Post: #1
Title: الأمل يتراجع عن الانسحاب ويوافق على أداء مباراته مع الهلال !!!!
Author: تاج السر محمد حامد
Date: 10-18-2011, 10:50 PM
المصدر كفر ووتر
وافق فريق الامل عطبرة رسميا على اداء مباراة الغد ضد الهلال باستاد الخرطوم في قبل نهائي بطولة كاس السودان وذلك بعد تدخلات عليا على مستوى حكومة ولاية نهر النيل ..وتفيد متابعات الصحيفة ان قيادات اتحاد الكرة قد بذلوا مجهودات كبيرة مع ادارة النادي ليُعدِّل من قرار انسحابه من البطولة وتواصلت الجهود حتى وصلت لاحد النافذين في حكومة ولاية نهر النيل والذي تدخل على الفور وطالب ادارة الامل باداء المباراة في التاريخ المذكور بطلب من حكومة الولاية ..وكان قد تابعت الصحيفة امس باستاد الخرطوم خلال مباراة الجبل كريمة والنسور جبل اوليا في المرحلة النهائية في تاهيلي الممتاز حديث مطوّل جمع بين مدرب الامل الكابتن محمد الطيب و بعض اقطاب وصحفيي المريخ الذين شهدوا المباراة وعلى رأسهم السيد جمال الكيماوي . .ورصدت الصحيفة حديثهم الذي طالب محمد الطيب بضرورة إقناع ادارة الامل باداء هذه المباراة لهزيمة الهلال المثقل بالجراح بعد خروجه الافريقي.
ماذا يعنى هذا التراجع ..
واين ذهبت أحاديث مجلس إدارة الأمل !!
أشياء مذهلة ..
وتراجع مزر !
وحسبى الله ونعم الوكيل ..
تاج السر
|
Post: #2
Title: Re: الأمل يتراجع عن الانسحاب ويوافق على أداء مباراته مع الهلال
Author: تاج السر محمد حامد
Date: 10-19-2011, 00:03 AM
Parent: #1
| Quote: التحية والشكر لكم يا إخوتي في أمل عطبرة وأنتم تؤكدون بأنكم أهل المواقف وأهل العزم وآمل من الإخوة في الاتحاد تدارك هذا الأمر بالصورة التي تؤكد احترامهم للأندية التي لولاها ما كانوا ولن يكونوا. |
ياأأأأخ صلاح إدريس الارباب
أها ..
شن قولك ..
الأمل تراجع عن الانسحاب ..
وسيؤدى مباراته غدا مع الهلال ..
عجبى ..
تاج
|
Post: #3
Title: Re: الأمل يتراجع عن الانسحاب ويوافق على أداء مباراته مع الهلال
Author: تاج السر محمد حامد
Date: 10-19-2011, 06:54 AM
Parent: #2
تابعوها على قناة قووون
المباراة ستقام اليوم بمشئة الله
واليوم يومك يابطيحان !!
الأمل قوة وجسارة ..
تحياتى ..
تاج السر
|
Post: #4
Title: Re: الأمل يتراجع عن الانسحاب ويوافق على أداء مباراته مع الهلال
Author: زهير الزناتي
Date: 10-19-2011, 07:10 AM
Parent: #3
يا تاج القرار متوقع .....
الاندية الصغيرة لا سند لها ... عشان كده ما تبقدر تتخذ مثل هذه القرارات القوية
لم اتابع تداعيات الانسحاب الا اني ضد أخذ القانون بالقوة رغم أن الاتحاد العام
يخضع القانون لمزاجية هلال مريخ ... ويطوعه لمصلحة الفريقين ... كلي أسف لعدم
وجود سيستم يحكم الكرة السودانية .... ولا تطبيق عادل للقانون ... تسقط
امبراطوريتي الهلال والمريخ .... ولتحيا دولة العدل والمساواة أمام اللوائح
هاردلك أمل عطبرة وكل الفرق التي تهضم حقوقها نهاراً جهاراً ....
|
Post: #7
Title: Re: الأمل يتراجع عن الانسحاب ويوافق على أداء مباراته مع الهلال
Author: تاج السر محمد حامد
Date: 10-19-2011, 07:35 AM
Parent: #4
Quote: يا تاج القرار متوقع .....
الاندية الصغيرة لا سند لها |
الحبيب الغالى زهير
تحية وأحترام ،
بالفعل .. الاندية الصغيرة لاسند لها
وخير دليل ..
هذه المهذلة ..
أسرة نادى الأمل ..
أقسمت ..
لاتراجع من القرار ..
لكن ومثل ماقالوا
كلام الليل يمحوه النهار ..
فتك بعافيه زهير أخوى ..
تاج السر
|
Post: #5
Title: Re: الأمل يتراجع عن الانسحاب ويوافق على أداء مباراته مع الهلال
Author: فايزودالقاضي
Date: 10-19-2011, 07:10 AM
Parent: #3
الصفوة الشقيق الحبيب ..استاذنا تاج السر ,,,سلامات ..
كنت زعلان لانسحاب الامل وكنت شايف انه بيخدم الهلال وسعدت جداً عندماً قرأت تراجعه هذا الصباح ...
كلنا امل بإذن الله ...
اخبار الهلال شنو في دوري الابطال ؟!! وصل النهائي ولا لسه ؟!!
|
Post: #6
Title: Re: الأمل يتراجع عن الانسحاب ويوافق على أداء مباراته مع الهلال
Author: محمد المسلمي
Date: 10-19-2011, 07:27 AM
Parent: #5
الاخ تاج السر ناس الامل ماعندهم موقف ودايرين الدخل حق المبارة
ليس غير وماعارفين ان الصفراب ديل جماهيرهم لن تحضر بسبب الاحباط
|
Post: #10
Title: Re: الأمل يتراجع عن الانسحاب ويوافق على أداء مباراته مع الهلال
Author: تاج السر محمد حامد
Date: 10-19-2011, 07:48 AM
Parent: #6
Quote: الاخ تاج السر ناس الامل ماعندهم موقف ودايرين الدخل حق المبارة
ليس غير وماعارفين ان الصفراب ديل جماهيرهم لن تحضر بسبب الاحباط |
أخونا الماخمج
محمد ود المسلمى ..
سلامنا ليك بلاحدود ..
مبسوط منك ..
لأنك جبتها من الآخر ..
دون رتوش أو بلا رتوش ..
الجماعة محتاجين ..
للقريشات ..
وأصبح كلامهم ..
زى حلاوة ( مافى) بتاعة الاطفال ..
عجبى ..
فتك بعافية ياود المسلمى ..
تاج السر
|
Post: #8
Title: Re: الأمل يتراجع عن الانسحاب ويوافق على أداء مباراته مع الهلال
Author: تاج السر محمد حامد
Date: 10-19-2011, 07:39 AM
Parent: #5
Quote: كنت زعلان لانسحاب الامل وكنت شايف انه بيخدم الهلال وسعدت جداً عندماً قرأت تراجعه هذا الصباح ...
كلنا امل بإذن الله ...
|
جمل الشيل .. صفوتنا الغالية
ود القاضى
تحية ومعاها أحترام وبجوارها تقدير
معقولة بس
ما عاش البزعلك يا امير الأمراء ..
فقط تابع المباراة حتى ولوكنت فى تونس
ماتنسى .ز سمح ..
تحياتى وتقديرى ..
تاج السر
|
Post: #9
Title: Re: الأمل يتراجع عن الانسحاب ويوافق على أداء مباراته مع الهلال
Author: صبري طه
Date: 10-19-2011, 07:45 AM
Parent: #8
غايتو يا مريخاب حيّرتو البلّي ذاتو ...
شغالين بأخبار الهلال أكثر من جماهير الهلال ذاتا ...
هسي الخبر الجايبو دة صدقني يطرشني منو ... لولا تاج السر محمد حامد .. كانت المباراة الليلة فاتتني ...
تشكر يا غالي ولك كوم من الورد ياخ 
|
Post: #11
Title: Re: الأمل يتراجع عن الانسحاب ويوافق على أداء مباراته مع الهلال
Author: تاج السر محمد حامد
Date: 10-19-2011, 07:54 AM
Parent: #9
| Quote: تشكر يا غالي ولك كوم من الورد ياخ |
الحبيب الغالى
صبرى ود طه
أعلك زين ..
ياخوى تسلم من الطرش ..
بس ..
شاهد المباراة ..
وجيب معاك
قرصين من الباندول
وماتخلى قدامك تربيزة أو عدة شاهى ..
سمح ..
ومشكور على الهدية القيمة ..
باقات من الورد الاحمر ..
ما أجمل ذلك ..
ودى وأحترامى
وفتك بعافيه ..
تاج السر
|
Post: #12
Title: Re: الأمل يتراجع عن الانسحاب ويوافق على أداء مباراته مع الهلال
Author: ابراهيم محمد الحسن
Date: 10-19-2011, 08:46 AM
Parent: #11
ود القاضي ،،
| Quote: اخبار الهلال شنو في دوري الابطال ؟!! وصل النهائي ولا لسه ؟!! |
لسة ،،
منتظرين نتيجة الترجي والوداد الأسبوع الجاي ،،
كااااااااااااااااااااااااااااك ،،
|
|