Post: #1
Title: أخيرا سودانير تهبط في مطار الوطن
Author: صلاح غريبة
Date: 10-19-2011, 00:28 AM
Parent: #0
Quote: كشفت مجموعة عارف الكويتية عن توقيعها لاتفاق مع الحكومة السودانية تم بموجبه إرجاع «سودانير» للحكومة. وقد تم توقيع الاتفاق في الكويت بحسب موقع «كويت نيوز»، بين المجموعة ويمثلها الرئيس التنفيذي محمود خالد الجسار،
والحكومة السودانية ويمثلها وكيل وزارة المالية مصطفى حُولي.. وبلغت قيمة الصفقة «125» مليون دولار أمريكي لكامل حصة مجموعة عارف الاستثمارية في الخطوط الجوية السودانية يتم سدادها على فترة أربع سنوات، وتم استلام الدفعة الأولى منها وتبلغ قيمتها «15» مليون دولار، وهذا استكمال للعقد المبدئي الذي وُقِّع في «25» أغسطس «2011». |
الحكومة تسترجع «سودانير» مقابل «125» مليون دولار
|
Post: #3
Title: Re: أخيرا سودانير تهبط في مطار الوطن
Author: صلاح غريبة
Date: 10-19-2011, 00:47 AM
Parent: #2
Quote: غُريبة ياخ الخبر ده قديم خلاس
ومن زمان الخرابي دي رجعوها عصابة عارف الإجرامية
وكمان أزيدك من الشعر بيت
رجعوها فطيسة وجنازة بحر.....
كدي أسأل حبوبتك بتكون عارفة وما كلمتك....
|
الشايقي..
.الخبر القديم الانت قاصدو هو الاتفاق المبدئي التم في اغسطس الماضي..
.اما خبرنا دا فهو الاتفاق النهائي ..
وناس عارف قبضوا المقدم والباقي اقساط..
.وينا الفطيسة وجنازة البحر وين؟؟؟..
.حبوبتي بتسلم عليك وبتقول ليك اعن عوين زيمبابوي ما عاقنك!!!!
وبمناسة غريبة ( بالضمة او الفتحة )
وانت شايقي
اسال اهلك الشايقية في تنقاسي السوق وسمعريت والدهسيرة والزومة والقرير
هم يوروك الاسم الصاح .......
ويوروك كمان مترة غريبة
وجنائن سيد غريبة
وحيشان ناس غريبة
ياريت تجرب فانت قريب من الحتات ديك
|
Post: #4
Title: Re: أخيرا سودانير تهبط في مطار الوطن
Author: ismeil abbas
Date: 10-19-2011, 09:14 AM
Parent: #3
Quote:
الشايقي..
.الخبر القديم الانت قاصدو هو الاتفاق المبدئي التم في اغسطس الماضي..
.اما خبرنا دا فهو الاتفاق النهائي ..
وناس عارف قبضوا المقدم والباقي اقساط..
.وينا الفطيسة وجنازة البحر وين؟؟؟..
|
إذن عنوان الخبر كان يكون غير ذلك...
سودانير تبدأ فى دفع أقساطها لشركة عارف.
عارف تستلم أول قسط من سودانير..
سودانير يعنى ماكانت تهبط فى مطار الوطن قبل ذلك؟؟؟
التحية للجميع.......
|
Post: #5
Title: Re: أخيرا سودانير تهبط في مطار الوطن
Author: عثمان الشيخ
Date: 10-19-2011, 09:28 AM
يعني يا غريبة
تبيعوها تجو تقولو المستثمرين دخلوا البلد والحال ح ينعدل !!
تبقى جنازة بحر (وينسرق خط ) من خطوط طيرانها والمستثمر ينسجب منها وتجو تحسبو علينا انجاز
انتو قايلن الشعب دا عندو قنابير !!
كدي في الاول ورينا
بعتوها بي كم ؟ والعمولات كانت كم ؟ وشالها منو ؟
والخط الباعو منو ؟ وبي كم ؟ وقروشو مشت وين ؟
والحكومة في عملية البيع واعادة الشراء ربحت ولا خسرت ؟
|
Post: #6
Title: Re: أخيرا سودانير تهبط في مطار الوطن
Author: محمد عبد الماجد الصايم
Date: 10-19-2011, 10:45 AM
Parent: #5
| Quote: اعن عوين زيمبابوي ما عاقنك!!!! |
شايف حبوبتكـ متابعة موضوع العوين!!
|
Post: #7
Title: Re: أخيرا سودانير تهبط في مطار الوطن
Author: صلاح غريبة
Date: 10-20-2011, 06:52 PM
Parent: #6
Quote: شايف حبوبتكـ متابعة موضوع العوين!!
|
ود الصايم يا رائع...
حبوبتي متمحنة في الرجال البتمنوا يغتصبوهم عوين زيمبابوي..
وكمان عايزين عناوينهن.
|
|