: 10-19-2011, 04:20 PM Parent: #15
تحياتي يا بشير، الموضوع ليس موضوع مولد يغذي نفسه بالكهرباء كما تظن أنت لأن ذلك مستحيل حسب القانون الثاني للثرموديناميك، المولد المعروض ليس مولد عادي بل هو حسب ما يزعمون مولد تزيد كفاءته عن الواحد الصحيح طبعا كفاءة جميع الآلات المعروفة تقل عن الواحد، ولكن هذه الآلات المزعومة تستمد طاقتها من نقطة الصفر وطاقة نقطة الصفر معروفة فيزيائيا ولكن لم يتم استغلالها بنجاح حتى الآن ولذلك يمكن أن يكون أصحاب الفيديو صادقين أو كاذبين، الدولة العظمى ترفض تسجيل براءة اختراع لمثل هذه الأجهزة بحجة أنها غير ممكنة، لكن من الواضح أن ظهو مثل هذه الأجهزة سيؤدي لتوقف الطلب عن النفط وحيث أن العملة الرئيسية في تجارة النفط هي عملة الدولة العظمى فانتشار هذه التكنولوجيا سيؤدي لانهيارها لذلك من الطبيعي ألا يسمحوا بها، وإذا صدقنا نظرية المؤامرة هذه فهناك دول كثيرة خارجة عن سيطرة الدولة العظمى ومع ذلك لم يتمكن علماؤها من صنع مثل هذه الأجهزة مما يثير الشك بأن الموضوع ليس سوى نصب واحتيال!
Post: #17 Title: Re: هذه التجربة جديرة بالتطبيق. كهرباء مجان..فيديو Author: محمد عثمان الحاج Date: 10-19-2011, 04:24 PM Parent: #16
حتى الآن الطاقة الوحيدة شبه المجانية الثابتة علميا هي طاقة الاندماج البارد بحسب اختراع الإيطالي البروفيسور روسي الذي يعمل الآن في تشييد أول محطة توليد كهرباء تعمل بالاندماج البارد في العالم بعقد رسمي في إحدى الدول الأوربية:
Post: #18 Title: Re: هذه التجربة جديرة بالتطبيق. كهرباء مجان..فيديو Author: بشير أحمد Date: 10-19-2011, 07:00 PM Parent: #17
الاخ/محمد عثمان تحياتي؛؛؛
التجربة من الناحية العملية ممكنة ؛ شخصيا ح ابدا في التجربة وح ارفع ليكم النتيجة هنا.
Post: #19 Title: Re: هذه التجربة جديرة بالتطبيق. كهرباء مجان..فيديو Author: بشير أحمد Date: 10-20-2011, 09:05 AM Parent: #18
**
Post: #20 Title: Re: هذه التجربة جديرة بالتطبيق. كهرباء مجان..فيديو Author: محمد إبراهيم علي Date: 10-20-2011, 10:09 AM Parent: #19
تحياتي بشير معليش مفروض نجيك راجعين بس مشاغل محمد عثمان تحياتي
Quote: حسب القانون الثاني للثرموديناميك،
القانون الاول للثيرمودايناميك يقول (الطاقة لا تفني ولا تستحدث من العدم) والقانون الثاني يتحدث عن تحول الطاقة الى اشكال اخرى energy conversion واعتقد على حسب اخر معوماتي ان هذين القانونين still valid
نرجعلك يا بشير المشكلة ان الطاقة التي تاخذها من مصدر الكهرباء لادارة الموتور تستهلك في 1- الهدر داخل الموتور نفسه وهذه تسمى motor losses ودي عادة لتسهيل الحسابات بنعتبرها Negligible ودي عادة بتتراوح على حسب كفاءة الموتور والمواد المستخدمة في تصنيعه من 1% الى 10% المتبقي وده الاهم هو ما تستخدمه لادارة المولد يللا تعال شوف البحصل شنو المولد نفسو بيحصل فيهو هدر بنفس الطريقة اعلاه فلو مثلا الموتور بتاعك طاقته 100 كيلووات انت مثلا باحسن الاحوال ممكن تاخد منو طاقة حركة بتاعة 95 كيلو وات يبقي مولدك مفروض طاقتو ما تكون اعلى من 90 كيلووات تعمل حساب اللوسس البتحصل فيهو يبقي انت حتاخد من المولد طاقة بتاعة 90 كيلوات يللا العملية مربوطة بحاجة مهمة جدا وهي استمرلاارية مصدر الطاقة بالنسبة للموتور والمولد فلما تفصل الموتور من الكهرباء الموتور ما حيقيف طوالي حيكون شغال بحاجة اسمها (Self momentum (inertia بس دي بتعمد على الحمل اللهو مشغلو يعني ممكن يقيف بعد شوية لو مشغل ليهو حمل عالي زي ما بيحصل لما العربية تقطع بنزين بتمشيك شوية حت تقيف لكن لو دست فرامل او لاقاك مرتفع العربية بتقيف اسرع بجيك راجع تاني
Post: #21 Title: Re: هذه التجربة جديرة بالتطبيق. كهرباء مجان..فيديو Author: محمد عثمان الحاج Date: 10-20-2011, 06:07 PM Parent: #20
لك التحية أخي محمد إبراهيم علي ولعل الأخ بشير يقتنع بقولك ويوفر على نفسه التعب ولا لوم عليه فهو غير متخصص في هذا المجال، لكن المصيبة أن يأتي خريج هندسة بزعم أنه تمكن من تحويل محرك السيارة العادية وجعلها تعمل بالماء وتنشر إحدى الصحف السودانية الخبر مشفوعا بصورة المهندس المخترع وينقله أحد الإخو للبورد فأرد عليه أنا بما يشابه الرد السابق، وهو ما حدث قبل أشهر! طبعا إضافة جهاز تحليل كهربائي للسيارة ليستخرج الهيدروجين من الماء ثم يقوم بتشغيل السيارة به هو نفس الفكرة أعلاه ولكن بطريقة مختلفة وهي بالطبع تخالف القانون الثاني للثرموديناميك والقانون الأول أيضا! الحمد لله أنه لايزال في السودان مهندسين!
هذا فيما يخص المولد العادي، أما المولدات التي تستخرج طاقة نقطة الصفر أو ما يسمى بالـ over-unity devices فأتمنى أن يبحث فيها أمثالكم من المتخصصين في السودان . طبعا أول من صنع مثل هذا المولد هو المهندس الصربي العبقري نيكولا تسلا الذي لازالت أوراقه حتى الآن مضروب عليها أقصى درجات السرية رغم مرور أكثر من نصف قرن منذ وفاته، حيث قام بتشغيل سيارة ذات محرك كهربائي بدون بطارية بل بمجموعة من الملفات والمقاومات قام بتجميعها أمام الصحفيين في صندوق وتجد تفاصيل القصة هنا العجيب أنه لم تبق أي نسخة من الصحف التي نشرت الخبر حينها: